ئەڤرۆ نیوز،بارزان مزووری:

بەرپرسێ لقا ١٤ مووسل یا پارتی دیموکراتی کوردستان بۆ ئەڤرۆ نیوز دیارکر پشتی بریارا پەرلەمانێ عێراقێ دەرچووی ب لادانا پارێزگارێ مووسل دگەل ھەردوو جێگرێن وی کو یێ ئێکێ کوردبویە بناڤێ “عبدالقادر” کو بریارەکا سیاسی بویە.

زێدەتر عەلی خەلیل خویاکر ئەو پارێزگارێ نوو دھێتە دانان بۆ مووسل بەھرا کوتلێن عەرەبی یە لێ جێگرێ پارێزگاری یێ ئێکێ دگەل سەروکێ جڤاتێ دێ پارتی دیموکراتی وەرگریت ل ڤان نێزیکان دێ بزاڤێ کەین جێگرێ ئێکێ پارێزگەھا مووسل دیارکەین بۆ خەلکێ مووسل، لێ ئەو کەسێ کوتلێن عەرەبی دیار دکەن بۆ پارێزگارێ مووسل مە وەکو پارتی مەرجێن خو ھەنە حەتا ئەم پەسەند بکەین ژوان مەرجێن مە”کەسەکێ دەست پاک بیت مەلەفێ وی یێ پاقژ بیت، ژلایێ خزمەتگوزاری ڤە پرۆژێن خزمەتگوزاری بو خەلکێ مووسل دابین بکەت ژبەرکو مووسل یا وێرانە پێدڤی ب پرۆژێن خزمەتگوزاری یە، یێ ھاریکاربیت دگەل مە پرۆژێن خزمەتگوزاری بۆ دەڤەرێن مادێ ١٤٠ بگەھینیت ژبەرکو ھەتا نھا ١% پرۆژێن خزمەتگوزاری وان دەڤەرا نەھاتینە دروستکرن.

ناڤھاتی گۆت: ھەلویستێ جەنابێ سەرۆک بارزانی د دیارن کو د ھەموو دەما دەستێ ھاریکاریێ بۆ پارێزگەھا مووسل درێژکریە تایبەت دەمێ ھاتنا داعش و دەرگەھێن ھەموو قوتابخانا و نەخوشخانا و ئاڤاھیێن خەلکی ھاتن ڤەکرن بۆ ئاوارێن وی باژێری کو ئەڤ خەلکە بھێت پاراستن وێ ھزرێ بکەن کو د مالێن خونە ئاوارە نەبووینە ئەڤە ئێک ژ ھەلویستێن جەنابێ سەروک بارزانی بوویە، ئەو رویدانا نەچاڤەرێکری ل مووسل دروست بوی جەنابێ سەروک بارزانی یێ بێ ھەلویست نەبویە ئێکسەر ھەموو دامو دەزگەە ئاگەھدارکرینە کۆ د ھەوارا وان بچن تایبەت کەرتێ تەندروستی.

ئه‌ڤرۆ نيوز:

سه‌رۆك وه‌زيرێن عيراقێ عادل عه‌بدولمه‌هدى د كۆنگره‌كێ رۆژنامه‌ڤانى دا راگه‌هاند، ئه‌م هه‌موو د رێككه‌فتينه‌ ل سه‌ر وێ چه‌ندێ كو پێدڤيه‌ هێزێن عيراقى وله‌شكرێ عيراقێ ئاسايشا شنگالێ بپارێزن.

عه‌بدولمه‌هدى گۆت ژى” حوكمه‌تا عيراقێ هه‌موو بزاڤێن خوه‌ دكه‌ت بۆ ديتنا ئێزديێن ره‌ڤاندى وزانينا چاره‌نڤيسێ وان”.

ئەڤرۆ نیوز:

دادگەھا نەینەوا بریارا دەستەسەرکرنێ بۆ پارێزگارێ وی باژێری نەوفەل عاگوب و حەفت بەرپرسێن دی دەرکر.

ل دووڤ وێ سکالایا ل ٢٦-٣-٢٠١٩ ل سەر وان ھاتینە تومارکرن بۆ جێبەجێکرنا بریارا دادگەھا تێھەلچوونا نەینەوا د نڤیسارەکا فەرمی دا بۆ وەزارەتا نافخویا عیراقێ و رێڤەبەریێن شارستانی و پاسپورت، و فروکخانە و دەرگەھێن سنوری کو رێ نەدەن نەوفەل عاگوب و حەفت بەرپرس و کارمەندێن پارێزگەھا نەینەوا بەر ب دەرڤەی وەلاتی بچن.

پارێزگارێ نەینوا و بەرپرسێن دی یێن ڤێ پارێزگەھێ ل دووڤ مادێ ٣٦٠ یێ قانوونا سزایێ، عیراقێ داخوازکرینە کو ئەو ژی پێکھاتینە ژ:
١. نەوفەل عاکوب پارێزگارێ ژ کار دورخستی.
٢. واجیدە جەعفەر، رێڤەبەرا پشکا گرێبەستان ل دیوانا پارێزگەھا نەینەوا.
٣.عەبدولکەریم عەلی جبوری، ھاریکارێ پارێزگارێ نەینەوا بۆ کاروبارێن کارگێری.
٤. کیفاح محەمەد جبوری، رێڤەبەرا کارگێری ل پشکا پرۆژەیان.
٥. مونا عەبدولحەمید، فەرمانبەر ل دیوانا پارێزگەھا نەینوا پشکا وەلاتیان.
٦. باسل مەحمود، ئەندازیارێ پێشکەفتی ل دیوانا پارێزگەھا نەینەوا.
٧. مەحمود یەحیا، دیزاینەر ل دیوانا پارێزگەھا نەینەوا.
٨. نازک سالح، فەرمانبەر ل دیوانا پارێزگەھا نەینەوا.

ئەڤ برایارە ھاتنە پێش پشتی نقوومبوونا بەلەمەکا گەشتیاری د رووبارێ دجلە دا و زێدەرت ژ ١٢٠ کەسان د ڤێ روودانێ دا خەندقین ل رۆژا ٢١-٣-٢٠١٩، پاشان سەرۆک وەزیرێن عیراقێ و پەرلەمانی ب زورینەیا دەنگان پارێزگارێ نەینەوا و ھەردو ھاریکارێن وی ژ ئەرکێ وان دورخستن.