ئه‌ڤرۆنيۆز:

به‌رپرسێ په‌يوه‌نديێن ده‌رڤه‌ يێن حوكمه‌تا هه‌رێما كوردستانێ، فه‌لاح مسته‌فا، دديداره‌كێ دا ل گه‌ل به‌رپرسه‌كێ ئه‌مريكى، داخواز ژ ئه‌مريكا كر بزاڤێ بكه‌ت به‌غدا پێگير بكه‌ت ب درێژكرنا ئاگربه‌ستێ.

فه‌لاح مسته‌فا به‌رپرسێ په‌يوه‌نديێن ده‌رڤه‌ يێن حوكمه‌تا هه‌رێما كوردستانێ ل گه‌ل روبێرت كه‌ريم هاريكارێ وه‌زيرێ به‌رگريا ئه‌مريكى ل واشنتۆن كۆمبوو، دوێ كۆمبوونێدا، ل دووڤ باسنۆز،مسته‌فاى داخواز ژ وى به‌رپرسێ بنتاگۆنێ كر كو ئه‌مريكا رۆلێ خوه‌ بگێريت دئارامكرنا ره‌وشێ دناڤبه‌را به‌غدا وهه‌رێمێ وبزاڤێ بكه‌ت به‌غدا پێگيريێ ب درێژكرنا ئاگر به‌ستێ بكه‌ت.

فه‌لاح مسته‌فا داخوازكر ئه‌مريكا رۆله‌كێ كاراتر هه‌بيت د نێكيبوونا هه‌رێما كوردستانێ و عيراقێ ب مه‌ره‌ما چاره‌كرنا كێشێن خوه‌ ب رێيا دانوستاندنێ.

ئەڤرۆ نیۆز،زنار تۆڤی:

ل سپێدەهیا ئەڤرۆ شەمبیێ 18-11-2017 ل کاتژمێر 7:11 خولەک بیڤەلەرزەکێ قەسر شرین ل رۆژهەلات و گەرمیان ل باشۆرێ کوردستانێ هەژاند.

هەروەسا ناڤەندا تۆمارا بیڤەلەرزا ئیرانێ راگەهاند:کو سپێدەهیا ئەڤرۆ شەمبیێ ل کاتژمێر 7:11 خولەک بیڤەلەرزەکێ ب گورەی 4.4 پلێن ریختەرێ قەسر شرین ل پارێزگەها کرماشانێ هەژاندیە، هەر ئەو بیڤەلەرز هۆکارێ روودانا بیڤەلەرزا گەرمیان ژی بوویە.

ل دووڤ دوماهی ئامارێن فەرمی کو ل ئیرانێ هاتینە بەلاڤکرن، هژمارا کوشتیێن بیڤەلەرزا پارێزگەها کرماشانێ 474 کەس بوون،هەروەسا ل دووڤ دوماهی ئامار 9 هزار و 388 کەس ژی برینداربووینە.

ئه‌ڤرۆنيۆز:

سه‌رۆكێ ديوانا سه‌رۆكاتيا هه‌رێما كوردستانێ، راگه‌هاند، هه‌تا نوكه‌ ئه‌و ئاماژێن ژبه‌غدا ده‌ردكه‌ڤن، وێ چه‌ندێ تيشاناده‌ن كو ل ڤان رۆژان دێ به‌غدا يا به‌رهه‌ڤ بيت بۆ روونشتنێ ل گه‌ل هه‌رێمێ.

فوئاد حسێن سه‌رۆكێ ديوانا سه‌رۆكاتيا هه‌رێمێ دديداره‌كێ دا ل گه‌ل (ده‌نگێ ئه‌مريكا) گۆت( هه‌رێم و به‌غدا دهه‌ڤرانه‌ ل سه‌ر وێ چه‌ندێ كو دانوستاندن ل سه‌ر بنه‌مايێ دستوورێ عيراقێ بن).

دياركر ژى( هه‌رچه‌نده‌ هه‌تا نوكه‌ دستوورێ عيراقێ نه‌شيايه‌ چو كێشه‌كێ دناڤبه‌را هه‌ولێرێ و به‌غدا چارسه‌ر بكه‌ت، به‌لێ ل گه‌ل وێ ژى دا دێ روونشتن هه‌ر دچارچۆڤێ دستوورى دا بن و هه‌رێما كوردستانێ راگه‌هانديه‌ كو يا پێگيره‌ ب دستوورى).

ناڤبرى ئاماژه‌ كر كو به‌غدا ئێك به‌غدا نينه‌ وگه‌له‌ك ده‌ستهه‌لات يێن تێدا وهه‌تا نوكه‌ ئه‌و ئاماژه‌ ژبه‌غدا نه‌ده‌ركه‌فتينه‌ كو وێ چه‌ندێ نيشان بده‌ن كو ل ڤان رۆژان حوكمه‌تا عيراقێ دێ ل گه‌ل كوردان روونيت، درێژكرنا ڤێ ره‌وشا دناڤبه‌را هه‌ولێرێ وبه‌غدا، بۆ چ لايه‌نه‌كى باش نينه‌.

ئه‌ڤرۆنيۆز:

سه‌رۆكێ فراكسيۆنا پارتى ل جڤاتا نوونه‌رێن عيراقێ، عه‌ره‌فات كه‌ره‌م، راگه‌هاند، په‌رله‌مانتارێن پارتى دێ پشكداريێ دكۆمبوونا دجڤاتا نوونه‌ران يا رۆژا ئێكشه‌مبيا داهاتى دا كه‌ن.

عه‌ره‌فات كه‌ره‌م، سه‌رۆكێ فراكسيۆنا پارتى ل جڤاتا نوونه‌رێن عيراقێ بۆ رووداو گۆت، هنده‌ك په‌رله‌مانتارێن پارتى ل جڤاتا نوونه‌ران يێن ل به‌غدا، ئه‌وێن ل هه‌رێما كوردستانێ ژى ئه‌ڤ شه‌ڤه‌ دێ زڤرن به‌غدا ودێ پشكداريێ دكۆمبوونا جڤاتا نوونه‌ران ب رۆژا ئێكشه‌مبيا داهاتى 19/11/2017 دا كه‌ين.

دروونشتنا جڤاتا نوونه‌ران يا رۆژا 16 ڤێ مه‌هێ، ناڤێ 15 په‌رله‌مانتارێن كوردستانى هاتبوونه‌ خواندن كو هاتبوونه‌ تۆمه‌تباركرن ب پشته‌ڤانيا دابه‌شكرنا ئاخا عيراقێ وپشكداريكرن دريفراندۆمێ ل سه‌ر جودابوونا كوردستانێ ژعيراقێ، به‌لێ ژئه‌گه‌رێ هاتنا ده‌رڤه‌ يا په‌رله‌مانتارێن كور وهژماره‌كا په‌رله‌مانتارێن عه‌ره‌ب، رێژا قانوونى يا جڤاتا نوونه‌ران تێكچوو، له‌وما كۆمبوونا جڤاتا نوونه‌ران بۆ رۆژا ئێكشه‌مبيا بهێت هاته‌ پاشخستن.