ئه‌ڤرۆ نیوز:
سه‌رۆكێ فه‌ره‌نسا 5 ملیار یورو بۆ ڤه‌كۆلینكرنێ تایبه‌ت ب ڤه‌دیتنا چاره‌سه‌ریا ڤایرۆسێ كرونایێ ته‌رخانكرن.
ئیمانوێل ماكرۆن سه‌رۆكێ فه‌ره‌نسا راگه‌هاند قه‌یرانا كورونایێ پێدڤی ب ڤه‌كۆلینێن زانیستی یه، له‌ورا 5 ملیار یورویان دێ ته‌رخان كه‌ین بۆ ڤه‌كۆلینكرنێن تایبه‌ت بۆ ڤه‌دیتنا چاره‌سه‌ریا ڤایرۆسێ كورونایێ.
لگۆری ئاماران: تانوكه 11 هه‌زار و 10 كه‌س ل فه‌ره‌نسا توشی ڤایرۆسێ كورونایێ بوون، 295 كه‌س ساخ بووینه و 372 كه‌س ژی ب ڤایرۆسی مرینه.
ئه‌ڤرۆ نیوز:
حكومه‌تا سعودیێ مزگه‌فتا پێغه‌مبه‌ری (س) ل باژێرێ مه‌دینه ب ته‌مامی داخست.
داخستنا مزگه‌فتا پغه‌مبه‌ری(س) كۆ جارا ئیكێ یه د دیرۆكێ دا بهێته‌گرتن، ئه‌ڤ چه‌نده ئێكه ژ پێنگاڤێن سعودیێ بۆ رێگرتن ژ زێده‌تر نه به‌لاڤ بوونا ڤایرۆسێ كورونایێ.
ده‌رگه‌هی مزگه‌فتا پێغه‌مبه‌ری(س) بۆ ده‌مه‌كێ نه‌دیار ب ریارا سه‌رۆكاتیا گشتی یا كارۆبارێن حه‌ره‌مێن شه‌ریف هاتیه‌گرتن چ كه‌سه‌ك نه‌شێت بچیته ناڤ مزگه‌فتێ ڤه.
لگۆری دوماهی ئامار، تانوكه ل سعودیێ 274 كه‌س تووشی ڤایرۆسێ كورونایێ بووینه و هه‌شت كه‌س ساخ بووینه‌و چ كه‌س ژی نه‌مرینه.
ئه‌ڤرۆ نیوز:
وه‌زیرێ ناڤخۆ یێ حكومه‌تا هه‌ریما كوردستانێ ب راسپارده‌یا سه‌رۆكێ حكومه‌تا هه‌رێما كوردستانێ، سه‌ره‌دانا زیان ڤێكه‌تیێن له‌هیا دهۆكێ بكه‌ت.
ئه‌ڤرۆ 20/3/2020 رێبه‌ر ئه‌حمه‌د وه‌زیرێ ناڤخۆ یێ حكومه‌تا هه‌رێما كوردستانێ ل گه‌ل فه‌رهاد ئه‌ترۆشی پارێزگارێ دهۆكێ كۆمبوو، ژبلی قه‌ره‌بوكرنا زیان ڤێكه‌تیێن له‌هیان، رێكارێن حكومه‌تا هه‌رێما كوردستانێ بۆ رێگرتن ژ به‌لاڤبوونا ڤایرۆسێ كورونایێ ته‌وه‌ره‌كێ دی یێ كۆمبوونێ بوو.
ئه‌ڤرۆ نیوز:
سه‌رۆكێ ئه‌مریكا رێك دا كۆ ڤاكسینه‌كێ بۆ ژناڤبرنا ڤایرۆسێ كورونا بهێته بكار ئینان كۆ به‌ری نوكه بۆ ژناڤبرنا مه‌لاریایێ هاتیه بكار ئینان.
دونالد تره‌مپ د كۆنگره‌یه‌كێ رۆژنامه‌ڤانی دا راگه‌هاند تاقیكرن بۆ به‌رهه‌م ئینانا ڤاكسینه‌كی بۆ ڤایرۆسێ كورونایێ ب شیوه‌یه‌كێ باش برێڤه دچیت و د شه‌ره‌كێ مه‌زنێ نوژداریێ داینه، دڤێت د ئه‌وی شه‌ری دا سه‌ركه‌ڤین، پشتی چه‌ند هه‌فته‌یه‌كێن دی دشیێن بگه‌هینه ئه‌نجامه‌كی ل سه‌ر ئه‌وێ ڤاكسینێ، ئه‌ڤه‌ژی پشتی ئه‌وێ چه‌ندێ هات كو دوێ هزرێ داینه ئه‌ڤی كاری زێده‌تر دڤێت.
سه‌رۆكێ ئه‌مریكا فه‌رمان دایه ب ده‌زگه‌هێ خارنێ و ده‌رمانان ل ئه‌مریكا بۆ ئه‌وێ چه‌ندێ هه‌ر ئاسته‌نگه‌كا دكه‌ڤته درێیا وان هه‌مبه‌ر به‌رهه‌م ئینانا ڤاكسنیێ دالاده‌ن.
ئه‌ڤرۆ نیوز:
وه‌زاره‌تا ساخله‌میا عیراقێ، 15 حاله‌تێن نوو یێن توشبوویی ب ڤایرۆٍسێ كورونایێ راگه‌هاند.
وه‌زاره‌تا ساخله‌میا عیراقێ د راگه‌هاندنه‌كێ دا راگه‌هاند: ژ ته‌ڤایا 61 پشكنینان ده‌ركه‌ت 15 كه‌س تووشی ڤایرۆسێ كورونا بووینه.
وه‌زاره‌تا ساخله‌میا عیراقێ ئاماژه ب وێ چه‌ندێ دایه كۆ پێك هاتینه چه‌ند حاله‌ت كۆ 4 كه‌س ل نه‌جه‌ف و 5 كه‌س ل ره‌سافه و 3 كه‌س ل بابل كه‌سه‌ك ل زیقار و كه‌سه‌ك ل به‌سره و كه‌سه‌كه‌ك ژی ل كه‌ربه‌لا تووشی ڤایرۆسێ كورونا بوون.
وه‌زاره‌تا ساخله‌میێ ئه‌و چه‌نده ژی دیاركر ب ئه‌گه‌رێ ڤایرۆسێ كورونا كه‌سه‌ك ل پارێزگه‌ها زیقار مریه.
بڤێ چه‌ندێ هژمارا تووشبوویێن ل عیراقێ گه‌هشتیه 192 كه‌سان و 13 ب ئه‌گه‌رێ ڤایرۆسێ كورونایێ مرینه
ئه‌ڤرۆ نیوز، زنار تۆڤى:
ل شه‌ڤا بورى رێژه‌كا زۆر یا بارانێ ل دهۆكێ بارى، ئه‌و بارانه بوویه ئه‌گه‌رێ ئاڤ رابوونێ و له‌هیان دناڤ باژێرێ دهۆكێ و چه‌ندین ده‌ڤه‌رێن دیتر، ژ ئه‌گه‌رێ وان له‌هیان زیان گه‌هشتینه هژماره‌كا زۆر یا مالێن خه‌لكێ و هژماره‌كا ترۆمبێلان وه‌لاتیان ژى پیچ بووینه.
جه‌هوه‌ر عه‌لى قائیمقامێ قه‌زا دهۆكێ، بۆ ئه‌ڤرۆ نیوز دیار كر: ئه‌ڤا چێبووى روودانه‌كا سرۆشتى بوویه، ئه‌ڤه چه‌ندین ساله ئه‌ڤ چه‌نده ل دهۆكێ چێنه‌بووى، ژ ئه‌گه‌رێ وان له‌هیان ژى زیانه‌كا مه‌زن گه‌هشتیه خه‌لكێ دهۆكێ، د ده‌مه‌كێ كورت دا 161 ملم بارانێ ل دهۆكێ بارین، ئه‌ڤه بوویه ئه‌گه‌ر كو به‌ر و كه‌ڤر بهێنه خوار و كه‌فتینه دناڤا باژێرى دا و ڤێ چه‌ندێ زیان گه‌هاندینه ترۆمبێلان و مالێن وه‌لاتیان.
ناڤهاتى گۆت ژى: له‌هیێن شه‌ڤا بورى زیان گه‌هاندیه 400 مالان و نێزیكى 60 ترۆمبێلان ئاڤێ برینه و تێك شكاندینه و هنده‌ك سكر ل گوندان برینه و خراب كرینه، زیان گه‌هاندیه هنده‌ك پران ل سنۆرێ پارێزگه‌ها دهۆكێ و نێزیكى 30 خانیان هه‌رفتینه، هنده‌ك كامل هه‌رفتینه و هنده‌ك ژى رێژه‌یى، دیسان ئه‌و دیوارێن بۆ باخچان هاتینه چێكرن، هنده‌ك ژ وان دیواران ژى هه‌رفتینه، له‌وما ڤێ چه‌ندێ زیانه‌كا مه‌زن گه‌هاندیه خه‌لكێ، هه‌روه‌سا لژنێن وان یێن قائیمقامیێ ده‌ركه‌فتینه و ئه‌و زیانێن گه‌هشتینه خه‌لكێ، هه‌موو تۆمار كرینه و ئه‌و دێ وه‌كو ئاماره‌ك دێ بلیسته‌كێ بلند كه‌ن، بۆ پارێزگارێ دهۆكێ، داكو ئه‌و خه‌لكێ زیان گه‌هشتیێ بهێنه قه‌ره‌بۆكرن، دیسان نوكه 26 خێزان ماینه د قۆتابخانا به‌رۆشكێ یا سه‌ره‌تایى ڤه، هه‌موو پێدڤیێن وان بۆ هاتینه دابین كرن، دیسان هندى مه پێ چێبیت ئه‌م كه‌مته‌رخه‌میێ ناكه‌ین، ژ پێخه‌مه‌ت هاریكاریێن حوكمه‌تێ بگه‌هنه خه‌لكێ.
ئەڤرۆ نیوز:
ب راسپاردە و فەرمانا مەسرور بارزانی سەرۆکێ حوکمەتا هەرێما کوردستانێ، سوبەهی ئەیینێ 2020/3/20 شاندەکێ حکومەتا هەرێما کوردستانێ ب سەرۆکاتیا وەزیرێ نافخۆ رێبەر ئەحمەدی ژ بۆ جێبەجێکرنا رێنمایی و رێکارێن روو ب رووبوونا ڤایرۆرسێ کۆرۆنا یێ دێ سەرەدانا پارێزگەها دهۆکێ کەت.
هەروەسا ب بریارا سەرۆکێ حکومەتا هەرێمێ ، گۆژمێ دو ملیار دینار ژی وەکو هاریکاری بۆ زیانلێکەفتیێن لەهیان ل دهۆک و زاخۆ دێ هێنە مەزاختن.
ئەڤرۆ نیوز:
نێچیرڤان بارزانی، سەرۆکێ هەرێما کوردستانێ ب تەلەفۆنێ پەیوەندی ب فەرهاد ئەترووشی پارێزگارێ دهۆکێ کریە بۆ لێپرسینا رەوشا زیانلێکەفتیێن لەهیێن پارێزگەها دهۆکێ و ملیارەکا دیناران بۆ دهۆکێ تەرخان دکەت.
ئەڤرۆ پێنجشه‌مبی 19-3-2020 د په‌يوه‌نديه‌كا ته‌له‌فۆنی دا ل گه‌ل فه‌رهاد ئه‌ترووشى، پارێزگارێ دهۆكێ، نێچيرڤان بارزانى سه‌ره‌خۆشى و هەڤخەمێن خوە بۆ خێزان و كه‌سوكارێن وان دو قوربانيێن ژ ئه‌نجامێ لەهیان ل سنوورێ پارێزگا دهۆکێ ل سێمێلێ و زاخۆ گيانێ خوە ژ ده‌ست داین دەربریە.
لدووڤ راگەهاندنا سەرۆکاتیا هەرێما کوردستانێ، نێچیرڤان بارزانی پشتگيریا خوە بۆ كارێ سازیێن په‌يوه‌ندیدار بۆ ل تانا‌چوونا لێقه‌ومیان دووپاتكریه و بريار دایە وه‌كو هاوكاريه‌كا بلەز گۆژمێ (ئێک مليار دينار) ژ سه‌رۆكاتیا هه‌رێما كوردستانێ، پێشكێشی ئيدارا پارێزگەها دهۆكێ بکەت.
ئەڤرۆ نیوز:
ئاسایشا هەولێرێ ئاشکرا دکەت، کو ئێک ژ پاسەوانێن وەزیرێ بەرێ یێ دارایی یێ هەرێمێ سیخوری کریە و پشتی دەستەسەرکرنا وی دانپێدان ب کارێ خوە کریە.
ئاسایشا هەولێرێ بەلاڤ کریە: ر.ر.م کو پاسەوانێ وەزیرێ دارایی د کابینا هەشتێ یا حکومەتا هەرێما کوردستانێ دا بوویە، ل دەمێ ئەرکێ خوە یێ فەرمی دا ل ژێر سەرپەرشتی و رێنمایێن دەزگەهێ زانیاریان کارێ سیخوریێ ئەنجامدایە.
هەروەسا گۆتیە: سیخوری بۆ بەرژەوەندیا لایەنەکێ بیانی ل سەر حکومەتا هەرێما کوردستانێ، بەرژەوەندیێن گەلێ کوردستانێ، وەزارەتا دارایی و خودێ وەزیرێ دارایی ژی ئەنجامدایە، پشتی کو بەلگێن سەلماندی کەفتینه بەردەست ب فەرمانی دادوەری هتیە دەستگیر کرن و دانپێدان ب هەموو کارێن خوە یێن سیخوری کریە، هەموو هوورکاری ل بەر دەستێ دادوەرێ ڤەکولینێ دانە.
ئەڤرۆ نیوز:
تیمێن ساخلەمیێ بەردەوام دووڤچوونا گۆمانڵێکریێن ڤایروسێ COVID-19 دکەن و هەر گومانلێکریەک هەبیت دهێتە کەرەنتیکرن و پشکنین بو دهێنە کرن.
بو ڤێ چەندێ ژی نەخۆشەک ژیێ وی 50 سالە کو ژ وەلاتێ ئەلمانیا ڤەگەریایە، پشتی پشکنین بو هاتینە کرن ئەنجامێ وی پوزەتیڤ دەرچوویە و نوکە یێ دنەخۆشخانێ دا و رەوشا وی یا ساخلەمیێ یا باشە و وەلاتیێن پارێزگەهێ پشتراست دکەین دێ بەردەوام د کاری دابین بو پاراستنا ساخلەمیا وەلاتیان.
هیڤیدارین ژ وەلاتیان پێگیریێ ب رێنمایێن لیژنا بلند یا بەرهنگاریا کۆرۆنایێ بکەن.
رێڤەبەریا گشتی یا ساخلەمیا پارێزگەها دهۆکێ
نيشاندان