ئەڤرۆ نیوز:
ئەڤرۆ سەرۆکێ هەرێما کوردستانێ ل گەل سەرۆکێ ئەمریکا ل کوربەندێ داڤۆس ل سویسرا کۆمبوو.
نێچیرڤان بارزانی سەرۆكێ ھەرێما كوردستانێ و دۆنالد ترەمپ سەرۆكێ ئەمریكا ل داڤۆس كۆمبوون
نووترين نووچه
- پیشەییانە رەفتارێ ل گەل روودان و پێشهاتەیان بكەن
- سەرۆك بارزانی و سەرۆكێ پەرلەمانێ عەرەبی رەوشا سووریێ و دەڤەرێ گەنگەشەكر
- سەرۆك بارزانی و بالیۆزێ بریتانیا دوپاتیێ ل پێشڤەبرنا پەیوەندییان دكەن
- رۆژنامەڤانییا ئازاد، وێرەك، بەرپرسیار و رەخنەگر، هەڤپشكەكا سەرەكییە د ئاڤاكرنا كوردستانەكا دادپەروەرتردا
- پێگیرییا خوە ب ئازادییا رادەربڕینێ و ئازادییا كارێ رۆژنامەڤانی دوپات دكەین
- رۆلێ خوە د پشتەڤانییا سیستەمێ فیدرالییا ئیراقێ و كوردستانێ دا بگێڕن
- رۆژنامەڤانێن كوردستانێ تەخەكا كاریگەرن ل داكۆكیكرنێ ژ مافێن مە یێن نەتەوەیی و نیشتمانی
- قۆناغەکا دیرۆکی ل رۆژئاڤایێ کوردستانێ دەست پێ دکەت
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
سه‌ره‌كى نووترين نووچه
ئاسایشا ئیبراهیم خەلیل دەست ب سەر ٣٠ کێلویێن مادێن هوشبەر دا گرتن
ئەڤرۆ نیوز، عەلی حاجی :
د داخویانیەکێ دا رێڤەبورێ ئاسایشا ئیبراهیم خەلیل بۆ ئەڤرۆ نیوز دیار کر: د ماوێ حەفتیەکێ دا دو باندێن مادێن هوشبەر دا ل ئیبراهیم خەلیل ژلایێ ئاسایشا دەروازا ئیبراهیم خەلیل ڤە هاتینە گرتن.
زێدەتر عەبدولوەهاب محەمەد عیسا گوت : باندێ ئێکێ ژ دو کەسان پێک دهات کو دخاستن ب رێیا دەریێ سنوریێ ئیبراهیم خەلیل رەوانەی وەلاتێ تورکیا بکەن بەلێ ژلایێ هێزێن ئاسایشا ئیبراهیم خەلیل ڤە هاتنە دەستە سەر کرن ب ٢٧ کێلویێن مادێن بێ هوشبەر ڤە، هەر دیسان ل شەڤا دەرباز بووی باندەکا دیتر ژ سێ کەسێن ئیرانی و تورکی و هاولاتیەکێ کوردستانێ دەستە سەر کرن کو دگەل وان دا ٣٠ کێلو ژ جورێ هێروویێن دگەل وان دا بون و ئەڤ ماددە ژدەرڤەی دەروازا نێڤ دەولەتیا ئیبراهیم خەلیل ڤە ژلایێ هێزێن ئاسایشا ئیبراهیم خەلیل ڤە هاتنە گرتن.
ناڤهاتی زێدەتر گوت : ئەم داخس ژ حکومەتا هەرێما کوردستانێ دکەین نەخوشخانەیەکا تایبەت ب توشبویێن ماددەیێن بێ هوشبەر ل کوردستانێ ڤەکەن فدا کو چارەسەریا وان کەسان بکەن یێ ئالودە بوین ب ماددەیێن بێ هوشبەر ل کوردستانێ و ئەڤە چەندین حالەت دروست بون کو ژبەریا بۆ وەلاتێ تورکیا ڤە بهێنە رەوانە کرن ژ ئالیێ مە ڤا هاتنە دەست سەر کرن.
پێشبینیێن سه‌قا ناسیێ ل هه‌رێمێ
ئه‌ڤرۆ نیوز:
رێڤه‌به‌راتیا گشتی یا سه‌قاناسیێ و بیڤه‌له‌رزان ل هه‌رێما كوردستانێ پێشبینێن سه‌قایی به‌لاڤكرن.
ئه‌ڤرۆ ریڤه‌به‌راتیا سه‌قا ناسی و بیڤه‌له‌رزان یا حوكمه‌تا هه‌ریما كوردستانێ پێشبینیا سه‌قایێ 48 ده‌مژمێرێن بهێت به‌لاڤكریه و تێدا هاتیه ل ته‌ڤایا پاریزگه‌هێن هه‌رێما كوردستانێ ئاسمان دێ عه‌ور بیت و باران ل چه‌ند ده‌ڤه‌ره‌كێن جودا باریت، به‌فر ل ده‌ڤه‌رێن چیایی باریت.
سه‌قاناسیا هه‌رێما كوردستانێ ئه‌و چه‌نده ژی ئێخسته ری كو سوبه‌هی ئاسمانێ پارێزگه‌هێن هه‌رێمێ عه‌ور بیت و ئه‌گه‌رێ باران بارینێ ژی هه‌یه.
زێده‌گاڤیێن ل سه‌ر شوسته‌یان ل زاخۆ دهێنه راكرن
ئه‌ڤرۆ نیوز،عه‌لی حاجی :
سه‌رۆكێ لژنا راكرنا زێده‌گاڤیان ل سه‌رشوسته‌یان ل زاخۆ د داخویانیه‌كێ دا بۆ ئه‌ڤرۆ نیوز دیار كر لژنا هاتیه پێك ئینان بۆ راكرنا شوسته‌یان چاڤدێریه‌كا هوور دكه‌ت و هه‌تا نوكه چه‌ندین جه هاتینه ئاگه‌هدار كرن بۆ راكرنا زێده‌گاڤیان ل سه‌ر شوسته‌یان .
زێده‌تر موسته‌فا ره‌مه‌ڤان گۆت : هه‌ر چه‌نده ماوه‌یێ 20 رۆژایه وه‌كو لژنه ده‌ست ب كار بووین به‌لێ بۆ قوناغا ئێكێ ئه‌م ل ده‌وروبه‌رێن بازارێن زاخۆ رۆژانه چاڤدێریێ ل سه‌ر وان جهان دكه‌ین یێ كو زێده‌گاڤی ل سه‌ر شوسته‌یان كرین و هه‌تا نوكه ژی چه‌ندین جه هایتنه ئاگه‌هدار كرن و ئه‌م دێ به‌رده‌وام ژی بین ل سه‌ر وان جهان یێ بووینه ئه‌گه‌رێن گرتنا شوسته‌یان و هه‌ر جهه‌كێ هات بیته ئاكه‌هخار كرن و پێگیر نه‌بیت ب وێ ئاگه‌هدار كرنێ جارا دوێ ب كوژمه‌یه‌كێ پاره‌یی هێته سزادان و جارا سیێ دێ بۆ دادگه‌هێ هێته ره‌وانه كرن و لژنا مه ژی رۆژانه چاڤدێریێ ل سه‌ر شوسته‌یان دكه‌ت و بێ چ جیاوایه‌كێ ئه‌م سه‌ه‌رده‌ریێ دگه‌ل هه‌می جهان دكه‌ین .
گۆت ژی : ئارمانجا مه یاسه‌ره‌كی ئه‌وه ئه‌م زێده‌گاڤیان ل سه‌ر شوسته‌یان نه‌هێلین و نه‌بتنێ دوكاندار به‌لكو گه‌له‌ك جه ژی هاتینه ئاگه‌ار كرن كو پیاده گرت بوون یان ژی به‌رته‌نگ كر بوون هاتنه ئاگه‌هدار كرن و ئه‌و زێده‌گاڤی هاتنه راكرن و جودا ژ لژنا مه لژنه‌یه‌كا دیتر ژی دناڤ بازاری دا دیفچوونا زێده‌گاڤیان دكه‌ت و پشتی ده‌وروبه‌رێن بازارێن زاخۆ ب دوماهی دهێت بۆ قوناغا دیتر دێ سه‌ره‌دانا ده‌وروبه‌رێن باژێرێ زاخۆ كه‌ین .
ئیمزا ل سه‌ر نووكرنا فه‌رمانبه‌رێن گرێبه‌ست هاته‌كرن
حوكمه‌تا نوو یا لبنانێ هاته پیك ئینان
ئه‌ڤرۆ نیوز:
پشتی چه‌ندین خونیشاندان و دانوستاندنێن دناڤبه‌را لایه‌نێن سیاسی، حوكمه‌تا نوو یا لبنانێ ب سه‌رۆكاتیا حه‌سان دیاب هاته پێك ئینان.
د كوتاره‌كێ دا حه‌سان دیاب سه‌رۆك وه‌زیرێ نوویێ لبنانێ راگه‌هاند: ب بزاڤ و پێكۆلێن هه‌موو لایه‌كی بۆ ده‌رخستنا لبنانێ ژ ئه‌ڤێ ره‌وشا دژوار یا كه‌تیێ و بجهكرنا داخازیێن خونیشانده‌ران دێ ئیك بیت ژ ئه‌ركێن وی یێن گرنگ.
سه‌رۆك وه‌زیرێ نوویێ لبنانێ گۆت: پیدڤیه گه‌ل و ئاخا لبنانێ ژ ئالوزی و ئاریشه و ده‌ستێوه‌ردانێ ب پارێزین و حوكمه‌ت ب پشته‌ڤانیا هه‌موو لایه‌كی بشێت خزمه‌تا ته‌ڤایا ته‌خ و چینێن ده‌ڤه‌رێن جودا جودایێن لبنانێ بكه‌ت.
سه‌رۆك وه‌زیرێ عیراقی: هێرشین موشه‌كی بۆ سه‌ر بالیوزخانا ئه‌مریكا كاره‌كێ خرابه
ئه‌ڤرۆ نیوز:
عادل عه‌بدل مه‌هدی سه‌رۆك وه‌زیرێ كار برێكه‌رێ عیراقێ راگه‌هاند: عیراق ل ئاستێ ده‌ڤه‌رێ و نیڤ ده‌وله‌تی د ره‌وشه‌كا ئالوز دایه، وه‌لاتی ژی ل گه‌ل خو و ده‌وله‌تین دی د ره‌وشه‌كا ئالوز دانه.
سه‌رۆك وه‌زیری كار برێكه‌رێ عیراقێ ئه‌و چه‌نده ژی راگه‌هاند: هێزێن ئه‌منی نه‌ڤین بكه‌ڤنه دره‌وشه‌كا توندوتوژی دا ل دژی خونیشانده‌ران بكار بینن ئه‌و دژی خونیشانده‌ران نینه، خونیشاندان و نه‌رازیبوونێن ئاشتیانه رێكێ ل گرتنا قوتابخانه و جاده‌یێن گشتی ناده‌ت، پێدڤیه ئه‌و كار ب دوماهی پێ بهێن، هێرشێن موشه‌كی بۆ سه‌ر بالیوزخانه‌یا ئه‌مریكا ل عیراقێ كاره‌كێ خرابه، داخازێ ژ هه‌موو هیزێن سیاسی دكه‌ت كاندیده‌كێ دی بۆ سه‌رۆكایه‌تیا حوكمه‌تی په‌سند بكه‌ن.
پارتی په‌رله‌مانتارێن خوه سه‌رپشكرینه بۆ خانه‌نشینیێ
هه‌ولێر، قائید میرۆ:
فڕاكسیۆنا پارتی په‌رله‌مانتارێن خوه سه‌رپشكرینه بۆ ره‌تكرن یان وه‌رگرتنا خانه‌نشینیێ و په‌رله‌مانتاره‌كا پارتی ژی ئاشكرا كر، خانه‌نشینی ل گوره‌ی قانوونێ هاتیه دیاركرن و هه‌ر كه‌سه‌ك و په‌رله‌مانتاره‌ك ژی یێ ئازاده بڕیارا خوه بده‌ت.
خه‌دیجه عومه‌ر، ئه‌نداما فڕاكسیۆنا پارتی ل په‌رله‌مانێ كوردستانێ بۆ ئه‌ڤرۆ نیوز دیار كر، فڕاكسیۆنا پارتی ل په‌رله‌مانێ كوردستانێ په‌رله‌مانتارێن خوه سه‌رپشكرینه ل دۆر بابه‌تێ خانه‌نشینیێ و گۆت: “هه‌ر په‌رله‌مانتاره‌كێ پارتی یێ ئازاده فۆڕما خانه‌نشیێ تژی بكه‌ت یانژی خانه‌نشینیێ ره‌ت بكه‌ت، چونكو ئه‌م دبینین ئه‌ڤه زێده‌تر بابه‌ته‌كێ كه‌سیه و هه‌ر كه‌سه‌ك یێ ئازاده بڕیارێ ل دۆر چاره‌نڤیسێ خوه بده‌ت”.
خه‌دیجه عومه‌ر ئاماژه ب وێ چه‌ندێ ژی كر، ل گوره‌ی ماددێ حه‌فتێ یێ قانوونا چاكسازیێ دێ فۆڕمه‌ك هێته پێشكێشكرن بۆ ئه‌ڤان كه‌سێن دڤێن خانه‌نشین ببن یانژی خوه ڤه‌كێشن، به‌لێ ئه‌ڤا نوكه هه‌ی ب تنێ په‌رله‌مانتار داخوازیێ پێشكه‌شی سه‌رۆكایه‌تیا په‌رله‌مانی دكه‌ن و گۆت: “ل گوره‌ی قانوونا چاكسازیێ، پشتی به‌ركاربوونا قانوونا خانه‌نشینیێ بۆ ده‌مێ هه‌یڤه‌كێ په‌رله‌مانتارا مافێ هه‌ی فۆڕما ره‌تكرنا خانه‌نشینیێ پێشكه‌ش بكه‌ن و ئه‌م باوه‌رین په‌رله‌مانتار وی ده‌می دێ بڕیارا خوه ده‌ت، چونكو قانوونێ ئه‌و مافێ بۆ دیاركری”.
لژنه‌ك بۆ دووڤچوونا سۆتنا بازارێ په‌رۆكان ل دهۆكێ هاته پێكئینان
دهۆك، له‌زگین و نه‌وزاد:
په‌یڤداری رێڤه‌به‌ریا پۆلیسێن به‌ره‌ڤانیا باژێری ل پارێزگه‌ها دهۆكێ دیار كر، لیژنه‌ك بۆ دووڤچوونێ ل سه‌ر سۆتنا بازارێ په‌رۆكان ل دهۆكێ هاته پێكئینان و دبێژیت: ئه‌ڤ لژنه دێ بهایێ زیانان و ئه‌گه‌رێن دروست یێن سۆتنا بازاری ده‌ستنیشان كه‌ت.
بێوار عه‌بدولعه‌زیز، په‌یڤدارێ رێڤه‌به‌ریا پۆلیسێن به‌ره‌ڤانیا باژێری ل پارێزگه‌ها دهۆكێ دیار كر، ل شه‌ڤا 20/1/2020 ئاگر به‌ربوو دوكانێن بازارێ په‌رۆكان ل دهۆكێ و 50 دوكان هاتینه سۆتن، ژ وانا ژی 15 دوكان ب ته‌مامی هاتینه سۆتن و 35 دوكانێن دی ژی ئاگری زیان یێن گه‌هاندینێ، لێ هه‌موو نه‌هاتینه سۆتن و گۆت: “لژنه‌كا ڤه‌كۆلینێ ژ پۆلیسێن به‌ره‌ڤانیا باژێری قه‌ستا جهێ روودانێ كریه بۆ زانینا ئه‌گه‌رێن دروست یێن سۆتنا بازارێ په‌رۆكان ل دهۆكێ، لێ گومان دهێته‌كرن شووته‌كێ كاره‌بێ بیت و هیشتا یا پشتڕاست نینه و دێ لژنه پشتڕاست كه‌ت”.
ئاشكرا ژی كر، ئه‌و لیژنه بۆ دووڤچوونا سۆتنا بازاری هاتیه پێكئینان و دێ كوژمێ داریی یێ زیانێن گه‌هشتینه خودانێن دوكان دیار كه‌ت، هه‌موو تشته‌ك دێ هێته نڤیسین ل سه‌ر زیانێن گه‌هشتینه خودانێن دوكانان.
بێواری گۆت: “بۆ كونترۆلكرنا روودانا سۆتنا بازارێ په‌رۆكان پێنج بنگه‌هێن به‌ره‌ڤانیا باژێری دگه‌ل ترۆمبێلێن ئاگرڤه‌مراندنێ به‌رهه‌ڤ بوون و چو زیانێن گیانی نه‌بوون، بتنێ زیانێن مه‌زن یێن دارایی گه‌هشتینه دوكانداران”.
ژ لایه‌كێ دیڤه رائید فه‌لاح، ئه‌ندامێ لژنا دووڤچوونێ ل سه‌ر روودانا ئاگری ل بازاڕێ په‌رۆكان ل دهۆكێ بۆ ئه‌ڤرۆ گۆت: “پشتی ژوورا كونترۆلی یا به‌ره‌ڤانیا باژێری هاتیه ئاگه‌هداركرن، ب زووترین ده‌م تیمێن به‌ره‌ڤانیا باژێری گه‌هشتنه جهێ روودانێ و شیان ئاگری كونترۆل بكه‌ن”.
حزبولا گه‌فا ل سه‌رۆك كۆماری دكه‌ت
ئه‌ڤرۆ نیوز:
حزبولا عیراقی گه‌فان ل سه‌رۆك كۆمارێ عیراقێ دكه‌ت هه‌كه ل گه‌ل سه‌رۆكێ ئه‌مریكا كۆمببیت.
ئه‌بو عه‌لی عه‌سكه‌ری به‌رپرسێ ئه‌منیێ حزبولا عیراقی راگه‌هاند: نابیت ب چ شێوه‌یه‌كی سه‌رۆك كۆمارێ عیراقێ ل گه‌ل دونالد ترمپ كۆم بیت، هه‌كه ل گه‌ل كۆم بیت دێ هه‌لویسته‌كێ توند هه‌مبه‌ر سه‌رۆك كۆماری مه هه‌بیت.
به‌رپرسێ ئه‌منیێ حزبولا عیراقی ئه‌و چه‌نده دیاركر هه‌كه سه‌رۆك كۆمار ل گه‌ل سه‌رۆكێ ئه‌مریكا كۆمبوو، دڤێت به‌رهه‌م سالح ژ به‌غدا بهێته ده‌ركه‌ن ژلایێ ئازادیخوازانڤه.
سه‌رۆك كۆمارێ عیراقی ب مه‌به‌ستا پشكداریكرنێ ل كوربه‌ندێ ئابووری یێ داڤوسێ به‌ره‌ڤ سویسرا چوویه و بریاره ل گه‌ل دونالد تره‌مپی ژی كۆم بیت.
نيشاندان
WP Facebook Auto Publish Powered By : XYZScripts.com