ئەڤرۆ نیوز:
هژمارا گیان ژ دەستدانێ ب کۆرۆنا یێ بریتانیا گەهشتە 281 کەسان، دناڤ وان دا کەسەکێ د ژیێ 18 سالیێ دا هەیە، کو گەنجترین کەسە ل وی وەلاتی ب ئەگەرێ کۆرۆنا یێ گیانێ خوە ژ دەستدا یە.
د 24 دەمژمێرێن بوری دا ل بریتانیا 37 کەسان، ب ئەگەرێ کۆرۆنا یێ گیانێ خوە ژ دەستدا، بۆریس جۆنسن، سەرۆک وەزیرێن بریتانیا راگەهاند، پێدڤیە ملیۆنەک و 500 هزار کەس خوە کەرەنتین بکەن.
ئەڤرۆ نیوز:
وهزارهتا ساخلەمیا حكومهتا ههرێما كوردستانێ راگههاندنەک بەلاڤ كریه و تێدا هاتیە.
د بەردەوامیا پشکنینان دا و گەریان لدووڤ گومانلێکریان دا، 10 تووشبوو یێن نوو ب ڤایرۆسێ کۆڕۆنا یێ ل پارێزگەها سلێمانیێ هاتنە دەست نیشانکرن، کو دو ژ وان خۆجهێن سلێمانیێ نە و حەفت ل قەزا دەربەندیخان و ئێک ژی خۆجهێ قەزا چەمچەمالە.
وەزارەتا ساخلەمیێ
22 ئادارا 2020
ئەڤرۆ نیوز:
رێکخراوا ساخلەمیا جیھانی د داخویانیەکا رۆژنامەڤانی دا چەندین رێنمایێن خۆپاراستنێ بۆ بھێزبوونا سیستەمێ بەرگریا لەشی ل دژی ڤایرۆسێ کۆرۆنایێ دیار کرینە، د ناڤ وان دا خوارنا ساخلەم و دووربوون ژ جگارەکێشانێ.
تیدرۆس ئادھانۆم گیبدریسوس رێڤەبەرێ رێکخراوێ دیار کریە، پێدڤیە هەموو کەس ئاگەھداریا لەشی و مەژیێ خوە بن، ژبەر کو ئەو رێک ھەڤکارن بۆ دەربازکرنا کۆرۆنایا یێ هەکە توشبوون، هەروەسا داخواز کریە، خوە ژ ڤەخوارنێن گازی و یێن دەولەمەند ب شەکر و کحولی و جگارەکێشانێ دوور بکەن.
هەروەسا دیارکریە، خوارنێن ساخلەم بخون و رۆژانە گەنج بۆ دەمێ ٣٠ خولەکان وەرزشێ بکەن و زارۆک ژی بۆ دەمێ دەمژمێرەکێ.
ئەڤرۆ نیوز:
وەزارەتا پەروەردا هەرێما کوردستانێ راگەهاند، درێژکرنا بهێنڤەدانێ ل ناڤەندێن خواندنێ ژ ئالیێ لژنا بلند یا وەزاری یا بەرهنگاربوونا کۆرۆنا یێ دێ بریار ل سەر هێتە دان.
ئەڤرۆ ئێکشەمبی وەزارەتا پەروەردا هەرێما کوردستانێ راگەهاند، درێژکرنا بهێنڤەدانا ناڤەندێن خواندنێ دێ ژ ئالیێ لژنا بلندا وەزاری یا بەرهنگاربوونا کۆرۆنا یێ بریار ل سەر هێتەدان.
ئەڤ راگەهاندنە د دەمەکێ دایە، کو چەند رۆژن هندەک پەیج ل سۆشیال میدیایێ و ژێدەرێن نەفەرمی ب ناڤێ وەزارەتا پەروەردێ داخویانی و نووچەیان دەربارەی پرۆسا خواندنێ بەلاڤکرینە.
هەروەسا پشتی راگرتنا بهێنڤەدانێ ژ ٢٥ شواتێ، بریاربوو ل ٢٨ ئادارێ دەواما قوتابخانان دەستپێبکەت، لێ ژبەر راگەهاندنا درێژکرنا قەدەغەیا هاتنوچوونێ ل هەرێمێ، هەتا ١ نیسانێ، دەواما قوتابخانان ژی دەستپێناکەت، ل دەمێن بهێن و لدووڤ داخوازیا وەزارەتا ساخلەمیێ بۆ درێژکرنا قەدەغەیا هاتنوچوونێ، دێ بریار ل سەر دەوامێ هێتەدان.
ئەڤرۆ نیوز:
وەزارەتا ناڤخوە یا حوکمەتا هەرێما کوردستانێ راگەهاند کو ژ بۆ پاراستنا وەلاتیان و رێگریکرن ژ بەلاڤبوونا ڤایرۆسێ کۆرۆنایێ بریار هاتیە دان قەدەغەیا هاتنوچوونێ ل هەرێما کوردستانێ هەتا ئێکێ نیسانێ بهێتە درێژکرن.
د داخۆیانیا وەزارەتا ناڤخوە دا ئەو یەک ژی هاتیە دیارکرن کو ل دەمژمێر ١٢ شەڤێ هەتا شەشێ سپێدێ ژی ب چو رەنگەکێ رێ ناهێتە دان کەس هاتنوچوونێ بکەت.
ئەڤرۆ نیوز:
وەزارەتا نافخۆ یا هەرێما کوردستانێ قەدەغەیا هاتنوچوونێ هەتا 1 نیسانێ ل هەموو هەرێما کوردستانێ درێژ کر و گۆتیە، هەر کەسەکێ پابەند نەبێت دێ هێتە سزادان.
هەروەسا وەزارەتا نافخۆ یا هەرێما کوردستانێ گۆتیە، هیچ هاتنوچوونەک دناڤبەرا دەمژمێر 12:00 شەڤێ هەتا 06:00 سپێدێ یا رێپێدایی نینە، ژ بلی ترۆمبێلێن هێزێن ئەمنی، ئەوێن ئەرکێ خوە دا و ترۆمبێلێن ئەمبولانس و ئەوێن رێپێدایی.
ئەڤرۆ نیۆز، قائید میرۆ:
کۆردو شابان، پەیڤدارێ وەزارەتا باژێڕڤانیێ بۆ ئەڤرۆ نیۆز دیارکر” سەرەڕای کو نوکە بھێنڤەدانا فەرمیە لھەرێما کوردستانێ، بەلێ تیمێن باژێڕڤانیان لسەرانسەری ھەرێما کوردستانێ مژۆلی پاقژکرنا باژێڕ و بجە ئینانا رێنمایێن خۆپارێزیێ نە، بتایبەتی گەھاندنا ئاڤا پاقژ و ساخلەم بۆ ھەموو ئاکنجیێن ھەرێما کوردستانێ.
پەیڤدارێ وەزارەتا باژێڕڤانی ئاشکراکر” وەزارەتا باژێڕڤانیێ یا ھاریکارە دگەل وەزارەتێن پەیوەندیدار بۆ بەرھنگاربوونا ڤایرۆسا کۆرۆنا.
کۆردو شابان گۆتژی” وەزارەتا باژێڕڤانیان ئەرد بۆ ئاڤاکرنا پێنج نەخۆشخانەیێن تایبەت ب ڤایرۆسا کۆرۆنایێ بەرھەڤکریە یاکو بڕیارە ژلایێ حوکمەتا ھەرێما کوردستانێ و کەسێن خێر خواز بھێنە ئاڤاکرن.
ئەڤرۆ نیوز:
دەزگەهێ خێرخوازی یی بارزانی هێلا گەرم بۆ خەلکێ کێم دەرامەت و هەژارێن دهۆکێ راگەهاند کو تێدا هاتیە دیار کرن دو هێلێن تەلەفونێ سپێدێ دەمژمێر ٩ هەتا ٦ ئێڤاری بێ بەرامبەر د خزمەتا وەلاتیان دانە، ئانکۆ پەیوەنی کرن دێ بێ بەرامبەر بیت.
ژ دەمژمێر 9:00 سپێدی تا دەمژمێر
6:00 ئێڤارێ دێ خزمەت دا بیــت
07508196671
07508313237
ئەڤرۆ نیوز:
ژئەنجامێ ئاڤ رابون ولەهیێن ل روژێن دەربازبوی ل سنورێ پارێزگەها دهوکێ پەیدابوین زیانێن مەزن گەهشتبونە خەلکێ پارێزگەهێ و ژبەر وان زەرەر و زیانا رێزدار نێچیرڤان بارزانی سەروکێ هەرێما کوردستانێ پەیوەندییەکا تێلەفونی دگەل بەرێز فەرهاد ئەمین ئەتروشی ئەنجامدابو وهەڤخەمی وسەرەخوشیێن خو گەهاندبونە زیانڤێکەفتیان ومالباتێن قوربانیان وکوژمێ ئێک ملیار دینارا بو زیانڤێکەفتیا تەرخانکربو و هەرئەڤرو ٢٢ـ٣ـ٢٠٢٠ بەرێز فەوزی حەریری سەروکێ دیوانا سەروکاتیا هەرێما کوردستانێ سەرەدانا پارێزگەها دهوکێ کر وژلایێ بەرێز فەرهاد ئەمین ئەتروشی پێشوازی لێ هاتە کرن و ئەو کوژمێ پارەی کو ئێک ملیار دینار بوون رادەستی پارێزگەرێ دهوکێ کرن ژ بو قەرەبوکرنا زیانڤێکەفتیێن لەهیا …هەژی گوتنێ یە بەری نوکە ژی سەروکێ حکومەتا کوردستانێ بەرێز مەسرور بارزانی ٢ملیار دینار ب رێکا وەزیرێ نافخو گەهاندبونە پارێزگەها دهوکێ ژبو قەرەبوکرنا زیانڤێکەفتیێن لەهیا ل هەموو پارێزگەهێ.
ژلایێ خوڤە پارێزگەرێ دهوکێ بناڤێ خو و خەلکێ پارێزگەهێ سوپاسیا هەردوو بەرێزان سەروکێ هەرێما کوردستانێ وسەروکێ حکومەتا هەرێما کوردستانێ کر ل دور ڤێ دەستپێشخەریا وان بو قەرەبوکرنا زیانڤێکەفتیێن لەهیا ل پارێزگەها دهوکێ.
نيشاندان