ئەڤرۆ نیوز:
وەزارەتا ساخلەمیا هەرێما کوردستانێ راگەهاند، شەش کەسێن دیتر ل پارێزگەها سلێمانیێ تووشی ڤایرۆسێ کۆرۆنا ی بوون، کو ژ دو خێزانان پێکهاتینە و خۆجهێن قەزا دەربەندیخانن.
دەقێ راگەهاندنا وەزارەتا ساخلەمیێ:
د بەردەوامیا پشکنینێ و گەریان لدووڤ گومانلێکریان، شەش تووشبوویێن ڤایرۆسێ کۆرۆنا نوو COVID-19 ل سلێمانیێ هاتینە دەستنیشانکرن، کو دو خێزانن و بەرکەفتیێن توشبوویێ دوهی نە، کو سێ ژن و دو زارۆک و زەلامەکە و خۆجهێن قەزا دەربەندیخانن.
ئەڤرۆ نیوز:
د. سەباح نەسرەدین، رێڤەبەرێ گشتی یێ ساخلەمیا سلێمانیێ دیار کر، پێنج تووشبوویێن ڤایرۆسێ کۆرۆنا یێ ل سلێمانیێ چێبووینە و هاتینە رەوانەکرن بۆ مال.
هەروەسا گۆتیە، ئەو تووشبوویی چەندین رۆژان ل ژێر چاڤدێریی و چارەسەریا نۆشداری دا بوون، نوکە ئەو تووشبوویی ڤەگەریاینە مالێن خوە و دێ ژیانا خوە یا ئاسایی بورینن.
ب چاکبوونا وان پێنج کەسان، هژمارا ئەوێن ل هەرێما کوردستانێ چێبووین گەهشتنە 27 کەسان.
ئەڤرۆ نیوز:
وەزیرێ پەروەردێ یێ هەرێما کوردستانێ راگەهاند، مە پلانەکا پێشنیازکری ئاراستەی لیژنا بلند یا روو ب رووبوونا کۆرۆنا یێ کریە بۆ دەستپێکرنا خواندنێ و دلنیایێ ددەت، کوخواندنا ئەڤ سالە ب هیچ جۆرەکێ نافەوتیت.
ئالان حەمە سەعید، وەزیرێ پەروەردێ یێ هەرێما کوردستانێ د پەیامەکا ڤیدیۆیی دا دەربارەی وەزارەتا پەروەردێ چی کریە بۆ روو ب رووبوونا کۆرۆنا یێ گۆتیه، 30% یا ئاکنجیێن هەرێما کوردستانێ دناڤا ناڤەندێن خواندنا وەزارەتا پەروەردێ دانە، راگرتنا دەواما وان ناڤەندان ژی بۆ پاراستنا سلامەتی و گیانێ خویندکاران، مامۆستایان و فەرمانبەرێن وێ وەزارەتێ بوویە.
هەروەسا گۆتیە، پلانا وان ب شێوەکێ قۆناخبەندییە بۆ دەستپێکرنا دەواما خواندنێ، کو پێدڤیە هەلسەنگاندنا ساخلەمێ بەرچاڤ بهێتە وەرگرتن بۆ دەستپێکرنا دەوامێ ل ناڤەندێن خواندنێ.
وەزیرێ پەروەردێ گۆتیە ژی، لژنا بلند یا روو ب رووبوونا کۆرۆنا یێ پێشنیازێن وەزارەتا پەروەردێ ل بەردەستدانە و دێ بڕیارێ ل سەر دەت، ئەم دلنیایێ ددەینە هەموو قوتابیێن کوردستانێ کو سالا خواندنا 2019 – 2020 ب هیچ جۆرەکێ نافەوتیت، پلان هەیە بۆ قەرەبووکرنا خواندنێ و ل دەمێ پێدڤی دێ لژنا بلند یا ڤایرۆسێ کۆرۆنا بریارێ دەت.
ئەڤرۆ نیوز:
وەزارەتا ساخلەمیا هەرێما کوردستانێ دیار کریە، پێدڤیە هەموو نەخۆشخانێن ئەهلی ل کوردستانێ پێگیریێ پێ بکەن و ٢٥% بهایان کێم وان، هەر نەخۆشخانەکا پێگێریێ نەکەت دێ هێتە سزادان.
ئەڤرۆ وەزارەتا ساخلەمیا هەرێمێ د نڤیسارەکێ دا، کو بۆ هەموو نەخۆشخانێن ئەهلی هاتیە شاندن، دیارکریە، پێدڤیە ٢٥% بهایی ل هەموو پشکێن نەخۆشخانێن ئەهلی کێم بکەن بۆ زێدەتر هاریکاریکرنا نەخۆشان.
گۆتیە ژی ، هەر نەخۆشخانەکا ب ڤێ بریارێ پێگیریێ نەکەت، دێ رێکارێن قانوونی ل هەمبەری هێنە وەرگرتن.
ئەڤرۆ نیۆز، قائید میرۆ:
تۆرا رێکخراوێن مەدەنی ل ھەولێرێ دو پێشنیار داینە حوکمەتێ و ئێک ژوان پێشنیاران ئازادکرنا زیندانیێن ناڤا چاکسازیێن ھەرێما کوردستانێ یە.
رێباز یوسف، سەرۆکێ تۆڕا رێکخراوێن مەدەنی بۆ ئەڤرۆ نیۆز دیارکر” داخوازێ ل سەرۆکێ حوکمەتا ھەرێما کوردستانێ دکەین بۆ بەرچاف گرتنا رەوشا نوکەیا ھەرێما کوردستانێ میکانزمەکی ڤەبینیت بۆ ئازادکرنا چوار ھزار زیندانیێن ھەرێما کوردستانێ، کو نوکە دناڤا چاکسازیێن ھەولێر و دھۆک و سلێمانیێ نە.
رێباز یوسف گۆتژی” بلا ئەف لێبۆرین مادێن تیرۆرێ نەگریت و تنێ کەسێن دی بشێوەیەکێ وەختی بھێنە ئازادکرن، چونکە زۆر ولاتێن دیژی ئەف بڕیار دەرکریە و کەسێن ناڤا چاکسازیان ھاتینە ئازادکرن ژبەر مەترسیێن ڤایرۆسا کۆرۆنا، ژلایەکێ دیڤە دێ پارەیەکێ زۆر بۆ حوکمەتێ ڤەگەڕیت و بۆ ھەوا بەرھنگاربوونا کۆرۆنایێ ھێتە مەزاختن.
ئەڤرۆ نیوز، عەلی حاجی :
د داخویانیەکێ دا نوونەرێ قایمقامێ زاخۆ د لژنەیا رێپێدانا هاتن وچوونا ترومبێلان ل زاخۆ بۆ ئەڤرۆ نیوز ئاشکەرا کر ل دویف نووترین بریارا وەزارەتا نافخو یا حکومەتا هەرێما کوردستانێ ب رێیا هندەک فورمان دێ رێک ب ترومبێلێن بازرگانی هێتە دان هاتن وچوونێ دناڤ باژێری دا بکەن.
زێدەتر خەلات ئوسمان گوت: (پشتی رێکارێن هاتنوچوونا وەلاتیان دناڤ سەنتەر و دەوربەرێن باژێران هاتیە توندکرن،لدویف دوماهی بریارا وەزارەتا نافخو ب رێیا هندەک فورمان دێ رێک ب هاتن وچوونا ترومبێلێن بازرگانی هێتە دان هاتن وچوونێ بکەن دناڤ باژێری دا و نوکە دا لژنەیەک ل باژێرێ زاخۆ ژنوونەرێن قایمقامی و ئاسایش و پولیسێن زاخۆ هاتیە پێک ئینان دا کو لدویف رێنمایێن وەزارەتێ فورمە بۆ کومپانیان بهێتە پرکرن دا کو بشێن هاتن وچوونێ بکەن د دەمەکێ دەست نیشان کری دا کو ئەو ژی چەند دەمژمیێرەک بۆ هاتن و چوونا وان هاتیە دەست نیشان کرن،زێدەباری وێ چەندێ ژی نوکە فورمە بۆ وان جوتیاران ژی دهێتە پر کرن یێ کو داخاز دکەن کار دناڤ ئەردێ خوەیێ چاندنێ دا دکەن بەلێ ب وی مەرجی رێڤەبەریا چاندنێ پشتەڤانیێ لێ بکەت و کو پشتی رێڤەبەریا چاندنێ پشتگیرییەکێ دەتە وی کەسی ئەم ژی ژلایێ خوە ڤە فورمەکێ بۆ پر دکەین).
و گوت ژی لیژنا مە روژانە کارێ خوە ئەنجام دەت دا کو بشێن رێکخستنەکێ بێخینە د کاری دا و هیڤی خازین ژی خەلک یێ هاریکار بیت دگەل مە دا و ژ مالێن خوە دەرنەکەڤن دا کو ساخلەمیا وان یا پاراستی بیت.
ئه‌ڤرۆ نیوز:
پشتی دو هه‌فتیێن بهێت دێ قه‌ده‌غه‌یا هاتنوچونێ ل باژێرێ ئوهان ئه‌و جهێ كۆ ڤایرۆسێ كورونایێ لێ سه‌رهلدایی ب دوماهی هێت و هاتنوچون ل گه‌ل باژێرێن دی ده‌ست پێ كه‌ته‌ڤه.
ئه‌و پێنگاڤا حكومه‌تا چینێ دای پشتی دو هه‌یڤان ژ گرتنا ته‌ڤایا رێكێن بۆ چونا ئه‌ڤی باژێرێ 11 ملیۆن كه‌سی كۆ ب ئه‌گه‌رێ كورونایێ زێده‌تری سێ هزار كه‌سان تێدا مرن گرتین.
ل 23 كانوونا دوی یا ئیسال چینێ رێ و ئاوایێن توند ل پارێزگه‌ها هوبی بكار ئینان كۆ باژێرێ ئوهان داخست، ل ته‌ڤایا باژێری لڤین و هاتنوچونا 60 ملیۆن كه‌سان توخیبداركر.
پشتی كێم بوونا توشبوویان ب كورونایێ، ل 10 ئادارێ چی جینگ پینگ سه‌رۆكێ چینێ سه‌ره‌دانا باژێرێ ئوهانێ كر.
ل چینێ 81 هزار و 171 كه‌س تووشی كورونایێ بوون و 3 هزار و 277 كه‌س ژی مرن و تاكو نها 73 هزار و 159كه‌س ساخ بووینه.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ سوپاسیا وه‌لاتێ چینێ كر و ئاماژه ب وێ چه‌ندێ دا كۆ دێ مفایی ژ سه‌ربوورا وه‌لاتێ چینێ ل سه‌ر كورنایێ وه‌رگرین.
د كۆنگره‌یه‌كێ رۆژنامه‌ڤانی دا ل گه‌ل قونسلێ گشتی ێ چینێ ل هه‌رێما كوردستانێ، د.سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ راگه‌هاند: سه‌ربوورا چینێ بۆ مه گرنگه چونكو وان د به‌رهنگاربوونا ڤایرۆسێ كورونایێ داشیان سه‌ركه‌فتنێ ده‌ستڤه بینن.
وه‌زیرێ ساخله‌میا حكومه‌تا هه‌رێما كوردستانێ ئه‌و چه‌نده‌ی راگه‌هاند كۆ سوپاسیا حكومه‌تا چینێ دكه‌ین بۆ ئه‌وان هه‌ڤكاریێن پێشكێشی هه‌رێمێ كرین و بریاره ل رۆژا 7/4/2020 تیمه‌كا بسپورێن وه‌لاتێ چینێ ژی بگه‌هته هه‌رێما كوردستانێ و رێنمایێن نوو بده‌نه مه بۆ زێده‌تر به‌رهنگاربوونا ڤایرۆسێ كورونایێ، ئه‌ڤه جارا دوێ یه چین هاریكاریا حكومه‌تا هه‌رێما كوردستانێ دكه‌ت و د وی چارچوڤه‌یی دا زێده‌تری 1000 ئامێرێن پشكنینا ڤایرۆسی پێشكێشی هه‌رێمێ كرینه.
هه‌ر دوی كۆنگرێ رۆژنامه‌ڤانی دا نی روچی قونسلێ چینێ ل هه‌رێما كوردستانێ راگه‌هاند: ل چه‌ند رۆژێن بهێت دا هاریكاریێن حكومه‌تا چینێ دێ گه‌هنه هه‌رێمێ و خه‌لكێ كوردستانێ هه‌رێمێ پشت راست دكه‌ین كۆ هین بتنێ نینن و حكومه‌تا چینێ ل پشتاوه‌یه و ل گه‌ل هه‌وه دبیت، دێ به‌رده‌وام بین ژی د هه‌ڤكاریكرنا هه‌رێمێ بۆ به‌رهنگاربوونا ڤایرۆسێ كورونایێ.
ئه‌ڤرۆ نیوز:
وه‌زاره‌تا ناڤخۆ یا حكومه‌تا هه‌رێما كوردستانێ چه‌ندین بریار و رێنمایێن نوو لگۆری ئه‌وێ ده‌سه‌لاتا پی هاتیه دان ده‌رخستن.
وه‌زاره‌تا ناڤخۆیا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه كۆ لگۆری ئه‌وێ ده‌سه‌لاتا پی هاتیه دان لگۆری بجهكرنا بریار و رێنمایێن حكومه‌تا هه‌ریمێ تایبه‌ت بۆ به‌رهنگاربوونا ڤایرۆسێ كورنایێ هه‌موو هێزێن سه‌ر ب وه‌زاره‌تا ناڤخۆ یا حكومه‌تا هه‌ریما كوردستانێ ئێخستنه د حاله‌تێ به‌رهه‌ڤیێ دا ب مه‌به‌ستا هه‌ڤكاریكرنا ئه‌وان هێزێن كۆ ئه‌ركێ بجهكرنا رینمایێن به‌رهنگاربوونا ڤایرۆسێ كورنایێ پێ هاتیه سپاردن.
ئه‌ڤرۆ نیوز:
وه‌زاره‌تا ساخله‌میا حوكه‌تا هه‌رێما كوردستانێ راگه‌هاند: ژماره‌یا توشبوویێن ب ڤایرۆسێ كورنایێ ل هه‌رێما كوردستانێ د زێده‌بوونێ دایه.
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه كۆ به‌رده‌وام پشكنین و لێگه‌ریانان بۆ گۆمانلێكریان دهێته‌كرن، شه‌ش توشبوویێن ڤایرۆسێ كورنا نوو COVID-19 ل باژێرێ هه‌ولێرێ هاتنه ده‌ست نیشانكرن، كۆ دناڤا وان دا زارۆكه‌كێ ته‌مه‌ن ئێك سال و نه‌ه سالێ و سێ ئافره‌ت و زه‌لامه‌ك هه‌نه.
وه‌زاره‌تا ساخله‌میا هه‌رێمێ ئه‌و چه‌نده ژی دیاركر ته‌ڤایا گشتی یا توشبوویێن ڤایرۆسێ كورناێ ل هه‌ریما كوردستانێ گه‌هشته 91 حاله‌ت و 2 مرن.
نيشاندان