ئەڤرۆ نیوز، عەلی حاجی :

رێڤەبەرێ ئاڤا زاخۆ بۆ ئەڤرۆ نیوز ئاشکرا کر: باژێرێ زاخۆ چو کێشێن ئاڤێ نەبوون یان کێم بوونا ئاڤێ، بەلێ د رۆژێن نێزیکی جەژنێ دا خەلکەک ب رێژەکا زۆر ئاڤێ ب کاردئینن.

 
زێدەتر هاشم ئیبراهیم گۆت : نوکە دا ل باژێرێ زاخۆ مە چو کێشێن کێم بوونا ئاڤێ نینن، بەلێ د روژانێن نێزیک جەژنێ دا وەلاتی ب شێوەیەکێ زێدەتر ئاڤێ ژ رۆژانێن دیتر ب کار دئینن ب تایبەتی ژی بۆ کارێن ناڤ باخچان ب کار دئینن، لەورا پێدڤییە ل سەر وەلاتیان د ماوێ ڤان چەند رۆژان دا مەزاختیێ د ئاڤێ دا کێم بکەن، داکو پێدڤی ب ئاڤێ نەبن د دەمێ بەرتەنگاڤیان دا و ئەم هەموو شیانان دمەزێخین ژ پێخەمەتی وێ چەندێ دا ئاڤ ب دروستی بگەهیتە وەلاتیان، هەکە وەلاتی ژی هاریکار نەبن دێ رێژەیا ئاڤێ کێم بیت، پێدڤییە رەوشەنبیریا مەزاختنا ئاڤێ ل دەف وەلاتیێ مە پەیدا بیت.

ناڤهاتی خویاکر ژی: د ماوێ بوری دا ب رێیا خێرخوازەکێ ل باژێرێ زاخۆ ل سێ تاخێن جودا کو وان تاخان ئاریشا نەبوونا ئاڤێ هەبوون سێ بیرتەوازی بۆ وەلاتیێن وی تاخی هاتنە دانان، ئەڤە ژی دەست پێشخەریەکا باشە ژلایێ خێرخوازەکێ زاخۆ ڤە.

ل دوماهیێ گۆت ژی : هەکە خێرخواز هەبن بۆ دانانا بیرتەوازیان دێ ل هندەک جهێن دیتر ژی بیرتەوازیان دانین ژبەر کو ل هندەک تاخان هێشتا کێمیا ئاڤێ هەیە و پێدڤی ب چارەسەر کرنێ هەیە .

 
ئەڤرۆنیوز ، رەزوان رۆژبەیانی:

ئەڤرۆ چارشەمبی گەنجەکێ 19سالی کو نەخۆشیا دەروونی هەبوویە خوە هاڤێتیە دناڤا رووبارێ زێ یێ مەزن دا و خەندقیە.

کەسەکێ نێریکی وی گەنجی بۆ ئەڤرۆ نیوز دیار کر: ئەڤرۆ ئێڤاری گەنجەکێ 19سالی کو ئاکنجیێ باژێرێ دهۆکێ بوویە، ب مێهڤانی دچیتە مالا باپیرێ خوە ل گوندێ خاروکی ل سنۆرێ قەزا بەردەرەش، پشت را خوە د هاڤێژیتە ناڤ رووبارێ زێیێ مەزن و دخەندقیت.

هەروەسا گۆتیە: وی گەنجی نەخۆشیا دەروونی هەبوویە، گەلەک جارێن دی ژی بزاڤا خوە کوشتنێ کریە، هەر ئەو نەخۆشیە بوویە ئەگەر، کو خوە ب هاڤێتە دناڤ رووباری دا، هەتا نوکە ژی تەرمێ وی نەهاتیە دیتن، لێگەریان بۆ دیتنا تەرمێ وی یا بەردەوامە.

ئەڤرۆ نیوز:

وەزارەتا دارایی راگەھاند: سوبەهی و دوسبە دێ مووچێ هەیڤا ئێک یێ ئەڤ سالە یێ خانەنشینێن لەشکەری و شارستانی هێتە دابەش کرن.

سوبەهی پێنجشەمبی ٢١ گۆلانا ۲۰۲۰، دێ مووچێ هەیڤا ئێک یێ ئەڤ سالە یێ خانەنشینێن لەشکەری و رۆژێن ئەینی ٢٢ گۆلانێ و شەمبیێ ٢٣ گۆلانێ دێ مووچێ خانەنشینێن شارستانی هێتە دابەش کرن.

ئەڤرۆ نیوز:

وەزارەتا پەروەردێ راگەهاند: داشکاندنا کرییا خواندنا قوتابخانە و پەیمانگەهێن نەحکومی پەیوەندی ب بهایێ خواندنا قوتابخانا ڤە نینە و پێدڤیە پێگیری بریارێ بن.
ئەڤرۆ وەزارەتا پەروەردا حوکمەتا هەرێمێ د راگەهاندنەکێ دا، چەند بریار دەربارەی داشکاندنا کرییا خواندنا قوتابخانە و پەیمانگەهێن نەحکومی دان و تێدا هاتیە: پشتی فەرمانا ویزاری یا هەژمارە ٦١ ل رێکەفتی ١١ گولانا ٢٠٢٠، پێدڤیە پێگیریێ ب ڤان خالا بکەن، بەرۆڤاژی هەر قوتابخانە و پەیمانگەهەکا سەرپێچیێ بکەت، ژبلی سزایێ دارایی، رێک پێ ناهێتەدان بۆ سالا داهاتی یا خواندنێ قوتابیان وەرگریت.

دەقێ بریاران:
. داشکاندنا ١٠% پەیوەندی ب وێ چەندێ ڤە نینە، کو بهایێ خواندنێ ل دەستپێکا سالێ چاوا هاتیە راگەهاندن، پێشبرکێ ب بهایی، یان هەستکرن ب بەرپرسیارەتیا هەوە وەسا کربیت بهایێ ئەڤ سالە ژ سالێن بوری جۆدا بیت یان کێمتر، وێ چەندێ ناگەهینیت، کو ڤێ داشکاندنێ نەکەن.
. نابیت بێژنە چ مالباتان کو داشکاندن زارۆیێ ئێکێ ڤەدگریت و زارۆکێن دی ڤەناگریت، ژبەر کو ڤێ پەیوەندی ب داشکاندنێ ڤە نینە، ئەو ئۆڤەرا سالانە یا هەوەیە و چ پەیوەندی ب داشکاندنێ ڤە نینە.

. ب چ رەنگان نابیت داخواز ژ مامۆستایێن نەحکومی بهێتەکرن ل گەل داشکاندنا بهایێ خواندنێ کو ب هەمان رێژە مووچێن وان بهێتە برین، فەرمانا ویزاری یا زەلالە کو پێدڤیە مووچێ مامۆستایان وەک خوە بیت.
. پارێ نانخوارنێ و ڤەگوهاستنێ بۆ سێ هەیڤان ب روونی هاتیە بەحسکرن، پێدڤیە وەک خوە بهێتە جێبەجێکرن.