ئەڤرۆ نیوز،زنار تۆڤی:
سەرۆکاتیا هەرێما کوردستانێ لدوور تەقینێن بەغدا راگەهاندنەک بەلاڤکر و تێدا دیارکر:ئەم وەک سەرۆکاتیا هەرێما کوردستانێ ب تۆندی ئیدانەیا تەقینێن بەغدا دکەین و سەرەخۆشیێ ل کەس و کارێن وان شەهیدێن ڤێ روودانا دلتەزین دکەین،هەروەسا دیارکریە،ئەڤ کریارە دژی هەمی بەهایێن ئەسمانی و مرۆڤینە و دڤێت روو ب روو بوونا تیرورۆ و تیرۆرستان ببین و ئەڤ چەندە ئەولەویاتا هەر لایەنەکێ بیت،هەروەسا دیارکریە،تیرورۆ و تۆندرەوی دژی پێکڤە ژیانا مرۆڤایەتیێ و دڤێت ئەم هەمی ل دژی تیرورێ راوەستین.
نووترين نووچه
- سەرۆك بارزانی و پارێزگارێ سەلاحەدین ڕەوشا سیاسی یا ئیراقێ گەنگەشە كر
- مەسرور بارزانی و بالیۆزێ ئەلمانیایێ دوپاتیێ ل سەر پێشڤەبرنا پەیوەندییان دكەن
- مەسرور بارزانی: دەستێ دۆستینیێ بۆ پێكهینانا حوكمەتێ مە بۆ هەموو ئالییان درێژ كریە
- سەرۆك بارزانی: هەكە ئەم ب خوە نەبین كەس مە ناپارێزیت
- د دژوارترین قووناغان دا مام جەلال دەنگێ تێكگەهشتن و پێكڤەكاركرنێ بوو
- سەرۆكێ حوكمەتا هەرێمێ و بالیۆزێ كرواتیایێ ب هێزكرنا پەیوەندییان گەنگەشەكر
- سیروان بارزانی: مووچەیێ پێشمەرگەی ناگەهیتە نیڤا مووچەیێ لەشكەرێ ئیراقێ
- ئیراق ئەگەرێ بجهنەئینانا سیستەمێ ئاسیكۆدایە
- سەرۆك بارزانی: هێزا پێشمەرگەیێ كوردستانێ هەر دێ مینیت و هەرێمێ پارێزت
- سەرۆك بارزانی و خەمیس خەنجەر دوپاتیێ ل هەماهەنگییا د ناڤبەرا هێز و ئالییێن سیاسی دا دكەن
سهرهكى نوچێن گرنگ
داعش ب ده‌هان چه‌كدارێن خوه ب ساخى بن ئاخكرن
ئه‌ڤرۆ نيوز:
رێكخراوا تيرورستيا داعش ب ده‌هان چه‌كدارێن خوه بن ئاخكرن كو هێش ييێن ساخ پشتى كو د شه‌رێ ڤێ دووماهيێ يێ مووسل دا ره‌ڤين، ده‌زگه‌هێن راگه‌هاندنێ يێن عيراقێ ب پشتبه‌ستن ب چه‌ند ژێده‌ران ل پارێزگه‌ها نه‌ينه‌وا ئاماژه ب وێ يه‌كێ كرينه كو داعش ل گه‌ياره باكوورێ مووسل نێزيكى 35 هه‌تا 45 چه‌كدارێن خوه بن ئاخكرن و هێشتا دساخ.
پارتى دێ چه‌ند گوهۆرینان كه‌ت
ئه‌ڤرۆ نیوز:
عارف ته‌یفور ئه‌ندامێ سه‌ركردایه‌تییا پارتی دیموكراتى كوردستان دیاركر جڤاتا سه‌ركردایه‌تییا پارتی، بریاردایه چه‌ند لژنه‌یان پێكبینیت و ئه‌و لژنه دێ بریارێ ل دۆر داخستن و ئێكگرتنا چه‌ند باره‌گه‌هێن زێده‌یێن پارتی ده‌ن كو لق ژی دگه‌ل دانه، دیسان لژنه دێ پرۆژه‌یه‌كی به‌رهه‌ڤ كه‌ت كو مه‌كته‌با سیاسی ل سه‌ر وی پرۆژه‌یی كارێ خوه بكه‌ت.
ته‌یفورى دیاركر كو ب كێمكرنا لق و ناوچان، په‌رت و به‌لاڤى نامینیت و دێ خه‌رجیێن حزبێ ژى كێم بیت.
ته‌یفور دیاركر كو د دووماهى كومبوونا جڤاتا سه‌ركردایه‌تیا پارتى دا كو ب سه‌رپه‌رشتیا سه‌رۆك بارزانى هاته ئه‌نجامدان، بریار هاتیه دان په‌یڤدارێ فه‌رمى یێ پارتى، كو هه‌ڤده‌م به‌رپرسێ مه‌كته‌با رێكخستنێ یه ، ب هه‌ڤاله‌كێ دى بهێته گوهۆرین ژبه‌ر كو د.جه‌عفه‌ر ئێمینكى جێگرێ سه‌رۆكێ په‌رله‌مانێ كوردستانێ یه و ناگه‌هیت كارێ حزبێ بكه‌ت، هه‌روه‌سا بریار هاتیه دان، به‌رپرسێ مه‌كته‌با هه‌لبژارتنان بگوهۆریت ژبه‌ر كو خسرو گۆران سه‌رۆكێ فراكسیونا پارتى ل په‌رله‌مانێ عیراقێ يه و ب كارێن به‌غدا ڤه مژووله.
ڤيديويا سه‌ربازێن ئێخسيركريێن ئێرانێ ل سووريا به‌لاڤ دبيت
دو په‌قين به‌غدا د هه‌ژينن
ئه‌ڤرۆ نيوز:
ل ده‌ڤه‌را كازميه يا به‌غدا، دو ته‌قين روودان و ل دووڤ پێزانينێن ده‌ستپێكى 17 كه‌س هاتينه كوشتن و 24 كه‌س برينداربووينه.
ل دووڤ گوتنا پوليسێن عيراقى دو ته‌قين چێبوونه ئێك ل ده‌ڤه‌را كازميه كو يا خوه‌كوژى بوويه و يا دوێ ل جادا ره‌بيع ل باكورێ رۆژئاڤا به‌غدا ب رێيا ئوتومبێله‌كا بومبرێژكرى بوويه‌ز
ڤه‌نه‌كرنا لقێن بانكێن رافیده‌ین و رەشید ل کوردستانێ بڕياره‌كا سياسى يه
ئەڤرۆ نیۆز، سالار دۆسکی:
ئەندامەکا لژنا دارایی و ئابووری ل پەرلەمانێ عیراقێ دیارکر کو دانا قەرزان ژ بانکا رەشید بتنێ بۆ ئەوان وەلاتیانە ئەوێن پێدڤی ب ھەی وەک نەخوش و یێن پێدڤی و دڤێت رازیبوونا وەزارەتێ یا جڤاتا بانکێ رازیبوونێ ل سەر دانا وی قەرزی بدەت و فایدە ژی ل سەر ڤی قەرزی ھەیە و ئەڤە دھێتەدان پشتی گرنتی بۆ بانکێ بھێنە چێکرن کو ئەڤ پارە دێ ھێتەزڤراندن.
نەجیبا نەجیب ئەنداما لژنا دارایی و ئابووری ل پەرلەمانێ عیراقێ بۆ ا ئەڤرۆ نیۆز گۆت: ھەمان بانکا رەشید چەقەک ھەیە بۆ دانا قەرزان بۆ کەسێن خانیان ئاڤان دکەن و ھەتا 50 ملیۆن دیناران بۆ دھێنەدان و ئەڤە ل دووڤ چەندین مەرجانە.
نەجیبایێ ئاشکراکر ژی کو چەندین مەرج ھنە بۆ دانا ئەڤان قەرزان و نەر ھەر کەسەکێ دڤێت دشێت قەرزان وەربگریت و ھەتا بانکا رەشید قەرزان دەتە وەلاتیان بۆ پرۆژان ژی بۆ نموونە قونتەرچیەکی پێدڤی ب پاران بیت دشێت بچیتە وێ بانکێ و دشێت پاران وەربگریت، لێ گرنتیا زڤراندنا پاران بۆ بانکێ یا گرنگە و دڤێت پارە بۆ بھێنە زڤراندن.
ھەمان ئەنداما پەرلەمانێ عیراقێ ئاشکراکر کو بانکێن رەشید و رافیدین گرێداینە ب وەزارەتا دارایی یا عیراقێ ڤە و دانا ئەڤان قەرزان بتنێ پارێزگەھێن عیراقێ ڤەدگرن و ژ ھەرێما کوردستانێ ناگرن، ل دووماھیا سالا 2013 ڤەکرنا چەقێن ھەر دو بانکان ل ھەرێما کوردستانێ گەھشت بوو قوناغێن دووماھیێ، لێ بریارەکا سیاسی بوو نەھاتەڤەکرن چونکە پارێ مە وەک 17% ناھێتە کوردستانێ و بانک حوکمی نە و گرێداینە ب وەزارەتێ ڤە.
ئه‌ردوگان: مه 3000 داعش ل سوريا و عيراقێ كوشتينه
دۆلارى بلندترين ئاست تۆماركر
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى ئه‌يارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1300 |
| 1 يۆرۆيێ ئه‌ورۆپى | 1480 |
| 1 ليرێ توركى | 445 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
داعش به‌رپرساتيا ته‌قينا ئه‌ڤرۆ يا به‌غدا خسته ستوويێ خوه
ئه‌ڤرۆ نيوز:
37 كه‌س هاتنه كوشتن و زێده‌ترى 40 كه‌سان بريندار بوون، ژ ئه‌گه‌رێ په‌قينا ترۆمبێله‌كا مينرێژكرى ل بازاره‌كا ده‌ڤه‌ر سه‌در ل ياپته‌ختێ عيراقێ، به‌غدا، پشتى روودانێ ژى داعش به‌رپرساتيا خوه ژ ڤێ روودانێ راگه‌هاند.
هێرشا سپێده‌هيا ئه‌ڤرۆ رۆژا چارشه‌مبى رێكه‌فتى 11ى گۆلانا 2016ێ ماركێته‌كا قه‌ره‌بالغا ده‌ڤه‌را سه‌درا شيعان كربوو ئارمانج ل به‌غدا يا پايته‌ختێ عيراقێ.
هه‌ر وه‌كو مالپه‌رێ سى ئێن ئێن ژ زارده‌ڤێ ژێده‌رێن ساخله‌ميا عيراقێ به‌لاڤكرين، 37 كه‌س هاتينه كوشتن و ئاماژه بۆ وێ چه‌ندێ ژى كريه كو داعش به‌رپرساتيا خوه ژ وێ ته‌قينێ راگه‌هانديه.
فوئاد مه‌عصوم ئيمزايێ ل سه‌ر سزايێن سێداره‌دانێ دكه‌ت
ئه‌ڤرۆ نيوز:
د راگه‌هاندنه‌كێ دا كو ل سه‌ر زارێ خالد شوانى ئاخفتنكه‌رێ فه‌رمى يێ ب ناڤێ سه‌رۆكاتيا كۆمارا عيراقێ هاتيه به‌لاڤكرن، ئاشكه‌را كريه كو سه‌رۆك كۆمارێ عيراقێ فوئاد مه‌عصوم ژماره‌كا سزايێن سێداره‌دانێ بۆ ئه‌وان تاوانبارێن تاوانێن مه‌زن كرين ئيمزا كرينه.
دايه زانين كو په‌سه‌ندكرنا وان سزايان پشتى شرۆڤه‌كرنا دوسيێن وان بوويه ژ لايێ كۆميتێن تايبه‌ت بۆ ڤێ مه‌ره‌مێ هاتينه پێكئينان، مه‌رسومێن ئيمزاكرين ژى هاتينه ره‌وانه‌كرن بۆ ده‌سته‌لاتێن په‌يوه‌نديدار بۆ راپه‌راندنا كارێن وان و بجهئينانا سزايان ب سه‌ر وان تاوانباران دا.
د هه‌ردو خولێن بۆرى يێن سه‌رۆك كۆماريێ دا، مام جه‌لال ئيمزا ل سه‌ر چ سزايێن سێداره‌دانێ ل عيراقێ نه‌كربوو.
نيشاندان
WP Facebook Auto Publish Powered By : XYZScripts.com