NO IORG
نووترين نووچه
نوچێن گرنگ

988

ئەڤرۆ نیوز:

سەرۆكێ‌ باژێرڤانیا سێمێلێ‌ راگەهاند ژ ئەگەرێ‌ پەیدابوونا لافاوان، رێك دناڤبەرا قەزا دهۆك و سێمێل و زاخۆ دا نەمایە و رێكا گشتی هاتیە داخستن و زیانێن مەزن ب ترۆمبێلان گەهشتینە.

محسن عەبدولكەریم، سەرۆكێ‌ باژێرڤانیا سێمێلێ‌ دیار كر، ئەڤرۆ رۆژا چارشەمبی 18/3/2020 لافاو ل گشت سنوورێ‌ پارێزگەها دهۆكێ‌ پەیدا بووینە و ئەڤ لافاوە بووینە ئەگەر زیانێن مەزن ب ترۆمبێلان بكەڤن و رێكا گشتی دناڤبەرا قەزا دهۆك و سێمێل و زاخۆ دا نەمایە و جادە پری ئاڤ بووینە و هەروەسا زیانێن مەزن ژی ب ترۆمبێلان كەفتینە.

ئاشكرا ژی كر كو تیمێن باژێرڤانیێ‌ ل سنوورێ‌ هەموو باژێرڤانیان د ئامادەباشیێ‌ دانە بۆ خزمەتكرنا هاوولاتیان.

 

 

160

ئەڤرۆ نیوز، عەلی حاجی :

ژبەر بارانەکا زور ل باژێرێ زاخۆ پرانیا مالێن نێزیکی هشکەروویێ زاخۆ ماینە د بن ئاڤێ ڤە و زیانەکا زور ژی بەر ب مالێن وان کەڤتینە و هەژمارەکا ترومبێلان ژی ماینە د بن ئاڤێ ڤە .

عەقید خالد دوسکی رێڤەبەرێ بەرەڤانیا باژێری ل زاخۆ گوت: (ژبەر بارینا رێژەیەکا زور یا بارینا بارانێ ل زاخۆ هەژمارەکا مالان مابونە بن ئاڤێ ڤە و نێزیکی شەش خێزانان ل تاخێ سەرهلدان مابون د مالێ ڤە،پشتی تیمێن نقومەڤانی گەهشتنە جهێ روودانێ و شیان وان شەش خێزانان رزگار بکەن و ئەو شەاس خێزان ژی ژ زاروو و کەسانێن دانعەمر و ئافرەتان پێک دهاتن،ژبەر بلنداهیا ئاڤێ بتنێ تیمێن مە شیان خەلکێ وان مالان ڤە رزگار بکەن و کەل و پەلێن وان ماینە د مال ڤە و نەشیان رزگار بکەن،زێدەباری وێ چەندێ ژی ل تاخێ فرقێ ژی هەژمارەکا رێیان ژ لایێ تیمێن مە ڤە هاتنە ڤەکرن ژبەر کو هاتن و چون د وان تاخان دا نەمابوو،هەر دیسان پارکا راوەستاندنا ترومبێلێن بارهەلگر ژی هەژمارەکا ترومبیلان ماینە دناڤ ئاڤێ دا دێ بەردەوام بین تا کو بشێن وان ترومبێلان رزگار بکەین).

و گوت ژی: هەژمارەکا رێکێن دناڤ سەنتەرێ باژێری دا ژبەر بارینا رێژەیەکا زور یا بارانێ هاتن و چونا مروڤان و ترومبێلان تێدا هاتیە راوەستاندن لەورا دخازین هاولاتیێن مە هاتن و چوونا خوە کێمتر بکەن .

42

ئه‌ڤرۆ نیوز:

وه‌زاره‌تا گه‌نجینه‌یا ئه‌مریكا راگه‌هاند: هه‌كه‌ ب ڤی شێوه‌یێ نوكه‌ به‌لاڤبوونا ڤایرۆسێ كورونایێ ل ئه‌مریكا به‌رده‌وام بیت، دهێته‌ چاڤه‌رێكرن رێژه‌یا بێكاریێ بۆ 20% بلند بیت.

ستیڤن منوچین وه‌زیرێ گه‌نجینه‌یا ئه‌مریكا ل چارچوڤه‌یێ كۆمبوونه‌كا جڤاتا پیرێن وه‌لاتێ خۆدا دلته‌نگیا خۆ ژ زیانێن ئابووری ب ئه‌گه‌رێ به‌لاڤبوونا كورنایێ و راگه‌هاند ل سالا 2008 وه‌ره‌ ئه‌ڤه‌ ئێكه‌م قه‌یرانا جیهانی یه‌ روو بده‌ت.

وه‌زیرێ گه‌نجینه‌یا ئه‌مریكا ئه‌و چه‌نده‌ ژی راگه‌هاند: رێژه‌یا بێكاریێ ل هه‌یڤا شباتێ یا بوری ب رێژه‌یا 3.5% بلند بوویه‌ و هه‌كه‌ بڤی ئاوایی ره‌وش به‌رده‌وام بیت تا دوماهیا ئیسال رێژه‌یا بێكاریێ بۆ 20% بلند دبیت.

44

ئه‌ڤرۆ نیوز:

كوچكا سه‌رۆكاتیا روسیا كرملین راگه‌هاند سه‌رۆكێ روسیا فه‌رمانكریه‌ ب ئه‌نجامدانا ده‌نگدانێ ل سه‌ر گوهورینێن دستوری یێن وه‌لاتی ل 22 هه‌یڤا بهێت، ئه‌ڤه‌ ژی زێده‌باری به‌لاڤبوونا كورونایێ ل ئه‌وی وه‌لاتی.

لگۆری رویته‌رز، كوچكا سه‌رۆكاتیا روسیا د راگه‌هاندنه‌كێ دا به‌لاڤكریه‌، ڤلادیمێر پوتن سه‌رۆكێ روسیا فه‌رمان كریه‌ ب ئه‌نجامدانا گوهورینێن دستوری ل وه‌لاتێ ل 22 هه‌یڤا بهێت.

ئه‌و گوهورینێن ل دستورێ روسیا دا دێ هێنه‌ ئه‌نجامدان، رێكێ دده‌ته‌ پوتینی بۆ جاره‌كا دی بۆ پوستێ سه‌رۆكاتیا روسیا خۆ هه‌لبژێریت، به‌لێ به‌ریا نها چه‌ند پێشنیار بۆ پاش خستنا ده‌نگدانێ ل سه‌ر گوهورینێن دستوری هاتنه‌ پێشكێشكرن، ب ئه‌گه‌رێ ڤایرۆسێ كورونایێ.

سه‌رۆكێ روسیا ڤلادیمێر پوتن راگه‌هاند ژ روویێ رێژه‌یا به‌لاڤبوونا ڤایرۆسێ كورونایێ، وه‌لاتێ مه‌ ل چاڤ وه‌لاتێن جیهانێ زۆر كێمه‌، نابیته‌ رێگری ل هه‌مبه‌ر پاش خستنا روودانه‌كا سیاسی یا ژڤی جوری.

109

ئه‌ڤرۆ نیوز:

وه‌زاره‌تا خاندنا بلند و ڤه‌كۆلینێن زانستی ل سه‌ر پرۆسیسا خاندنا ئیسال و دوماهی هاتنا وێ، روونكرنه‌ك به‌لاڤكر.

ئه‌ڤرۆ د راگه‌هاندنه‌كێ دا وه‌زاره‌تا خاندنا بلند و ڤه‌كۆلینێن زانستی یا حكومه‌تا هه‌رێما كوردستانێ ئاماژه‌ ب وێ چه‌ندێ هاتیه‌كرن كۆ ب مه‌به‌ستا تێكدان و چه‌واشه‌كاریێن بناڤێ وه‌زاره‌تا خاندنا بلند و ڤه‌كۆلینێن زانستی، زانیاری ل سه‌ر پرۆسه‌یا خاندنا ئیسال دهێنه‌ به‌لاڤكرن، كۆ ئیسال ب سالا ده‌رچوون بۆ قوتابێن زانكۆیێ هێته‌ هژماركرن، هه‌می قوتابیان ئاگه‌هدار دكه‌ین چ راستی بۆ ئه‌ڤێ چه‌ندێ نینه‌ و نووچه‌یه‌كێ نه‌ راست و درستكریه‌.

وه‌زاره‌تا خاندنا بلند داخاز كر ژێده‌رێ ئێكانه‌ یێ دروست مالپه‌رێ فه‌رمی یێ وه‌زاره‌تێ یه‌ و راگه‌هاندنێن رۆژنامه‌ڤانی یێن وه‌زاره‌تاخاندنا بلند پشت به‌ستنێ ل سه‌ر بكه‌ن ژ ده‌رڤه‌ی ئه‌ڤان چ راستی بۆ نوچه‌یێن دی نینن.

ئه‌ڤ راگه‌هاندنا وه‌زاره‌تا خاندنا بلند دده‌مه‌كی دایه‌ دو رۆژه‌ ل تورێن جڤاكی نوچه‌یێ ئه‌وێ چه‌ندی هه‌بوو كۆ ئیسال هه‌می قوتابی ب ده‌رچوو دهێنه‌ هژمارتن.

121

ئه‌ڤرۆ نیوز:

بۆ شرۆڤه‌كرنا قه‌یرانا ڤایرۆسێ كورونایێ، سعودی داخازا كۆمبونه‌كا بله‌زا سه‌ركردێن گرۆپێ (G20) دكه‌ت.

حوكمه‌تا سعودیێ راگه‌هاند: كۆمبوون بۆ شرۆڤه‌كرنا رێكارێن چاره‌كرنا كورونایێ و كارتێكرنا وی ڤایرۆسی ل سه‌ر ئابوورێ جیهانێ بهێته‌ ته‌رخانكرن.

د وی راگه‌هاندنا سعودیێ دا هاتیه‌ ژی كۆ ئه‌و دێ ئیسال سه‌رۆكاتیا گرۆپێ (G20) كه‌ت، به‌رده‌وام یا د په‌یوه‌ندیكرنێ دا ل گه‌ل ئه‌ندامێن گرۆپی بۆ ئه‌وێ چه‌ندێ ل ده‌مێن بهێت سه‌ركردێن گرۆپێ (G20) كۆمبوونه‌كا بله‌ز بكه‌ن.

گرۆپێ  (G20) كۆ پێ ناڤداره‌ ل سالا 1999 ب مه‌به‌ستا ریب ری بوونا قه‌یرانا دارایی ل جیهانی هاته‌ دامه‌زراندن و ئه‌ندامێن وێ نوونه‌راتیا دو ل سه‌ر سێ یا بازرگانیا جیهانێ دكه‌ن، ئه‌ندامێن وێ ژی ئەمریکا، سعودیە، کەنەدا، ئوسترالیا، هندستان، باشوورێ ئەفریقیا، رووسیا، تورکیا، بریتانیا، فەرەنسا، ئەلمانیا، ئیتالیا، ژاپون، چین، ئیندۆنیسیا، کۆریای باشوور ئەرجەنتین، بەرازیل و مەکسیک.

492

ئه‌ڤرۆ نیوز:

وه‌زیرێ ده‌رڤه‌یێ ئه‌مریكا راگه‌هاند: وه‌لاتێ وی ب چار مه‌رجان پشته‌ڤانیا حكومه‌تا نوو یا عیراقێ ب سه‌رۆكاتیا عه‌دنان زرفی كه‌ت.

مایك پومپیوه‌ وه‌زیرێ ده‌رڤه‌یێ ئه‌مریكا راگه‌هاند: هه‌كه‌ عه‌دنان زرفی ل پێك ئینانا كابینا نوو، لبه‌رچاڤكرنا ئه‌وان مه‌رجێن مه‌ بكه‌ت، ئه‌ڤه‌ پشته‌ڤانیا ئه‌مریكا و جڤاكا نێڤ ده‌وله‌تی بده‌ستڤه‌ دئینیت، ئه‌و ژی پارستنا سه‌روه‌ریا عیراقێ و دابینكرنا پێدڤیێن وه‌لاتیان و دژایه‌تیكرنا گه‌نده‌لیێ و ژناڤبرنا وێ و پاراستنا مافێن مرۆڤی.

71

ئه‌ڤرۆ نیوز:

پشتی دیاریكرن ژ لایێ سه‌رۆك كۆمارێ عیراقێ ڤه‌، زرفی به‌ربژارێ راسپاردی بۆ پێك ئینانا حكومه‌تا نوو یا عیراقێ ئێكه‌م په‌یاما خو به‌لاڤكر.

عه‌دنان زرفی به‌ربژارێ راسپاردی بۆ پێك ئینا كابینا نوو یا حكومه‌تا عیراقێ د په‌یامه‌كێ ‌دا پشتی هاتیه‌ راسپاردن راگه‌هاند: راسپاردنا من بۆ پوستێ سه‌رۆك وه‌زیران به‌رپرسیاریه‌كا دیرۆكی یه‌ و دێ هه‌موو شیانێن خۆ بۆ خزمه‌تكرنا گه‌لێن عیراقێ ته‌رخان كه‌م و من دڤێت حكومه‌ته‌كێ پێك بینم هه‌مووو پیكهاته‌ پشكدار بن، دوور ژ پشكێن حزباتیێ بیت.

سه‌رۆك وه‌زیرێ راسپاردی حكومه‌تا نوو یا عیراقێ دیاركر ب چ شیوه‌یه‌كی به‌ربژارێن وه‌زیر یێن سه‌پاندی ژلایێ لایه‌نێن سیاسی بۆ پوستێن وه‌زیریێ قه‌بیل ناكه‌م، زیده‌باری ئاریشه‌یێن هه‌رێم و خونیشاندانان چاره‌كه‌ین و هه‌ڤكاریا پێشمه‌رگه‌ی كه‌ین، هه‌ڤده‌م سوزێ دده‌م ڤه‌كولینێ ل بكۆژین خونیشانده‌ران بكه‌م.

ئه‌ڤه‌ ده‌مه‌كی دایه‌ ئێك ژ ئه‌گه‌رێن شكه‌ستنا محه‌مه‌د عه‌لاوی نه‌رازیبوونا وی ژ كاندیدكرنا لایه‌نان بوو، هه‌كه‌ ئه‌ڤه‌ ژی هه‌ر ئه‌وێ سیاسه‌تێ بكار بینیت دێ شكه‌ستنێ ئینیت.

126

 
ئەڤرۆ نیوز:
ب فەرمانا سەرۆکێ حوکمەتا هەرێما کوردستانێ، بوودجێ دویێ یێ هەوارهاتنێ بۆ بەرهنگاربوونا نەخۆشیا کۆرۆنا یێ هاتە تەرخانکرن.
وەزارەتا ساخلەمیا حوکمه‌تا هه‌رێما کوردستانێ راگەهاندیە‌، ب فەرمانا مەسرور بارزانی سەرۆکێ حوکمەتا هەرێما کوردستانێ، ژ بۆ پاراستنا ساخلەمیا وەلاتیان، بوودجێ دویێ بۆ بەرهنگاربوونا ڤایرۆسێ کۆرۆنا یێ هاتیە تەرخانکرن.

816

 

 

ئەڤرۆ نیوز:

 

هژمارەکا بەلێندەرێن پارێزگەها دھۆکێ بریار دایە سوبەهی 18 ئادارێ دەست ب دروستکرنا نەخۆشخانەکا 104 تەختی بکەن کو دێ یا تایبەت بیت ب تووشبوویێن کۆرۆنا یێ ڤە.
زیرەک دۆسکی، سەرۆکێ کۆمەلا بەلێندەرێن کوردستانێ لقێ دھۆک، بۆ رووداوێ راگەهاند، ئەڤرۆ 17 ئادارێ هژمارەک ژ بەلێندەرێن دھۆکێ پشتی ئەنجامدانا کۆمبوونەکێ بڕیار دایە ھەر ئێک لدووڤ شیانێن خوە، پشکداریێ د پرۆژێ دروستکرنا نەخۆشخانەکا تایبەت بۆ کۆرۆنا یێ ڤە بکەن.
گۆتیە ژی، مە نڤیسارەک پێشکێشی پارێزگارێ دھۆکێ کریە بۆ دەستنیشانکرنا پارچە زەڤیەکێ و پشتی رەزامەندیا وی بۆ دابینکرنا پارچە زەڤیەکێ ل سنوورێ ناحیا رزگاری یا سەر ب قەزا سێمێلێ ڤە، بڕیارە ب چاڤدێریا رێڤەبەرایا گشتی یا ساخلەمیا دھۆکی و لژنا بلند یا خۆپاراستنێ ژ کۆرۆنا یێ، دەست ب دروستکرنێ بهێته کرن و د زووترین دەمدا بهێتە تەمام کرن، هەر ھێشتا پەم نزانین دێ چەند پارە بۆ هێته خەرج کرن، بەلێ دێ یا 104 تەختی بیت و ھەموو پێدڤیێن ساخلەمیێ دێ تێدا هەبن.

نيشاندان1...1,0005645655661,5602,560...2,798زێده‌تر لاپه‌ر 565 ژ 2,798
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : [email protected]
website security
© Copyright 2021 - Rojnameya Evro - Powered by Kurdo Plus
930 queries in 0.789 seconds.
WP Facebook Auto Publish Powered By : XYZScripts.com