ئه‌ڤرۆ نیۆز، قائید میرۆ
وه‌زیره‌كێ حوكمه‌تا هه‌رێما كوردستانێ ئاشكراكر، ژلایێ چه‌كدارێن داعش ته‌قه‌ ل وه‌زیرێ چاندنێ هاتیه‌كرن و ب سه‌لامه‌ت ده‌رچوویه‌.
عه‌بدولستار مه‌جید، وه‌زیرێ چاندنێ یێ حوكمه‌تا هه‌رێما كوردستانێ ب ئه‌ڤرۆ نیۆز راگه‌هاند” ئه‌ڤرۆ ب مه‌ره‌ما گه‌هاندنا هه‌ڤكاریا بۆ هێزێن پێشمه‌رگه‌ی مه‌ سه‌ره‌دانا میحوه‌رێ گوێڕ كر، به‌لێ ژلایێ چه‌كدارێن داعش ته‌قه‌ ل مه‌ هاته‌كرن، به‌لێ چو زیانێن گیانێ نه‌بوون و تیما مه‌ ب سه‌لامه‌ت ده‌رچوون.
عه‌بدولستاری گوت ژی” د سه‌ره‌دانا خوه‌دا بۆ سه‌نگه‌رێن پێشمه‌رگه‌ی مه‌ هژماره‌كا مریشك و هێكا بۆ هێزێن پێشمه‌رگه‌ی برن وه‌كو هه‌ڤكاریه‌ك بۆ پێشمه‌رگه‌ی.

ئه‌ڤرۆ نیوز:
رێڤه‌به‌رێ گشتى یێ دیوانا وه‌زاره‌تا ساخله‌میێ، خالس قادر راگه‌هاند سوبه‌ رۆژا پێنج شه‌مبى دێ مووچێن وه‌زاره‌تا ساخله‌میێ هێنه‌ دان.

ئه‌ڤرۆ نيوز:

ژبو رێزگرتن و وه‌فادارى بو گيانێ پاکێ شه‌هيدێن كاره‌ساتا هه‌له‌بجه‌ ،  ئه‌ڤرۆ ل ده‌مژمێر (11) ‌ى سپێدێ پرانيا فه‌رمانبه‌رێن دام و ده‌زگه‌هێن حكومى بو ماوێ پێنج خوله‌كان بێ ده‌نگى راوه‌ستيان .

هه‌ژي گوتنێ يه‌ كو ل 16/3/1988 رژێما به‌عسا ژ نافچووى د به‌رده‌واميا تاوانين خودا دژى گه‌لێ کوردستانێ ئێك ژ مه‌زنترين و درنده‌ترين كاره‌سات دژى خه‌لكێ باژێرێ حه‌له‌بچه‌ ئه‌نجام دا وتێدا (5000) كه‌س شه‌هيد بوون و ب هزاران كه‌س ژى بريندار بوون ژ سه‌ده‌ما ب کارئينانا چه‌کێ کيمياوي يێ قه‌ده‌غه‌کري ل جيهانێ .

ئه‌ڤرۆ نیوز:
سه‌رۆكا فراكسیۆنا ئێكه‌تیێ ل په‌رله‌مانێ كوردستانێ راگه‌هاند، جار جاره‌ ئه‌ندام مه‌كته‌ب سیاسیێن حزبان داخویانیان دده‌ن كو ئاگه‌هدارى باده‌گا په‌ترۆلێ نینن، ئه‌وێ ڤان ره‌نگه‌ داخویانیان دده‌ن موزایه‌دان دكه‌ن و بۆ به‌رژه‌وه‌ندیێن خوه‌ یێن تایبه‌ت وه‌دبێژین، چونكو حزبان نوونه‌ر د حوكمه‌تێ دا یێن هه‌ین و دشێن ب رێیا وان پرسیارا باده‌كا په‌ترلێ بكه‌ن.
بێگه‌رد تاله‌بانى دیار كر ژى كو چه‌ندین جاران د كۆمبوونێن جودا یێن حزبا وێ دا، قوباد تاله‌بانى جێگرێ سه‌رۆكێ حوكمه‌تا هه‌رێمێ به‌حسێ وێ چه‌ندى كریه‌ كو ئاگه‌هدارى هه‌موو گرێبه‌ستێن فه‌رمى یێن په‌ترۆلێ یه‌، لێ ئاگه‌هدارى هوورده‌كاریێن فرۆتنا وێ په‌ترۆلێ نینه‌ یا د ناڤخوه‌ دا ب تانكه‌ران دهێته‌ فرۆتن.
بێگه‌رد تاله‌بانى بۆ رووداو ئاماژه‌ ب وێ چه‌ندێ ژى كر كو تیمێ ئێكه‌تیێ د حوكمه‌تێ دا هه‌ر ژ سه‌رده‌مێ ” عومه‌ر فه‌تاح و عیماد ئه‌حمه‌د و به‌رهه‌م سالح” ئاگه‌هدارى گرێبه‌رستێن فه‌رمى یێن په‌ترۆلێ بوویه‌.

ئه‌ڤرۆ نيوز:

رێڤه‌به‌ريا گشتيا كه‌شناسى و بيڤه‌له‌رزێ ل پارێزگه‌ها راگه‌هاند كو د ماوێ 24 ده‌مژمێرێن بۆرى دا ل ويستگه‌هێن جودا يێن پارێزگه‌هێ رێژێن جودا يێن باران بارينێ هاتينه‌ تۆماركرن و ب ڤى ره‌نگێ ل خوارێ دياركرى:

ئه‌ڤرۆ نیوز:
قادر ره‌زگه‌یی لیژنا كاروبارێن پێشمه‌رگه‌ی ئاشكرا كر، داخواز ژ حوكمه‌تا هه‌رێما كوردستانێ هاتیه‌كرن، د ده‌مێ بجهئینانا بڕیارا به‌لاڤكرنا پارچێن ئه‌ردی دا، پێشمه‌رگێن بێ خال ژی پارچێن ئه‌ردی وه‌ربگرن و گۆت”هژماره‌كا زۆرا ئه‌و پێشمه‌رگه‌ى هه‌تا نوكه‌ مفادار نه‌بووینه‌ و ئه‌رد وه‌رنه‌گرتینه‌”.

ئه‌ڤرۆ نیوز:
زانا عه‌بدولره‌حمان ئه‌ندامێ په‌رله‌مانێ كوردستانێ ل فراكسیۆنا كه‌سك، به‌رسڤا په‌رله‌مانتاران عه‌لى حه‌مه‌ سالح و سۆران عومه‌ر دده‌ت كو د دیداره‌كا ته‌له‌فزیونى دا به‌حسێ پرسا گه‌نده‌لیێ و دیارنه‌مانا پاره‌ و داهاتێ نه‌فتێ كربوو.
زانا عه‌بدولره‌حمان دیاركرژى: ب باوه‌را مه‌ و خه‌لكێ كوردستانێ نابیت گوهداریا ئاخافتنێن ڤان په‌رله‌مانتاران بهێنه‌ گرتن چونكه‌ ده‌مێ ئه‌و په‌رله‌مانتاره‌ بێ كار دبن، ل مال ده‌نگوباسێن نه‌دروست دروست دكه‌ن”.
زانا عه‌بدولره‌حمان زێده‌تر گۆت” ده‌مێ ئه‌و به‌حسێ گه‌نده‌لیێ دكه‌ن و حوكمه‌تێ ب دز ل قه‌له‌م دده‌ن، پا بۆچى شریك بوون و هاتنه‌ ناڤ حوكمه‌تێ، ئه‌و ره‌وشا ب سه‌ر په‌رله‌مانى دا هاتى، ژ ئه‌گه‌رێ ئاخافتنا چه‌ند ئه‌ندام په‌رله‌مانێن نه‌به‌رپرس بوو كو ب ڤى شێوازى د ئاخفتن.