ئه‌ڤرۆ نیوز:
پارتا كۆمه‌له‌یا شۆره‌شگێری یا زه‌حمه‌تكێشان یا كوردستانا ئیرانێ بریار دا خه‌باتا خوه یا چه‌كداری دژی كۆمارا ئیسلامییا ئیرانێ ده‌ست پێ بكه‌ته ڤه.
پارتا كۆمه‌له هه‌ژماره‌كا پێشمه‌رگه‌یێن خوه ل سه‌ر سنۆرێ دناڤبه‌را باشۆرێ كوردستانێ و رۆژهلاتێ كوردستانێ به‌لاڤ كرن و چه‌په‌ر دانان.
كۆمه‌له پشتی راگرتنا شه‌ری بۆ ده‌مێ 25 سالان جاره‌كا دی ده‌ست پێ كره ڤه، بۆ ئێكه‌م جار ل سالا 1979 خه‌باتا چه‌كداری راگه‌هاندبوو.
ئه‌ڤرۆ نیوز:
حكومه‌تا ئه‌مریكا لیسته‌ك دا ده‌ست حكومه‌تا ئیراقێ كو تێدا ناڤێن به‌رپرسێن گه‌نده‌لیێن مه‌زن ل ئیراقێ كری و هه‌روه‌سا زانیاری ل دۆر كوژمه‌یێ پاره‌یێ هاتییه دزین هاتینه ئاشكرا كرن.
په‌رله‌مانتاره‌كێ هه‌ڤپه‌یمانییا نیشتمانی یا ئیراقێ ئه‌ڤ نووچه‌یه پشتراست كر و گۆت ژی: سه‌رۆكوه‌زیران عه‌بادی دشێت ب پلانا خوه گه‌نده‌لیێ ل ئیراقێ ژناڤ ببه‌ت لێ د ناڤ په‌رله‌مانی و ده‌رڤه‌ی په‌رله‌مانی دا رووبرووی به‌رهنگاری و ئاسته‌نگێن مه‌زن دبیت و گه‌له‌ك نه‌یار بۆ په‌یدابووینه.
ئه‌ڤرۆ نيوز:
ئه‌ڤرو و ل ده‌م ژمێر (1:00) پشتى نيڤرو( د. پشتيوان صادق ) وه‌زيرێ پهروهردێ ئاڤاهيێ رێڤه‌به‌ريا گشتى يا په‌روه‌ردا پارێزگه‌ها دهوكێ كو لسه‌ر بودجا حكومه‌تا هه‌رێما كوردستانێ هاتيه نويژه‌نكرن ڤه‌كر.
ل دويف دا وه‌زيرێ پهروهردێ ل ديوانا رێڤه‌به‌ريا گشتى يا پهروهردێ و ب ئاماده‌بونا رێڤه‌به‌رێ گشتى يێ پهروهردێ ل پارێزگه‌ها دهوكێ ب وه‌كاله‌ت و رێڤه‌به‌رێ گشتى يێ ئه‌وقاف وكاروبارێن ئاينى ل پارێزگه‌ها دهوكێ كومبونه‌ك دگه‌ل ليژنا پهروهردێ ل جڤاتا پارێزگه‌ها دهوكێ كر . دكومبونێ دا به‌حسێ ميلاكات وئاڤاهيى يێن قوتابخانا وچه‌ندێن بابه‌تێن دى كر .پاشى وه‌زيرێ پهروهردێ كومبونه‌ك دگه‌ل رێڤه‌به‌ريا سه‌رپه‌رشتيا په‌روه‌رده‌يى ودلنيا جورى ل پارێزگه‌ها دهوكێ كر وتێدا چه‌ندين دان وستاندن لسه‌ر پروسا سه‌رپه‌رشتياريێ هاتنه كرن
ئه‌ڤرۆ نیوز، له‌زگین جۆقى
میرێ ئێزدیان، دگه‌ل 300 رزگاربویێن ده‌ستێ تیرۆرستێن داعش ل هۆلا بیروه‌ریا ل په‌رستگه‌ها لالش كۆمبوو .
میر ته‌حسین سه‌عید به‌گ، میرێ ئێزدیان گۆت” گه‌له‌ك كه‌سێن ئێزدى مرن هه‌لبژارت و ده‌ست ژ ئێزدیاتیێ به‌رنه‌دا”.
حسین قائێدى، رێڤه‌به‌رێ نڤیسینگه‌ها رزگاركرنا ره‌ڤاندیێن ئێزدى، دیاركر هه‌تا نوكه نیزیكى 3 هزار ره‌ڤاندى ژ ده‌ستێن تیرۆرستێن داعش رزگاربوویه و به‌رى دو رۆژان ژێ 36 كه‌سێن دى هاتنه رزگاركرن و هه‌ولدان به‌رده‌وامن بۆ رزگاركرنا هه‌موو ره‌ڤاندیان و ل نێزیك دێ مزگینیێن خوه‌ش ده‌ینه خه‌لكێ خوه یێ ئێزدى”.
ئه‌ڤرۆ نيوز:
ئه‌ڤرۆ نيوز:
ئه‌ندامه‌كێ جڤاتا نشتيمانى يا گۆڕان دانپێدانێ ب وێ چه‌ندێ دكه‌ت كو چاكسازى ب وان لايه‌نێن سياسى ناهێته كرن يێن چو د ده‌ستى دا نه‌ين و ب وان پارتيان دهێته كرن يێن ده‌سته‌لات د ده‌ستى دا.
نزار مه‌حمود باژێرڤانێ بزاڤا گۆڕان ل هه‌له‌بچه‌يا شه‌هيد د داخۆيانيه‌كێ دا بۆ “مالپه‌رێ خه‌لك” ئاشكه‌را كر كو ل هه‌موو دونيايێ ئه‌و لايه‌نێ د حوكمه‌تێ دا نه‌يى گه‌له‌ك پرۆژه يێن هه‌ين، به‌لێ نه‌شێت چو تشته‌كى بكه‌ت، ب تنێ ئه‌و دشێن چاكسازيێ بكه‌ن يێن د ناڤا حوكمه‌تێ دا و هه‌موو جۆمگێن ده‌سته‌لاتێ د ناڤ ده‌ستێن وان دا.
ئه‌ڤه د ده‌مه‌كى دايه كو به‌رده‌وام بزاڤا گۆڕان بانگه‌شه‌يا وێ چه‌ندێ دكه‌ت كو ئه‌و دشێن چاكسازيان بكه‌ن، به‌لێ وه‌كو ديار هه‌تا نوكه ژى چو تشتێ وه‌سان نه‌كريه ل گه‌ل بانگه‌شه‌يا وان يا هه‌لبژارتنان ب گۆنجيت.
ئه‌ڤرۆ نيوز:
حوكمه‌تا هه‌رێما كوردستانێ بڕيار دا سوبه‌هى بكه‌ته بهێنڤه‌دانا فه‌رمى ب هه‌لكه‌فتا جه‌ژنا كرێكاران.
سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ بۆ مالپه‌رێ فه‌رميێ حوكمه‌تا هه‌رێما كوردستانێ راگه‌هاند: “وه‌لاتيێن هه‌رێما كوردستان و كارمه‌ند و فه‌رمانبه‌ران ئاگه‌هدار دكه‌ين كو سوبه‌هى رۆژا دوشه‌مبى 1ى گۆلانا 2017ێ ل هه‌موو داموده‌زگه‌هێن حوكمه‌تێ بهێنڤه‌دانا فه‌رمى يه”.
گۆتژى: “پيرۆزيه‌كا گه‌رم ل كرێكارێن كوردستان و جيهانێ دكه‌ين و هيڤى خوازين جهێ سه‌ركه‌فتن و ب ده‌ستڤه‌ئينانا مافێن ره‌وا بۆ چينا كرێكاران ل هه‌رێما كوردستانێ دخوازين”.
ئه‌ڤرۆ نيوز:
رێڤەبەریا گشتی یا رەوشەنبیری و ھونەری ل دھۆکێ ب ھەماھەنگی دگەل کۆمەلا زانا بۆ چاڤدێریا زانستی دێ فیستیڤالا دویێ یا فراندنا فرۆکێن کاغەزی ل رۆژا 11ى گۆلانا2017ێ ل دەمژمێر 3:00 ئێڤاری ل سەرێ چیایێ زاوا ل دھۆکێ گێڕیت.
حەسەن عارف، بەرپرسێ پشکا چالاکیان ل رێڤەبەریا گشتی یا رەوشەنبیری و ھونەری ل دھۆکێ بۆ رۆژناما ئەڤرۆ ئاشکرا کر کو مەرەم ژ گێڕانا فیستیڤالا فراندنا فرۆکێن کاغەزی ئەوە کو شیانێن وان وەلاتیێن حەز ل سەر فراندنا فرۆکێن کاغەزی ھەین بەرچاڤ ببن و سەرەرایی ڤێ چەندێ ئەڤ فیستیڤالە دێ رێ یێ ل بەر وان کەسان خوەش کەت یێن کو داھێنانێ دکەن و گۆت: “رەنگە نوکە گەلەک گەنج ھەبن د ڤی بواری دا داھێنەر بن، بەلێ ھەتا نوکە چو دەلیڤە بوو پەیدانەببن داھێنانا خوە بەرچاڤ بکەت ژ بەر ڤێ چەندێ ئەڤ فیستیڤالە دێ بۆ وان گەنجان بیتە دەرگەھەک کو داھێنانا خوە بەرچاڤ بکەن”.
ناڤھاتی ئاماژە دا وێ چەندێ کو فیستیڤالا ئێکێ یا فراندنا فرۆکێن کاغەزی ل رۆژا 28ى گۆلانا 2016ێ ھاتبوو ئەنجامدان و ھژمارەکا مەزنا وەلاتیان تێدا پشکدارببوون و ئەو چەندە بوو وان بۆ پالدەرەک کو بەردەوامیێ بدەنە ڤێ فیستیڤالێ و گۆت: “ئەم پێشبینیێ دکەین کو ئەڤ سالە دێ پشکداریا وەلاتیان د فیستیڤالێ دا باشتر بیت”.
بەرپرسێ پشکا چالاکیان ل رێڤەبەریا گشتی یا رەوشەنبیری و ھونەری ل دھۆکێ دیار کر کو ھەر رەگەزەکێ د ھەر ژیەکی دا بیت مافێ پشکداریێ ب فرۆکەکا کاغەزی ھەیە، بەلێ ئەو کەسێ بڤێت بچیتە د بەریکانا ب دەستڤەئینانا خەلاتان دا پێدڤیە فرۆکا وی کارێ دەستی بیت و گۆت: “پێنج سەرکەفتیێن ئێکێ دێ ھێنە خەلاتکرن، بەلێ مە چەندین مەرج بۆ ب دەستڤەئینانا خەلاتان ھەنە ژ وان مەرجان قەبارێ مەزنێ فرۆکێ و بلنداھیا فرۆکێ و باشترین دیزاین، ھەر کەسێ ئەڤ مەرجە ژ ل دەف ھەبن دێ زێدەتر دەلیڤە بۆ ب دەستڤە ئینانا خەلاتی ھەبیت”.
ھەژی گۆتنێ یە کو ھەر وەلاتیەکێ حەزا پشکداریێ د فیستیڤالێ دا ھەبیت دشێت بۆ تۆمارکرنا ناڤێ خوە پەیوەندیێ ب ھژمارا 07504586382 یان 07504838839 بکەت ھەروەسا دشێت ب رێیا ویبسایتێ www.zafsc.org ناڤێ خوە تۆمار بکەت و دووماھی رۆژ بۆ تۆمارکرنا ناڤان 9ى گۆلانا 2017ێ یە.
ئەڤرۆ نيوز:
فەرماندێ لەشکریێ شنگالێ د ھەڤدیتنەکا تایبەت دا ل گەل ئاژانسا ئەنادۆل دبێژیت، بەھرا پتریا چەکدارێن ناڤا رێزێن پەکەکێ ب دووڤ دەلیڤەکێ دگەرن، داکو خوە قورتال بکەن، سەرەرای وێ چەندێ کو پەکەکێ سەرەدەریا خوە ل ھەمبەری وان چەکداران توندتر کریە، بەلێ گوھداریا وانا ناکەن و خوە رادەستی پێشمەرگەی دکەن.
ل گۆڕ پێزانینێن فەرماندە قاسم شەشۆی، ھەتا نوکە 800 چەکدارێن پەکەکێ خوە رادەستی پێشمەرگەی کرینە، بەھرا پتریا وانا کوردێن ئێزدی نە و ھندەک کەسێن دیار ل گەل ھەنە، یێن دیتر ژوان کوردا پێکدھێن یێن پەکەکێ ل سووریا و تورکیا کرینە چەکدارێن خوە، ھەتا نوکە 500 چەکدارێن ئێزدی رێزێن پەکەکێ بجە ھێلاینە و خولێن مەشق و راھێنانا لەشکرێ ل سکرێ مووسلێ ژ ئالیێ وەزارەتا پێشمەرگەی ڤە بۆ ھاتینە ڤەکرن، و ددەمەکێ نێزیک دا ئەرکێ خوەیێ پێشمەرگایەتی ل دەڤەرا شنگالێ دێ بینن.
ناڤبری ھەروەسا ل دووماھیێ ئاماژەدا ھندێ، ب بەردەوامی چەکدارێن پەکەکێ رێزێن وانا بجە دھێلن، و پرانیا وان چەکداران ل دووڤ دەلیڤەکێ دگەرن خوە ژ زۆرداریا پەکەکێ قورتال بکەن، وخوە بگەھیننە ھێزێن پێشمەرگەی.
قاسم شەشۆ ھەروەسا پێشبینی کر، کو دپاشەرۆژێ دا ژمارەکا ئێکجارا مەزن یا چەکدارێن پەکەکێ خوە رادەستی ھێزێن پێشمەرگەی بکەن، و خوەیاکر بتنێ 10% چەکدارێن ئێزدی دناڤا رێزێن پەکەکێ دا ماینە.
فەرماندێ لەشکری یێ شنگالێ ھەروەسا داخواز ژ چەکدارێن ئێزدی کر، یێن دناڤا رێزێن پەکەکێ دا ماین ڤەگەرن ناڤا رێزێن پێشمەرگەی، چونکە پەکەکە ژ بلی کێشا و داگیرکرن و دیکتاتوری و تۆپبارانکرنێ و ژناڤبرنێ چو دی بۆ شنگالێ نینە و ناکەت.
نيشاندان