ئەڤرۆ:

زارڤەکەرێ کومێدی خەلیل قەدشی، بۆ بەرپەرێ ھونەری دیارکر کو چو جاران کارێ ھونەری نەکریە بۆ پاران، گۆت: دەمێ من ل رادیۆیا سەرسنکێ کاردکر، پاشان تەلەفزیۆنا (کوردستان) چارسالان بێ بەرامبەر من بۆ تەلەفزیۆنا (کوردستان) کارکریە و مە نانێ خوە ژ مالا خوە دبر، خەلک ب مەڤە ھاتە گرێدان .

خەلیلی گۆت ژی: ژبلی کارێ زارڤەکرنێ من خارنگەھەک ھەیە بەلێ کارێ زارڤەکرنێ ژی دکەم، دەمێ دچمە بازاری یان ژی دەمێ دچمە جھەکی کەسەک وێنەکی ل گەل من دگریت کەیفا من گەلەک دھێت، ئەڤە من پال دەت خزمەتەکا مەزنتر بکەم

گۆت ژی: چ جاران من ل بەرنینە زارڤەکرنێ بھێلم چونکو ئەڤە ئارازویەکە خودێ دایە من ھەتا نوکە زارڤەکەر بووین دبیت ببینە پێشمەرگە و ھونەری بھێلین وخزمەتا ئاخا خوە بکەین،  خەلیلی گۆت: پێنچ فلم مە ب دووماھیی ئیناینە، بەلێ ھەتا نوکە نەھاتینە بەلاڤ کرن، ئەڤ کارە ژی بەرھەمێ کۆمپانیا (نوژەن)ە

گۆتژی: گەلەک جاران من رۆلێ خوە رەت کریە، ھەتا نوکە مە دەرھێنەرنینن و ب ھەموو دەرھێنەران نەیێ رازیمە، کارێ وان یێ لاوازە، بەلێ ژکارێ (ئەکرەم کونفوی ) یێ رازیمە ھەروەسا (ژارۆ دھوکێ) گەلەک ھاریکاریا من کریە .

خەلیلی ئاشکراکرژی کو پشتی سەرێ سالا نوو ل بەرە بچنە دەرڤەی وەلاتی بۆ ئەنجامدانا چەند کارێن ھونەری ل وەلاتێ سویسرا وئەلمانیا.

ئەڤرۆ نیۆز، سالار دۆسکی:

سترانبێژێ دەنگ خوەش لۆقمان دۆسکی، ب مەرەما بلندکرنا مورالا پێشمەرگێ کوردستانێ، سروودەک بناڤێ(دیسا دوستا تە تڤنگە) ژ پەیڤێن عسمەت خابوور و ئاوازێن شەعبان سلێمان چێکر ژ قۆناغا تۆمارکرنێ بدووماھی ھات و ژڤانە ب ھاریکاریا تەلەڤزیۆنا وار سروودا ناڤبری کلیپ بکەت.
لوقمانی ھێشتا گۆت: ستران ل سەر پێشمەرگێ کوردستانێ یە و ب شێوەکێ مودرن ھاتیە چێکرن، کەنالێ وار دێ کلیپ کەت و دیسا دناڤا چەپەرێن شەری ل گەل پێشمەرگەی ودیسان ستودیۆیێ دھێتە وێنەکرن و کلیپکرن.
لوقمانی ئاشکراکر ژی کو سروودێن ل سەر پێشمەرگەی دھێنە گۆتن ھەتا رادەکی کارێگەری ھەیە ل سەر بلندکرنا مورالا پێشمەرگێ کوردستانێ ھەیە، گۆت: ھەموو دەنگ بکێر گۆتنا سروودێ ناھێن، لێ بلا بێژن دا ھەموو یا دلێ خوە بۆ پێشمەرگێ کوردستانێ دارێژن، چونکە دبیت چەندین کەس ژ بنەمالا وی پێشمەرگەبن.