ئەڤرۆ نیوز:
بەری دەمەکێ هێزێن رژێما سووریێ چوونە ناڤ باژێرێ منبجێ و ئالا خوە ل ناڤ وی باژێری بلند کرن، ئەو یەک ژی پشتی هندێ هات کو یەپەگێ ب فەرمی راگەهاند مە هێزێن خوە ژ منبجێ ڤەکێشاینە و داخواز ژ رژێما سووریێ کر کو هێزێن خوە ببەتە منبجێ.
هەژی ئاماژەپێدانێ یە کو بەری چەند رۆژان رژێما سووریێ هێزێن خوە ل نێزیکی باژێرێ منبجێ بجه کربوو و بەری دەمەکێ ژی چوونە ناڤ باژێری و ئالا خوە بلند کرن.
ئه‌ڤرۆ نيوز:
سه‌رۆكێ لژنا ساخله‌ميێ ل جڤاتا نوونه‌رێن عيراقێ ته‌كست ل سه‌ر وێ چه‌ندێ دكه‌ت كو نها كار ل سه‌ر زێده‌كرنا ده‌رمالێن فه‌نبه‌رێن ئيدارى يێن وه‌زاره‌تا ساخله‌ميێ ژ 30% بۆ 75%ێ دهێته كرن و هه‌موو فه‌رمانبه‌رێن وه‌زاره‌تێ بێ جوداهى دێ ڤه‌گريت.
قوته‌يبه جبۆرى، سه‌رۆكێ لژنا ساخله‌ميێ ل جڤاتا نوونه‌رێن عيراقێ، ل پێگه‌هێ تايبه‌تێ خوه يێ فه‌يسبۆكى به‌لاڤكريه كو بابه‌تێ قانوونا خزمه‌تا ساخله‌ميێ و جوداكاريا فه‌رمانبه‌ران و كاركرن ب گۆره‌ى پۆلينا كارى، پشته‌ڤانيا هه‌موو فه‌رمانبه‌رێن ساخله‌ميێ دكه‌ين”.
ته‌كست ژى ل سه‌ر وێ چه‌ندێ هاتيه كرن كو كار ل سه‌ر بنه‌مايێ وان هه‌موو داخوازيێن ژ لايێ فه‌رمانبه‌رێن ئيدارى يێن وه‌زاره‌تا ساخله‌ميێ د ده‌رباره‌يى زێده‌كرنا ده‌رمالێن وان دا دكه‌ن وه‌كو سه‌رۆكێ لژنێ كار دكه‌ت بۆ زێده‌كرنا ده‌رمالێن وان.
قوته‌يبه جبۆرى، كو پێشتر ل سالا 2014ێ بۆ 2015ێ وه‌زيرێ ژينگه‌ها عيراقێ بوو، ئاشكه‌را كر كو ده‌رمالێن فه‌رمانبه‌رێن ئيدارى يێن وه‌زاره‌تا ساخله‌ميێ ژ 30% بۆ 75%ێ دێ هێنه زێده كرن، “ل ده‌سپێكا وه‌رزێ دانانا قانوونان دێ كار ل سه‌ر كه‌ين”.
د ڤێ ده‌ربارێ دا، د. داليا فه‌رهاد، ئه‌نداما جڤاتا نوونه‌ران ل سه‌ر فراكسيۆنا پارتى ديموكراتى كوردستان بۆ ئه‌ڤرۆ نيوز گۆت: “ئه‌ڤ بزاڤه پێشتر ژى هه‌بوون و نها ژى كار ل سه‌ر وێ چه‌ندێ دهێته كرن كو ئه‌ڤه ببيته قانوون و بكه‌ڤيته وارێ بجهئينانێ”.
ئه‌ڤرۆ نيوز:
جۆن بۆلتن، شيره‌تكارێ ئاسايشا نه‌ته‌وى يا ئه‌مريكا راگه‌هاند، دۆنالد تره‌مپ، سه‌رۆكێ ئه‌مريكا دێ عادل عه‌بدولمه‌هدى سه‌رۆك وه‌زيرێن عيراقێ گازى كۆچكا سپى كه‌ت و ل هيڤيا وێ چه‌ندێ ينه پێشوازيێ لێ بكه‌ين.
بۆلتن، ئێكه ژ وان كه‌سێن ل گه‌ل سه‌رۆكێ ئه‌مريكا سه‌ره‌دانا بنگه‌هێ له‌شكرى يێ ئه‌مريكى ل ئه‌سه‌د ل ئه‌نبار كرى.
بۆلتن گۆت: “سه‌رۆك تره‌مپ دێ ژ نێزيك ل گه‌ل سه‌ركردێن له‌شكرى ل عيراقێ به‌ر ب پێشڤه‌چوون و پێنگاڤێن سه‌ركه‌فتنا ته‌مامى ب سه‌ر داعش دا به‌حس كه‌ت.
ئه‌ڤرۆ نيوز:
ئاخفتنكه‌رێ ب ناڤێ وه‌زاره‌تا ژ ده‌رڤه يا ئيرانێ سه‌ره‌دانا دۆنالد تره‌مپ بۆ عيراقێ ب سه‌ره‌دانه‌كا دزيانه ناڤ دبه‌ت و وه‌سان دده‌ته زانين كو سفكاتى بوو ب سه‌روه‌ريا عيراقێ.
به‌هرام قاسمى، ئاخفتنكه‌رێ ب ناڤێ وه‌زاره‌تا ژ ده‌رڤه يا ئيرانێ راگه‌هاند: “سه‌ره‌دانا ب دزيڤه يا دۆنالد تره‌مپ هه‌ڤدژى قانوونێن دبلۆماسيه و سڤكاتيه ب سه‌روه‌ريا عيراقێ، هێزێن ده‌ره‌كى يێن وان دوور يان نێزيك دێ نه‌چار بن خوه ژ هه‌موو ده‌ڤه‌رێ ڤه‌كێشن”.
ئه‌ڤرۆنيوز:
فه‌رماندێن حه‌شدا شه‌عبى وپه‌كه‌كێ ونوونه‌رێن عه‌ره‌بێن سونه وشيعێن شنگالێ، پێكئيانانا جڤاته‌كێ بۆ ب رێڤه‌برنا شنگالێ راگه‌هاند.
دراگه‌هاندنه‌كێ دا كو ئاراسته‌ى حوكمه‌تا عيراقى ولايه‌نێن په‌يوه‌نديدار يێن عيراقى كريه، پشكه‌ك ژ كه‌سايه‌تى ووه‌لاتيێن شنگالێ جڤاته‌كا به‌روه‌خت بۆ وى باژێرى دياركر.
حه‌يده‌ر شه‌شۆ، سه‌رۆكێ حزبا ديموكراتيا ئێزدى بۆ كوردستان 24 گۆت” ئه‌م ل سه‌ر دامه‌زراندنێ وێ جڤاتێ درازى نينين”.
گۆت ژى” ئه‌م بۆ وێ كۆمبوونێ هاتبووينه داخوازكرن، به‌لێ به‌رهه‌ڤ نه‌بووين چونكى جڤاته‌كا نه‌قانوونى ونه شه‌رعى يه وپه‌كه‌كه وحه‌شدا شه‌عبى باش دزانن كو ئه‌و پێنگاڤه دژى به‌رژه‌وه‌نديا شنگالێ يه وجادا شنگالى ژى ب ڤێ ره‌فتارێ يا رازى نينه”.
دياركر”هه‌ر ده‌مه‌كێ پارێزگه‌رێ نه‌ينه‌و فه‌رمانا دامه‌زراندنا ڤى جۆره جڤاتێ ده‌ربكه‌ت، دێ پێ رازى بين”.
مه‌حما خه‌ليل، قايمقامێ شنگالێ دبێژيت” ژبه‌ر وان گرۆپێن چه‌كدار ره‌وشا ئه‌منى يا شنگالێ خرابتر بوويه، هه‌كه ره‌وشا نوكه هه‌ى يا به‌رده‌وام بيت، ئه‌گه‌ر يێ هه‌ى شه‌ر وكاره‌ساتێن مه‌زن ددووڤ دا بهێن”.
خوياكر” ب زڤرينا پێشمه‌رگه‌ى بۆ شنگالێ وده‌ركه‌فتنا گرۆپێن چه‌كدار، دێ ئارامى بۆ قه‌زا شنگالێ زڤريت وئاواره ژى دێ زڤرن”.
ئەڤرۆ نیوز ،بارزان مزووری :
رێڤەبەرێ بەلاڤكرنا ئاڤا شێخان، مەجید عبدالكریم، بۆ ئەڤرۆ نیوز دیار كر كو ژبۆ دروستكرنا ئێكەم پرۆژێ ستراتیژی یێ ئاڤێ ل قەزا شێخان ب هەماهەنگی دگەل رێڤەبەریا ئاڤا دەوروبەرێن پارێزگەها دهۆكێ پێداچوون هاتیە كرن ئاڤا هەرسێ رووبارێن “خازر ،نێردوش،گومل” ل نێزیك پرا مەندان دبیتە ئێك رووبار كو مەزنترین پرۆژێ ئاڤا ڤەخارنێ بو قەزا شێخان بهێته دروست كرن ،
گۆت ژى : ئەڤ پرۆژە 80% دێ ئاڤێ دەتە دەڤەرا شێخان رۆژانە دشێت 5 هزار مترێن چارگوشە يێن ئاڤێ بدەتە مالان بتنێ ئاڤا ڤی پرۆژەی ناگەهیتە دەڤەرا ئەتروش وب ئه‌نجامدانا وى دێ 90% دەرگەهێن بیرێن ئاڤێ ل ده‌ڤه‌رێ هێنه داخستن ،
ناڤهاتی خوياكر: ل سنورێ ناحیا كەلەكچی دو هزار كانیێن ئاڤێ یێن هەین، به‌لێ ئاڤا وان ب هەروە دچیتە درووبارێ خازردا ورێژەكا كێم ژوان كانیان بۆ چاندنێ دهێنه بكارئینان وژئاڤا وان كانيان دێ مه‌زنترين پرۆژێ ئاڤێ ژێ دروست بيت.
ئه‌ڤرۆنيوز:
هژماره‌كا مووشه‌كان نيڤرۆيا ئه‌ڤرۆ پێنجشه‌مبى 27/12/2018 ل نێزيك باليۆزخانا ئه‌مريكى ل به‌غدا كه‌فتن خار.
ئه‌و هێرشا مووشه‌كى ل سه‌ر باليۆزخانا ئه‌مريكى ل به‌غدا، ل دووڤ مالپه‌رێ كوردستان تى ڤى، پشتى گه‌فێن توند يێن قه‌يس خه‌زعه‌لى، سه‌رۆكێ ميليشيا عه‌صائيب ئه‌هلولحه‌ق، هاته ئه‌نجامدان.
قه‌يس خه‌زعه‌لى، داواز ژ سه‌رۆكێ ئه‌مريكى دونالد ترامپ كريه هێزێن وه‌لاتێ خوه ژ عيراقێ ڤه‌كێشيت وگۆت” هه‌كه نه‌هێنه ڤه‌كێشان، مه ئه‌زموون وشيان يێن هه‌ين كو هێزێن ئه‌مريكى نه‌چار بكه‌ين ژ عيراقێ ده‌ربكه‌ڤن”.
ئه‌ڤرۆ نيوز:
مەسرور بارزانی شیرەتکارێ جڤاتا ئاساییشا ھەرێما کوردستانێ، پێشوازی ل جینین ھینیس بلاسخارت نوونەرا نوو یا سکرتێرێ گشتی یێ نەتەوەیێن ئێکگرتی ل ئیراقێ کر، سەرباری پیرۆزباھیێن خوە ل ئەرکێ نوو یێ بلاسخارتێ، بەرھەڤییا ھەرێما کوردستانێ بۆ ھەماھەنگی و کارئاسانی د بجھئینانا ئەرکێن وێ دا نیشان دا.
جینین ھینیس بلاسخارت نوونەرا نوو یا سکرتێرێ گشتی یێ نەتەوەیێن ئێکگرتی ل ئیراقێ پشته‌ڤانيا خوه بۆ كابينا بهێت يا حوكمه‌تێ نيشا دا .
د تەوەرەکێ دى دا ھەردو ئالیان بەحس ل کێشەیێن ئیراقێ و ئەگەرێن پاشخستنا چارەکرنا وان کر، ل سەر وێ پرسێ مەسرور بارزانی ئاماژە ب گرنگییا بجھئینانا تەمام یا دەستووری و دامەزراندنا سازیێن فیدرال کر.
ئه‌ڤرۆنيوز:
سه‌رۆك بارزانى ئه‌ڤرۆ پێنجشه‌مبى 27/12/2018 پێشوازى ل جێنين هێنيس نوونه‌را تايبه‌ت يا سكرتێرێ گشتى يێ نه‌ته‌وێن ئێكگرتى ل عيراقێ كر.
دديداره‌كێ دا سه‌رۆك بارزانى پێروزباهيا ده‌ست بكاربوونا جێنين هێنيس كر وه‌كو نوونه‌را نوو يا سكرتێرێ گشتى يێ نه‌ته‌وێن ئێكگرتى ل عيراقێ وهيڤيا سه‌ركه‌فتنێ بۆ خواست.
هه‌ر دوێ ديدارێ دا شه‌رێ دژى تيرۆرێ ونه‌ترسيێن هزرا تيرۆرێ ل سه‌ر ئاسايشا عيراقێ وده‌ڤه‌رێ هاته به‌حسكرن وسه‌رۆك بارزانى راگه‌هاند، راسته داعش ژ روويێ له‌شكرى ڤه‌ه هاته شكاندن، به‌لێ پێدڤيه هوكارێن سه‌رهلدانا تيرۆرێ بهێنه نه‌مينن، هه‌كه نه مه‌ترسيا تيرۆرێ ب شێوه‌كێ دى دێ سه‌رهلده‌ت وب پێدڤى ژى زانى كو شه‌رێ هزرى وجڤاكى وئابوورى دژى تيرۆرێ بهێته كرن.
هه‌ر دوێ كۆمبوونێ دا به‌حسێ په‌يوه‌نديێن هه‌رێما كوردستانێ وبه‌غدا وسه‌ره‌دانا هه‌يڤا بۆرى يا سه‌رۆك بارزانى بۆ به‌غدا هاته كرن وسه‌رۆك بارزانى پشته‌ڤانيا خوه بۆ عادل عه‌بدولمه‌هدى سه‌رۆك وه‌زيرێن عيراقێ نيشان دا وب سياسه‌تمه‌داره‌كێ مه‌زن ولايه‌نگرێ دانوستاندنێ هژمارت كو ب باشى دۆزا ره‌وا يا گه‌لێ كوردستانێ دگه‌هيت ودياركر كو كوردستان به‌رده‌وام رێيا لێكتێگه‌هشتنێ وديالۆكێ بۆ چاره‌كرنا كێشان دگريته به‌ر.
نيشاندان