ئەڤرۆزنیوز، رەزوان ڕۆژبەیانی:

ژ ئەگەرێ روودانەکا ھاتنوچوونێ ل سەر رێیا گشتی یا ناڤبەرا ناحیە روڤیا و قەزا ئاکرێ چار کەس ب دژواری بریندار بوون.

موقه‌دمێ مافپه‌روه‌ر ئازاد تەھا به‌رپرسێ راگه‌هاندنێ ل رێڤه‌به‌ريا ھاتنوچوونا پارێزگەھا دھۆکێ بۆ ئەڤرۆنیوز گۆت: “ژ ئەگەرێ روودانەکا ھاتنوچوونێ ل سەر رێیا گشتی یا د ناڤبەرا ناحیا روڤیا و قەزا بەردەڕەش ل نزیک گوندێ ئێک مالە دا چار کەس ب دژواری بریندار بوون”.

گۆتژی ئەو روودان پێکھاتبوو ژ لێکدانا دو ترۆمپێلان و بریندار ژی ھاتنە رەوانە کرن بۆ نەخۆشخانا تەنگاڤیا قەزا ئاکرێ.

ئەڤرۆ نیوز، نەوزاد ھلۆری:

د پرۆژەیەکێ ھەڤپشک دا رێکخراوا وار بۆ پاراستنا ژینگەھێ ب ھەڤکاری ل گەل باژێرڤانیا سۆران، رابووینە ب چاندنا هزار شتلێن دارێن مەزن د ناڤ سەنتەرێ باژێری دا، ھەڤدەم راکرنا ھەموو شوستەیێن ئاسنی ل سەر رەخێن جاددێ.

ھەژار ئێدلبی، سەرۆکێ رێکخراوا وار بۆ پاراستنا ژینگەھێ بۆ ئەڤرۆ نیوز گۆت: (ب مەرەما پاراستنا ژینگەھێ و زێدەکرنا کەسکاتی و جوانکرنا سەر و سیمایێ باژێری، مە وەکو رێکخراوا وار ب ھەڤکاری ل گەل باژێرڤانیا سۆران دەست ب پرۆژەیەکێ چاندنا شتلێن دارێن مەزن کریە د ناڤ سەنتەر و جھێن گشتی ل سۆران).

زێدەتر گۆت: (ل سەر رەخێن جاددێن سۆران رەسیفێن ئاسن ھەنە، ئەو شووسته‌ ھەموو ھاتنە راکرن و ل جھێ وان دار ھاتنه‌ چاندن، زێدەباری ل سەر جاددا گشتی د ھەمان دەم دا ل بەردەرگەھێ دوکان و مال و فەرمانگەھان ژی ئەڤ جورێ شتلان دێ ھێتە چاندن، ئەڤ ھەوا چاندنا دارا ئەڤرۆ دەست پێ کریە و چەند رۆژەکان دێ یا بەردەوام بیت).

ناڤبری دیارکر ژی کو نوکە ل سەنتەرێ باژێرێ سۆران 7% کەسکاتی ھەیە و گۆت ژی: (مە دڤێت رێژا کەسکاتی بلند بکەین بۆ ئاستەکێ پێدڤی، ھەکە ھەموو لایەک ھاریکار نەبیت مەترسی ل سەر ژینگەھا سۆران ھەیە).

ئه‌ڤرۆ نيوز، نيوار محه‌مه‌د سه‌ليم:

سپێده‌هيا ئه‌ڤرۆ 12ى كانوونا دويێ 2018 ئاگر به‌ربوو قوتابخانه‌كێ و ژبلى زيانێن ماددى چو زيانێن گيانى نه‌بوون.

نه‌قيب ئه‌بجه‌د ره‌مه‌زان، رێڤه‌به‌رێ بنگه‌هێ به‌ره‌ڤانيا باژێرى ل باتيفا بۆ ئه‌ڤرۆ نيوز گۆت: “ئه‌ڤرۆ ده‌مژمێر 7:25 ده‌قيقه‌ى سپێدێ په‌يوه‌ندى ب بنگه‌هێ باتيفا هاته‌ كرن ب هه‌بوونا روودانه‌كا ئاگربه‌ربوونێ ل کۆمەلگەھا  ليڤۆ كو ئاگر به‌رببوو قوتابخانه‌كا بنه‌ره‌ت و ئاماده‌يى”.

زێده‌تر گۆت: “هه‌ر زوو ئه‌م گه‌هشتينه‌ جهێ روودانێ و شيان روودانێ كونترۆل بكه‌ين و خۆش به‌ختانه‌ چو زيانێن گيانى نه‌بوون، ب تنێ زيانێن ماددى هه‌بوون، به‌لێ هێشتا نه‌هاتينه‌ خه‌ملاندن”.

رێڤه‌به‌رێ بنگه‌هێ به‌ره‌ڤانيا باژێرى ل باتيفا ئاشكه‌را ژى كر كو ئه‌ڤ ئاگر به‌ربوونه‌ ژ ئه‌گه‌رێ شورته‌كا كاره‌بێ بوويه‌.