ئهڤرۆنیوز:
ههرچهنده سوباهى سێشهمبى 11/3/2019 بێهنڤهدانا فهرمى یه ل ههرێما كوردستانێ، بهلێ مووچێ ههیڤا 12 سالا 2018 یێ وهزارهتا دارایى وئابوورى بێ پاشكهفت دێ هێته بهلاڤكرن.
سوباهى مووچێ وهزارهتهكێ دێ هێته بهلاڤكرن
نووترين نووچه
- سەرۆك بارزانی و قونسلێ بەریتانیا دوپاتیێ ل سەر پێشئێخستنا پەیوەندیێن دوئالی دكەن
- سەرۆك بارزانی: پەیوەندییێن هەرێما كوردستانێ و فەرەنسایێ دیرۆكی و دێرینن
- سەرۆك بارزانی بەهیداریێ ل ئەحمەد شەرع دكەت ل سەر روودانا هاتنوچوونا دێرەزۆرێ
- نێچیرڤان بارزانی: دخوازین پەیوەندیێن خوە ل گەل كۆریایا باشوور د هەموو بیاڤان دا ب هێزتر لێ بكەین
- د رژدین ل سەر نەهێلانا ب هەدەردانا سامانێ گشتی
- روانگەها «ئیكۆ ئیراق»: هەرێما كوردستانێ رۆلەكێ بەرچاڤ د بلندكرنا داهاتێ نەپەترۆلی یێ ئیراقێ دا هەیە
- دڤێت بەرەیەکێ نەتەوەیی ل باکورێ کوردستانێ بهێتە دروست کرن
- فەرهاد ئەترووشی ل گەل عامری و خەزعەلی كۆمبوو
- بۆڕییا پەترۆلا كوردستانێ دەرفەتەكا زێڕینە بۆ رزگاركرنا ئابۆرێ ئیراقێ
- ئیراق بێی دەرگەهەكێ نوو یێ هنارتنا پەترۆلێ، دێ تووشی قەیرانەكا دارایی بیت
سهرهكى نوچێن گرنگ
پارتى دێ سهرهدانا ههموو لایهنێن سیاسى كهت
ئهڤرۆنیوز:
ب سهرپهرشتیا سهرۆك مهسعود بارزانى، ئهڤرۆ ئێكشهمبى 10/3/2019 جڤاتا سهركردایهتیا پارتى دیموكراتى كوردستان كۆمبوو.
د وێ كۆمبوونێ دا دووماهى گاڤێن پێكئینانا كابینا نوو یا حوكمهتا ههرێما كوردستانێ، زێدهبارى رێككهفتنا سیاسى ل گهل بزاڤا گۆران ورێككهفتنا سیاسى ل گهل ئێكهتیێ هاتن بهحسكرن.
پشتى كۆمبوونێ مهحموود محهمهد ئهندامێ مهكتهبا سیاسى وپهیڤدارێ پارتى دكۆنگرهكێ رۆژنامهڤانى دا ل دۆر كۆمبوونا ئهڤرۆ یا جڤاتا سهركردایهتیا پارتى بهحسێ چهند خالان كر وراگههاند كو ل دۆر رێككهفتنێن پارتى ل گهل گۆران وئێكهتیێ دانوستاندن هاته كرن .
پهیڤدارێ پارتى ئاماژه ب وێ چهندێ ژى كر كو پارتى دێ سهرهدانا ههموو لایهنێن سیاسى یێن كوردستانى ل دۆر پرسا پێكئینانا حوكمهتێ كهت.
ل دۆر كارێ پهرلهمانى وقانوونێ پهرلهمانى، مهحموود محهمهد گۆت” پێرابوونێن پێدڤى بۆ راستڤهكرنا قانوونا سهرۆكایهتیا ههرێمێ دێ دهست پێكهن”.
ئەڤرۆ پەرلەمانێ کوردستانێ دێ کۆمبیت
ئهڤرۆ نيوز:
بڕیارە ئەڤرۆ رۆژا ئێک شەمبی دەستەیا سەرۆکایەتیا پەرلەمانی و سەرۆکێن فڕاکسیۆنێن پەرلەمانی بۆ ئێکلاکرنا پرسا لیژنەیێن پەرلەمانی کۆمببن و پەرلەمانتارەکژی دبێژیت، دو بنەما بۆ ھەلبژارتنا لیژنەیێن پەرلەمانی ھاتینە دانان و چو ئاریشە نابن.
ئایدن مەعرۆف، سەرۆکێ فڕاکسیۆنا بەرەیێ تورکومانی بۆ رۆژناڤا ئەڤرۆ گۆت” بڕیارە ئەڤڕۆ دەستەیا سەرۆکایەتیا پەرلەمانی دگەل سەرۆکێن فڕاکسیۆنێن ناڤا پەرلەمانێ کوردستانێ کۆمببیت و بابەتێ کۆمبوونێ ژی دێ ئێکلاکرنا ھەلبژارتنا لیژنەیێن نافخۆیا پەرلەمانی بیت، یا کو بڕیارە ھنر د ئەڤێ حەفتیێ دا کۆمبوونا پەرلەمانی بھێتە ئەنجامدان و تێدا ھەر چواردە لیژنەیێن پەرلەمانی بھێنە ھەلبژارتن، چونکە بەری نوکە لیژنا قانوونی ھاتیە ھەلبژارتن، دو بنەماژی ھاتینە دانان بۆ بەلافکرنا لیژنەیێن پەرلەمانی ئەوژی لسەر بنەمایێن کۆرسیان و رێکەفتنا لایەنێن سیاسی، کو ئەز باوەرم چو ئاستەنگ ناکەڤنە رێ دا.
ل دۆر ھەلبژارتنا سەرۆکا پەرلەمانی ئایدن مەعرۆف گۆت” راستە ئێکەتی دگەل پارتی گەھشتیە رێکەفتنێ، کو پۆستێ سەرۆکی پەرلەمانی بەھرا ئێکەتیێ یە، بەلێ ھێشتا چو ژڤان بۆ ھەلبژارتنا سەرۆکا نوویا پەرلەمانی نەھاتینە دیارکرن و دیارنینە دێ کەنگی ئێکەتی بەربژێرا خوە بدەتە پەرلەمانی ھەتا دەنگ لسەر بھێتەدان، لەوڕا ئەو پرس ھێشتا مایە ددەستێ ئێکەتیێ دا.
نانپێژیەک ھات داخستن
ئەڤرۆ نیوز:
لیژنا دوفچوونا بازاری دسەرەدانا خودا بو بازارێ دھوکێ ھژمارەکا جھا داخستن و سزادان.
دکتور ئاراس مستەفا ئەندامێ لیژنا دوفچوونێ راگەھاند لیژنا دوفچوونێ ژ قائیمقامیا دھوکێ دوفچوونا ھژمارەکا سەمونخانا ومارکێت وخوارنگەھا کر و ژ نێزیک لسەر بجھئینانا رێنمایان ئاگەھداربو وگوت ئەنجامێ ڤێ سەرەدانێ ئەڤ بریارە ھاتنە دان
نانپێژیا ئامەد ھاتە داخستن بو ماوێ سێ روژان
خوارنگەھا دەم ھات ب سێ سەد ھزار دیناران سزادان
سەمونخانا داسنیا ب دو سەد ھزار دیناران سزادان
کارگەھا شریناھیێن کانی ب دو سەد ھزار دیناران سزادان.
ئەڤ ھەمی سزادانە ژبەر نە پێگری ب رێنمایێن لیژنێ بوینە
خوارنگەھا سیپە ھوشداری بو ھاتە دان ل ماوێ سێ روژان رێنمایان بجھ بینیت.
ژڤانێ بهلاڤكرنا مووچێ وهزارهتا پهروهردێ هاته راگههاندن
ئهڤرۆنیوز:
بهرپرسهكێ وهزارهتا پهروهردێ ل ههرێما كوردستانێ ئاشكراكر كو ژلایێ گهنجینان ڤه هاتینه ئاگههداركرن كو ل رۆژا سێشهمبیا داهاتى دێ مووچێ ههیڤا 12 یێ سالا 2018 یێ وهزارهتا پهروهردێ هێته بهلاڤكرن ولیستا مووچهى ژى بێ پاشكهفتكرن یا هاتیه بهرههڤكرن.
وى ژێدهرێ وهزارهتا پهروهردێ بۆ وشه دیاركر كو سێشهمبى 12/3/2019 دێ مووچێ وهزارهتا پهروهردێ هێته بهلاڤكرن وبهرههڤیێن بهلاڤكرنێ ژى یێن هاتینه دهستپێكرن ولیستا مووچهى بێ پاشكهفت هاتیه بهرههڤكرن.
مالپهرهكێ عیراقى پۆستێن ئێكهتیێ دحوكمهتا نوو دا بهلاڤ دكهت
ئهڤرۆنیوز:
مالپهرهكێ عیراقی ژزاردهڤێ ژێدهرهكێ كوردى یێ ئاگههدار، ئهڤرۆ شهمبیێ 9/3/2019 ئهو پۆستێن وهزارى ئهوێن ئێكهتى نیشتمانى كوردستان دێ دكابینا نوو یا حوكمهتا ههرێما كوردستانێ دا وهرگریت بهلاڤكرن.
مالپهرێ (بغداد الیوم) ژزاردهڤێ وى ژێدهرى بهلاڤكر كو ئێكهتى نیشتمانى كوردستان دێ پێنج وهزارهتان دكابینا نوو یا حوكمهتا ههرێمێ دا وهرگریت كو ئێك ژوان وهزارهتهكا سیادى یه ئهوژى وهزارهتا پێشمهرگه زێدهبارى وهزارهتێن چاندن، ساخلهمى، خواندنا بلند وباژێرڤانیان.
وى ژێدهرى دیاركر ژى كو ئیكهتى دێ هندهك پۆستێن دى ژى وهرگریت وهكو بریكارێ وهزارهتا سامانێن سروشتى وسكرتێرێ جڤاتا وهزیرێن ههرێما كوردستانێ وچهندین پۆستان دناڤ جڤاتا دادوهرى یا بلند ودهزگههێن نهگرێداى چو وهزارهتان زێدهبارى هژمارهكا شیرهتكاران.
بهغدا مهرجهكێ نوو بۆ پهسهندكرنا ڤهكۆلینێن قوتابیێن خواندنێن بلند ددانیت
ئهڤرۆنیوز:
وهزارهتا خواندنا بلند وڤهكۆلینێن زانستى ل عیراقێ مهرجهكێ نوو بۆ پهسهندكرنا ڤهكۆلینێن قوتابیێن خواندنا بلند دانا.
ل دووڤ نڤیسارهكا رێڤهبهریا ڤهكۆلینێ وپێشڤهبرنێ ل وهزارهتا خواندنا بلند وڤهكۆلینێن زانستى” وهزارهتا خواندنا بلند ههموو زانكۆ ئاگههدار كرینه ل دۆر پهسهندكرنا ڤهكۆلینێن قوتابیێن خواندنێن بلند كو ئهو ڤهكۆلینه نههێنه پهسهندكرن بێ ههبوونا گرێبهستهكێ ل گهل ئێك ژدهزگههێن دهولهتێ”.
ههر د وێ نڤیسارێ دا هاتیه كو پێدڤیه قوتابیێن دكتورایێ وسهرپهرشتێن وان كو پشت بهستنێ ب وپرۆژێن چارهكرنا كێشێن گرێداى وهزارهتێن دهولهتێ ڤه ل دهمێ چێكرن وپهسهندكرنا پرۆژێن قوتابیان.
ل دۆر پله بلندكرنا فهرمانبهران رۆهنكرنهك دهێته دان
ئهڤرۆنیوز:
رێباز حهملان وهزیرێ دارایى وئابوورى ل ههرێما كوردستانێ ل دۆر پله بلندكرنا فهرمانبهرێن ههرێمێ پێزانینهكا نوو بهرچاڤ كر.
وهزیرێ دارایى وئابوورى دبهرپهرێ خوه یێ فهرمى دا ل تۆرا جڤاكى یا فهیسبووكى بهلاڤكر” پله بلندكرنا فهرمانبهران بابهتهكێ تمام قانوونى یه ودئهڤ سالهدا حوكمهتا ههرێما كوردستانێ دێ وى بابهتى چارهكهت وبۆ وێ مهرهمێ ژى لژنهك یا هاتیه پێكئینان”.
دهێته زانین ل 1/1/2016 ب بریارهكا جڤاتا وهزیرێن ههرێما كوردستانێ، بلندكرنا پلێن فهرمانبهرێن شارستانى هاتبوو راگرتن، ئهڤه ددهمهكى دایه كو ب ههردو قانوونێن (راژا شارستانى) یا هژمار 24 یا سالا 1960 و (مووچێ فهرمانبهرێن دهولهتێ) یا هژمار 22 یا سالا 2008، پله بلندكرن (ترفیع) وهكو مافهكێ جهگیر كریه.
بهغدا مووچێ فهرمانبهرێن ههرێمێ هنارت
وهزیرێ دارایی بهحسێ هووردهكاریێن مووچهی و پاشكهفتی و پێشینان دكهت
ئهڤرۆ نیوز:
وهزیرێ دارایی و ئابووری یێ حوكمهتا ههرێما كوردستانێ راگههاند، ئهو دێ ههموو بزاڤان كهن بهری نهورۆزێ مووچهیێ ههموو فهرمانبهران بێ پاشكهفت بدهن و سوبههی دێ دهست ب بهلاڤكرنا مووچهی بێ پاشكهفت كهن.
رێباز حهملان د كۆنگرهكێ رۆژنامهڤی دا گۆت ژی:(وهزارهتا دارایی داخواز ژ ههموو دهسته و وهزارهتان كریه لیستێن خوه یێن مووچهی بێ پاشكهفت ئاماده بكهن).
ل دۆر مووچێن پاشكهفتكریێن فهرمانبهران، رێباز حهملان ئاشكرا كر كو ئهڤ بابهته د كۆمبوونا بۆری یا جڤاتا وهزیران دا هاتیه گهنگهشهكرن و و د بڕیارا ژماره 141 بڕگا دویێ دا دبێژیت: ب دانوستاندنان ل گهل بهغدا و بزاڤێن رژد دێ كهین بۆ چارهكرنا دانا مووچێن بۆری، لێ نابیت وهلاتیێن ههرێما كوردستانێ وێ چهندێ ژ بیر بكهن كو فاكتهرێ سهرهكی یێ قهیرانا دارایی و پاشكهفتكرنا مووچهی بڕینا بودجا ههرێمێ بوو ژ لایێ بهغدا ڤه، ئانكو دڤێت بهغدا ژی پشكهكا سهرهكی یا ڤێ پرسێ ل سهر مللێن خوه راگریت بۆ دانا وان قهرێن ل بۆری كو ل سهر حوكمهتێ ماین ئهو ژی پاشكهفتا مووچهیه.
سهبارهت ڤهگهڕاندنا قهرێن حوكمهتێ یێن پێشینانان، وهزیرێ دارایی گۆت:( ئهو پارێ حوكمهتێ یێ كو ل دهف خهلكی مهرج نینه ههموو یێ مووچهخۆران بیت، خهلكهك ههیه بازرگانه یان خهلكێ ئاسایی یه، ل سالێن بۆری مه پێشینێن ژنئینانێ پیشهسازی و چاندنێ یێن داین، ئهڤه پارێ حوكمهتێ یه ل دهف خهلكی و دڤێت بۆ حوكمهتێ بهێڤه ڤهگهڕاندن و ئهڤه چهند سالهك بوون ژ بهر قهیرانا دارایی مه ژێ نهدوهرگرتن).
نيشاندان
WP Facebook Auto Publish Powered By : XYZScripts.com