ئهڤرۆنيوز:
سهرۆك وهزيرێن ههرێما كوردستانێ، نێچيرڤان بارزانى ئهڤرۆ ئێكشهمبى 25/11/2018 پێشوازى ل شاندهكێ بلند يێ فرهنسى كر كو ژ ماريێل دو سارنێز سهرۆكا لژنا پهيوهنديێن دهرڤه وبهرگريێ ل پهرلهمانێ فرهنسا وكلۆد گۆزاگن وديلفن ئۆ ئهندامێن لژنێ وبرۆنۆ ئۆبێرت باليۆزێ فرهنسا ل عيراقێ ودۆمنيك ماس كۆنسۆلێ فرهنسا ل ههرێما كوردستانێ پێكهاتبوو.
شاندێ فرهنسى بهردهواميا هاريكاريان بۆ ههرێما كوردستانێ دههموو بوارانم دووپاتكر وپێنگاڤێن حوكمهتا ههرێمێ ژى بۆ دروستكرنا باوهريێ وچارهكرنا كێشێن ههولێرێ وبهغدا ب رێيا ديالۆكێ وپرۆسا سياسى ل ههرێمێ وئێكرێزيا لايهنێن كوردستان ب گرنگ هژمارت.
نێچيرڤان بارزانى سوپاسيا هاريكاريا بهردهوام يا فرهنسا بۆ ههرێما كوردستانێ كر ل دهمێن سهخ تدا ب تايبهتى سالا بۆرى دهمێ سهرۆكێ فرهنسى ماكرۆن پشتهڤانيا ههرێما كوردستانێ وقهوارێ وێ يێ سياسى كرى.
ئەڤرۆ نیوز:
تورا میدیایی یا BBC یا برێتانی لیستا ناڤێ ١٠٠ ژنێن کاریگەر ل سەر ئاستێ جیھانێ بەلاڤ کر د بیاڤێ وەرزش، سیاسەت، زانست، ھونەر و یاسا دا کو ئەڤ ژنێن ناڤێن وان ھاتین د ئەکتیڤ و کاریگەرن ژوانا کچەکا کوبانێ د ناڤ ڤان ١٠٠ کەسان دایە.
ھەمان ژێدەتر دیارکر د ڤێ لیستێ دا ناڤێ کچا کورد نوژین مستەفا کو خەلکا کوبانێ یە چیروکا کوچبەریا خوە ژ حەلەب ھەتا ئەلمانیا ژ بەر شەرێ دژی داعشێ نڤیسایە و بویە جھێ سەرنج راکێشانێ لەورا ناڤێ وێ ژی د لیستا ١٠٠ ژنێن کاریگەر و ئەکتیڤ دا ھاتیە بەلاڤ کرن.
ئەڤرۆ نیو:
ئێکەتیا تەپا پێ یا ئسپانی دیارکر لژنەیا سزایان یا سەر ب ئێکەتیا وان ڤە دێ ھەردو یانێن ئەتلەتیکو مەدرید و بەرشەلونە سزا دەت ژ بەر روویدانێن ڤێ یاریێ دا پەیدابوین ئەوا دوھی شەڤ ھاتیە کرن ژ گەرا سێزدێ یا خولا لالیگایێ.
رۆژناما ئاس یا ئسپانی ئاشکرا کر کو لژنا سززایان یا سەر ب ئێکەتیا تەپا پێ یا ئیسپانی ڤە دێ ھەردو یانێن ئەتلەتیکو مەدرید و بەرشەلونە سززا دەت ژ ئەگەرێ گیروبونا ھاتنا د ناف یاریگەھێ دا ل دەمێ بھێنڤەدانا ناڤبەرا ھەردو گێمان کو سززایێ وێ ژی دێ کوژمەکێ پارەی بیت.
دیسان ئێکەتیا ئسپانی بریار دایە سززایەکی ل سەر یانا ئەتلەتیکو مەدرید ب سەپینت کو دبیت یاریگەھا واندا میتروپولیتانو بھێـە داخستن پشتی یانا بەرشەلونە گۆلا وەکھەڤیێ ل خولەکا ٩٠ تومارکری و بویە ئەگەر پشتەڤانێن یانا ئەتلەتیکو مەدرید ھندەک تشت د یاریزانێن یانا کەتالونی وەرکرین.
ئەڤرۆنیۆز ئەمیر ئەترووشی:
ئەڤرۆ سپێدێ رێکەفتی ٢٥/١١/٢٠١٨ رێ و رەسمێن ب دووماھی ھاتنا نووژەنکرنا سێ قوتابخانان ل سنورێ پارێزگەھا دھۆکێ ھاتنە گێران.
عومەر عەلی تاھا رێڤەبەرێ گشتیێ پەروەردێ ل پارێزگەھا دھوکێ بۆ ئەڤرۆنیوز دیارکر ب ئامادەبوونا نوونەرێ رێکخراوا Help و ژمارەکا رێکخراوێن بیانی و ناڤخو، رێ و رەسمێن ب دووماھی ھاتنا نووژەنکرنا سێ قوتابخانان ل سنورێ پارێزگەھا دھۆکێ ھاتنە گێران و گۆت: ئەڤ پرۆژێ نووژەنکرنێ ٣ قوتابخانە ب خوڤە گرتبون ل سنورێ ھەردوو پەروەردێن قەزا دھۆک روژھەلات و روژئاڤا کو ژلایێ رێکخراوا Help یا ئەلمانی ھاتە ئەنجام دان.
شێخان، بارزان مزووری:
سەروکێ باژێرڤانیا قەزا شێخان دیار کر کو ژێدەرێ دروست بوونا لەھیان ل سەر کەمپا شێخان یا ئاواران دناڤ سەنتەرێ شێخان دووماھی ھات.
زێدەتر ئەندازیار خالد نەرمو سەروکێ باژێرڤانیا قەزا شێخان بۆ ئەڤرۆ نیوز دیارکر کو ئەو ئاڤرێژ پربوینە ژ پاشماوێن باژێری و شوین بونا گژوگیا بوینە ئەگەرێ پەنگاندنا ئاڤا بارانێ رێککەک نوی ڤەبویە کو ئاڤا بارانێ لێ بچیت دچویە دناڤ خیڤەتان دا د نھا دا ئەو ئاڤ رێژ ھاتە پاقژکرن و بەرفرەکرن ساترەک مەزن ھاتیە دانان کود دوبارە کەمپێن ئاواران توشی لەھیان نەبن.
ئەڤرۆ نیوز:
بریارە ئەڤرۆ بەردەوامی ب یاریێن خولێن ئوروپی بھێنە دان ب ڤی شێوەی.
دووماھیا کاسا لێبرتادوریس
١١:٠٠ ریڤرپلێت VS بوکاجونیورز
خولا ئنگلیزی گەرا ١٤
٤:٣٠ بورنموس VS ئارسنال
٧:٠٠ وێلڤرھامبتون VS ھیدیرسفیلد تاون
خولا ئسپانیا گەرا گەرا 13
٦:١٥ سڤیلیا VS بەلەد وەلید
٨:٣٠ ئسپانیول VS جیرونا
١٠:٤٥ ڤیاریال VS ریال بتیس
خولا ئیتالیا گەرا ١٣
٥:٠٠ بولونیا VS فیورنتینا
٥:٠٠ ناپولی VS کیێڤو ڤیرونا
٥:٠٠ ئەمپولی VS ئەتلەنتا
٨:٠٠ لازیو VS میلان
١٠:٣٠ جەنەوا VS سامبدوریا
خولا ئەلمانیا گەرا ١٢
٥:٣٠ فرایبورگ VS فردێربریمن
٨:٠٠ بورسیا مونشنگلادباخ VS ھانوڤەر
خولا فرەنسا گەرا ١٤
٥:٠٠ مونبیلێ VS رێن
٧:٠٠ نیس VS لیل
١١:٠٠ ئەمیان VS مارسیلیا
ئەڤرۆ نیوز:
کارگێریا یانا چێلسی یا ئنگلیزی دەست ب دانانا نەخشەکی کریە ژ بۆ فرۆتنا ستێرا خوە یا بەلجیکی ژ تراسا ژ دەست دانا وی ل دەمێ ب دووماھی ھاتنا ھەڤبەستا وی ل ھاڤینا سالا ٢٠٢٠ێ.
ژێدەرەکێ نێزیک ژ یانا ئنگلیزی دیارکریە کو وان باوەری نینە یاریزانێ وان یێ نێڤدەولەتی ئایدێن ھازارد ھەڤبەستا وان نوو بکەت و ژبەر ڤێ چەندێ نەخشە دانایە داکو بێ بەرامبەر ژ دەست نەدەن ژبەرکو ئێک ژ باشترین یاریزانێن نوکە یە ل جیھانێ.
ڤی یاریزانێ بەلجیکی گرێدانەکا ب ھێز یا ل گەل یانا ریال مەدرید یا ئسپانی ھەی و نوکە ژ ھەر دەمەکی زێدەتر دبەرھەڤیێ دانە بو زانینا بھایێ فروتنا وی ژ یانا چێلسی و دھێتە پێشبینیکرن سیناریویا تیبو کورتوا دوبارەبیت ئەوێ ل ھاڤینا بوری ھاتیە ڤەگوھاستن بو ریال مەدرید ل ھەمبەر کوژمێ ٣٥ ملیون یورویان کو ھشتا سالەک ژ ماوێ ھەڤبەستا وی مابوو.
ئایدین ھازارد یێ ٢٧ سالی بھایێ وی یێ نوکە ل دویڤ مالپەرێ ترونسفیر مارکت یێ تایبەت ب بازارێ ڤەگوھاستنێن یاریزانا ١٥٠ ملیون یورونە و ل گەل مانا سالەکێ ب تنێ ژ ھەڤبەستا وی دبیت یانا چێلسی ب کوژمێ کێمتر ژ ١٠٠ ملیون یورویان رازی نەبیت ھەمبەر دەست بەردانا وی.
ئەڤرۆ نیوز:
سەرۆکێ ژوورا بازرگانی ل ھەرێما کوردستانێ دیار کر کو ب مەرەما وەبەرئینانێ ٣٠ کۆمپانیێن مەزنێن وەلاتێ ھندستانێ دێ د ڤێ حەفتیێ دا ھێنە ھەرێما کوردستانێ و گۆت: “ئەڤ کۆمپانیە دێ د ھەموو بواران دا کارێ وەبەرئینانێ ل ھەرێمێ ئەنجامدەن”.
دارا جەلیل خەیات، سەرۆکێ ژوورا بازرگانی ل ھەرێما کوردستانێ دیار کر کو بڕیارە د ڤێ حەفتیێ دا ٣٠ کۆمپانیێن وەلاتێ ھندستانێ ب مەرەما ئەنجامدانا کارێ وەبەرئینانێ بھێنە ھەرێما کوردستانێ و ھەر د چارچوڤێ ڤێ سەرەدانێ دا چاڤێ وان دێ ب وەبەرئینەرێن ھەرێما کوردستانێ ژی کەڤیت و دێ ل گەل ئێک ئاخڤن بۆ وێ چەندێ کارێن ھەڤپشک پێکڤە ئەنجام بدەن و بۆ مالپەرێ فەرمی یێ پارتی دیموکراتی کوردستان گۆت: “ئەڤ ٣٠ کۆمپانیە یێن کەسێن گرنگن و کۆمپانیێن ب ناڤودەنگن و دڤێن د ھەمی بواران دا کارێن وەبەرئینانێ ل ھەرێما کوردستانێ ئەنجام بدەن، چونکی ھندستان وەلاتیکێ پێشکەفتیە بۆ کارکرنێ و دڤێن کارێن باش ل ھەرێما کوردستانێ ژی ئەنجام بدەن و ھەڤالینیێ ل گەل ھەرێمێ دروست بکەن”.
ناڤھاتی ئاماژە دا وێ چەندێ کو ل رۆژا پێنجشەمبی ئەڤ کۆمپانیە دێ سەرەدانا ھەرێمێ کەن و دێ دانوستاندنێ ل گەل وەبەرئینەرێن ھەرێمێ ئەنجامدەن و گۆت: “پشتی ب دووماھی ھاتنا شەرێ دژی تیرۆرستێن داعش گەلەک کۆمپانی سەرەدانا ھەرێما کوردستانێ دکەن”.
نيشاندان