ئەڤرۆ نیوز:
ئەڤرۆ مەسرور بارزانی سەرۆکێ حوکمەتا هەرێما کوردستانێ ل گەل شاندێ حوکمەتێ بۆ دانوستاندنێن ل گەل بەغدایێ کۆمبوو و د کۆمبوونێ دا شاندێ هەرێمێ بەحسێ ناڤەرۆکا رێککەفتنا ل گەل بەغدایێ کر.
سەرۆکێ شاندێ راگەهاند کو ل گەل وەزارەتا دارایی یا عیراقێ رێککەفتنا دووماهیێ ل دۆر بۆدجەی هاتیە کرن و جارا ئێکێ یە هەرێما کوردستانێ د ئامادەکرنا بۆدجێ عیراقێ دا پشکداریێ دکەت.
ئه‌ڤرۆ نيوز، نيوار محه‌مه‌د سه‌ليم:
رۆژا سێشه‌مبى 3ى كانوونا ئێكێ 2019 ل سه‌لاحه‌دين، سه‌رۆك مه‌سعود بارزانى، پێشوازى ل شانده‌كێ بلندێ جڤاتا نشتيمانى يا كوردێن سوريا ب سه‌رۆكاتيا سعود مه‌لا سه‌رۆكێ جڤاتا نشتيمانى يا كوردى ل سوريا كر.
د ديدارێ دا، كاودانێن سياسى يێن سوريا و دووماهى پێشهاتێن سياسى و مه‌يدانى و رۆلێ وه‌لاتێن هه‌رێمێ و نێڤده‌وله‌تى ل كاودانێن سوريا دا گه‌نگه‌شه كر.
هه‌ر د وێ كۆمبوونێ دا، هه‌ردولا دلته‌نگيا خوه بۆ هه‌بوونا هه‌ول و گوهۆڕينا ديموگرافيا رۆژئاڤايێ كوردستانێ و ئازاردان و ئاوه‌ركرنا وه‌لاتيێن كورد ژ لايێ چه‌كدارێن توندره‌و نيشان دا.
ده‌رباره‌ى ئايندێ سوريا و نه‌خشه‌رێيا لايه‌نێن كوردى بۆ روو ب رووبوونا ته‌حه‌ديان و مسوگه‌ركرنا مافێن سياسى يێن گه‌لێ كورد، سه‌رۆك بارزانى شيره‌تێن پێدڤى بۆ شاندێ مێڤان خسته پێش.
ئه‌ڤرۆ نيوز، نيوار محه‌مه‌د سه‌ليم:
رۆژا سێشه‌مبى 3ى كانوونا ئێكێ 2019 ل سه‌لاحه‌دين، سه‌رۆك مه‌سعود بارزانى پێشوازى ل ئه‌حمه‌د ئه‌لزاهرى قونسلێ گشتى يێ ئيمارات كر.
د ديداره‌كێ دا، قونسلێ گشتى يێ ئيمارات ل هه‌ولێر سلاڤێن شێخ محه‌مه‌د بن زائيد ئال نهيان جهنشينێ ئه‌بۆ زه‌بى گه‌هاندنه سه‌رۆك بارزانى و كورتيه‌ك ده‌رباره‌ى هاريكاريێن وه‌لاتێ خوه بۆ ئاواره و په‌نابه‌ران ل هه‌رێما كوردستانێ بۆ سه‌رۆك بارزانى به‌حس كرن و ته‌كست ل سه‌ر وێ چه‌ندێ كر كو وه‌لاتێ وان دێ يێ به‌رده‌وام بيت ل سه‌ر هاريكاريكرنا ئاواره و په‌نابه‌ران ل هه‌رێما كوردستانێ.
كاودانێن سياسى ل عيراقێ و ده‌ڤه‌ر و په‌يوه‌نديێن ناڤبه‌را هه‌رێما كوردستانێ و ئيمارات ته‌وه‌ره‌كێ دى يێ وێ كۆمبوونێ بوون.
ئه‌ڤرۆ نيوز، نيوار محه‌مه‌د سه‌ليم:
كۆمبوونا ئه‌ڤرۆ يا جڤاتا نوونه‌رێن عيراقێ بۆ ده‌مه‌كێ نه‌يێ ديار هاته پاشخستن.
بڕيار بوو ئه‌ڤرۆ رۆژا سێشه‌مبى جڤاتا نوونه‌رێن عيراقێ كۆم ببايه و ده‌نوستاندن ل دۆر هه‌لبژارتن و كۆمسيۆنا هه‌لبژارتنان بكه‌ت و ميكانيزمه‌كێ بۆ ئارامكرنا خوه‌نيشاندانان بدانيت، به‌لێ ئه‌ڤ كۆمبوونه هاته پاشخستن.
ئەڤرۆ نيوز:
سەرۆك مەسعود بارزانی ئه‌ڤرۆ دوشه‌مبى 2/12/2019 پێشوازی ل شاندەكێ حزبا زەحمەتكێشێن كوردستانێ كر كو پێكهاتبوو ژ بەلێن عەبدوللا سكرتێر و سەعد خالد جێگرێ سكرتێرێ حزبا زەحمەتكێشێن كوردستانێ.
د دیدارەكێ دا، سەرۆك بارزانی پیرۆزباهی ل گێرانا كۆنگرێ دەهێ یێ حزبا زەحمەتكێشان كر و هیڤیا سەركەفتنێ بۆ سەركرداتیا نوو یا وێ حزبێ خواست. ژ ئالیێ خوڤە حزبا زەحمەتكێشێن كوردستانێ سوپاسیا سەرۆك بارزانی كر و رێز بۆ رۆلێ سەرۆك بارزانی هەبوون د پشتەڤانیكرنا فرەلایەنی و سەقامگیریا سیاسی ل هەرێما كوردستانێ.
ئه‌ڤرۆ نيوز:
نڤيسينگه‌ها راگه‌هاندنا سه‌رۆكێ حوكمه‌تا هه‌رێما كوردستانێ ئه‌ڤرۆ دوشه‌مبى 2/12/2019 به‌لاڤكر، جهنشينێ وه‌لاتێ سعوديێ ب ئاماده‌بوونا خالد بن سه‌لمان وه‌زيرێ به‌رگريا سعوديێ و شێخ ته‌حنوون بن زايد شيره‌تكارێ ئاسايشا نيشتمانى يا وه‌لاتێ ئيماراتێ، پێشوازى ل مه‌سرور بارزانى سه‌رۆكێ حوكمه‌تا هه‌رێما كوردستانێ كر.
ئه‌ڤه د ده‌مه‌كى دايه كو دوهى 1/12/2019 نێچيرڤان بارزانى سه‌رۆكێ هه‌رێما كوردستانێ و مه‌سرور بارزانى سه‌رۆكێ حوكمه‌تا هه‌رێما كوردستانێ سه‌ره‌دانا وه‌لاتێ ئيماراتێ كربوو و پشكدارى د رێوره‌سمه‌كێ سالانه يێ وى وه‌لاتى كربوو.
ئه‌ڤرۆ نيوز:
ل سه‌ر داخوازا په‌رله‌مانێ كوردستانێ، لژنا وزێ و سامانێن سروشتى و بازرگانى و پيشه‌سازى ل گه‌ل هژماره‌كا سه‌نديكا و ژۆرێن بازرگانى ل هه‌رێما كوردستانێ كۆمبوو ب مه‌ره‌ما دانوستاندنێ ل سه‌ر قانوونا هژمار 11 يا سالا 2010 ل عيراقێ، لژنا ناڤبرى داخواز ژ حوكمه‌تا هه‌رێمێ كر كارى بۆ پاراستن و پێشڤه‌برنا به‌رهه‌مێ ناڤخوه‌يى بكه‌ت.
د كۆمبوونێ دا چه‌ندين بۆچوون و پێشنياز پێشكێشى لژنا په‌يوه‌نديدار هاتنه كرن، ب تايبه‌تى يه‌كخستنا پێناسا گومركى ل هه‌موو ده‌رگه‌هێن سنورى ل هه‌رێما كوردستانێ، هه‌روه‌سا ب مه‌ره‌ما گرنگيدانێ ب به‌رهه‌مێ ناڤخوه‌يى، په‌رله‌مانێ كوردستانێ داخواز ژ حوكمه‌تا هه‌رێما كوردستانێ كر كار ب قانوونا هژمار 11 يا سالا 2010 كو ژ په‌رله‌مانێ عيراقێ هاتيه ده‌ركرن، بكه‌ت.
ئه‌ڤرۆ نيوز:
سه‌رۆكێ هه‌رێما كوردستانێ نێچيرڤان بارزانى ئه‌ڤرۆ دوشه‌مبى 2/12/2019 د ديداره‌كێ دا ل گه‌ل شانده‌كێ بلند يێ جڤاتا نيشتمانى يا كوردى ل سووريێ (ئه‌نه‌كه‌سه) ب سه‌رۆكايه‌تيا سعود مه‌لا سه‌رۆكێ ئه‌نه‌كه‌سێ، دووماهى پێشهات و ره‌وشا سووريێ و ئاماده‌يى و رۆل و كاريگه‌ريا هێزێن هه‌رێمى و نێڤده‌وله‌تى ل ده‌ڤه‌رێ به‌حسكر.
هه‌ردولا دووپاتى ل پێدڤيا ته‌بايى و هه‌ڤدو قه‌بوولكرنێ د ناڤبه‌را پێكهات و لايه‌نان ل سووريێ و كاركرن ژبۆ چاره‌سه‌ريا كێشان و ڤه‌گه‌راندنا ئارامى و سه‌قامگيريێ كر، هه‌روه‌سا نێگه‌رانيا خوه ژ بزاڤێن گوهۆرينا ديموگرافيا ده‌ڤه‌رێ و كار و ره‌فتارێن چه‌كدارێن توندره‌وێن ئۆپۆزسيۆنا سوورى نيشاندا.
ئەڤرۆ نیوز:
کاوە عەزیزی ئەندامێ سەرکردایەتیا پارتی دیموکراتی کوردستان/ سووریێ کو پارتا وان ژی ئێکە ژ پارتێن د ناڤ ئەنجوونێ نشتیمانی یێ کوردی ل سووریێ دا راگەهاند کو دووماهیا ڤێ حەفتیێ شاندەکێ ئەنەکەسێ دێ سەرەدانا روسیا کەت و ل گەل سیرگێی لاڤرۆڤ وەزیرێ دەرڤە یێ روسیا کۆمبیت.
ناڤهاتی راگەهاند کو شاندێ ئەنەکەسێ دێ ل سەر داخوازیا روسیا سەرەدانا وی وەلاتی کەت و دێ ل دۆر دستوورێ نوو یێ سووریێ و داخوازیێن کوردان ل گەل روسیا دانوستاندن هێنە کرن.
نيشاندان