ئهڤرۆ نيوز:
باران : رێژا باران بارينێ ل 24 دهمژمێرێن بورى دهمژمێر 9:00 سپێدێ 2019/12/8 تا دهمژمێر 9:00 سپێدێ ئهڤرو ل پارێزگهها دهوكێ.
نووترين نووچه
- مەزلووم عەبدی ب ڕێیا تەلەفۆنێ سەرەخوەشیێ ل سەرۆك بارزانی دكەت
- سەرۆك بارزانی و عەمار حەكیم ڕەوشا سیاسی یا ئیراقێ گەنگەشە كر
- نێچیرڤان بارزانی و عەمار حەكیم ڕەوشا ئیراقێ و دەڤەرێ گەنگەشەكر
- مەسرور بارزانی و عەمار حەكیم دوپاتی ل چارەسەركرنا ئاریشەیێن هەولێر و بەغدایێ كر
- سامی جەلال: بەغدایێ دڤێت 100% ژ داهاتێ دەرگەهێن سنۆری ببەت
- ئەڤرۆ مەزنترین پێشانگەها نێڤدەولەتی یا خانووبەران ل هەولێرێ دێ هێتە ڤەكرن
- ڕۆژا ئێكێ ژ بەهییا عەبدولواحد ئیبراهیم شێخ عەبدولسەلام بارزانی ل بارزان ب ڕێڤەچوو
- سەرۆكێ ئیماراتێ سەرەخوەشیێ ل سەرۆك بارزانی دكەت
- بەشێ ڕەوشەنبیری و ڕاگەهاندنا پارتی دیمۆکراتی کوردستان ڕێز ل هۆزانڤانێ کورد (مستەفا حسێن)ی گرت
- هەڤپشكێ خەما مالبات و دۆستێن د. عەبدولفەتاح بۆتانی مە
سهرهكى نوچێن گرنگ
بههرا ههرێما كوردستانێ ژ بودجا عيراقێ بۆ سالا 2020 هاته ئاشكراكرن
ئهڤرۆ نيوز:
سهرۆكێ نوونهرايهتيا حوكمهتا ههرێما كوردستانێ ل بهغدا، فارس عيسا، راگههاند پشكا بودجا ههرێما كوردستانێ ژ بودجا گشتى يا عيراقێ بۆ سالا 2020 دێ 12.6% بيت ل گهل وهرگرتنا پشكا بودجا پێشمهرگهى ژى.
ب گرۆهى دهنگوباسهكێ ئاژانسا (عين العراق نيوز) يا عيراقى، فارس عيسا سهرۆكێ نوونهرايهتيا حوكمهتا ههرێما كوردستانێ ل بهغدا، د كۆنگرهكێ رۆژنامهڤانى دا پشكا بودجا ههرێما كوردستانێ ل بودجا گشتى يا عيراقێ بۆ سالا 2020 ئاشكراكر و راگههاند، ل بهرامبهر رادهستكرنا 250 هزار بهرميلێن پهترۆلێ رۆژانه بۆ كۆمپانيا (سۆمۆ) يا حكومى يا عيراقێ، ههرێما كوردستانێ دێ رێژا 12.6% ژ بودجا گشتى يا عيراقێ و پشكا بودجێ پێشمهرگهى ژى وهرگريت.
ل دۆر چارهنڤيسێ رێككهفتنا ههولێرێ و بهغدا، فارس عيسا گۆت” ئهو رێككهفتنه يا هاتيه ئهنجامدان بۆ پرۆژێ بودجا سالا داهاتى، چو كێشهك نينه چونكى قۆناغا دووماهيێ يا دهربازكرى”.
دووپاتكر ژى كو رێككهفتنا د ناڤبهرا ههرێمێ و بهغدا پشتى پهسهندكرنا بودجا سالا 2020 دێ كهڤيته د وارێ بجهئينانێ دا.
حوكمهتا ههرێمێ داخوازيهكێ ئاراستهى جڤاكێ نێڤدهولهتى دكهت
ئهڤرۆ نيوز:
بهرپرسێ فهرمانگهها پهيوهنديێن دهرڤه يا حوكمهتا ههرێما كوردستانێ د چارچۆڤێ پشكداريكرنێ د رێورهسمێن رۆژا نيشتمانى يا رۆمانيا ل ههولێرێ راگههاند، ههرێما كوردستانێ بزاڤێ دكهت پهيوهنديان ل گهل ههموو وهلاتان باشتر بكهت.
سهفين دزهيى، بهرپرسێ فهرمانگهها پهيوهنديێن دهرڤه يا حوكمهتا ههرێما كوردستانێ ههروهسا داخواز ژ جڤاكێ نێڤدهولهتى ژى كر كو د هاريكاريا ههرێما كوردستانێ و هێزا پێشمهرگهى دا بهردهوام بيت، تاكو جارهكادى گهفا داعشێ ل دهڤهرێ سهرهلنهدهت.
هێمن هەورامی: کوردستانێ وارێ پێکڤەژیانێ یە
ئەڤرۆ نیوز:
هێمن هەورامی جێگرێ سەرۆکێ پەرلەمانێ کوردستانێ پێشوازی ل شاندەکێ کەنیسایێن ئەمریکا و بریتانیا کر و د هەڤدیتنەکێ دا جێگرێ سەرۆکێ پەرلەمانێ کوردستانێ راگەهاند کو کوردستانێ هەموو دەمەکێ وارێ پێکڤەژیانێ و ئاشتیێ بوویە و هەتا نها ژی ئەو یەک بەردەوامە.
جێگرێ سەرۆکێ پەرلەمانێ کوردستانێ راگەهاند کو شاندێ کەنیسایێن بریتانی و ئەمریکا گەلەک کارێن خێرخوازی ل کوردستانێ ئەنجام داینە و مە ژی ب ناڤێ پەرلەمانێ کوردستانێ سوپاسیا وان کر.
هێشتا ل دهۆكێ قوتابخانێن سێ دهوامى يێن ماين
ئهڤرۆ نيوز، نيوار محهمهد سهليم:
سهرۆكا لژنا پهروهرده و خواندن و ئهوقاف و كاروبارێن ئاينى ل جڤاتا پارێزگهها دهۆكێ راگههاند كو ب رهنگهكێ گشتى ل پارێزگهها دهۆكێ 23 قوتابخانێن سێ دهوامى يێن ههين و پتريا وان ژى دكهڤنه قهزا شنگال.
جمبهد شوكرى، سهرۆكا لژنا پهروهرده و خواندن و ئهوقاف و كاروبارێن ئاينى ل جڤاتا پارێزگهها دهۆكێ، بۆ ئهڤرۆ نيوز دياركر كو ژ بهر قهيرانا دارايى قوتابخانه وهكو پێدڤى ناهێنه ئاڤاكرن و ئهڤێ چهندێ ژى كارتێكرن ب رهنگهكێ نهرێنى ل سهر دهوامێن قوتابخانان كرينه.
زێدهتر گۆت: “نها ل سنورێ پارێزگهها دهۆكێ ژ سهرجهمێ هزار و 604 قوتابخانان، 23 قوتابخانێن سێ دهوامى ههنه و 452 ژى دو دهوامى نه”.
جمبهد شوكرى ئاشكهرا ژى كر كو ههشت قوتابخانێن سێ دهوامى ل سنورێ قهزا شنگالێ نه و چار ژى ل قهزا سێمێلێ و چار ژى ل سنورێ پهروهردا رۆژههلات و ل ئامێدى و ئاكرێ دو قوتابخانه و ل پهروهردا زاخۆ و دهۆك رۆژئاڤا و بهردهرهش ژى قوتابخانهك و گۆت: “خۆشبهختانه ل سنورێ پهروهردێ شێخان و تلكێف و زۆممار چو قوتابخانێن سێ دهوامى نينن”.
سهرۆكا لژنا پهروهرده و خواندن و ئهوقاف و كاروبارێن ئاينى ل جڤاتا پارێزگهها دهۆكێ ئهڤ قوتابخانێن سێ دهوامى كارتێكرنێ ل سهر دهمژمێرێن دهوامێ دكهن و بههرا وانان دكهن و ل دووڤ پێدڤى مامۆستايان شيانێن گههاندنا وانان وهكو يێن دو دهوامى و ئێك دهوامى نينن.
ههرچهنده وهزارهتا پهروهردێ بڕيار دابوو كو نابيت قوتابخانێن سێ دهوامى ل ههرێما كوردستانێ بمينن، بهلێ ژ بهر قهيرانا دارايى ئهڤ بابهته بهر ب زێدهبوونێ ڤه دچيت و دا كو ئهڤ كێشه چاره ههبيت د نها دا پارێزگهها دهۆكێ ب كێمى پێدڤى ب 23 قوتابخانێن دى ههيه.
جمبهد شوكرى ئاشكهرا ژى كر كو ل دووڤ ستاندهردێن جيهانى نابيت ژ 20 ههتا 25 قوتابيان د ئێك پۆل دابن، بهلێ ل گهل قوتابخانان ههتا 45 قوتابيان ژى يێن د ئێك پۆل دا ههين.
بو ئێکەم جار کوردەک دبلومێ ژ ئەکادیمیا دیبلوماتکارێن ئەورپی وردگریت
ئەڤرۆ نیوز، مەحمود نهێلی:
گەنجەکێ کوردێ باژێرێ ئامێدیێ بناڤێ ھەڤند بەیار ئیبراھیم عەبدولاه وەک ئێکەم کورد ژ ئەکادیمیا دیپلۆماتکارێن گەنجێن ئەوروپا دەرچو.
مراد ئامێدی ئێک ژ کەسێن نێزیک ژ ڤی قوتابی بو ئەڤرۆ نیوز دیار کر کو ناڤهاتی ب درچون ژ ڤێ ئەکادیمیێ شیا باوەرناما دیپلوما کاروبارێن دیپلۆماسی و ئاسایشا نێڤ دەوڵەتی وەربگریت کو ب ئامادەبوونا سەروکێ دادگەها مافئن مروڤا ل ئەوروپا و هەروەسا ئەمیندارێ گشتی یێ جڤاتا ئەورپی هاتە ئەنجام دان
هەژی گوتنێ قوتابیێن زێدەتر ژ ١١٠ وەلاتان ل ڤێ ئەکادیمیێ دەرچوینە.
ب وێنه: ل زاخۆ ئاگر بهربوو رێڤهبهريهكێ
ئەڤرۆ نیوز،عەلی حاجی :
ل بەریا دەمەکێ کێم ژئەگەرێ شورتەکێ کارەبێ ئاگر بەر دبیتە پشکەکا ئاڤاهیێ رێڤەبەریا جێبەجێ کرنێ ل زاخۆ و ئاگر ژلایێ تیمێن بەرەڤانیا باژێری ل زاخۆ هاتە کونترول کرن.
رائید بێوار عەبدولعەزیز بەرپرسێ بەرەڤانیا باژێرێ ل زاخۆ بۆ ئەڤرۆ نیوز گوت : ل بەریا دەمەکێ کێم ل نێزیکی دەمژمێر ١١ی سپێدێ ل رێڤەبەریا جێبەجێ کرنێ ل زاخۆ ژ ئەگەرێ شورتەکێ کارەبێ ئاگر بەر دبیتە پشکەکا ئاڤاهیێ هەما رێڤەبەری و پشکەکا ئەو تومارێن هاتینە تومار کرن هاتنە سوتن و زێدەباری وێ چەند ئامیرەیەک ژی هاتنە سوتن و هەر زوو تیمێن مە ل بەرەڤانا باژێری ل زاخۆ شیان کونترولی ل سەر ئاگری بکەن و دوێ روودانێ دا چو زیانێن گیانی نەبون بتنێ زیانێن ماددی بون .
رهوشا سهقايێ سوبههى
ئهڤرۆ نيوز، نيوار محهمهد سهليم:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ راگههاند كو سوبههى رۆژا دوشهمبى دهێته پێشبينيكرن ئهسمان ئهور بيت و باران بارين ب رهنگهكێ ڤهقهتايى بباريت و ب شهڤ رێژا باران بارينێ دێ زێدهتر بيت. ل دهڤهرێن چيايى ژى بهفر دێ باريت.
پشكا پێشبينيان ل رێڤهبهريا گشتى يا سهقاناسى و بيڤهلهرزێ ل ههرێما كوردستانێ د نڤيسارهكێ دا كو دانهك ب دهست ئهڤرۆ نيوز كهفتيه راگههاند كو سوبههى رۆژا دوشهمبى رێكهفتى 9ى كانوونا ئێكێ 2019 دهێته پێشبينيكرن ئهسمان ئهور بيت و باران بارين ب رهنگهكێ ڤهقهتايى بباريت و ب شهڤ رێژا باران بارينێ دێ زێدهتر بيت. ل دهڤهرێن چيايى ژى بهفر دێ باريت.
پشكا پێشبينيان ئاشكهرا ژى كر كو لهزاتيا بايى دێ ب رهنگێ ل سهرخوه و ناڤهندى بيت ناڤبهرا 5 بۆ 15كم بيت و مهودايێ ديتنێ ژى دێ 7 بو 9كم بيت. نزمترين پلا گهرماتيێ دێ 8 پله بيت و بلندترين پله ژى دێ 9 بيت.
پشكا ههرێما كوردستانێ ل كۆمسيۆنا ههلبژارتنێن عيراقێ هاته دياركرن
ئهڤرۆ نيوز:
پشكا ههرێما كوردستانێ ل جڤاتا كۆمسيارێن كۆمسيۆنا بلند يا ههلبژارتنان ل عيراقێ هاته دياركرن.
ل دووڤ قانوونا نوو يا كۆمسيۆنا بلند يا ههلبژارتنان ل عيراقێ، جڤاتا كۆمسياران دێ ژ 9 ئهندامان پێكهێت.
ل دووڤ پێزانينان، پێدڤيه ئهندامێن جڤاتا كۆمسياران كو 9 كهسن دادوهر بن، دو ژ وان 9 كهسان دێ ژلايێ جڤاتا دادوهريێ ل ههرێما كوردستانێ هێنه دياركرن، پێنج كۆمسيار ژى ژ لايێ جڤاتا دادوهريێ ل عيراقێ و دو كۆمسيار ژلايێ حوكمهتا عيراقێ دێ هێنه دياركرن.
ل رۆژا پێنجشهمبيا بۆرى 5/12/2019 پهرلهمانێ عيراقێ قانوونا كۆمسيۆنا بلند يا ههلبژارتنان ل عيراقێ پهسهند كربوو.
ب فرۆكێ هێرش ل سهر مالا موقتهدا سهدر هاته كرن
ئهڤرۆ نيوز:
ژێدهرهكێ نێزيك ژ موقتهدا سهدر بهلاڤكر،ئهڤرۆ شهمبيێ 7/12/2019 ب رێيا فرۆكهكا بێ فرۆكهڤان هێرش ل سهر مالا موقتهدا سهدر، سهرۆكێ رهوتێ سهدرى ل باژێرێ نهجهف هاته كرن، بهلێ چو زيانێن گيانێ نهبوون.
وى ژێدهرى دياركر كو ئهو هێرشه پشتى وێ چهندێث هات كو موقتهدا سهدر داخواز ژ لايهنگرێن خوه كرى گيانێ خوهنيشاندهرێن عيراقى بپارێزن.
دهێته زانين نوكه موقتهدا سهدر ل باژێرێ (قوم) ل ئيرانێ يه.
ل شههڤا بۆرى چهند چهكداران ل بهغدا تهقه ل خوهنيشاندهران كر و د ئهنجامدا 21 كهس هاتنه كوشتن و چهندين كهسێن دى برينداربوون.
نيشاندان
WP Facebook Auto Publish Powered By : XYZScripts.com