ئهڤرۆ نیوز:
مهسرور بارزانى راوێژكارێ جڤاتا ئاسایشا ههرێما كوردستانێ د دیدارهكێ دا ل گهل تهلهفزیونا vice یا ئهمریكى راگههاند” ئهگهر كێشه نههێنه چارهكرن، رهنگه ل ئایندهى گرۆپێن ههڤشێوێ داعش دهركهڤن”.
سهبارهت بهرپرسایهتیا جڤاكێ نێڤدهولهتى بهرامبهر پرچهككرنا هێزا پێشمهرگهى، مهسرور بارزانى راگههاند” چهكێ پێشمهرگهى گهلهك یێ كهڤنه، ئهڤه جهێ داخێ یه، ژبهر كو ههموو كهسهك پهسنا كوردان دكهن ب وێ یهكێ كو كاریگهرترین هێزا سهر ئهردى یه دژى تیرورستێن داعش، مه چهندین جارا داخازا چهكێ كاریگهر و پێشكهفتى كریه، بهلێ جهێ داخێ یه، چهكهكى وهسا بدهستمهڤه نهكهفتیه، ب تایبهت چهكێ گران”.
سهبارهت مانا زێدهتر یا تیرورستێن داعش، مهسرور بارزانى گۆت” هندى داعش زێدهتر ل ڤێره بمینیت، كێشه و گهفێن مهزنتر دێ دروست بن، رۆژانه ئهم یێ پێشمهرگه و ژێدهرێن زێدهتر ژ دهست ددهین، لهوما هندى دهڤهرهك د دهست داعشدا بمینیت، بهردهوام دشێن خهلكى زێدهتر بكهنه سهرباز و دووباره خوه رێكخبێن و هێرشا دژى مه یان ههر كهسهكى دى ل ههر جههكى دى بكهن”.
سهبارهت ئایندێ داعش، راوێژكارێ جڤاتا ئاسایشا ههرێما كوردستانێ گۆت” ئهگهر هێز و شیانێن نوكه یێن داعش ههڤبهر ب وى دهمى بكهین كو دهستپێ كرى، بێگومان ئهڤرۆ بهێزترن ل وى دهمێ دهستپێكرى، بهلێ ئهگهر نوكه ههڤبهر بكهین بهرامبهر چهند ههیڤێن چوویى، بێگومان داعش گهلهك دهڤهر یێن ژ دهست داین یان یێن ژێ هاتینه ستاندن، لهوما من چ گومان د وێ یهكێ دا نینه كو داعش ژ ئالیێ سهربازى ڤه دێ هێنه تێكشكاندن، ئهگهر ڤیان ههبیت و جڤاكا نێڤدهولهتى بهێته سهر خهت و یا رژد بیت بۆ ژ ناڤبرنا داعش”.
بەرواری بالا،زنار تۆڤی:
شەڤا دەربازبووی 6.3.2016 پێلەکا سەرمایێ دەڤەرا بەرواری بالا ڤەگرت و د ئەنجام دا سەقایێ ڤێ دەڤەرێ گەلەک ساربوویە و پلێن گەرماتیێ دابەزینە و ل چەندین گوندێن ڤێ دەڤەرێ ژی بەفر باریە.
ل شەڤا ئێکشەمبی رێژەکا باش یا بەفرێ ل گوندێن بناڤیێ و هەدێنە و ئۆرە و بێدوهێ و دێشێشێ و چەندین گوندێن دیتر و هەروەسا ل خالا گومرکا سەرزێری و بارۆخێ ژی باریە،ل چیایان ژی گەلەک بەفر باریە و هەروەسا رێژەیەکا باش یا بارانێ ژی ل دەڤەرا بەرواری بالا باریە .
ئهڤرۆ نیوز:
پارتى دیموكراتى كوردستان و ئێكهتیا نیشمانى كوردستان بڕیاردان ب كریار پێنگاڤ بۆ ئاسایى كرنا رهوشا ههرێمێ و كاراكرنا پهرلهمانێ كوردستانێ بهێنه هاڤێتن و رژدى ل سهر ههڤپهیمانى و ههماههنگیا د ناڤبهرا ههردو ئالیان دا هاته كرن.
رۆژا 6 ئادارێ ، ب سهرپهرشتیا مهسعود بارزانى سهرۆكێ ههرێما كوردستانێ ههردو مهكتهبێن سیاسیێن پارتى و ئێكهتیێ ل پیرمام كۆمبوون، ل دووڤ راگههاندنهكا كۆمبوونێ، بهحسێ قهیرانێن ههرێما كوردستانێ هاتیه كرن ب تایبهت قهیرانا سیاسى و چارهكرنا وێ ب بنهمایهك بۆ بدهستڤههاتنا ئێكههلویستیێ د چارهكرنا قهیرانا ئابوورى و ئێمناهی و ئیدارى دا زانیه.
دیسان ههردو ئالیان رژدى ل سهر ههڤپهیمانى و ههماههنگیا د ناڤبهرا وان و پارتێن دى یێن كوردستانى كریه و ل سهر وێ بنهمایێ بریار هاته دان رێێن چارهسهركرنێ بهێنه دانان و ب ههڤكاریا ههموو لایهك و ب ئێك ههلویستى پێنگاڤێن كریارى بۆ ئاسایى كرنا رهوشا ههرێمێ و بكارخستنا پهرلهمان و بهێزكرنا كاروبارێن حكومى یێن حوكمهتێ بهێنه هاڤێتن.
ئهڤرۆ نيوز، عهدنان رێكانى:
پهرلهمانتارێ پارتى ديموكراتى كوردستان ل پهرلهمانێ كوردستانێ راگههاند كو دژى فهرمانا وهزاری یا وهزارهتا ناڤخو سهبارهت زێدهكرنا رسومات و سزایێن دارای یێن هات و چوویێ ئهو دێ سكالايهكێ ل وهزارهتا ناڤخۆى تۆمار كهت.
دلشاد شهعبان، ئهندامێ پهرلهمانێ كوردستانێ ل سهر فراكسيۆنا پارتى ديموكراتى كوردستان ل پهيجێ خوه يێ فهرمى پۆستهك بهلاڤكريه و تێدا ئاماژه ب وێ چهندێ ژى كريه كو ل دادگهها ئيدارى ل ههولێر ل دوور ڤێ بڕيارێ ئهو دێ سكالايێ تۆمار كهت.
دهقێ نڤيسارا دلشاد شهعبان ل گهل بهلگێ داخوازيێ:
پشتی وهرگرتنا زانیاریا ل سهر فهرمانا وهزاری یا وهزارهتا ناڤخو سهبارهت زێدهكرنا رسومات و سزایێن دارای یێن هات و چوویێ، خودێ حهز كهت روژا دووشهمبی ل ههڤلێرێ ل دادگهها ئیداری دێ ڤێ سكالایێ بدژی وهزارهتا ناڤخو توماركهم، هیڤیدارم ئهنجامهكێ باش ههبیت .. مهرهما من ژ بهلاڤكرنێ بشتهڤانى یا ههویه ب دیكومینت ژ ئهڤرو ههتا دووچهمبی دێ ڤی پوشتی ب كومینت و لایكێن ههوه ههڤپێچی سكالایێ كهم.
ئهڤرۆ نيوز:
ئهحمهد عهبدولا زوبێر، بهرپرسێ راگههاندنێ ل رێڤهبهريا گشتيا پهروهردێ ل پارێزگهها دهۆكێ راگههاند: سوبههێ ژڤانێ چاڤپێكهفتنێ یه بو بهربژێرێن پوستێ رێڤهبهرێن پهروهردێن قهزا رێڤهبهریا گشتی یا پهروهردا پارێزگهها دهوكێ ئهوان بهربژێران ئاگههداردكهت كو ناڤێن وان دهرچووین بو ( چاڤپێكهفتنێ ) ب مهرهما وهرگرتنا پوستێ ( رێڤهبهریا پهروهردا قهزا سێمێل – رێڤهبهریا پهروهردا قهزا بهردهرهش).
زێدهتر گۆت: “سوبههی رێكهفتی 7/3/2016 ل دهم ژمێر ( 10:00 ) سپێدێ سهرهدانا رێڤهبهریا گشتی یا پهروهردا پارێزگهها دهوكێ بكهن ب مهرهما چاڤپێكهفتنێ دگهل لیژنا تایبهت بو تمامكرنا پروسا دهست نیشانكرنا كهسێ خودان شیان بو وان پوستان لدویف وان مهرج وپیڤهرێن هاتینه دانان”.
ئهڤرۆ نيوز:
د راگههاندنهكێ دا، وهزارهتا بازرگانيا عيراقێ ئاماژه ب وێ يهكێ كريه كو ئهوێن تهمهنێن وان د ناڤبهرا 80 بۆ 96 سالان دا، دێ پشكا وان يا ئاهێن خارنێ هێته برين و دياركريه كو ئهو برينه يا بهروهخته داكو پێداچوون ب ليستا ناڤێ هاولاتيان بهێته كرن كانێ مرينه يان ژى د ژيانێ دا ماينه.
وهزارهتا بازرگانيا عيراقێ وهلاتى پشت راستكرينه كو رهوشا دارايى يا ولاتى بهرهڤ چ ئاراستهڤه بچيت، عيراق ب ژڤان نينه پسولا خوارنێ ههلبوهشينيت.
پاره بۆ بودجهی خهرجییهكانی پسوولهی خۆراك لهنێو بودجهی گشتی 2016 بهشی پێداویستییهكانیان ناكات”.
ئهڤرۆ نيوز:
سهعدى ئهحمهد پيره، ئهندامێ مهكتهبا سياسى يا ئێكهتيا نيشتمانيا كوردستانێ، راگههاند: برياره ههردو مهكتهبێن سباسى يێن پارتى ديموكراتى كوردستان و ئێكهتيا نيشتمانيا كوردستانێ ل سهلاحهدين كۆم ببن
سهعدى ئهحمهد پيره، ئهندامێ مهكتهبا سياسى يا ئێكهتيا نيشتمانيا كوردستانێ، ئاماژه ب وێ يهكێ كر كو دێ د كومبوونێ دا بهحسێ كاراكرنا پهرلهمان و پهيوهنديێن ههرێم و بهغدا هێنه كرن.
نيشاندان