ئه‌ڤرۆی نیوز:

سه‌رۆكێ هه‌رێما كوردستانێ ل گه‌ل ئه‌نتونیو گۆتێرێس سكرتێرێ گشتی یێ نه‌ته‌وه‌یێن ئیكگرتی كۆمبوو،دوێ كۆمبوونێ دا  پێشهات و گوهورینێن ده‌ڤه‌رێ شرۆڤه‌كرن.

سپده‌هیا ئه‌ڤرۆ 24/1/2020 نێچیرڤان بارزانی سه‌رۆكێ هه‌رێما كوردستانێ ل گۆپیتكا داڤوسێ ل گه‌ل ئه‌نتوتیوگۆتێرێس سكرتێرێ گشتی یێ نه‌ته‌وه‌یێن ئێكگرتی كۆمبوو به‌حسێ خونیشاندان و ره‌وشا عیراقێ و ده‌ڤه‌رێ و بزاڤ بۆ ئارامكرنا ئالوزیان و رۆلێ نه‌ته‌وه‌یێن ئێكگرتی كرن.

هه‌ر دوێ كۆمبوونا سه‌رۆكی هه‌رێمێ دا ل گه‌ل سكرتێری گشتی یێ نه‌ته‌وه‌یێن ئیكگرتی دا دانوستاندن ل سه‌ر كار و چالاكیێن یوئێنێ و ده‌زگه‌هـ و ئاژانسێن ل عیراقێ و هه‌رێمێ و ره‌وشا ئاوارێن عیراقی و سوریا ل هه‌رێمێ و هاریكاریكرنا وان و پرۆسه‌یا سیاسی و بزاڤێن بۆ پێك ئینانا كابینا نوویا حوكمه‌تا عیراپی كرن.

ئەڤرۆ نیوز، مەحمود نهێلی:

قایمقامێ قەزا ئامێدیێ ب رێکا ئەڤرۆ نیوز داخازێ ژ هاولاتیێن دەڤەرێ دکەت هەکە کاره‌کێ زۆرێ پێدڤی نەبیت هاتن و چونێ نەکەت.

ئیسماعیل موستەفا رەشید قایمقامێ قەزا ئمامێدیێ دیار کر، هەر چەندە تیمێن وان یێن بەردەوامن ل سەر ڤەکرنا رێکان ژ بەفرێ لێ ژ بەر بارینا بەفرێ ب شێوەیەکی بەردەوام و زۆر تا لایەکی ڤەدکەن لایەکی دی یێ رێکێ دەهێتە گرتن. و گۆت :ئەم داخازێ ژ هاولاتی و خەلکێ خوە دکەین هەکە کەرەکێ زۆرێ پێدڤی و گرنگ نەبیت هاتن و چونێ نەکەن چونکە رێک گەلەک دنە خوەشن و بەفر بارین یا بەردەوامە و ل هند جهان رێژەکا گەلەک یا بەفرێ باریە.

ئه‌ڤرۆ نیوز:

ریڤه‌به‌راتیا گشتی یا سه‌قا ناسیێ و بیڤه‌له‌رزان یا هه‌رێما كوردستانێ رێژا بارانبارینێ ل 24 ده‌مژمێرێن بوری یێن ده‌ڤه‌رین جودایێن هه‌ریما كوردستانێ به‌لاڤكر.

ئه‌ڤرۆ هه‌ینی 24/1/2020 رێڤه‌به‌راتیا سه‌قا ناسیی و بیڤه‌له‌رزان یا هه‌ریما كوردستانێ ل په‌یجێ خویێ تورێن جڤاكی، رێژا باران بارینێ ل 24 ده‌مژمێرێن بوری یێن ده‌ڤه‌رێن جودایێن هه‌رێمێ به‌لاڤكر، كو تێدا هاتیه‌ رێژا باران بارینێ ل هه‌ولیرێ 2.1 ملم ل سلێمانیی 0.6 ملم و ل دهۆكێ ژی 14.5 ملم ل كه‌ركۆكێ 0.3 ملم ل هه‌له‌بجه‌ 1.5 ملم باران باری یه‌.

1 of 5

ئەڤرۆ نیوز، نەوزاد هلوری:

رێڤەبەریا گشتی یا باژێرڤانیان ل پارێزگەها دهۆکێ دیارکر کو رێڤەبەریا گشتی یا کەشناسی و بیڤەلەرزان یا هەرێما کوردستانێ ئەو ئاگەهدارکرینە، کو سوبەهی و دوسبە دێ پێلەکا بەفر و سەرمایێ ب سەر پارێزگەها دهۆکێ دا هێت.

ئەمیر ئەترۆشی، بەرپرسێ راگەهاندنا رێڤەبەریا گشتی یا باژێرڤانان ل پارێزگەها دهۆکێ بۆ ئەڤرۆ نیوز گۆت: (ب گورەی نڤیسارەکا رێڤەبەریا گشتی یا کەشناسی و بیڤەلەرزان یا هەرێما کوردستانێ، کو ئاراستەیێ رێڤەبەرا گشتی یا باژێرڤانیان ل پارێزگەها دهۆکێ کریە، کو دێ سوبەهی و دوسبە پێلەکا بەفر و سەرمایێ ب سەر پارێزگەها دهۆکێ دا هێت، لەوا مە داخواز ژ هەموو باژێرڤانیێن سەر ب رێڤەبەریا گشتی یا باژێرڤانیان ل پارێزگەها دهۆکێ کرینە کو د حالەتێ ئامادەباشیێ دا بن بۆ کارێن پێدڤی و خزمەتکرنا وەلاتیان).

زێدەتر گۆت: (رێڤەبەریا گشتی یا باژێرڤانیان داخوازێ ژ هەموو وەلاتیان دکەت کو ئاگەهدارێ ساخلەمیا خوە بن، بۆ کارێ پێدڤی نەبیت قەستا دەرڤە نەکەن ب تایبەتی هشیارێ زارۆکان بن ، دیسان بۆ هەر حالەتەکێ نەخواستی ژی پەیوەندیێ ب باژێرڤانیێن سنوورێ خۆ بکەن، تیمێن باژێرڤانیان ژی د بەرهەڤن بۆ هەر روودانەکا نەخواستی).