ئەڤرۆ نیوز،عەلی حاجی :

د داخویانیەکێ دا بەرپرسێ راگەهاندن و توێژینەوەیێ دەزگایێ بارزانی بۆ ئەڤرۆ نیوز دیار کر دێ گەرا پێنچی یا کاروانێ هاریکاریان گەهیننە کەمپەکێ ل روژئاڤایێ کوردستانێ و بریارە ددەمەکێ نێزیک دا کاروانێ شەشێ ژی ب هێتە رەوانە کرن.

زێدەتر رەواج حاجی بۆ ئەڤرۆ نیوز گوت : گەرا پێنجێ یا هاریکاریان ژ دەزگایێ خێرخوازیێ بارزانیێ نەمر دێ هێتە رەوانە کرن بۆ کەمپەکێ ل باژارێ حەسەکێ کو ل وێ کەمپێ دا رێژەیەکا زور یا یا ئاوارەیێن دەڤەرێن سەرێ کانیێ و گرێ سپیێ تێدا ئاکنجی بوینە و کاروانێ گەرا پێنجێ ژ ٣٠ ترومبێلێن مەزن پێک دهێت کو ژ چادر و کەل و پەلێن ناڤ مالێ و پێدڤیێن دانانا کەمپەکێ نوو و ئەڤ هاریکاری یە ژبەر وێ یەکێ یە کو ئەو کەسێن دناڤ کەمپێ دا دژین پێدڤیێن مەزن ب ڤان هاریکاریان هەیە و بریارە ئەڤ هاریکاری یە ئەڤرۆ ل روژا پێنچ شەمبێ ٢٨/١١/٢٠١٩ ب رێیا خالا سنوریا دەریێ سێمالکا بۆ روژئاڤایێ کوردستانێ بهێنە رەوانە کرن .

و گوت : هەر دیسان د دەمەکێ نێزیک دا دێ کاروانێ گەرا شەشێ یێ هاریکاریان ژ دەزگایێ خێرخوازی بارزانیێ نەمر بۆ روژئاڤا هێتە رەوانە کرن و هەر دیسان کاروانێ چارێ و پێنجێ هەمان هاریکاری ب خوە ڤە دگرن و کاروانێن دەست پێکێ پێک دهاتن ژ هاریکاریێن دەست پێکی و ساخلەمیێ .

ئه‌ڤرۆ نيوز:

سه‌رۆكێ حوكمه‌تا هه‌رێما كوردستانێ، مه‌سرور بارزانى، د به‌رپه‌رێ خوه‌ دا ل سه‌ر تۆرا جڤاكى يا تويته‌ر په‌يامه‌ك به‌لاڤكر و تێدا دبێژيت” ب رۆهنى من راگه‌هانديه‌ كو ئه‌م ناخوازين حه‌زا خوه‌ ل سه‌ر خه‌لكى بسه‌پينين، به‌لكو ئه‌م ژبۆ خزمه‌تكرنا خه‌لكى ل ڤێرێ نه‌، له‌وما مه‌ دڤێت كوردستانه‌كا ب هێز ئاڤا بكه‌ين”.

د پشكه‌كا دى يا په‌ياما خوه‌ دا، مه‌سرور بارزانى دووپاتى ل وێ چه‌ندێ كر كو دێ ژێده‌رێ ئابوورێ خوه‌ به‌رفره‌هتر كه‌ين و په‌يوه‌نديێن خوه‌ ل گه‌ل به‌غدا ئاسايى كه‌ين و بێگومان پێدڤيه‌ چاكسازيێن زێده‌تر بكه‌ين، بۆ ڤێ مه‌ره‌مێ ژى مه‌ پرۆسا چاكسازيێ يا ده‌ستپێكرى.

سه‌رۆكێ حوكمه‌تا هه‌رێما كوردستانێ ئاشكراكر كو دڤێت خه‌لكى باوه‌رى ب حوكمه‌تا خوه‌ هه‌بيت، چونكه‌ پێدڤيه‌ خه‌لك هه‌ست بكه‌ت كو نوونه‌رێن وان ل حوكمه‌تێ رێزێ لێ دگرن ودڤێت خه‌لك هه‌ست بكه‌ت ئه‌و حوكمه‌تا هه‌ى وان دپارێزيت و خزمه‌تا وان دكه‌ت.