ئه‌ڤرو نیڤرو 27ى نيسانا 2017ێ فه‌رهاد ئه‌مین ئه‌تروشی پارێزگه‌رێ دهوكێ پێشوازیا شانده‌كێ ئه‌نجومه‌نێ پارێزگه‌ها كركوكێ ب سه‌روكاتیا رێبوار تاله‌بانی سه‌روكێ ئه‌نجومه‌نێ پارێزگه‌هێ كر.
دهه‌ڤدیتنه‌كێ دا ب ئامادبونا به‌رێز فه‌هیم عه‌بدولا سه‌روكێ جڤاتا پارێزگه‌ها دهوكێ و هژماره‌كا ئه‌ندامێن جڤاتی , پارێزگه‌رێ دهوكێ خوشحالیا خو بسه‌ره‌دانێ دیار و هه‌روه‌سا ده‌ست خوشی ل جڤاتا پارێزگه‌ها كه‌ركوكێ كر بو وێ پێنگاڤا دیروكی یا بلند كرنا ئالایێ كوردستانێ ل پارێزگه‌ها كه‌ركوكێ كری كر و هیڤیا سه‌ركه‌فتنێ بو خواست ,, هه‌روه‌سا پارێزگه‌رێ دهوكێ پشته‌ڤانیا پارێزگه‌ه و جڤاتا پارێزگه‌ها دهوكێ بو خڤاتا پارێزگه‌ها كه‌ركوكێ دوپات كر و گوت كارێ جڤاتا پارێزگه‌ها كه‌ركوكێ گه‌له‌ك قورسه ژبه‌ر كو پێكهاتین كه‌ركوك زورن دڤیت هه‌می لایه‌ن بهێنه رازی كرن و راگرتنا بلانسێ ل پارێزگه‌هێ بسانانهی نینه و پێكڤه ژیان دڤیت ب قه‌ناعه‌ت بیت نه بتنی دوریشم بن .
ژلایێ خوڤه سه‌روكێ جڤاتا پارێزگه‌ها كه‌ركوكێ ده‌ست خوشی ل پارێزگه‌ه و جڤاتا پارێزگه‌ها دهوكێ و خه‌لكێ پارێزگه‌هێ كر بو وی كارێ مروڤایه‌تی یێ مه‌زن بو حه‌واندنا وێ رێژا مه‌زن یا ئاواره و په‌نابه‌ران و گوت : ڤان هه‌لویستا خه‌لكه‌ك و جیهان سه‌رسورمان كر و دیار بو خه‌لكێ كو ملله‌تێ كورد ملله‌ته‌ك خودان دلوڤانی و حه‌ز ژ پێكڤه ژیانێ و مروڤایه‌تیێ دكه‌ت .
ئەڤرۆ نیوز:
1- قەزایێن (دهوك، سمیل و زاخو )دەڤەرێن سەر ب وانڤە ( 7250) دینار ل گوندێن ( تەلوە و بێتاسێ و ئەڤریكێ ) (7250) دینار.
2- ل قەزا ئاكرێ وناوچەیێن ( دینارتەوبجیل وگردەسین )سەنتەر (7250 ) دینار. ل ناوچەو گوندێن دەورو بەرێن ئاكرێ فیدەرێ(گردەسێن- شەرمن و ئومەرخۆشان) ( 4250 ) دینار ول فیدەرێ ( دینارتە و بجیل ) ( 4250 ) دینار ئەو جهێن بەلێندەر موەلیدێن وان برێڤە دبەت ل فیدەرێ (گردەسێن -شەرمن و ئومەر خۆشان) ( 4250 ) دینارن.
4- ل قەزا بەردەرەش ، سەنتەر( 5250 ) دینار. ول ناوچا( كەلەك ) (3750) دینار .ل ( بشیریان ) (3750 ) دینار ل (كانی ئەسپان،ئیسماوە و زەنگەنان) (4000) دینار. ول ناوچا (دارەتوو ) (4000) دینار ، ل ناوچا(رۆڤیا/بەلێندەر) (4000) دینار.
5- ل سەنتەرێ قەزا شێخان ( 5500 ) دینار. ول ( ناوچا چرە) ( 5250 ) دینار. ول( كەلەكچی ودولیشان ) ( 5500 ) دینارن ،ل ناوچا ( قسروك ) ( 5500 ) دینار ، ل (مهەتێ ) ( 5500 ) دینار. ول وان ناوچە ودەڤەرێن كومپانیا بێخال موەلیدێن وان برێڤەدبەن ل سنورێ قەزا شێخان فیدەرێ (هزار جووت،لەكان،كفرێ ) ( 5500 ) دینار ،فیدەرێ(خنس،شەهیا) ( 5500 ) دینار.
6- ل ناحیا باعدرێ ( 5750 ) دینار. ل(ئێسیا) ( 5500 ) دینار ،ل ناوچا ئەتریش و بلدێشا ( 5500 ) دینار.
7- ل قەزا ئامێدیێ /(سەنتەر) ( 7000 ) دینار ،ل(سەرسنگی) ( 7000 ) دینار ،ل (دێرالوكێ) ( 7000 ) دینار ول ( شێلادزێ) ( 7000 ) دینار ول ناوچا چەمانكێ ( 7250 ) دینار.
8- ل دەڤەرێن سنورێ قائیمقامیا قەزا سێمێلێ ئەوژی (سمایل ئاڤا، بالقوس، خراب دیم وگرشین و مقبلێ باتێلێ وباستكێ) ( 7250 ) دینار .ل دەڤەرێن ئەمپێری ل زاخو ( 7250 ) دینار.
9- ل دەڤەرێن ( كورا ،مانگێش ،زاویتە و باگێرا) ( 7000 ) دینارن.
10- ل شوقێن پارێزگەها دهوكێ كو بەرنامێ كاركرنا موەلیدا ( 19 ) دەمژمێرییە وئەوێن موەلیدێن وان نە سەرب پرۆژەی ڤە ( 10500 ) دینار.ل شقێن زاخو ( 10000) دینارن.ول وان شقێن كۆ بەرنامێ كاركرنا موەلیدێن وان ( 24 )دەمژمێری(11000) دینارن.
11- ل ناوچا (ئەلقوش /سەنتەرێ ناوچێ) (6000 ) دینارن. ول (جراحی-بوزا-شێخكا- بێبان ونفێریێ) ( 4250 ) دینارن ول ( خەتارێ – دوغاتا – منارە- تلسین و بابیرا) ( 3250 ) دینارن.
تێبینی:
• بەرنامێ كاركرنا موەلێدا ل سەنتەرێن قەزایێن (دهوك،زاخو و سێمێل ) بۆ هەیڤا (5 )دێ بڤی رەنگێ یە :
– ژ دەمژمێر 7:00 سپێدێ تا دەمژمێر 9 سپێدێ موەلیدە دێ كاركەن.
– ژ دەمژمێر 2:00 ئێڤاری تا دەمژمێر 2:00 شەڤ موەلیدە دێ كاركەن.
– بەرنامێ كاركرنا موەلیدان ل (كۆمەلگەهێن شوقان) دێ ( 19 ) دەمژمیری بیت ، ژ دەمژمێر 7:00 سپێدێ تا دەمژمێر 2 شەڤێ موەلیدە دێ كاركەن ل هەر دەمێ كەهرەبا گشتی دڤی ماوەیدا هاتە برین.
– بەرنامێ كاركرنا موەلیدان ل قەزایێن دی و دەڤەرێن سەر ب وان ڤە ، دێ لدویف رەوش و داخوازییا كارگێریێن وان و خەلكێ وان بیت .
* هیڤیدارین ژ خودانێن موەلیدا پێگریێ ب بەرنامێ لیژنا سەرپەرشتیا موەلیدان بكەن ئەوێ لسەری دیاركری ، وداخوازێ ژ هەلبژێرێن بەرێز دكەین ، هەر جهەكێ موەلیدا ل تاخێ وی پێگریێ نەكەت ، لیژنا مە ب سكالایەكا نڤیسی ئاگەهدار بكەت داكو پێرابوون د دەرهەقێ وان دا بهێنە ئەنجامدان.
ئامێدیێ ، مەحمود نهێلی:
بەرپرسێ لژنەیا موەلیدەیان ل قەزا ئامێدیێ بۆ ئەڤرۆ نیوز دیارکر، کو بهایێ کارەبا موەلیدەیا بۆ هەر ئەمپیرەکی ل سەرانسەرێ قەزائامێدیێ گوهرانکاری کەفتە تێدا و ل هند جهان بووینە 4 هزار دینار.
ئەندازیار هەکار ئامێدی بەرپرسێ لژنەیا موەلیدەیان ل قەزا ئامێدیێ بۆ ئەڤرۆ نيوز دیار کر، د کومبوونا لژنەیا موەلیدەیان دا ل دهوکی بریار هاتە دان بۆ هەیڤا نیسانێ یا ئەڤ سالە بۆ هەر ئەمپیرەکی کارەبا موەلیدەیان بتنێ دێ 7 هزار دیناربن لێ ل ناحیا بامەرنێ و ناحیا چەمانکێ جودایی هەیە، و گۆت؛ ناحیا بامەرنێ موەلیدە ژ کارکەفت بوون و دهاتنە نووژەنکرن ژ بەر وێ یەکێ بتنێ دێ 4 هزار دینار بۆ هەر ئەمپیرەکێ ژ هاولاتیان هێنە وەرگرتن و ناحیا چەمانکی ژی دیارە موەلیدێ پتر ژ جهێن دیتر کار کریە بهایێ هەر ئەمپیرەکی دێ 7250 دینار بن، و دیارکر ژی تا هەیڤا رەمەزانێ بەرنامەیا کارکرنا موەلیدەیان دێ هەر وەکوو خوە مینت ئانکو ل دەمژمێر حەفتێ سپێدێ بۆ نەهێ سپێدێ و دوویێ پشتی نیڤرۆ بۆ دوویێ شەڤێ دێ موەلیدە د کاری دا بیت.
ئه‌ڤرۆ نيوز:
رێڤه‌به‌ريا هاتنوچوونا زاخۆ ئاگه‌هداريا هه‌موو شوفێران دكه‌ت كو كاميرێن بنه‌جهـ “رادار ثابت” ل جادێن بێدار، تلكه‌به‌ر، حه‌سه‌ن ئاڤا هاتنه دانان.
هيڤى ژى ژ هه‌موو شوفێران كريه كو پێگريێ ب رێنمايێن هاتنوچوونێ بكه‌ن دا ژ به‌لايان د دوور بن و سزايێن دارايى نه‌كه‌ڤنه سه‌ر و ژيانا وان نه‌كه‌ڤيته د مه‌ترسيێ دا.
ئه‌ڤرۆ نيوز:
د كۆمه‌لگه‌ها بنه‌جهبوونا زێرين ل هه‌ولێر بووك و زاڤايه‌ك ب كوشتى ل مالا خوه هاتنه ديتن.
ته‌رمێ بووك و زاڤايان كو خه‌لكێ رۆژئاڤايێ كوردستانێ نه ل نه‌خۆشخانا زرگارى يا هه‌ولێر ل بن ڤه‌كۆلينێ نه.
هۆگر عه‌زيز، ئاخفتنكه‌رێ ب ناڤێ پۆليسێن هه‌ولێر راگه‌هاند كو ئه‌ڤرۆ ده‌مژمێر 6:00ى سپێدێ روودان روودايه “ناڤێ زه‌لامى سه‌يدا يونس و ژنێ ژى ئه‌مه‌ل بوو”.
پۆليسێن به‌لگه‌يێن تاوانان ل جهێ روودانێ ئاماده بووينه و په‌رێن ڤه‌كۆلينێ بۆ روودانێ ڤه‌كرينه.
ره‌جه‌ب ته‌يب ئه‌ردوگان و بينالى يلدرم
ئه‌ڤرۆ نيوز:
سه‌رۆك كۆمار و سه‌رۆك وه‌زيرێن توركيا د په‌يوه‌نديه‌كا ته‌له‌فونى دا سه‌ره‌خوشى ئاراسته‌ى سه‌رۆكێ هه‌رێما كوردستانێ كرن و دلگرانيا خوه ب شه‌هيدبوونا شه‌ش پێشمه‌رگه و برينداربوونا هه‌شت پێشمه‌رگێن دى ده‌ربرى.
ل دووڤ راگه‌هاندنه‌كا سه‌رۆكايه‌تيا هه‌رێما كوردستانێ، د په‌يوه‌نديا ته‌له‌فونى دا كو رۆژا سێ شه‌مبى هاتيه ئه‌نجام دان، ره‌جه‌ب ته‌يب ئه‌ردوگان و بينالى يلدرم دلگرانيا خوه سه‌باره‌ت شه‌هيدبوونا شه‌ش پێشمه‌رگه و برينداربوونا هه‌شت پێشمه‌رگان گه‌هانديه بارزانى كو ژ ئه‌نجامێ هێرشا فرۆكێن توركيا بۆ چيايێ شنگالێ شه‌هيد و برينداربوون.
د پشكه‌كا دى يا راگه‌هاندنێ دا هاتيه: هه‌ردو لايان سه‌ره‌خوشى ل بارزانى و كه‌س و كارێن شه‌هيدێن روودانێ كرينه و هيڤيا چاره‌بوونه‌كا بله‌ز بۆ برينداران خواستيه.
هه‌روه‌سا ره‌جه‌ب ته‌يب ئه‌ردوگان و بينالى يلدرم دياركرينه كو ئه‌و روودانه ب چ ره‌نگه‌كێ ب ئه‌نقه‌ست نه‌بوويه و ژ ئه‌نجامێ شاشيێن فرۆكان بوويه.
نيشاندان