ئهڤرۆ نیۆز، قائید میرۆ:
دگهل بجه ئینانا رێكارێن خۆپارێزیێ ل دهروازهیێن سینوری لڤینێن بازرگانی زێده كرینه و سهرۆكێ ئێكهتیا هاورده و ههناردهكارێن كوردستانێ ژی ئاماژهكر، قهبارێ بازرگانی زۆر زێده كریه و كاریگهریێن كۆرۆنایێ بهرهف نهمانێ دچن لسهر كهرتێ بازرگانی.
مستهفا عهبدولڕهحمان، سهرۆكێ ئێكهتیا هاورهده و ههناردهكارێن كوردستانێ بۆ ئهڤرۆ نیۆز دیاركر” ددهمێ قهدهغهیا هاتنوچوونێ دا ژی هاتیه راگههاندن لڤینێن بازرگانی نههاتنه راگرتن، نوكه ژی كو ڤایرۆسا كۆرۆنایێ ل ههرێما كوردستانێ و دهڤهرێ بهرهف لاوازیێ دچیت كاریگهری لسهر ئاسایی بوونا كهرتێ بازرگانی ههیه، چهند رۆژهكه رهوشا بازرگانی یا بهرهف ئاسایی بوونێ دچیت، ههم دگهل ولاتێ ئیران و توركیا ههم ژی دگهل ولاتێن جیهانێ.
سهرۆكێ ئێكهتیا هاورده و ههناردهكاران گۆتژی” كهلوپهلێن زۆربهیا پارێزگههێن عێراقێ نوكه ب رێیا دەروازێ ئیبراهیم خەلیل و دهروازهیێن دی یێن ههرێما كوردستانێ دچیت، واته ههرێما كوردستانێ بۆ بزاڤێن بازرگانی بوویه دهرگهههك بۆ ههموو عێراقێ.
مستهفا عهبدولڕهحمان خویاكر” پێشبینی دهێتهكرن ل چهند رۆژێن داهاتی دا قهبارێ بازرگانی زۆر زێده بكهت، گورهی ئامارێن بهردهستێ مهژی تنێ دگهل ئیرانێ ل سێ ههیڤێن ئهڤساله ههرێما كوردستانێ دو ملیار دۆلار بزاڤێن بازرگانی ههبووینه، دگهل وهلاتێ توركیا ژی ب ههمان شێوه قهبارێ بازرگانی زێدهكریه.
ئەڤرۆ نیوز:
جڤاتا وەزیران ب سەرپەرشتیا مەسرور بارزانی سەرۆکێ جڤاتا وەزیران د کۆمبوونێ دایە و دهێتە چاڤەرێکرن کو د کۆمبوونێ دا بابەتێ هەڤدیتنێن ل گەل بەغدا، رەوشا ئابووری و بابەتێ دەواما فەرمانبەران و هندەک بابەتێن دی بهێنە گەنگەشە کرن.
هەروەسا دهێتە چاڤەرێکرن کو پشتی دووماهی هاتنا کۆمبوونا جڤاتا وەزیران شاندێ هەرێما کوردستانێ ب سەرۆکاتیا قوباد تالەبانی جێگرێ سەرۆکێ حوکمەتێ سەرەدانا بەغدا بکەت.
ئهڤرۆ نیۆز، عهزیز ههورامی:
بههۆی كۆمهڵێك بانگهشهی بێ بنهما دادگا داوای له پهرلهمانی كوردستان كردووه پارێزبهندی لهسهر سۆران عومهر پهرلهمانتاری كۆمهڵی ئیسلامی ههڵبگیرت و بێتهبهردهم دادگا لهسهر ئهو سكاڵایانهی لهسهرییهتی، چاودێران دهڵێن، پێویست ناكات هیچ بابهتی لابردنی پارێزبهندی سۆران عومهر ههڵای لهسهر دروستكهن دهگهر ڕاست دهكات با لهدادگا بهڵگهكانی بخاته ڕو.
هاوكار عیزهت چاودێری سیاسی ،به ئهڤرۆ نیۆزی ڕاگهیاند،سەبارەت بە بابەتی هەوڵی هەڵگرتنی پارێزبەندی لە ژمارەیەک لە ئەندامانی پەرلەمانی کوردستان لە فراکسیۆنە جیاوازەکان و ئەو قسەو باس و هەڵا گەرمەی کە لە میدیاو سۆشیاڵ میدیاوە لەسەری دەکرێت من پێم وایە ئەم بابەتە هێندەی بابەتێکی یاسایی و پەیڕەوییە هێندە بابەتێکی سیاسی نییەو هیچ پێویست ناکات ئەم هەموو بەریەککەوتنەکمان هەبێت لەم بابەتانەدا.
عیزهت بڕوای واییه،ئەرکی پەرلەمانتار وەک لە پەیڕەوی ناوخۆی پەرلەماندا دیاریکراوە چاودێری و بەدواداچون و لێپرسینەوەیە لە هەر کەموکورییەک کەهەبێت کە ئەوێش بە ڕێکاری تایبەت بە خۆی و بەشێوەیەکی یاسایی دەکرێت، کاتێک پەرلەمانتارێک یان فراکسیۆنێک بانگەشەی ئەوە دەکەن کە پێشێلکارییەک یان گەندەڵییەک هەیە دەبێت بە تەواوی بەڵگە لەسەر بابەتەکە ئامادە بکەن و بیدەنە سەرۆکایەتی پەرلەمان یان لیژنەی تایبەتمەند بۆ ئەوەی کاری لەسەر بکرێت و ئەمانیش چاودێریی ڕێکارەکانی بکەن بەڵام پێویستە بۆهەر دۆسیەیەک کە باسدەکرێت بەڵگەی تەواو هەبێت و لە کاتی پێویستدا بخرێتە بەردەستی دادگا و لایەنی پەیوەندیدار.
ئاماژهی بهوهشدا و گوتی،ئەوەی کە من وەک چاودێڕێک لەم دۆسیەیە دەیبینم کاریکی یاسایی و ئاساییە و بۆ ئەوەی وەک لە نوسراوەکەی داواکاری گشتیدا داوای خستنەڕوی بەڵگەکان کراوە پێویستە ئەوبەڕێزە بچێتە بەردەم دادوەر ئاشکرایە بە پێی پەیڕەوی پەرلەمان تا پارێزبەندی هەبێت ناکرێت لەبەردەم دادوەر ئامادە بێت بۆ خستنەڕووی هەر بەڵگەو بابەتێک، بۆیە داواکراوە کە پاریزبەندی لەسەر هەڵبگیرێت و کارەکانی دادگا جیبەجێ بکرێت، ئاشکرایە کە لەکاتی پیشاندانی بەڵگەو سەلماندنی ئەو بابەتەی کە ئەو پەرلەمانتارە بانگەشەی بۆ دەکات پارێزبەندی پێدەدرێتەوەو زیاتر لە جاران لە نێوپەرلەمان و ناوەندە سیاسی و ئیداریەکان وهاوڵاتیانیش خاوەنی کەسایەتی مەعنەوی خۆی دەبێت، خۆ ئەگەر نەیتوانی قسەکانی بسەلمینێت هەمومان پێمان وایە کە پێویستە لێپێچینەوەی لەگەڵ بکرێت بە پێی یاساو هەمومان یەکدەنگبین لەسەر سەروەر بونی یاساو دادگا و دەبێت هەموو تاکەکانی کۆمەڵگە پابەندی پاراستنی سەروەری دادگاکان بن لە سەرجەم ئاستەکان.
ئهڤرۆ نیوز:
وهزارهتا پیشهسازی و كانزایێن حكومهتا عیراقێ راگههاند جارائێكێ یه ئامیرهكی بهرههم دئینین كۆ پلهیا گهرماتیا ژمارهیهكا وهلاتیان د ئێك دهم دا تومار بكهت، ئهڤه ژی ئامیرێ پیڤانهكرنا پلهیا گهرماتیا پێشكهفتی دهێته هژمارتن.
وهزارهتا پیشهسازی و كانزایان یا حكومهتا عیراقێ د راگههاندنهكێ دا بهلاڤكر كۆ ئامیرهك بهرههم ئینایه كۆ كامێرا گهرمیێ ل سهر هاتیه دانان، د ئێك دهم دا پلهیا 30 كهسان تورما دكهت، ئامیر ب رێكا بهرنامهیێ پێشكهفتی دهێته بكار ئینان، وێنهیی روویێ كهسی دگریت و پاشی پلهیا گهرماتیا وی، ئهڤی ئامیری كارتێكرنهكا مهزن ههیه، دشیاندایه ل فرۆكهخانهیان و جهێن گشتی بهێته بكار ئینان.
وهزارهتا پیشهسازی و كانزایان ئهو چهنده ژی د راگههاندنا خودا دیاركریه ههفتیا بهێت دێ ئامیر بۆ دهستنیشانكرنا توشبوویێن ڤایرۆسێ كورونایێ ژلایێ تیمێن ساخلهمی و ئهمنی بهردهست بیت ب دووراتیا 10 مهتران كارێ خۆ دكهت.
ئهڤرۆ نیوز:
فهرمانگهها ساخلهمیا نهجهف راگههاند ژ ئهنجامێ پشكنین و لێگهریانان ئهڤرۆ دو توشبویێن ڤایرۆسێ كورونایێ هاتنه دهست نیشانكرن.
لگۆری راگههاندنا فهرمانگهها ساخلهمیا نهجهفێ هاتیه بهلاڤكرن، ژ ئهنجامێ 182 پشكنینان كو دناڤا وان دا 61 پشكنین ب ئاوایهكێ ههرهمی هات بوونهكرن، 8 كهس رهوانهی كهرهنتینهكرنێ هاتنهكرن، ئهنجامێ پشكنینان دهركهت كۆ دو ژ وان كهسان ههلگرێن ڤایرۆسێ كورونایێ بوون، ئێك ژ توشبویان ئاكنجیێ تاخی میسان دهڤهرا كوفهیه، ئهڤێ دی ئاكنجیێ تاخێ جهزیرهیه نێزیك خاندنگهها گهله.
ژمارهیا توشبووێن عیراقێ دو هزار و 348 كهس هاتینه توماركرن، 98 كهس ژی بڤی ڤایرۆسی مرینه، هزار و 544 كهس ژی ساخ بووینه.
ئهڤرۆ نیوز:
سهقا ناسیا ههرێمێ راگههاند ل هندهك دهڤهرێن ههرێما كوردستانێ باران دێ باریت و بریسی ڤهدهن.
رێڤهبهراتیا گشتی یا سهقا ناسی و بیڤهلهرزان یا ههرێما كوردستانێ راگههاند دێ ل هندهك دهڤهران باران باریت و لهزاتیا بایی توز دروست دبیت.
رێڤهبهراتیا سهقا ناسیا ههرێمێ پێشبینیا سهقایێ ئهڤرۆ و سوبههی دیاركر.
ئهڤرۆ نیوز:
بریكارێ وهزارهتا ساخلهمیا حكومهتا عیراقێ راگههاند هێشتا د قوناغا مهترسیا بهلاڤبوونا كورونایی داینه و زوویه وهلاتهك سهركهتنێ ب سهر كورونایێ دا رابگههینیت.
جاسم فهلاحی بریكارێ وهزیرێ ساخلهمیا عیراقی و ئهندامێ شانهیا قهیرانێن عیراقێ بۆ بهرهنگاربوونا كورونایێ راگههاند: رهوشا بهلاڤ بوونا ڤایرۆسی ل عیراقی مهترسیداره دڤێ قوناغێ دا مه پێدڤی ب ههڤكاری و ههماههنگیا وهلاتیان و ههموو لایهكی ههیه بۆ بهرهنگاربوونا ڤایرۆسی، نهبوونا هشیاریێ دناڤ جڤاكی، ئهڤه ئهگهرێ سهرهكێ بهلاڤبوونا ڤایرۆسی یه ل عیراقی .
جاسمی ئهو چهنده ژی دازانین كو كورونا ڤایرۆسهكێ بهێز و چالاكه و شیانێن بهلاڤبوونێ ههیه، چ وهلات د نوكهدا نهشێن سهركهفتنێ ب سهر ئهڤی ڤایرۆسی دا رابگههینن.
ئهڤرۆ نیوز:
شاندێ حكومهتا ههرێما كوردستانی بۆ درێژهدان ب دانوستاندنان دێ سهرهدانا بهغدا كهن.
بریاره ئهڤرۆ 5/5/2020 شاندێ ههرێما كوردستانێ جارهكا دی سهرهدانا بهغدا بكهن و ل گهل وهزیری پترۆلا عیراقێ و بهرپرسێن دی یێن عیراقێ كۆم بن.
فارس عیسا سهرۆكێ نوونهراتیا حكومهتا ههرێما كوردستانێ ل بهغدا راگههاند شاند بۆ درێژهدان ب دانوستاندنێن دناڤبهرا ههولێرێ و بهغدا پرسا پترۆلێ و غازێ پشكا بودجا ههرێما كوردستانێ سهرهدانا بهغدا كهنهڤه.
شاندێ حكومهتا ههرێما كوردستانێ ب راسپاردهیا مهسرور بارزانی سهرۆكێ حكومهتا ههرێما كوردستانێ سهرهدانا بهغدا دكهت.
ئهڤرۆ نیوز، لهزگین جوقی
بهرپرسێ لێژنا پارتی دیموكراتی كوردستان ل ناحیا زومار دیاركركو ل سهر دێوارێ مالا كهسهكێ عهرهب دروشمێن داعش هاتینه نڤیسین ههروهسا ژی ل سهر دێوارێن مزگهفتهكێ ژی دروشمێن داعش هاتینه بهلاڤكرن نها تیرۆرستێن داعش ل ناحیا زومار دهست ب نڤیسینا دروشمێن خوه كریه.
حهسهن خهلۆ، بهرپرسێ لێژنا پارتی دیموكراتی كوردستان ل ناحیا زومار دیاركركو لسهر دێوارێ مالا كهسهكێ عهرهب ههروهسا ژی لسهر مزگهفتا مهعسكهرێ دومیز ژی ل ناحیا زومار دروشمێن تیرۆرستێن داعش هاتینه نڤیسین لسهر دێوارێ چێكرینه( دوله الاسلامیه باقیه) وهندهك دروشمێن دی ژی هاتینه نڤیسین ئهڤه چیبوویێ ل سهر دێوارێ كهسهكێ عهرهب ژ هوزا جحێشیا ل نێزیك مهیدانهكا ئاژهلێ دسهنتهرێ ناحیا زومار دا دروشمێ داعش هاتینه چێكرن .
ئاشكهرا كركو پولیسێن زومار دهست ب ڤهكۆلینێ كریه ل سهر وان دروشمێن تیرۆرستێن داعش یێن سهر دێواران دهێنه نڤیسین ههروهسا ژی ل سهر دێوارێن مزگهفتا مهعسكهرێ دومێز ژی ل ناحیا زومار دروشمێن توندهروێن داعش هاتینه نڤیسین.
زێدهتر گۆت: شانهیێن نڤستنی یێن تیرۆۆستێن داعش ل ناحیا زومار دهست ب جموجۆڵی كرینه ههروهكو نوكه ل سهر دێوارێن مال و مزگهفتا ل زومار دروشمێن داعش دهێنه چێكرن ئهڤه وێ دگههینت كو تیرۆۆستێن داعش ههنه.
نيشاندان