سپێدێ شاندەکێ ENKS ل گەل سەرۆک بارزانی کۆم دبیت

05/01/2019 15:29

129

ئەڤرۆ نیوز، هۆشەنگ تاجر:

محەمەد عەلی ئەندامێ مەکتەبا سیاسی یا پارتی دیموکراتی کوردستان/ سووریا بۆ ئەڤرۆ نیوز دیار کر کو سپێدێ شاندەکێ ئەنجوومەنێ نیشتمانی یێ کوردی ل سووریێ (ENKS) دێ ل گەل سەرۆک بارزانی کۆم بن و گۆت: (د کۆمبوونێ دا رەوشا ڤێ دووماهیێ ل رۆژئاڤایێ کوردستانێ و ڤەکێشانا هێزێن ئەمریکا و رەوشا گشتی یا کوردان ل سووریێ دێ هێتە گەنگەشە کرن).

ئەندامێ مەکتەبا سیاسی یا پارتی دیموکراتی کوردستان/ سووریا ئەو یەک ژی دیار کر کو جەنابێ سەرۆک بارزانی بەری نها ژی دلگرانیا خوە ل دۆر رەوشا کوردان ل سووریێ دیار کربوو و ل گۆر باوەریا من کۆمبوونا سپێدێ ل گەل جەنابێ سەرۆکی دێ یا گرنگ بیت.

فازل میرانی: پێنگاڤێن پارتی بۆ پێکئینانا حوکمەتەکا بھێز د بەردەوامن

05/01/2019 15:22

109

ئەڤرۆ نیوز:

ئەڤرۆ ل بارەگایێ مەکتەبا سیاسیی یا پارتی دیموکراتی کوردستان د دیدارەکێ دا دگەل قونسلێ گشتی یێ ئەمریکا، فازل میرانی راگەھاند بزاڤێن پارتی دگەل لایەنێن دی یێن ھەرێما کوردستانێ بۆ پێکئینانا حوکمەتا نوو بھێزن پێخەمەت خزمەتا خەلکێ کوردستانێ د بەردەوامن.

زێدەتر د ڤێ دیدارێ دا سکرتێرێ مەکتەبا سیاسیی یا پارتی پێشوازیا قونسلێ گشتی یێ ئەمریکا ل ھەرێما کوردستانێ ستیڤ ڤیگن و جێگرێ قونسلێ سڤیلیا بۆ کاروبارێن بازرگانی کر و تێدا بەحس ل پێشھاتەیێن سیاسیی یێن عیراقێ کر و گۆت: ژلایێ مەڤە ئاسایکرنا بارودوخێ رەوشا کەرکووکێ تشتەکێ گرنگە دیسان پێنگاڤێن پارتی دگەل لایەنێن دی یێن ھەرێما کوردستانێ د بھێزن بۆ پێکئینانا حوکمەتا نوو پێخەمەت خزمەتکرنا خەلکێ ھەرێما کوردستانێ و ڤان پێنگاڤان گوتوبێژ بۆ گەھشتنا رێککەفتنەکا گونجای د بەردەوامن.

د تەوەرەکێ دی یێ ئاخفتنا خوە دا فازل میرانی دیارکر پشتی پروسەیا ھەلبژارتنێن پەرلەمانێ کوردستانێ ب دووماھی ھاتین و پارتی ل رێزا ئێکێ ھاتی لێ یا گرنگ ل دەف وان بەرژەوەندیێن بلند یێن کوردستانێ و پاراستن و سەقامگیری و ئەمن ئاسایشا ھەرێما کوردستانێ ل پێش ھەر پلە و پوستەکی یە زێدەباری ڤێ چەندێ ئستێحقاقا ھەلبژارتنان ژی ب گرنگی دێ وەرگرین و رۆژا پێنجی ب پێنجی نەمایە د گەل ئێکەتیی ژ بەرکو ئەڤ سیستەمە یێ سەرکەفتی نەبوویە لێ پارتی دێ مێژوو و سەنگا ئێکەتیێ بەرچاڤ وەرگریت.

ژلایێ خوە ڤە قونسلێ گشتی یێ ئەمریکا ستیڤ ڤیگن سوپاسیا سکرتێرێ مەکتەبا سیاسیا پارتی کر بۆ ڤێ پێشوازیێ دیسان خواست ب زووترین دەم حوکمەتا نوو یا ھەرێما کوردستانێ بھێتە پێکئینان د خزمەتا خەلکێ کوردستانێ دا بیت و دیارکر ئەو دێ بەردەوام بن د ھاریکاری ھەماھەنگیا بۆ پاراستنا ھەرێما کوردستانێ.

نێزیکێ 50 ھزار گەشتیاران سەرەدانا جھێن بەفرین یێن ئامێدیێ کریە

05/01/2019 12:19

150

ئەڤرۆ نیوز، نەوزاد ھلۆری:

پشتی کو وەرزێ زڤستان و بەفرێ دەست پێ کری، ھژمارەکا زۆر یا گەشتیاران قەستا جھێن بەفرین یێن سنوورێ قەزا ئامێدیێ کریە ب تایبەتی ژی چیایێ گارەی، بەرپرسێ نڤیسینگەھا پێشەی یا گەشتوگۆزارێ ل سیلاڤێ دیار کر کو ھەتا نوکە نێزیکێ 50 ھزار گەشتیاران سەرا جھێن بەفرین یێن ئامێدیێ کریە.

حەمید محەمەد، بەرپرسێ نڤیسینگەھا پێشەی یا گەشتوگۆزارێ ل سیلاڤێ بۆ ئەڤرۆ نیوز گۆت: (قەزا ئامێدیێ گەشتیارێن ھەرچار وەرزێن سالێ ھەنە، نوکە گەشتوگۆزارا زڤستانی ل ھەموو دەڤەرێن قەزا ئامێدیێ ھەیە و ھژمارەکا مەزن یا گەشتیارێن ناڤخوە و دەرڤە و ناڤەراستا عیراقێ قەستا ناڤا سرۆشت و دیمەنێن بەفرێ دکەن).

ناڤھاتی دیار کر ژ دەستپێکا بارینا بەفرێ ھەتا نوکە دناڤبەرا ٤٠ بۆ ٥٠ ھزار گەشتیاران قەستا دەڤەرێن چیایی و جھێن بەفر لێ باری کرینە ب تایبەتی بۆ چیایێ گارەی، چونکی چیایێ گارەی خوشی و زەوق و تامەکا تایبەت یا گەشتوگوزاری یا سەر بەفرێ و زڤستانێ ھەیە و بەفرەکا زور دباریت و دیمەنێن جوان ژی ھەنە، و رێیا چوونا سەرێ چیایی ژی یا خوەشە و چو کێماسی نینن، ژ لایەکێ دی ڤە بەفر زووکا ل گارەی دباریت و زووکا د حەلیێتە ڤە، ژ بەر ڤێ گەشتیار پتر قەستا چیایێ گارەی دکەن”.

بەرپرسێ نڤیسینگەھا پێشەی یا گەشتوگۆزارێ ل سیلاڤێ گۆت: “مە پلانەکا باش بۆ گەشتوگۆزارێ دانایە و چاڤەرێ دکەین کو کابینا نوو یا حوکمەتا ھەرێما کوردستانێ بھێتە دروستکرن داکو ئەڤ پلانە ژی بچیتە د وارێ بجھکرنێ دا، ل پرانیا دەڤەرێن بەفرین بازار و مارکێت دڤەکرینە و وەلاتی دشێن ھەموو پێدڤیێن خوە بکرن، نوکە ب تنێ ل چیایێ گارەی نینن، ئەم دخوازین کو کۆمپانی و جھێن شولەژێ بەریکانە و فیستەڤال و یارێن تایبەت ب بەفرێ ل دەڤەرێ ڤە بکەن داکو زێدەتر گەشتیار قەستا سەر بەفرێ بکەن، چاڤەرێ دھێتەکرن کو ھژمارا گەشتیارێن سەر بەفرێ ل سنوورێ قەزا ئامێدیێ ل رۆژێن بھێت گەلەک بلند ببیت، چونکی دھێتە پێشبینیکرن کو بەفر زێدەتر بباریت”.

دەولەمەندێن جیھانێ پتری 500 ملیار دۆلاران ژ دەست دان

05/01/2019 11:12

159

ئەڤرۆ نیوز:

ل دووڤ وان ئامارێن ھاتینە بەلاڤکرن دەولەمەندێن جیھانێ د سالا بۆری دا 511 ملیار دۆلار ژ دەست داینە.

مالپەرێ (بیلۆمبێرگ) یێ ئەمریکی راگەھاند کو د سالا 2018ێ دا ئامارەک ل سەر 500 ملیاردێرێن جیھانێ ھاتبوو ئەنجامدان و تێدا دیارببوو کو وان دەولەمەندان 511 ملیار دۆلار ژ دەستداینە.

مالپەرێ ناڤھاتی ئاماژە دایە وێ چەندێ ژی کو د ناڤ ملیاردێران ژی دا مەزنترین زیان ب (جیف بیزۆس) رێڤەبەرێ کۆمپانیا (ئەمازۆن) کەفتیە، چونکی ژ سەرجەمێ گشتی یێ سامانێ وی کو 168 ملیار دۆلار بوون 53 ملیار دۆلار ژ دەست داینە.

پتریا گەشتیارێن عیراقێ دچنە ئیرانێ

05/01/2019 10:34

ئەڤرۆ نیوز:

د سالا بۆری دا زێدەتری پێنج ملیۆن و 520 ھزار گەشتیاران سەرەدانا ئیرانێ کربوو و وەلاتیێن عیراقێ ژی مەزنترین رێژا گەشتیارێن وی وەلاتی پێکدئینن.

ل دووڤ ئامارێن ئیرانێ، د دەمێ ھەشت ھەیڤێن دووماھیا سالا 2018ێ دا، پێنج ملیۆن و 520 ھزار گەشتیاران قەستا ئیرانێ کریە و سەرەدانا گەشتیاران بۆ وی وەلاتی ب رێژا 57% زێدەبوویە، ھەروەسا پترین گەشتیارێن کو سەرەدانا ئیرانێ کرین گەشتیارێن عیراقی و تورک بوون.

ئەڤە د دەمەکی دایە کێمبوونا بھایێ تومەنی بەرامبەر دۆلاری و کێمبوونا مەزاختیان ئەگەرەکێ سەرەکی یە کو رێژا چوونا گەشیاران بۆ ئیرانێ زێدەببیت، ھەروەسا بەھرا پتریا وان گەشتیاران سەرەدانا تەھرانا پایتەختێ ئیرانێ و جھێن مێژووی یێن وی وەلاتی کربوو.

د ڤێ ھەیڤێ دا دێ کار ب پیڤەرێ ئاڤا مالان ھێتەکرن

05/01/2019 10:06

406

ئەڤرۆ نیوز:

رێڤەبەرێ گشتی یێ ئاڤ و سۆلینان ل ھەرێما کوردستانێ دیار کر کو بڕیارە ل دەستپێکا ئەڤ سالە کار ب پیڤەرێن زیرەک بۆ بەلاڤکرنا ئاڤێ ل سەر مالان بھێتەکرن و گۆت: “د 10 ھەیڤان دا داھاتێ ئاڤێ یێ ھەرێمێ 32 ملیار دینار بوون”.

مەسعود کارەش، رێڤەبەرێ گشتی یێ ئاڤ و سۆلینان ل ھەرێما کوردستانێ د کۆنگرەکێ رۆژنامەڤانی دا ھەموو داھات و کار و پرۆژێن سالا 2018ێ یێن ئاڤ و سۆلینان ل ھەرێما کوردستانێ راگەھاندن و دیار کر کو رێکخراوا جیکا یا یابانی ژ سەرجەمێ وی قەرێ بۆ عیراقێ تەرخانکری کوژمێ 32 ملیۆن دۆلاران بەر ب ھەرێما کوردستانێ دکەڤیت.

ناڤھاتی ئاماژە دا وێ چەندێ کو د سالا بۆری دا ٨٠٠ پرۆژێن ئاڤ و سۆلینان ل ھەرێما کوردستانێ ھاتبوونە بجھئینان و گۆت: “د دەمێ 10 ھەیڤێن سالا بۆری دا داھاتێ وان 32 ملیار دیناربوون”.

ناڤھاتی ئاماژە دا وێ چەندێ کو د ڤێ ھەیڤێ دا دێ کار ب پیڤەرێ زیرەک یێ ئاڤا مالان ھێتەکرن و ل دووڤ وی پیڤەری پارێ ئاڤێ دێ ھێتە وەرگرتن.

هێزێن ئه‌مريكى ل سه‌ربازگه‌ها كه‌يوان ل كه‌ركووكێ هاتن به‌لاڤكرن

04/01/2019 22:42

309

ئه‌ڤرۆنيوز:

پشتى هێزێن ئه‌مريكى مۆله‌تا 24 ده‌مژمێران ب هێزێن دژه‌ تيرۆرێ يێن عيراقى كو پێدڤيه‌ د وى ده‌مى دا سه‌ربازگه‌ها كه‌يوان ل كه‌ركووكێ چۆل بكه‌ن، دووماهى ب مۆله‌تێ هات.

ژێده‌ره‌كێ ئه‌منى بۆ كوردستان تى ڤى راگه‌هاند” پشتى پێدانا مۆله‌تا 24 ده‌مژمێرى ب هێزێن دژه‌ تيرۆرێ يێن عيراقى ژلايێ هێزێن ئه‌مريكى ڤه‌، ئه‌ڤرۆ ئه‌ينيێ 4/1/2019 هێزێن ئه‌مريكى چوونه‌ دناڤ سه‌ربازگه‌ها كه‌يوان دا وهێزێن عيراقى ئه‌و سه‌ربازگه‌ چۆل كر”.

گۆت ژى”چو ئاماژه‌ نينن كا هێزێن دژه‌ تيرۆر يێن عيراقى ب چ ئاراسته‌يه‌ك چوون يان جهه‌كێ دى بۆ هاتبيته‌ دياركرن، به‌لكو تنێ ئه‌و سه‌ربازگه‌ چۆلكريه‌ وهێزێن ئه‌مريكى ل جهێ وان هاتينه‌ به‌لاڤكرن”.

ب وێنە .. بەریکانا ترومبێلان ل سەر بەفرێ ل زاخۆ ھاتە ئەنجام دان

04/01/2019 19:24

1062

زاخۆ، عەلی حاجی:
فوتو، حەسەن عەبدولرەحمان:

ئەڤرۆ ل روژا ئەینی رێکەڤتی ٤/۱/۲۰۱۸ بەریکانەکا ترومبێلان ل سەر بەفرێ ژلایێ ناڤەندا زاخۆ یا ئێکەتیا لاوێن دیموکراتا کوردستانێ و ھەڤکاری دگەل بنگەھێ وەرزش و لاوێن باتیفاڤە بو ۲۰ شوڤێرێن دەڤەرێ رێکخست.

ئەڤ بەریکانە ل گوندێ سیارێ یا سەر ب ناحیا باتیفا ڤە ھاتە ئەنجامدان کو تێدا ھژمارەکا باش یا جەماوەری و خەلکێ دەڤەرێ ئامادەی دیتنێ بون.
ل دوماھیێ ژی خەلات ل سەر سەرکەفتیێن ئێکێ و دوێ ھاتنە بەلاڤ کرن و بۆ دووەم سالە ئەڤ بەریکانە بۆ شوفێرێن دەڤەرا باتیفا و دەوروبەرا دھێتە رێکخستن.

دەمێ بەلاڤکرنا مووچێ ھەیڤا ١٠ یێ ٢٠١٨ دێ گوھۆرین ب سەردا ھێت

04/01/2019 17:18

6761

ئەڤرۆ نیوز:

ژێدەرەکی ژ وەزارەتا دارایی یا حوکمەتا ھەرێما کوردستانێ دیارکر ئەگەر رۆژا ٦/١/٢٠١٨ نە بیتە بھێنەڤەدان ئەو دێ دەست ب بەلاڤ کرنا مووچێ ھەیڤا ١٠ یێ سالا ٢٠١٨ کەن.

زێدەتر دیارکریە بەری نوکە ھەر سال ل ٦/١/٢٠١٩ ل سەرانسەری عیراقێ بھێنڤەدانا فەرمی بوو ب ھەلکەفتا رۆژا دامەزراندنا سوپایێ عیراقێ لێ ئەگەر نەبیتە بھێنڤەدان ئەو دێ دەست ب بەلاڤکرنا مووچێ ھەیڤا ١٠ یێ سالا بوری کەن و بەروڤاژی ئەگەر بوو بھێنڤەدان ژی دێ ل رۆژا دوشەمبی یا بھێت دەست ب بەلاڤ کرنێ کەن.

وەزارەتا دارایی ئەو چەندە ژی دیارکریە کو خشتێ بەلاڤ کرنا مووچان دێ ب ھەمان شێوێ ھەیڤێن چووی بیت و ل حەفتیا بھێت دێ وەزارەتا پێشمەرگە و پەروەردە و تەندروستی و دارایی مووچێن خوە وەرگرن.

مین ھەلگر یێ بەربژارە بۆ وەرگرتنا دو خەلاتێن مەزن

04/01/2019 12:35

590

ئەڤرۆ نیوز ، زنار تۆڤی:

فلمێ دکیۆمێنتاری یێ کوردی مین ھەلگر، کو ل سەر ژیانا پێشمەرگەکێ ھاتیە چێکرن، یێ بەربژارە بۆ وەرگرتنا مەزنترین خەلات ل وەلاتێ سویدێ و دەرھێەرێ ڤی فلمی ژی یێ ب ھیڤی یە، کو دێ وان خەلاتان ب دەست خوەڤە ئینیت.

ھۆگر ھرۆری دەرھێنەرێ فلمێ دکیۆمێنتاری مین ھەلگر بۆ ئەڤرۆ نیوز دیارکر: فلمێ مین ھەلگر ل سەر ژیانا پێشمەرگێ قەھرەمان عەقید فاخر بەرواری ھاتیە چێکرن، ب ڤی فلمی وان پشکداری د چەندین فیستەڤالێن جیھانی دا کریە و چەندین خەلاتێن جیھانی ژی وەرگرتینە، ھەروەسا عەقید فاخر بەرواری ئەو پێشمەرگە بوویە، کو پیەکێ و ب کەتەرەکێ ب ھزاران مرۆڤ قورتال کرینە و ب ھزاران مین و تەقەمەنی یێن داعشێ راکرینە، لێ د ئەرکێ راکرنا مینان دا ل سەر دەستێ تیرۆرستێن داعش ل سالا 2016 ھاتیە شەھیدکرن، ئەو قەھرەمانێ ڤی فلمێ دکیۆمێنتاری یە، ئەڤ فلمە بەحسێ لێھاتی و قەھرەمانیا ڤی عەقیدی دکەت، کو وەکو پێشمەرگەکێ گیانێ خوە د ئێخیتە د مەترسیێ دا و مین و تەقەمەنیان ل سەنگەرێن شەری را دکەت، ھەڤالێن خوە یێن پێشمەرگە ژ مرنێ قورتال دکەت.

ئەو ژی دیارکركو فلمێ مین ھەلگر یێ بەربژارە بۆ وەرگرتنا دو خەلاتێن مەزن ل وەلاتێ سوید، کو ئەو ژی خەلاتێ بەقا زێری و خەلاتێ باشترین فلم و باشترین فلمێ دکیۆمێنتاری ل وی وەلاتی.

نيشاندان 1...1,000 933934935 1,930...2,814 زێده‌تر

لاپه‌ر 934 ژ 2,814