ئەڤرۆ نیوز، عەلی حاجی:
رێڤەبەرێ ناحیا باتیفا د داخۆیانیەكێ دا بۆ ئەڤرۆ نیوز دیار كر ژ ئەگەرێ توپبارانا سوپایێ توركیا بۆ سەر گوندێ بانكێ بۆ جارا دویێ كارەبا وی گوندی ژ كار دكەڤیت و تیمێن مە بەردەوامن ل سەر سەخبێریكرنا وان جهێن زیان ڤێ كەڤتین .
زێدەتر دلشێر عەبدولستار گۆت: (ل شەڤا دەربازبوویی ژ ئەگەرێ توپبارانا سوپایێ توركیا بۆ سەر گوندێ بانكێ ل سنورێ ناحیا باتیفا چەند توپەك بەر ب كارەبا وی گوندی دكەڤیت و دبیتە ئەگەرێ ژ کارکەفتنا كارەبێ ل وی گوندی و تیمێن مە ل ناحیا باتیفا بەردەوامن ل سەر كاری دا كو جارەكا دی بشێن كارەبێ بۆ وی گوندی ڤەگەرینە ڤە، د ماوەیێ 10 رۆژان دا بۆ جارا دودێ یە زیان بەر ب كارەبا وی گوندی دكەڤیت ژ ئەگەرێ توپبارانا سوپایێ توركیا بەلێ هەر زوو تیمێن مە دشێن جارەكا دی كارەبا وی گوندی زڤریننەڤە).
ئەو چەندە ژی گۆت: (شەڤا بوری نێزیكی سێ توپان بەر ب گوندێ بانكێ كەڤتینە و بۆ دەما چەند رۆژەكایە ئەو گوندە بەردەوام دهێتە توپباران كرن ب هێجەتا هەبوونا چەكدارێن پەكەكێ و ترسەكا مەزن دەف خەلکێ گوندی دروست بوویە).
ئەڤرۆ نیوز، عەلی حاجی:
د سەرەدانەكێ دا بۆ باژێرێ زاخۆ دكتور عەلی تەتەر پارێزگەرێ دهوكێ بەرێ بنیاتی بۆ چار پرۆژەیان ب كوژمێ زێدەتری 15 ملیارر دیناران دانا و سەرەدانا پروژەیێ تەمامكرنا جاددەیا سەرەكی یا ئیبراهیم خەلیل بۆ دێرەبوونێ كر.
د كونگرەیەكێ روژنامەڤانی دا دكتور عەلی تەتەر گۆت: (پێشتر ب بریارا بەرێز مەسرور بارزانی سەروكێ حكومەتا هەرێما كوردستانێ بریارا دروستكرنا چەند پروژەیەكان ل زاخۆ دا بوو، ئەو پروژەیێن ئەڤرۆ بەرێ بنیاتی ژی بۆ هاتیە دانان د كەڤیتە د چارچووڤێ وان پروژەیان دا، جهێن پەیوەندیدار ژی دێ چاڤدێریا ڤان پروژەیان كەن دا كو د زووترین دەم دا ب دووماهی بهێن و وەكو ئیدارەیا پارێزگەها دهوكێ ژی مە ئەو ئەزموون هەیە كو بزانین كیش كومپانی دێ شێت ب دروستی كار كەت و هەر د ڤێ حەفتیێ دا ب كوژمێ زێدەتری 22 ملیار دیناران بەرێ بنیاتی بۆ چار پروژەیان ل زاخۆ هاتبوو دانان و ئەڤرۆ ژی ب كوژمێ 15 ملیار دیناران بەرێ بنیاتی بۆ هاتە دانان و ئەڤ پروژەیە ژی هەمی بۆ خزمەتا ڤی باژێری هاتینە دانان .
پارێزگەرێ دهوكێ دیار ژی کر گهورین ل پارێزگەها دهوكێ قوناغەكا باش دەرباز كرینە و بریارە د ڤێ حەفتیێ دا رێڤەبەرێن نوو بۆ رێڤەبەریێن گشتی هاتینە دانان دەست ب كار ببن و هەر دیسان د ماوەیێ دو هەتا سێ روژێن بهێت دا دێ گهورینەكا بنەرەتی ل سەر ئاستێ چەند رێڤەبەریەكێن گرنگ ل زاخۆ بهێنە ئەنجام دان و دگەل بورینا دەمی ئەو گهورین دێ دیار بن و هەر دیسان هژمارەكا ناڤێن دیترێن رێڤەبەران بەردەستن بۆ گهورینێ دا كو ئەو ناڤە بهێنە بلندكرن بۆ ئەنجوومەنێ پارێزگەها دهوكێ دا كو دەنگدان ل سەر بهێتە كرن .
ل دوماهیێ گۆت ژی ئەو پارەیێ هەشت پروژە ل زاخۆ هاتینە جێبەجێ كرن ئەڤە پشكەكا وی پارەیی یە یێ سەروكێ حكومەتا هەرێما كوردستانێ بۆ تەخارن كری و پشتی پشكەكا ڤان پروژەیان ب دوقماهی دهێت ب وی پارەیێ مایی دێ هژمارەكا دیتر یا پروژەیان بۆ زاخۆ هێنە دروست كرن.
ئهڤرۆ نیوز:
سهرۆكوهزیرێن ئیراقێ راگههاند؛ د بودجهیا سالا 2021 دا خالا سهرهكی ڤهكرنا دهلیڤهیێن كاری یه بۆ دهرچوویان.
موستهفا كازمی، سهرۆكوهزیرێن ئیراقێ ئهڤرۆ د داخویانییهكێ دا راگههاند؛ جڤاتا وهزیران ئهڤرۆ یان سوبه دێ گۆتوبێژان ل دۆر بودجهیا سالا 2021 كهن و خالا سهرهكی ڤهكرنا دهلیڤهیێن كاری بیت بۆ دهرچوویان.
لژنهیا دارایی ل جڤاتا نوونهران راگههاندییه، بڕیاره بودجهیا 2021 ل داویا ڤێ حهفتیێ بگههیت پهرلهمانێ و ئهگهرێن گیرۆبوونا وێ ژی، گوهۆرینا د بهایێ پهترۆلێ دایه ل سهر ئاستێ جیهانی كو یهك بهرمیل گههشتییه چل و نههـ دۆلاران.
ئهڤرۆ نیوز:
بسپۆرهكێ قانوونی راگههاند؛ پێدڤییه قانوونهكا تایبهت بۆ تهرخانكرنا مهزاختیێن پرۆسهیا ههلبژارتنان د بودجهیا سالا 2021 دا بهێت بهێت دانان.
عهلی تمیمی، بسپۆرێ قانوونی یێ ئیراقى راگههاند؛ پرۆسهیا ههلبژارتنان پێدڤی ب قانوونهكا تایبهت ههیه كو مهزاختیێن پرۆسهیێ بهێن تهرخانكرن، دیار ژی كر، پرۆژهقانوونا پشتهڤانییا ههلبژارتنان ژ دو ماددهیان پێكدهێت و رێكێ ددهت كۆمسیۆنا ههلبژارتنان 300 ملیۆن دۆلاران بۆ ب رێڤهبرنا ههلبژارتنان بمهزێخیت.
خویا ژی كر، پێدڤییه كۆمسیۆنا ههلبژارتنان ئامادهكاریێن لۆجیستی بكهت و خوه بۆ ههلبژارتنێن پێشوهخت یێ خزیرانا سالا بهێت ئامادهبكهت و گهلهك گرنگه مهزاختیێن ههلبژارتنان بكهڤن د چارچۆڤێ بوودجهی دا.
ئهڤرۆ نیوز:
لژنا پەروەردێ ل پەرلەمانێ كوردستانێ راگەهاند، رۆژا دههى ڤێ مههێ پرۆسەی خواندنێ ل ھەرێما كوردستانێدێ دهسپێكهت.
عەبدولسلام دۆلەمەری، ئەندامێ لیژنا پەروەردێ و خاندنا بلند ل پەرلەمانێ كوردستانێد پرێسكۆنفرانسهكى دا ئاشكرا كر، پشتى كۆمبوونا وەزیرێ پەروەردێ و بریكارێ وەزارەتا خواندنا بلند و ڤهكۆلینێن زانستی، دگهل لیژنا پەروەردێ و خواندنا بلند ل پەرلەمانێ كوردستانێ، دانوستاندنێنل دۆر پرۆسا خواندنێ هاتن كرن و گۆت: وەزارەتا پەروەردێبڕیاردایه لرۆژا دههى ڤێ مههێپرۆسا خواندنێ دەستپێبكهت، ئالى ژىههڤڕا بوون خواندنا ئهڤساله بهێته تمام كرن.
ئهڤرۆ نیوز:
رۆسیا ب فەرمی داخواز ژ هێزێن سوریا دیمۆكرات ههسهدێ ل رژۆئاڤایێ كوردستانێ كر، باژێركێ عهین عیسا رادەستی حكومەتا دیمەشقێ بكەت.
ژێدەرەكێ سەربازى یێ جڤاتا عهین عیسا دیار كر، هێزێن رۆسی ب فەرمی داخواز ژ هەسەدێ كریە باژێركێ عهین عیسا رادەستی حكومەتا دیمەشق بكەت، هەسەدێ ژى داخواز كریە دەلیڤە بهێتە دان وێ داخوازیێ گەنگەشە بكەن و دهێتە پێشبینی كرن ئەو داخوازی بهێتە رەتكرن.
ئهڤرۆ نیوز:
شاندەکێ ئێکەتیا نشتیمانیا کوردستانێ دێ سەرەدانا تەڤگەرا گۆڕانێ کەت و دێ ل گەل رێکخەرێ گشتیێ وێ کۆم بیت.
شاندهكێ ئێکەتیێ ب سەرۆکاتیا باڤل تالەبانی، هەڤسەرۆکێ ئێکەتیێ ئهڤرۆ دوشهمبى دێ سهرهدانا تهڤگهرا گۆرانێ كهت و دێ ل گەل رێکخەڕێ گشتیێ گۆڕانێ و خانەیا راپەراندنا وێ تەڤگەرێ کۆم بیت.
ل گۆرهى ئاگاهییان سوبه رۆژا سێشهمبى پارتییا دیمۆكراتا كوردستانێ، ئێكهتییا ئنستیمانییا كوردستانێ و تهڤگهرا گۆڕان دێ ل ههولێرێ كۆم بن، پێشتر بەرپرسەکێ پارتی ژى بۆ خانى نیوز ئاشكرا كربوو، ئهو دێ پێداچوونێ ب رێکەفتنا دگەل ئێکەتی و گۆڕان کەن، ژبهركو پارتی گازندە هەنە و هندەک پەرلەمانتارێن ئێکەتی و گۆڕان بەرۆڤاژی رێکەفتنا دگەل هاتیەکرن سەرەدەریێ دکەن، لەورا پێدڤیە هەموو لایەن پێگیرێ رێکەفتنێ بن.
ئەڤرۆ نیۆز:
پشتی کۆمبوونا د ناڤبەرا ھەردو ئالیێن مەکتەبا سیاسی یا پارتی دیموکراتی کوردستان و ئێکەتی نشتیمانی کوردستان دا ل سلێمانیێ ھاتیە کرن، بەیاننامەکا ھەڤپشک ھاتە بەلاڤکرن كو دانهكا وێ بهیاننامێ ل بهر دهستێن ئەڤرۆ نیۆز ههیه، و تێدا پێدڤیا کۆمبوونەکا سێ قولی دوپاتکرن دناڤبەرا لایەنێن حوکمەتا ھەرێمێ پێکدئینن بھێتە کرن.
دپشکەکا دی یا وێ بەیاننامێ دا ئاماژەدایە ل رۆژا سێشەمبی یا بھێت ئەو کۆمبوونا سێ قولی د ناڤبەرا پارتی و ئێکەتی و بزاڤا گۆڕانێ دا بھێتە کرن.
ھەژی گۆتنێ یە شاندێ پارتی دیموکراتی کوردستان پێکھاتبوو یێ ب سەرەدانا سلێمانیێ رابووین ژ ھوشیار زێباری و مەحموود مەحمەد ئەندامێن مەکتەبا سیاسی و عەلی حسێن و پشتیوان سادق ئەندامێن سەرکرداتیێ پارتی دیموکراتی کوردستان، و ژلایێ ھەڤسەرۆکێ ئێکەتیێ بافل تالبەنی و ھەر ئێک ژ رزگار عەلی و خەسرۆ گۆل محەمەد و شالاو عەلی عەسکری پێشوازیا وان ھاتینە کرن.
ئەڤرۆ نیۆز:
وەزارەتا بەرگریا تورکیا پشتەڤانیا خۆ بۆ رێککەفتنا شنگالێ یا دناڤبەرا حوکمەتا ھەرێما کوردستانێ و بەغدایێ دا ھاتیە کرن دەربڕی، و ڕاگەھاند توریکا ژ نێزیک ئاگەھداری وێ رێککەفتنێ و پێشھاتێن وێ یە.
فەرماندە نادیا شەبنەم ئاکتۆپ، پەیڤدارا ڕگەھاندنا وەزارەتا بەرڤانیا تورکیا د کۆنگرەکێ رۆژنامەڤانی ڕگەھاند، پشتەڤانیا رێککەفتنا ٩ چریا ئێکێ یا دناڤبەرا ئیراقێ و دەستھەلاتا ھەرێما کوردستانا ئیراقێ دا سەبارەت ڤەگەراندنا ئارمی و تەناھیا رەوشا دەڤەرا شنگالێ دکەین، و ژ نێزیک و ب ھویری ئەم چاڤدێریا پێشھاتێن وێ ڕێککەفتنێ دکەین.
سەبارەت ئۆپراسیۆنێن لەشکرێ تورکیا ل رۆژئاڤا و باکوورێ وەلاتێ سووریا، پەیڤدارا وەزراەتا بەرەڤانیا تورکیا گۆت: ھەیڤا بووری ٢٠٤ شەڕڤانێن یەپەکێ و گەریلایێن پەکەکێ د ئۆپراسێونێن (کانیا ئاشتیێ) و (مەرتالێ فورات) و (چەقێ زەیتونێ) کرینە ئارمانج و ژناڤبرن.
فەرماندا ناڤھاتی دووپاتکر، تورکیا ب توندی دێ روی بروی ھەر رەوشەکا ببیتە جھێ گەفکرنێ ل سە رئاسایشا نشتیمانیا وەلاتێ تورکیا و پاراستنا سنوورێن وەلاتی.
نيشاندان