ئه‌ڤرۆ نیوز ، نه‌وزاد هلۆرى:
پروفیسور دكتور “ئیسماعیل بێشكچى ” نڤیسه‌رێ ناڤدارێ تورك و دوستێ گه‌لێ كوردستانێ د نووترین هه‌ڤپیڤیندا دیاركر كو توركیا و ئیران مه‌جبورن كو دانپێدانێ ب سوربخوه‌ى یا كوردستانێ بینن.
بێشكچى د هه‌ڤپیڤینه‌كێ دا ل گه‌ل مالپه‌را DW یا توركى ره‌خنه‌ ل حكومه‌تا توركیا گرت هه‌مبه‌ر ئه‌وان گوتنێن كو دبێژیت دانپێدانێ ب ریفراندۆما سه‌ربخوه‌ى یا كوردستانێ ناده‌ین و گۆت ژى: (هێشتاهه‌وه‌ چاره‌سه‌ریا كوردێن وه‌لاتێ خوه‌ نه‌كرینه‌ چما به‌رامبه‌ر كوردێن عیراقێ دئاخڤى ، و توركیا و ئیران هه‌ردوو مه‌جبورن كو دانپێدانێ ب سه‌ربخوه‌ى یا كوردستانێ بینن ، و ئه‌و د شاشن كو دژى ریفراندۆما سه‌ربخوه‌ى یا كوردستانێ راوستاینه‌ ، و شوونا ئه‌و ئاریشه‌یا كوردێن وه‌لاتێ خوه‌ چاره‌سه‌ر بكه‌ن یێن ماینه‌ ب كوردێن هه‌رێمێ ڤه‌ )
بێكشچى ب گرنگیه‌كا زور ڤه‌ به‌حس ل ئیرادا گه‌لێ كوردستانێ دكه‌ت و دبێژیت كو ریفراندۆم سه‌ركه‌فتنه‌كا مه‌زن یا گه‌لێ كوردستانێ بوویه‌ و ده‌نگێن گه‌لێ كوردستانێ ب به‌لێ دێ ئاینده‌یه‌كێ گه‌ش بو نه‌ڤیێن وان ده‌تن و گۆت ژى: (ئه‌و كه‌سێن كو دبێژن ریفراندۆما كوردستانێ شه‌رعیه‌ت نینه‌ پێدڤى یه‌ به‌رى وه‌بێژن بزانن كا چ دبێژن ، و ترسا توركیا و ئیرانێ ئه‌وه‌ كو ئه‌وان نه‌ڤێت ب هه‌مان شێوه‌ كوردێن باكوور و رۆژهه‌لاتێ هه‌مان داخوازیێ بكه‌ن ، و ده‌مه‌كێ نێزیك توركیا و ئیران و هه‌موو ئه‌ووه‌لاتێن كو دژى ریفراندۆم و سه‌ربخوه‌ى یا كوردستانێ راوه‌ستایى دێ دانپێدانێ ب سه‌ربوه‌ى یا كوردستانێ ده‌ن)

ئه‌ڤرۆ نیوز ، هلورى:
وه‌سا بریاره‌ د كومبوونا ئه‌ڤرۆ یا په‌رله‌مانێ كوردستانێ سكرتێرێ په‌رله‌مانێ كوردستانێ ب شێوه‌یه‌كى به‌روه‌خت سكرتاریه‌تا په‌رله‌مانى وه‌ربگریت و د پشترا ده‌ستكاركێشانا خوه‌ رابگه‌هینیت.
ل گوره‌ى ئه‌وان زانیاریێن كو ئه‌ڤرۆ نیوز ده‌ستخوڤه‌ ئینایى كومبوونا ئه‌ڤرۆ یا په‌رله‌مانێ كوردستانێ دێ یا تایبه‌ت بیت بو به‌رسڤدان لسه‌ر بریار و هه‌ره‌شه‌یێن حكومه‌ت و په‌رله‌مانێ عیراقێ یێن چه‌ند روژێن بورى به‌رامبه‌ر هه‌رێما كوردستانێ.
پێشتر بێگه‌رد تاله‌بانى ژ فراكسوونا ئێكه‌تیا نیشتمانیا كوردستانێ ب شێوه‌یه‌كێ به‌روه‌خت پوستێ سكرتاریه‌تا په‌رله‌مانى كوردستانێ وه‌رگرت و ئێكه‌مین كومبوون پشتى 23 هه‌یڤان ل گه‌ل جێگرێ سه‌رۆكێ په‌رله‌مانى ب رێڤه‌بر.
فه‌خره‌ددین قادر كو سكرتێرێ په‌رله‌مانێ كوردستانێ یه‌ لسه‌ر پشكا كومه‌لا ئیسلامیا كوردستانێ ل گوره‌ى به‌رنامه‌یى َكارى یێ په‌رله‌مانى كو وه‌سا بریاره‌ ئه‌ڤرۆ بهێته‌ ئه‌نجامدان سكرتێرێ په‌رله‌مانێ كوردستانێ دى َده‌ستكاركێشانا خوه‌ راگه‌هینیت.
هه‌ر ل گوره‌ى كه‌رنامه‌یا په‌رله‌مانێ كوردستانێ دێ دانوستاندن لسه‌ر پاشه‌كه‌فتا موچه‌ى ژى هێته‌كرن ، ئه‌ڤه‌ زێده‌بارى پرسا به‌رڤسدانا په‌رله‌مان و حكومه‌تا عیراقێ.

فوتو و زانیارى ، نه‌وزاد هلۆرى:
ئه‌ڤرۆ د رێورسمه‌كێ دا گه‌نجێن هه‌ر چوار پارچێن كوردستانێ په‌یاما سه‌ركه‌فتنا ریفراندۆم بو سه‌ربخوه‌ى یا كوردستانێ گه‌هانده‌ بارزانى نه‌مر ل ده‌ڤه‌را بارزان و ریفراندۆمه‌كا دى ل ده‌ڤه‌را بارزان ئه‌نجام دا و تێداده‌وله‌تا كوردستانێ راگه‌هاند وه‌كو ئااماژه‌یه‌ك بو ته‌مامكرنا پرۆسه‌یا ریفراندۆما باشوورێ كوردستانێ كو ئه‌و ژى ده‌وله‌تبوونه‌.
دڤى واریدا ” نه‌نجمه‌ددین حه‌سه‌ن ” رێكخه‌رێ گه‌نجێن هه‌رچوار پارچێن كوردستانێ بو ئه‌ڤرۆ نیوز گۆت: ( ب مه‌ره‌ما گه‌هاندنا په‌یاما گه‌نجێن هه‌ر چوار پارچێن كوردستانێ لسه‌ر سه‌ركه‌فتنا ریفراندۆما هه‌رێما كوردستانێ كو بو سه‌ربخوه‌ى یا كوردستانێ هاتبویه‌ ئه‌نجامدان ئه‌ڤرۆ مه‌ گه‌هانده‌ بارزانى نه‌مر ل گوندێ بارزان وه‌كو هێزه‌كا مه‌عنه‌وى یا زێده‌تر بو پرۆسه‌یا ریفراندۆمێ ژ به‌ركو بارزانى نه‌مر هه‌موو خه‌بات و قوربانیدان و شوره‌ش و راپه‌رینه‌ك بو سه‌ربخوه‌ى یا كوردستانێ كریه‌)
زێده‌تر گۆت: ( گه‌نجێن باشوورێ كوردستانێ ژى كو ژ هه‌ر هه‌ر پێنج پارێزگه‌هێن هه‌رێمێ پێكدهاتن ، پشدارێ رێورسمان ببون و هه‌ر ئێك ژ وان پارچێن كوردستانێ په‌یامه‌كا تایبه‌ت پێشكێشكر)
ل گوره‌ى ئاخفتنێن رێكخه‌رێ گه‌نجێن هه‌ر چوار پارچێن كوردستانێ د رێورسمه‌كێ دا وه‌كو كه‌ڤال رێورسمێن هه‌لبژاردنان بو سه‌ربخوه‌ى یا كوردستانێ ب ده‌نگێ هه‌رچوار پارچێن كوردستانێ هاته‌ ئه‌نجامدان و پاشان ناڤێ ده‌وله‌تا كوردستانێ ژ سندوقێ هاته‌ ده‌رئینان وه‌كو رامانه‌ك بو ریفراندۆم بو سه‌ربخوه‌ى یا كوردستانا مه‌زن ب گشتى و پشكا باشوورا كوردستانێ ب تایبه‌تى.
دهێته‌ زانین كو گه‌نجێن هه‌رچوار پارچێن كوردستانێ نێزیكێ 300 گه‌نجان پێكدهاتن.

ئه‌ڤرۆ نیوز:
سه‌رۆككۆمارێ توركیا و سه‌رۆكێ رۆسیا پشتی ل توركیا كۆم بووی د پرێسكۆنفرانسه‌كی دا ئاماژه‌ كره‌ رێفراندۆما سه‌رخوه‌بوونا كوردستانێ و دیار كر كو هه‌ردو ئالییان ئه‌و مژار گۆتوبێژ كر، لێ ڤلادیمێر پۆتینی چ گۆتنین راسته‌راست و ره‌تكرنێ نه‌گۆتن.
ره‌جه‌ب ته‌یب ئه‌ردۆغانی گۆت: توركیا د گه‌ل ئێكپارچه‌ییا ئیراقێ یه‌.
ڤلادیمێر پۆتین ژی گۆت: هه‌لوه‌ستی رۆسیا ل دۆر ریفراندۆمێ یێ دیاره‌ و هه‌مان ئه‌و هه‌لوه‌سته‌ یێ وه‌زاره‌تا مه‌ یا ده‌رڤه‌ ئاشكرا كری.
وه‌زاره‌تا ده‌رڤه‌ یا رۆسیا راگه‌هاند بوو: هه‌رچه‌نده‌ ئه‌و دخوازن كورد د چارچووڤه‌یێ ئیراقێ دا بمینن لێ د هه‌مان ده‌م دا رێزێ ل خواستا نه‌ته‌وه‌یی یا كوردان دگرن.

ئەڤرۆ نیوز ، نەوزاد ھلۆری:
ئەڤرۆ ئەنجومەنا وەزیران کومبوو و د 13 خالان دا بەرسڤا بریارێن پەرلەمان و حکومەتا عیراقێ دا ، و د بەرسڤا وان دا ھاتیە بەری و کو ھەرێم ریفراندۆمێ بکەت عیراق و ھەموو وەلاتێن جیران پشتراستکرینە کو ریفراندۆم ھەرەشە نینە بو وان.

د بەیانناما حکومەتا ھەرێما دا ھاتیە ژی کو ئەو ھەموو بریارێن حکومەت و پەرلەمانێ عیراقێ رەت دکەن و گوت: ( ھەموو بریارێن پەرلەمان و حکومەتا عیراقێ نە قانونی و نە دەستووری نە و ب تەمام ھزر و رەفتار و عەقلیەتا ھەرەشەیانە بو سەر ھەرێما کوردستانێ و رامانە کو ب چو شێوەیان شەراکەت نەھاتیە قبولکرن ، بریارا دائێخستنا ئەسمانێ ھەرێمێ و گرتنا سنوران ب تەمام نەیا قانونی و دەستووری یە و بەروڤاژی قانون و رێسایێن نیڤدەولەتی و شیکاگوی نیڤدەولەتی یە ، کو ئەو ژی نابیت فروکە تێکەلی سیاسەتێ بھێنەکرن کو بو وەلاتیێن مەدەنی دھێنە بکارئینان)

بو خواندنا خالێن بەرسڤێن حکومەتا ھەرێما کوردستانێ ئەڤی لینکی کلیک بکە