ئهڤرۆ نيوز:
ههلبژارتيێ عيراقێ تووشى خوسارهتيهكا ب ساناهى بوو ل سهر دهستێ ههلبژارتيێ كورديا باشوور ب دو گۆلێن پاقژ ژ ئهنجامێ ياريێن چارێك دووماهيا كاسا نهتهوێن ئاسيا.
نووترين نووچه
- سەرۆك بارزانی: ب چو ڕەنگەكی ڕێ ناهێتە دان هەرێما كوردستانێ ببیتە پەناگەهەك بۆ گەندەلكاران
- سەرۆكێ هەرێمێ و سەرۆكێ دەستەیا دەستپاكیێ یا فیدرال ب هێزكرنا هەماهەنگیێ گەنگەشە كر
- دەرهینانا سووریێ ژ لیستا تیرۆرێ پێنگاڤەكا گرنگە
- وەزیرێ نەفتا ئیراقێ پشكا نەفتا خاڤ یا هەرێما كوردستانێ زێدە ناكەت
- وەزارەتا پێشمەرگەی: ئەركێ سەربازی یێ هێزێن ئەلمانیایێ ل هەرێما كوردستانێ ب دووماهی هات
- دو خواندنێن جودا بۆ رەوشا نها یا رۆژئاڤایێ کوردستانێ دهێنە کرن
- هیڤیدارم ئەڤ هەلكەفتا پیرۆز خێر و خۆشی و دادیێ بۆ دەڤەرا مە ب دەست بینیت
- بیرەوەرییا ژ دایكبوونا پێغەمبەری (س.خ) دەلیڤەیا نووژەنكرنا مرۆڤدۆستیێ یە
- بیرەوەرییا ژدایكبوونا پێغەمبەری (س.خ) ل هەموو ئالییەكی پیرۆز بیت
- ئەنفال پیلانەكا ڕەش بوو بۆ گوهۆڕینا دیموگرافییا كوردستانێ، لێ گەلێ مە سەركەفت
سهرهكى نووترين نووچه
كۆبانێ چهند ژ سهدێ د دهستێ هێزێن كوردى دايه؟
ئهڤرۆ نيوز:
رهوانگهها سورى بۆ مافێن مرۆڤى راگههاند كو هێزێن كوردى دهستێ دانايه سهر 90% ژ باژێرێ كۆبانێ پشتى شياين پێشڤهچوونێ ل تاخێ “كانى كوردان” ب دهست ڤه بينن و دهست دانا سهر قوتابخانا “تشرين” و پێشكهفتنا وان ل جهێن كوژهك يێن باژێرى.
ئهڤێ رهوانگههێ ئهو چهنده ژى دايه زانين كو پشتى شكهستنێن بهرچاڤێن رێكخستيا داعش، ئهوان نێزيكى 140 كهسان برينه بهروكێن شهرى كو ههموو د بن ژيێ 18 ساليێ دانه و شيانه كوشتنا شهش كهس ژ وان ژى ب بهلگه پشت راست بكهن.
دايه زانين ژى كو ئهڤرۆ هێزێن كوردى شياينه دهستێ خوه بداننه سهر گوندێ “ماميد” باشوورێ رۆژئاڤايێ كۆبانێ و دوهى ژى شيابوون ل گوندێ “تهرمهك” يا د ناڤبهرا دۆلا مشتهنورێ و رێيا حهلهب كۆبانێ دا بگرن ژ ئهنجامێ ئهو شهرێ د ناڤبهرا وان هێزێن رێكخستيا داعش دا.
ديسا ل ناڤ باژێرى ژى شياينه دهستێ خوه بداننه سهر قوتابخانه “شهريعه” و مزگهفتا “سيدان”.
فرۆكێ ههڤپهيمانان دو ههمهرێن تژى داعش سوتن
ئهڤرۆ نيوز، بارزان مزوورى:
بهرى دهمهكێ كێم فرۆكێن شهركهرێن هێزێن ههڤپهيمانان هێرش كره سهر دو ههمهرێن داعش يێن پڕى چهكدارێن وان د ئهنجام دا هێرشا وان ب سهركهفتى ب دووماهى هات و ئهو داعش يێن د ناڤ ههمهران دا ب ههمهر ڤه هاتنه سوتن.
ب گۆرهيى ژێدهرهكێ پێشمهرگهيى كو ئهڤرۆ نيوز پاراستن ل سهر ناڤێ وى كريه ل گوندێ خۆرسهبات كو دووماهى خالا سنورى يا چهكدارێن داعشه ل ميحوهرێ ناوهران، فرۆكێن شهركهرێن هێزێن ههڤپهيمانان هێرش كره سهر دو ههمهرێن داعش يێن پڕى چهكدارێن وان د ئهنجام دا هێرشا وان ب سهركهفتى ب دووماهى هات و ئهو داعش يێن د ناڤ ههمهران دا ب ههمهر ڤه هاتنه سوتن.
ههردو كوڕێن حوسنى موبارهك ئازاد كرن
ئهڤرۆ نيوز:
ئاژانسا دهنگوباسێن مسرى يێ “اليوم السابع” ژ زارێ ئهسوشيهيتيت پرێس راگههاند كو حوكمهتا مسرێ ههردو كوڕێن حوسنى مبارهك ئازاد كرن.
ژێدهرهكى بێى كو ناڤێ خوه بۆ “اليوم السابع” ئاشكهرا كهت ئاماژه ب وێ چهندێ كريه كو ترۆمبێلهكا مينى پاس ههردو كوڕێن حوسنى مبارهك جهمال و عهلا ژ زيندانێ دهرخستينه و بهر ب پهيمانگهها پۆليسان يا نێزيك زيندانا طهره يا ئهو لێ د زيندانكرى بريه و پشتى نوونهراتيا گشتى ئهو ئازادكرين ترۆمبێلهكا كيا كو بابێ ههڤژينا جهمال هنارتيه پهيمانگهها پۆليسان ههردو كوڕێن حوسنى مبارهك بهر ب جههكى برينه.
د ههمان دهم دا، ژێدهرێن وهزارهتا ناڤخۆ يا مسرى ژى ئهڤ چهنده بۆ “اليوم السابع” رهتكريه و ئاماژه ب وێ چهندێ كريه كو ههتا نوكه ههردو كوڕێن موبارهك يێن د زيندانێ دا د دهستهسهركرينه.
بهايێ زێر و زيڤێ ل بازارێن دهۆكێ
گوهۆڕين كهفتنه رهوشا دراڤى
پێلهكا باران بارينێ دێ ب سهر ههرێمێ دا هێت
ئهڤرۆ نيوز:
پشكا پێشبينيان ل رێڤهبهريا گشتيا كهشناسى و بيڤهلهرزێ ل ههرێمێ راگههاند كو ژ ئهنجامێ زێدهبوونا فشارێن نزمێن دهريا سۆر بۆ سهر ههرێما كوردستانێ، دێ ئهسمانێ كوردستانێ بيته ئهور و ل رۆژا چارشهمبى دێ هندهك چپكێن بارانێ بارن و ب شهڤ ژ ئهنجامێ هاتنا فشارێن بلندێن دهريا ناڤهراست دێ ئهڤ باران بارينه زێدهتر لێ هێت و ل دهڤهرێن چيايى دێ بهفر ژى باريت.
رێڤهبهريا گشتيا كهشناسى و بيڤهلهرزێ ل ههرێمێ دايه زانين ژى كو دێ كاتێكرنا ڤان فشاران ههتا رۆژا شهمبى ل سهر ههرێما كوردستانێ ب ئاشكرايى مينيت و پاشان دێ لاواز بن و نامينن.
دێ گوھۆڕینان کەت
ئەڤرۆ نیوز، مللەت جەمال:
ژێدەرکێ نێزیک ژ کارگێریا یانا پێشمەرگەیا ھەولێر دیارکر کو دێ دەستا ژ چار یاریکەرێن خوە بەردەن و ھەروەسا دێ پیشەکارێ خوە یێ مسری ژی دوورئێخن
زێدەتر ھەمان ژێدەر بو ئەڤرۆ نیوز دیارکر ب مەرما بھێزکرنا تیمێ بو یاریێن قواناغا بھێت یا خۆلا کوردستانێ کارگێریا یتیمێ دێ دەستا ژ ھەر چار یاریکەرێن خوە “ئامانج فەخرەددین ، مازن عەزیز، نیچیرڤان پاشا و شێرزاد محەمەد بەردەت و لجھێ وان ھندە ک یاریکەرێن دی ل تیمێ زێدەکەت”.
لدووماھیێ ھەتمان ژێدەر دیارکر پیشەکارێ مسری ئەحمەد حوسنی ئەوێ ل ھێلا ھێرشبەریێ یاریێ دکەت دێ ھێتە دوورکرن و ل جھێ وی بەرەڤانەکا دێ ھیت ب مەرەما بھێزکرنا ھێلا بەرڤانیێ.
یانا پێشمەرگا ھەولێر پشتی بدووماھیک ھاتنا قوناغا ئێکێ یا خولا نایابا تەپا پێی یا ھەرێما کوردستانێ ب ١٣ خالان ل رێزا نەھێ دھێت
بۆ پیستێ دوھنی
ئهڤرۆ:
پیستێ دوھنی دھێتە نیاسین ب دەرکرنا رێژەیەکا بەرچاڤ ژ دوھنی ل سەر پیستی و ئەڤ چەندە گەلەک جاران دبیتە ئەگەرێ دەرکەفتنا پرسکێن دوھنی و زیوان ڤەبوونا خانێن پیستی، لەورا شارازایێن پیستی ماسکێن جودا جودا بۆ ڤی جورێ پیستی بەرھەڤ دکەن و ژ باشترین وان ماسکا ماسکێ ھێک و ھنگڤینی یە کو پێک دھێت ژ سپیلکا ھێکەکێ، کەچکەکێ مازن یێ ھنگڤین و کەچکەکێ ئاڤا لیمونان دێ باش تێکەل کەیی و ل دێمێ خوە دەی و پشتی بورینا ٢٠ خولەکان ب ئاڤا تێنشیر شوی.
پارتى رازى بوو
ئهڤرۆ نيوز:
ئهندامهكێ شاندێ دانوستاندنكارێ پارتى ديموكراتى كوردستان بۆ پێكئينانا حوكمهتا خۆجهيا سلێمانيێ ل گهل ئێكهتى نشتيمانى كوردستان و بزاڤا گۆڕان بۆ مالپهرێ PDK.info راگههاند كو بهرسڤا پارتى بۆ پێشنيازێن وان يا ئهرێنى بوو.
پشتى د دو رۆژێن بۆرى دا، شاندێ دانوستاندكارێ ئێكهتى نشتيمانى كوردستان و بزاڤا گۆڕان سهرهدانا پارتى ديموكراتى كوردستان كرى بۆ دانوستاندنێ ل سهر حوكمهتا خۆجهيا سلێمانيێ، چهند پێشنيازهك خستبوونه بهر پارتى ديموكراتى كوردستان ب مهرهما پشكداريكرنێ د حوكمهتا خۆجهيا سلێمانيێ دا و بهرسڤا پارتى ژى بۆ وان يا ئهرێنى بوو.
زياد كاكه رهزا گۆت: “ئهم يێن ل سهر خالێن وان رازى بووين، ب تنێ ئهوان سێ پۆستێن رێڤهبهرێن ناحيا ب مه دابوون و ئهو ناحيه د بچووك بوون، مه خواستيه ناحيێن مهزن ب مه ب دهن، ل گهل هندهك پۆستێن ئيدارى”.
دا زانين كو ئهو دێ چاڤهرێ كهن كا دێ بهرسڤا ئێكهتى نشتيمانى كوردستان و بزاڤا گۆڕان بۆ وان چ بيت.
پارتى ديموكراتى كوردستان ل سلێمانيێ داخوازا ئێك ل سهر 10 يا پۆستێن پارێزگهها سلێمانيێ دكهت و ئهو رێژه ژى ئهوه يا د ههلبژارتنێن وێ پارێزگههێ دا ب دهست خوه ڤه ئينايى و ب مافێ خوه دزانيت.
نيشاندان
WP Facebook Auto Publish Powered By : XYZScripts.com