ئەڤرۆ نیوز، بارزان مزووری:
کومیسەر حازم محەمەد، بەرپرسێ راگەهاندنا هاتن و چوونا بەردەرەش بۆ ئەڤرۆ نیوز گۆت: ئەڤرۆ دەمژمێر 7:10خولەک سپێدێ رێکەفتی 6/2/2020ل سەر رێکا بەردەرەش بۆ کەلەک ل نێزیک گوندێ گردەپان روودانەک دناڤبەرا ترۆمبێلەکا تویوتا کامری تایبەت و ترۆمبێلەکا بارهەلگر تورکی روودان دروست بوو، د ئەنجام دا کەسەکی گیانێ خۆ ژ دەست دا.
ناڤهاتی خویاکر ئەو کەسێ گیانێ خۆ ژ دەست دای بناڤێ”حه‌جی ئیسماعیلە”سەرۆکێ ژوه‌را پارێزەرێن دادگەها بەردەرەشە.
ئه‌ڤرۆ نیۆز، عه‌زیز هه‌ورامی:
ئه‌و گروپه مافیاییه‌ی چه‌ند ڕۆژێكه به هه‌ڵكوتانه سه‌ر كێڵگه‌ی كۆرمۆر و ته‌قه‌كردن له ته‌نكه‌ری غاز و ڕێگه‌نه‌دان غاز بگاته ده‌ستی هاوڵاتیان قه‌یرانی غازیان له‌كوردستان دروست كردووه، له ڕێگه‌ی گروپی چه‌كدارییه‌وه له‌سه‌ر ڕێگاكان ته‌قه له ته‌نكه‌ری غاز ده‌كه‌ن، په‌رله‌مانتارێكیش ده‌ڵێ، پێویسته له‌سه‌ر حكومه‌ت به‌هێز ڕوبه‌ڕویان ببێته‌وه.
شیرین ئه‌مین په‌رله‌مانتاری فڕاكسیۆنی گۆڕان له په‌رله‌مانی كوردستان، به ئه‌ڤرۆ نیۆزی ڕاگه‌یاند:” له چه‌ند ڕۆژی ڕابردوو ئه‌وكێشه‌ی غاز له كوردستان دروست بووه له بنه‌ڕه‌تدا شتێك نییه به‌ناوی كێشه و قه‌یرانی غاز، ئه‌وه‌ی هه‌یه قه‌یرانی غاز دروستكراوه چه‌ند گرۆپێكی مافیا له‌ناو حزب شه‌ڕی به‌رژه‌وه‌ندی خۆیان ده‌كه‌ن، ئه‌وشه‌ڕه‌ی ئێستا هه‌یه و قه‌یرانی غازی لێكه‌وتووه‌ته‌وه له كوردستان له چوارچێوه‌ی به‌رژه‌وه‌ندی به‌رپرسه‌كان ئه‌وه‌ی له ڕابردوو خه‌ڵكی خه‌میی نه‌بوبێت دابینكردنی غاز بووه.
ناوبراو زیاتر ده‌ڵێ، پێویسته حكومه‌تی هه‌رێمی كوردستان به‌رپرسانه كاربكات و ناكرێت وه‌ك ئه‌وه‌ی له به‌یان نامه‌كه‌ی حكومه‌ت هاتووه كه‌سایه‌تی و گرۆپی مافیایی هه‌بێت، ده‌سه‌ڵاتی له سه‌رووی حكومه‌ته‌وه‌بێت و كاتێك ئێمه خاوه‌نی حكومه‌تی هه‌رێمین نابێت كه‌سانێك ته‌قه له شۆفێری ئه‌وته‌نكه‌رانه بكه‌ن غاز بۆ پارێزگاكانی هه‌ولێر و دهۆك ده‌گوازنه‌وه بۆیه ده‌بێت ئه‌منییه‌تی ته‌واو بۆ شۆفێره‌كان و كێڵگه‌ی كۆرمۆر دابین بكات، ئیجرائاتی پێویست بكات و ڕێگه نه‌دات كه‌سانێك له ناو حزب ده‌سه‌ڵاتی هه‌یه یاری به ماف و خواست و كه‌رامه‌تی گه‌له‌كه‌مان بكات.
هه‌روه‌ها ئاماژه‌ی بۆ ئه‌وه‌شكرد، ئه‌ركه له‌سه‌ر حكومه‌تی هه‌رێمی كوردستان غاز بگه‌یه‌نێته پارێزگاكانی كوردستان، بۆیه هه‌نگاوێكی باش بوو به‌بڕیاری سه‌رۆكی حكومه‌ت دوو لیوای پۆلیسی نه‌وت و گاز ڕه‌وانه‌ی كێڵگه‌ی كۆرمۆر پاراستنی ئه‌وكێڵگه‌ییه له چه‌مچه‌ماڵ و دابینكردنی ئه‌منییه‌ت بۆ كارمه‌ندان و شۆفێرانی ته‌نكه‌ره‌كان، ڕێگه‌ش نه‌درێت ئه‌و چه‌واشه‌كاریه‌ش به‌رده‌وامبێت بۆ ناشرینكردنی حكوومه‌تی هه‌رێم به‌وه‌ی به‌رپرسانێكی ده‌ست ڕۆشتوو له ناوچه‌كه ده‌سه‌ڵاتیان له حكوومه‌ت زیاتره كار بۆ ناشرینكردنی حكوومه‌ت ده‌كه‌ن، بتوانێت گرفت دروست بكات ڕێگه نه‌دات غاز و نه‌وتبگاته ده‌ستی هاوڵاتیان. هه‌روه‌ها وتی، ئه‌و گروپه مافیانه شه‌ڕی به‌رژه‌وه‌ندی خۆیان ده‌كه‌ن، نایانه‌وێت ئه‌و ته‌نده‌ره‌ی بۆ كۆمپانیایه‌كی تر ده‌رچووه غاز بگوازێته‌وه بۆ شاره‌كان، به‌ئاشكراش ده‌ستی مافیایی خۆیان درێژكردووه به‌رده‌وامن له ده‌ست درێژی خۆیان به‌وه‌ی ته‌قه له ته‌نكه‌ری گواستنه‌وه‌ی غاز ده‌كه‌ن.
ئه‌ڤرۆ نیۆز، ئه‌میر ئه‌ترووشی
ب ئاماده‌بوونا هاریكارێ پارێزگارێ دهۆكێ بۆ كارۆبارێن ئاواره و په‌نابه‌ران، رێكا سه‌ره‌كی یا كه‌مپا خانكێ هاته ڤه‌كرن.
ئه‌ندازیار حه‌مود غه‌ربی، سه‌رۆكێ باژێرڤانیا خانكێ بۆ ئه‌ڤرۆ نیۆز دیار كر، ئه‌ڤ رێكه ژ هه‌یڤا 10 یا سالا 2019 ده‌ست ب كارێ چێكرنێ هاتیه كرن كو ب پشته‌ڤانیا دراڤی یا رێكخراوا UNHCR و جێبه‌جێكرنا رێكخراوا ACTED ب رێكا كۆمپانیا ئادارۆك و ب هه‌ماهه‌نگی دگه‌ل بۆردێ كاروبارێن مرۆڤایه‌تی كو ب درێژاهیا 650م و فره‌هیا 7م و ب كوژمێ 60000 شێست هه‌زار دۆلارێن ئه‌مریكی هاته قێركرن.
دیاركر ژی، ب رێكا چه‌ندین رێكخراوان كار ل سه‌ر ئه‌نجامدانا چه‌ندین پرۆژێن دیتر یێ رێكا دهێته كرن ژ وان پرۆژان: پرۆژێ رێكا كه‌مپا قادیا، پرۆژێ جادێ ناڤخۆیی یێ كه‌مپا شێخان، گرێدانا هه‌ردوو كه‌مپێن دۆمیز1 و دۆمیز دوو، ئارمانجا ئه‌نجام دانا ڤان پرۆژان زێده‌تر باشكرنا ره‌وشا ژیارا ئاواران و په‌نابه‌رایه ل پارێزگه‌ها دهۆكێ.
ئه‌ڤرۆ نیوز، بارزان مزوورى:
سه‌ردار یه‌حیا عەبدولعەزیز، قائیمقامێ قه‌زا شێخان بۆ ئه‌ڤرۆ نیوز گۆت: ئه‌ڤرۆ 5/2/2020 لژنا دۆڤچوونا سوته‌مه‌نیێ ل قائیمقامیێ ب هه‌ماهه‌نگى ل گه‌ل رێڤه‌به‌ریا ناحیا قه‌سرۆك كارگه‌ها برایان یا پركرنا بوتلێن غازێ ل ناحیا قه‌سرۆك هاتە داخستن بۆ ماوێ رۆژه‌كێ بكۆژمێ 500 هزار دیناران هاتە سزادان.
ناڤهاتى خویاكر بریكاره‌كێ به‌لاڤكرنا گازا سپى بناڤێ”ئ،ع” هات سزادان بكۆژمێ 150 هزار دینارا دگه‌ل بریكاره‌كێ به‌لاڤكرنا غازێ بناڤێ”ع” هات سزادان بكۆژمێ 100 هزار دینارا ،
ناڤهاتى خویاكر ئه‌و جهێن هاتین سزادان نه‌پێگیرى ب رێنمایێن فرۆتنا سوته‌مه‌نیێ دا كر هه‌ر ئێك ژوانا سوزنامه‌ك بۆ هاته دروست كرن كۆ هه‌ر وه‌خته‌كێ نه‌پێگیرى د كارێن خودا کر دێ سزایێن مه‌زنتر ل سه‌ر وان هێنە دان.
ئەڤرۆ نیوز، نەوزاد هلۆری:
دەمەکێ کێم بەری نوکە ل موتێلەکا باژێرێ دهۆکێ ل نێزیک باخچێ گیانەوەران، گەنجەکی کو هەلگرێ رەگەزناما سوری بوو، خوە کوشت، پۆلیسێن دهۆکێ ژی دیارکر کو ئەگەرا خوە کوشتنا وی نەدیارە و ئەو یێ دووڤچوونێ ل سەر دکەن.
هێمن سلێمان، بەرپرسێ راگەهاندنا پۆلیسێن پارێزگەها دهۆکێ بۆ ئەڤرۆ نیوز گۆت: ل موتێلەکا باژێرێ دهۆکێ گەنجەکی کو هەلگرێ رەگەزناما سووری بوو، خۆ کوشت، بەلێ هەتا نوکە ئەگەرێ خۆ کوشتنا وی نەهاتیە زانین.
زێدەتر گۆت: ژیێ وی نێزیکێ 20 سالایە، پۆلیسێن دهۆکێ دووڤچوونێ ل سەر ئەگەرێ خۆ کوشتنێ و هەموو پێزانینێن گرێدای روودانێ دکەن، تەرمێ وی بۆ نوژداریا داد ل دهۆکێ هاتیە هنارتن.
دهێتە زانین کو ئەو جهێ روودان لێ هاتیە ئەنجامدان دکەڤیتە نێزیک باخچێ گیانەوەران ل سەنتەرێ باژێرێ دهۆکێ.
نه‌رويج، ئاراس ره‌شاڤايى:
د سمیناره‌ک ڤه‌کری دا ، ل باژیرێ ئوسلۆ ، پایته‌ختێ نه‌رویج د. رێبوار بابكه‌يى ئه‌ندامى په‌رڵه‌مانێ كوردستانــێ و سه‌رۆكى لێژنــا په‌يوه‌نديين ده‌رڤە يا ڕه‌ڤەندا كوردستانێ دیارکر کۆ نوکه په‌رله‌مانێ کوردستانێ به‌رهه‌ڤیا پرۆژه یاساته‌کی بۆ ره‌ڤه‌ندا کوردستانی ل ده‌رڤه‌ی وه‌لاتی دكه‌ت و نوکه شانده‌کێ په‌رله‌مانێ کوردستانێ .
ژ بۆ وه‌رگرتنا بیر و بوچوونێن ره‌ڤه‌ندا کوردى، ئه‌ڤ شانده دێ سه‌ره‌دانا گه‌له‌ک وه‌لاتا که‌ت ژ بۆ ڤێ مه‌ره‌مێ، د سمینارا خۆ دا بابکه‌یی دیارکر، کو نوکه په‌رله‌مانێ کوردستانێ به‌رهه‌ڤیا پرۆژه یاسایه‌کی بۆ ره‌ڤه‌ندا کوردى دکه‌ت ، هه‌روه‌سا دیار کرو دانپێدان کر کۆ پێدڤی بوو، ئه‌ڤ پرۆژه به‌ری نوکه هاتبا به‌رهه‌ڤکرن.
دیارکر ژى، ژبه‌ر رولێ گرنگێ ره‌ڤه‌ندا کوردى ل ده‌رڤه‌ی کوردستانێ، مه ب فه‌ر زانی هنده‌ک یاسایا تایبه‌ت بۆ وانا دابنین كه‌ن كه‌ين دا کۆ هاریکار بیت بۆ ئه‌نجامدانا کارێن وان یێن رۆژانه ، ژ لایێ یاسای،سیاسی وئابۆری ڤه.
د سمینارێ دا ژماره‌ک زۆر ژ نونه‌رێن پارتێن کوردستانێ، و رێکخراوێن کولتوری و ژمارک ژ ئه‌کادیمیا به‌رهه‌ڤ ببوون، گه‌نگه‌‌شه‌ک زۆر هاته کرن و وانا داخازيێن خۆ گه‌هاندنه شاندا کوردستانێ داکۆ جیگیر بیکه‌ن د ناڤ ڤی پرۆژی
جهێ ئاماژه پێ كرنێ يه ئه‌ڤ سمیناره هاتبوو به‌رهه‌ڤکرن ژ لایێ قۆتابخانا زمانێ کوردی وسەنته‌ڕی صەفـا ڤه ل باژێرێ ئوسلۆ .
ئەڤرۆ نیوز:
وەزارەتا پێشمەرگەی هندەک زانیاریێن راپۆرتەکا رێكخراوا نەتەوێن ئێكگرتی رەت دکەت، کو بەحسێ پێشێلکاریان بەرامبەر زارۆیان ژ لایێ هەموو هێزێن عیراقی دناڤا وان دا هێزێن پێشمەرگەی دکەت، کو 34 زارۆک کوشتینە.
ئەمیندارێ گشتی یێ رێكخراوا نەتەوێن ئێکگرتی د راپۆرتەکێدا بۆ جڤاتا ئاسایشا نێڤدەولەتی، کو رێكخراوا داعشێ، هێزێن ئەمنیێن عیراقێ و هەرێما کوردستانێ و هەڤپەیمانیا نێڤدەولەتی وەكو وان لایەنێن دیاركری كو ل تەمۆزا 2015 هەتا تەمۆزا 2019 پێشێلكاری ل دژی زارۆیان ل عیراقێ کرینە.
سەربەست لەزگین، بریکارێ وەزارەتا پێشمەرگەی راگەهاند، راپۆرتا نەتەوێن ئێکگرتی یا لاواز و بێسەروبەرە، نەدبوو پێشمەرگە ل گەل داعشێ و هندەک رێکخراوێن دیتر بهێتە تێکەل کرن.
هەروەسا راپۆرتا یۆئێنێ گۆتیە، هێزێن پێشمەرگەی زارۆک چەكدار كرینە، لێ بریکارێ وەزارەتا پێشمەرگەی دبێژیت، پێشمەرگە ل سەردەمێ چیا و شۆرەشێ دا کەسەک نە دکرە پێشمەرگە هەتا ژیێ د گەهشتیە 18 سالیێ، نوکە چ کەسێن ل ژێر ژیێ 18 سالیێ دا دناڤا هێزێن پێشمەرگەی دا نینن.
بریکارێ وەزارەتا پێشمەرگەی گۆت، راپۆرتا نەتەوێن ئێکگرتی ب گشتی جهێ نەرازیبوونا مەیە، پێدڤیە بەلگەیێن خوە بێخنە بەرچاڤ و بۆ مە روون بکەن، چونکی د کلتۆرێ مەدا ئەڤ جۆرێن کاران نیین، هەروەسا بەری نەتەوێن ئێکگرتی و قانوونێن نێڤدەولەتی هەبن، مە بنەمایێن خوە هەبوون بۆ مامەلەکرنێ ل گەل گرتیێن شەری و هەموو دزانن چاوان بوویە.
ئەڤرۆ نیوز:
ئەڤرۆ سەرۆک مەسعود بارزانی پێشوازی ل ماسیۆ توولێر بالیۆزێ ئەمریکا ل بەغدا کر و د روونشتنەکێ دا بەحسێ رەوشا دووماهیێ یا عیراقێ و راسپاردنا محەمەد عەللاوی وەکو سەرۆک وەزیرێن عیراقێ هاتە کرن.
د روونشتنێ دا هەروەسا بەحسێ رەوشا سووریێ و مافێن گەلێ کورد ل سووریێ ژی هاتە کرن.
پەیوەندیێن هەرێما کوردستانێ و ئەمریکا ژی پشکەکا دی یا دیدارا سەرۆک بارزانی ل گەل بالیۆزێ ئەمریکا ل بەغدا بوو.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ راگەهاند کو وەکو کابینا نەهێ یا حوکمەتێ وان دڤێت ب هەموو رەنگەکێ شەرێ گەندەلیێ بکەن و ل دۆر رەوشا عیراقێ ژی راگەهاند کو ئەو وەکو حوکمەتا هەرێما کوردستانێ هێڤیخوازن کو سەرۆک وەزیرێن راسپاردی محەمەد عەللاوی بشێت پشتەڤانیا ئالیێن سیاسی یێن عیراقێ و خەلکی بدەستڤە بینیت دا بشێت د کارێ خوە دا سەرکەفتی بیت.
ئەڤرۆ نیوز، بارزان مزووری:
عامر مەعروف شایەتحال ل نێزیک رویدانێ بۆ ئەڤرۆ نیوز گۆت: (ئه‌ڤرۆ ده‌مژمێر 3:00 پشتی نیڤرۆ دناڤ سه‌نته‌رێ كومه‌لگه‌ها چره سه‌ر ب قه‌زا شێخان ڤه رویدانه‌ك دناڤبه‌را سێ ترۆمبێلا رویدا لدوڤ زانیاریێن ده‌سپێكێ دو ژن و زەلامەک بریندارن و بۆ نه‌خوشخانا شێخان یا گشتی هاتینه ڤه‌گوهاستن).
نيشاندان