ئه‌ڤرۆ نیوز:
پشتى ساله‌ك و چار هه‌یڤان، بریاره رۆژا 25 ڤێ هه‌یڤێ ئێكه‌م گه‌شتا ئاسمانى یا د ناڤبه‌را توركیا و سلێمانیێ ده‌ستپێ بكه‌ت.
ژڤانێ ده‌ستپێكرنا گه‌شتێن ئاسمانى یێن سلێمانیێ بۆ توركیا هاته دیاركرن
نووترين نووچه
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
- چاڤدێرێن سیاسی ژ چاوانیا برێڤەچوونا قۆناغا ئاشتیێ دلگرانن
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
سه‌ره‌كى نوچێن گرنگ
سوبه دێ ده‌نگدان ل سه‌ر بودجه‌ى هێته كرن
ئه‌ڤرۆ نیوز:
بریاره سوبه ده‌نگدان ل سه‌ر كابینا وه‌زارى یا عادل عه‌بدولمه‌هدى سه‌رۆك وه‌زیرێن عیراقێ و دیسان ده‌نگدان ل سه‌ر پرۆژه قانوونا بودجێ بهێته دان.
د. محەممەد شاکر، ئه‌ندامێ په‌رله‌مانێ عیراقێ دیاركر فراكسیونێن كوردستانى د ئێك ده‌نگن سه‌باره‌ت پشكا هه‌رێما كوردستانێ ژ بودجه‌ى، كارێ باش هاتیه كرن، هه‌روه‌سا ئه‌م پێداگریێ ل سه‌ر ده‌ربازكرنا مادێ 10، دكه‌ن كو رژدیێ ل سه‌ر مووچێ فه‌رمانبه‌رێن هه‌رێما كوردستانێ و مووچێ پێشمه‌رگه‌ى بكه‌ن، بێ كو ب ناكوكیێن سیاسى ڤه بهێته گرێدان.
ل زاخۆ ئاگر بەربوو شووقەیەکێ
ئەڤرۆ نیوز، عەلی حاجی :
ئەڤرۆ ل روژا سێ شەمبێ رێکەفتی ٢٠١٩/١/٢٢ ل باژێرێ زاخۆ تاخێ بێدارێ ل دەمژمێر دو پشتی نیڤرو ئاگر بەربوو شوقەیەکا کوردێن روژئاڤا و کەل و پەلێن ھەموو ھاتنە سوتن و ژناڤ برن.
ل دور ڤی بابەتی رائید بێوار عەبدولعەزیز بەرپرسێ راگەھاندنا بەرەڤانیا باژێری ل پارێزگەھا دھۆک بۆ ئەڤرۆ نیوز گۆت: ھاتینە ئاگەھدار کرن کو روودانەکا ئاگر بەربوونێ ل تاخێ بێدارێ ل زاخۆ پشتی تیمێن مە بلەز گەھشتینە روویدانێ ئاگر ب شوقەیەکا کوردێن روژئاڤایێ کوردستانێ کەفتیە و ھەر زوو تیمێن مە شیان ئاگری کونترول بکەن لێ جھێ داخێ یە کەل و پەلێن وی ھەموو ھاتینە سوتن.
ناڤبری زێدەتر گۆت : ھەتا نوکە ب دروستی ئەگەرێن ئاگر بەربونێ دیار نینن لێ ل دووڤ پێزانینێن سەرەتای دبیت شورتەکێ کارەبێ بیت ئەگەرێ ئاگر بەربوونێ ب مالا وی ھاولاتی لێ خوشبەختانە ھەموو گیان ب سلامەتن چو کەس بریندار نەبویە و نەھاتیە سوتن.
وه‌لاتیه‌ك د ده‌ره‌جکێن قایمقامیەکێ دا كه‌فت و گیانێ خوه ژ ده‌ست دا
ئه‌ڤرۆ نیوز، نه‌وزاد هلۆرى:
ئه‌ڤرۆ سپێدێ وه‌لاتیه‌كێ 50 سالى ل ده‌ما سه‌ره‌دانا قایمقامیه‌تا قه‌زا به‌رده‌ره‌ش كرى بۆ ب رێڤه‌برنا كاروبارێن خوه، د ده‌ره‌جكێن ئاڤاهیێ قایمقامیێ دا دكه‌ڤیت، و هه‌تا دگه‌هیننە نه‌خۆشخانێ گیانێ خوه ژ ده‌ست دده‌ت.
بوتان بوتانى، به‌رپرسێ راگه‌هاندنا قه‌زا به‌رده‌ره‌ش بۆ ئه‌ڤرۆ نیوز گۆت: (ئه‌ڤرۆ سپێدێ وه‌لاتیه‌كێ خه‌لكێ ناحیا كه‌له‌ك ب بمه‌ره‌ما ب رێڤه‌برنا مامه‌له‌یێن خوه یێن ڤه‌گوهاتسنا خانوى سه‌ره‌دانا قایمقامیه‌تا قه‌زا به‌رده‌ره‌ش كر، ده‌ما دچیته سه‌ر ده‌ره‌جكان، دده‌ره‌جكان دا دكه‌ڤیت و گیانێ خوه ژ ده‌ست دا).
زێده‌تر گۆت: (ناڤێ وى سالح ئه‌حمه‌د عه‌بدولكه‌ریمه و ژیێ وى نێزیكێ 50 سالایه و ب گوره‌ى پێزانینان جه‌لتا مێشكى ژى هه‌بویه، ژبه‌رڤێ به‌رگریا كه‌فتنێ نه‌كریه و هه‌تا دگه‌هینن نه‌خوشخانێ گیانێ خوه ژ ده‌ست دا).
بڕیار ل سەر مووچێ هەیڤێن 11 و 12 هاتەدان
ئەڤرۆ نیوز:
ژێدەرەکێ ئاگەهدار ل گەنجینا هەرێما کوردستانێ دیار کر کو وەزارەتا دارایی و ئابووری یا حوکمەتا هەرێما کوردستانێ دوهی رۆژا 21/1/2019 ل گەل رێڤەبەرێن گەنجینان کۆمبوونەک ل دۆر مووچێ هەیڤێن 11 و 12 یێن سالا 2018ێ ئەنجامدا.
هەمان ژێدەر بۆ کوردستان تیڤی دیار کر کو ئەڤ کۆمبوونە ب سەرپەرشتیا رێباز حەملان، وەزیرێ دارایی و ئابووری یێ حوکمەتا هەرێما کوردستانێ هاتە ئەنجامدان و گۆت: “د کۆمبوونێ دا بڕیار هاتەدان مووچێ هەیڤا 11 یێ سالا 2018 ل هەیڤا 2 یا ئەڤ سالە بهێتە بەلاڤکرن و مووچێ هەیڤا 12 ژی ل هەیڤا 3 یا ئەڤ سالە بهێتە بەلاڤکرن.
د.غازی زێباری خەلاتەکێ جیهانی وەردگریت
ئەڤرۆ نیوز:
کۆمەلا نشتەرگەرێن ئەکادیمی یا ئەمریکی خەلاتێ مرۆڤاتیێ پێشکێشی پروفیسور د.غازی زێباری، تایبەتمەندێ چاندنا گۆلچیسکان کر.
د.غازی زێباری بۆ نۆش نیوز دیارکر کو ل ویلایەتا لویزیانا یا ئەمریکی ئەو شیا خەلاتێ مرۆڤایەتیێ وەربگریت و گۆت: خەلاتێ مرۆڤاتیێ سالانە ل ویلایەتا لویزیانا دهێتە دان، لێ ژبەرکو د پێنج سالێن بوری دا کەسێ ژ هەژی ڤی خەلاتی نەهاتبوو دیتن لەورا ب کەسێ نەهاتبوو دان.
دیارکر ژی پشتی چالاکیێن تیمێ وان ل هەرێما کوردستانێ و وەلاتێ فلیپین و هندەک وەلاتێن دیتر ئەو شییا ڤی خەلاتی ب دەستخوەڤەبینیت و گۆتژی: ئەڤە جارا سیێ یە ئەڤ خەلات دهێتە دان و ئێکەم کوردم شیایم ب دەستخوەڤەبینم.
د. دالیا سلێڤانەیی: ئەڤ سالە ژی 17%ێ ژ پشکا دەرمانان بۆ هەرێمێ هاتە جێگیرکرن
ئەڤرۆ نیوز، قائید میرۆ:
بەری نوکە بزاڤ دھاتنەکرن بۆ کێمکرنا پشکا دەرمانێن ھەرێما کوردستانێ، ئەندامەکا لیژنا ساخلەمیێ ژی ل پەرلەمانێ عیراقێ ئاشکراکر، پشتی بزاڤێن مەزن بۆ ئەڤ سالە ژی ھەر ١٧%ێ دێ پشکا ھەرێما کوردستانێ بیت.
د. دالیا سلێڤانەیی، ئەنداما لیژنا ساخلەمی ل پەرلەمانێ عیراقێ بۆ ئەڤرۆ نیوز ئاشکرا کرکو دناڤ پڕۆژە بۆدجا گشتی یا عیراقێ دا پشکا ١٧%ێ بۆ ھەرێما کوردستانێ ھاتیە جێگیرن و ئیدی ئەڤ سالە ژی وەکو سالێن بۆری دێ بەھرا ھەرێمێ یا هنارتنا دەرمانان و پێدڤیێن ساخلەمی وەکو خوە مینیت و هەمان رێژا سالێن بۆری دێ ژ بەغدا گەهیتە هەرێما کوردستانێ و گۆت: “بێگومان پشتی پەسەندکرنا قانوونا بۆدجێ دێ ھاتنا دەرمانان دەست پێکەت”.
ناڤهاتیێ ئاماژە دا وێ چەندێ کو ل چار سالێن بۆری ژی ھەر پشکا ھەرێما کوردستانێ یا دەرمانان ١٧%ێ بوویە و نەھاتیە کێمکرن، ئەڤە ژی بۆ وێ چەندێ ڤەدگەڕیت ئەندامێن لیژنا ساخلەمیێ د رژدن کو دەرمان بابەتەکێ مرۆڤیە و جوداھی دناڤبەرا وەلاتیێن چو دەڤەرێن عیراقێ دا نینە.
د. دالیا سلێڤانەیی خویا کر کو وان دانوستاندن دگەل وەزیر و بریکارێ وەزارەتا ساخلەمیا عیراقێ کرینە بۆ وێ چەندێ پشکا ھەرێمێ یا دەرمانان وەکو خوە بمینیت، وەزیرێ ساخلەمی ژی سۆزدا ھاریکاربیت، ژبەرکو پارێ کڕینا دەرمانان ژ میزانیا سیادی دھێتە مەزاختن و پشکا ھەرێما کوردستانێ ژی تێدا ھەیە، ب تنێ مایە پڕۆژە قانوونا بۆدجێ بھێتە پەسەندکرن و بکەڤیتە بجە ئینانێ دا.
ھژمارەکا نەخۆشخانان دێ ھێنە ئاڤاکرن
ئەڤرۆ نیوز، قائید میرۆ:
پەیڤدارێ وەزارەتا ساخلەمیێ دیار کر کو ژ ئەگەرێ قەیرانا دارایی پڕۆژێن وەزارەتێ ھاتینە راگرتن و ھەر دەمێ رەوشا دارایی باشتر ببیت دێ چەند نەخۆشخانەیەک ل ھەموو پارێزگەھێن ھەرێما کوردستانێ ھێنە ئاڤاکرن.
دکتۆر خالس قادر، پەیڤدارێ وەزارەتا ساخلەمیا ھەرێما کوردستانێ بۆ ئەڤرۆ نیوز دیارکر کو حوکمەتا ھەرێما کوردستانێ پلان ھەیە ھژمارەکا نەخۆشخانێن گشتی ئاڤا بکەت، ددەمێ ھەبوونا پارەی دێ دەست ب ئاڤاکرنا نەخۆشخانا ھێتەکرن، ھەردەمێ پلان کەفتە بیاڤێ بجە ئینانێ دا، دێ ل ھەر چار پارێزگەھێن هەرێمێ ڤەگریت.
دکتۆر خالس قادر خویا کر کو ژبەر قەیرانا دارایی یا ھەرێما کوردستانێ ڤەگرتی ھژمارەکا پڕۆژێن وەزارەتێ ھاتینە راگرتن و ھندەک ژوانا ئاڤاکرنا نەخۆشخانەیان ل ھەولێر و دھۆک و سلێمانیێ، ب تنێ ل سەر پارەی مایە بۆ دەستپێکرنا ئەڤان پڕۆژان.
ئافره‌تا كورد، پێدڤى ب ئابووره‌كا سه‌ربخوه هه‌یه
ئه‌ڤرۆ نیوز، نه‌وزاد هلۆرى:
شه‌یدا موعته‌سم كو ئێكه ژ 100 كه‌ساتیێن رۆژهه‌لاتا ناڤه‌راست، دوهى ب فه‌رمى وه‌كو بالیوزا ئافره‌ت و گه‌نجان ل عیراقێ ژلایێ رێكخراوا FAAVM یا كه‌نه‌دى ده‌ست ب كاربوو، ئه‌و ل وێ باوه‌ریێ یه ئه‌گه‌ر ئافره‌ت ببیته خودان ئابووره‌كا سه‌ربخوه دێ شێت زێده‌تر لسه‌ر كێشێن خوه زال بیت.
شه‌یدایێ بۆ ئه‌ڤرۆ نیوز گۆت: (سوپاس بۆ خودێ و وان كه‌سێن كو هه‌ڤكاریا من كرى هه‌تاكو بشێم بگه‌همه ئاسته‌كێ بلند، كومه‌كا كار و چالاكى و پرۆژه‌یان من هه‌نه وه‌كو خزمه‌ت بۆ كوردستانێ ب گشتى و هه‌له‌بچه ب تایبه‌تى بكه‌م، پێدڤى یه رێكخراوێن نیڤده‌وله‌تى كار و خزمه‌تێن خوه زێده‌تر بینن ناڤا كوردستانێ ب تایبه‌تى بو ئافره‌ت و گه‌نجان كو دوو پێكهاته‌یێن سه‌ره‌كى یێن جڤاكى نه و هاتینه پشتگوه هاڤێتن).
زێده‌تر گۆت: (ئافره‌تا كورد هه‌تا نوكه ب دروستى خوه نه‌نیاسیه و هێشتا ئه‌رك و مافێن خوه نوزانیت، دیسان گه‌نجان ژى نه‌شیایه ئه‌و شیانێن هه‌یى دخزمه‌تكرنا خوه و كوردستانێ مه‌زێخن ، ئه‌ڤجا ژ بێخه‌میا وى بیت یان لایه‌نێن شوله‌ژێ، ژبه‌رڤێ زوما كارى َمن دێ زێده‌تر بو هندێ بیت كو ئه‌ز ئافره‌تا كورد هوشیار بكه‌م و گه‌نجێ كورد ژى بینم پێش كو مفاى ل شیانێن خوه وه‌ربگریت).
ل بارا پرسیاره‌كا ئه‌ڤرۆ نیوز ، ئه‌رێ ئافره‌تا كورد پێدڤى ب چ هه‌یه، ناڤبرى گۆت: (ئێكه‌مین تشت كو ئافره‌تا كورد ژ روویێ ده‌روونى و جه‌سه‌دى خوه پێ بگه‌هینیت ئه‌وه كو ئه‌وان ئابووره‌كا سه‌ربخوه هه‌بیت و چو جاران چاڤه‌رێ ده‌ستێ زه‌لامى و پارێن وى نه‌كه‌ت، دیسان پێدڤى یه ئافره‌تا كورد ئه‌رك و مافێن خوه بزانیت و خوه پێ بگه‌هینیت و خوه هوشیار بكه‌ت، دیسان لایه‌نێن ب زوترین ده‌م ده‌ست ب دانا قه‌رێن بچوك بكه‌ن بو ئافره‌تان داكو ئه‌و ژى بشێن كار بكه‌ن).
شه‌یدایێ د درێژاهیا ئاخفتنێن خودا دیاركر ژى كو پێدڤى یه ژبلى خزمه‌تكرنا ئافره‌تان بو ده‌ستڤه‌ئینانا ئابوورییه‌كا سه‌ربخوه، دهه‌مان ده‌م دا پێدڤى یه كار لسه‌ر نه‌هێلانا توندوتیژیا لسه‌ر ئافره‌تان ژى نه‌هێلن و زێده‌تر گۆت: (پێدڤى یه ل هه‌موو ده‌ڤه‌رێن كوردستانێ رێڤه‌به‌ریێن نه‌هێلانا توندوتیژیێ و هوشیاركرنا ئافره‌تان بهێنه ڤه‌كرن، دڤێت جهێن شوله‌ژێ كار بكه‌ن لسه‌ر وێ یه‌كێ كو كه‌نالێن كوردى نه‌بنه ئه‌گه‌ر بو تێكدانا شیرازا خێزانى ب تایبه‌تى د درێیا وه‌رگێرانا دراما بیانى).
دهێته زانین كو شه‌یدا هه‌لگرا باوه‌رناما ئه‌ندازیارى یه و چه‌ندین ساله دوارێ رێكخراوه‌كى دا وه‌كو چالاكڤانان ئافره‌ت و گه‌نجان كاردكه‌ت، ل سالا 1992 ژ هه‌له‌بچه ژ دایكبویه و هه‌تا نوكه خێزان پێكنه‌ئینایه، زێده‌بارى كو حه‌ز ل موزیك و ده‌ركه‌فتنان دكه‌ت، به‌لێ هه‌تا نوكه سه‌ره‌دانا دهۆكێ نه‌كریه.
شەش ملیار دینار بۆ هندەک باژێرێن کوردستانێ هاتنه دابينكرن
ئه‌ڤرۆ نيوز:
د. جەمال کوچەر سەرۆکێ فراکسیونا یەکگرتوو و ئەندامێ لژنەیا دارایی ل جڤاتا نوونەرێن عێراقێ ڕاگەهاند، مە شیا ژ دەرڤەی بودجەیێ شەش ملیار دیناران بۆ هندەک باژێرێن کوردستانێ بدەستڤە بینین و گوت: ئەو پارە چ پەیوەندی ب بوجەدیا گشتی یا عێراقێ ڤه نینە بتنێ دێ تایبەت بن بۆ پڕۆژەیێن جودا جودا یێن ئاڤەدانکرنێ.
وی ئەندامێ لژنەیا دارایی دا دیار کرن، ئەو باژێر ژی بڤی ڕەنگی پارە ب سەر دا هاتینە دابەشکرن (هەڵەبجە دوو ملیار دینار و قەڵادزێ دوو ملیار دینار و دهوک ئێک ملیار دینار و سۆران ژی ئێك ملیار دینار).
نيشاندان
WP Facebook Auto Publish Powered By : XYZScripts.com