ئهڤرۆ نیوز، ئازاد نسری:
ئهڤه ناڤێن پارێزگهها دهۆكێ نه
نووترين نووچه
- سنۆرەكی بۆ گرۆپێن ژ دەرڤەی قانوونێ دانن
- هێرشێن ل سەر هەرێما كوردستانێ دهێنە كرن پرۆتەستۆ دكەین
- هەرێما كوردستانێ نابیتە مەترسی ل سەر وەلاتێن دەوروبەر
- مالكی و فراكسیۆنا پارتی: پێدڤییە كێشەیێن هەلاویستی ل سەر بنەمایێ دەستووری و قانوونێ بهێنە چارەسەركرن
- بێدەنگییا دەزگەهێن فەرمی یێن ئیراقی بەرانبەر هێرشێن ل سەر هەرێما كوردستانێ جهێ حێبەتیێ یە
- هندەك ژ هێرشێن ل سەر هەرێما كوردستانێ ژ نەینەوا دهێنە ئاراستەكرن
- حوكمەتا ئیراقێ بودجەیا گرۆپێن هێرشان ل سەر كوردان دكەن دابین دكەت
- چاڤدێرەكێ سیاسی: گرۆپێن چەكدار نەچارن خوە ژ نەینەوا ڤەكێشن
- نابیت هێرشێن ل سەر بارەگەهێن پێشمەرگەی و شەڕ فرۆشتن ب هەرێما كوردستانێ بەردەوام بیت
- ئافرەتێن كوردستانێ هەردەم پشكەكا سەرەكی یا خەباتا گەلێ مە بوون
سهرهكى نوچێن گرنگ
فوئاد حسێن پێشوازيێ ل سهرۆكێ كۆمپانيا شل ل عيراقێ دكهت
ئهڤرۆنيوز:
جێگرێ سهرۆك وهزيرێن عيراقێ ووهزيرێ دارايى فوئاد حسێن ئهڤرۆ چارشهمبى 14/11/2018 ل بهغدا پێشوازى ل ماركۆس ئهنتۆنى سهرۆكێ كۆمپانيا شل ل عيراقێ وشاندێ گهلدا كر
سهرۆكێ كۆمپانيا شل ل عيراقێ دوێ كۆمبوونێ دا دياركر كو وان 5200 دهليڤێن كارى ل عيراقێ دابين كرينه ب رێيا وان وهلاتيێن عيراقى ئهوێن ژلايێ كۆمپانيێ ڤه هاتينه مهشقدان ووان وهلاتيێن عيراقى ل شوينا مهشقكارين بيانى ئهو ئهركه كريه ستوويێ خوه.
ههر د وێ كۆمبوونێ دا رۆناهى هاته خستن ل سهر گرنگيا پێشخستنا كهرتێ غازێ وبهرفرههكرنا بهرههمێ غازێ تاكو دگههيته ئاستێ پركرنا پێدڤيێن وهلاتيێن عيراقى وسهرۆكێ كۆمپانيا شل بهرههڤيا كۆمپانيێ نيشان دا بۆ وێ چهندێ عيراق ل شوينا كرينا غازێ، ئهو ب خوه غازێ بهرههم بينيت وب فرۆشيته دهرڤه.
فوئاد حسێنى بهردهواميا هاريكارى وكارێ ههڤپشك دناڤبهرا ههردو لايهنان ونههێلانا رێگريێن كارى ل بهردهم چالاكيێن ڤێ كۆمپانيێ ب گرنگ زانى بۆ سهرخستنا پيشهسازيا پهترۆلێ وغازێ ل عيراقێ وب هێزكرنا بوارێ ئابوورى بۆ بهرژهوهندى ومفايێ ههموو وهلاتيان.
20 سهركردێن داعشێ ل بادوش وحهزهر هاتنه كوشتن
ئهڤرۆنيوز:
جڤاتا پارێزگهها نهينهوا ئهڤرۆ چارشهمبى 14/11/2018 ئاشكراكر كو چهكدارێن داعشێ جهێن نهێنى ل چيايێن بادوش ودارستانێن حهزهر ههبوون كو تۆنێل بوون ودياركر كو هێزا سوات وب هاريكاريا ههليكوپتهران هێزێن لهشكرى ل وان جهان دانان ودئهنجامدا 20 سهركردێن داعشێ هاتن كوشتن.
خهلهف حهديدى، ئهندامێ جڤاتا پارێزگهها نهينهوا بۆ مالپهرێ(المعلومه) يێ عيراقى گۆت” دهم بۆ دهمى شانين نڤستى يێن داعشێ كريارێن تيرۆرستى ل پاريزگهها نهينهوا ئهنجام ددهن كو هندهك سهركردێن داعشێ يێن خوه ڤهشارتين دناڤ تۆنێلان دا ل پشت وان كريارێن تيرۆرستى نه”.
دياركر” ل دووڤ پێزانينێن ههوالگيرى ئهوێن گههشتين، چهندين سهركردێن داعشێ هێشتا يێن ماينه دناڤ پاريزگهها نهينهوا دا كو دناڤ تۆنێلان دانه ل چيايێن بادوش ودارستانێن حهزهر وهيزا سوات ب هاريكاريا ههليكوپتهرێن لهشكرێ عيراقێ چهندين هێرش ل دهمژمێرێن بۆرى ئهنجامداينه وتێدا 20 سهركردێن داعشێ ئهوێن ل مووسلێ لێگهريان ل دۆر وان دهاته كرن، هاتنه كوشتن”.
عيراق بهرامبهر كارهبێ دێ خوارنێ دهته ئيرانێ
ئهڤرۆنيوز:
ئاژانسا رويتهرز ئاشكرا دكهت كو عيراق ل گهل ئيرانێ يا رێككهفتى كو كهلوپهلێن خوارنێ بدهته ئيرانێ و ل بهرامبهر ئيران كارهبێ وگازێ دهته عيراقێ.
دو بهرپرسێن لژنا وزێ ل حوكمهتا عيراقێ بۆ ئاژانسا رويتهرز ئهو رێككهفتنه پشت راستكر وئاماژه دا ژى ك بهرپرسێن ئيرانى ب ڤێ رێككهفتنێ درازينه وعيراق ژى دێ بزاڤێ كهت رازيبوونا ئهمريكا ل سهر وێ رێككهفتنێ وهربگريت، چونكى ئهمريكا تنێ 45 رۆژ وهكو مۆلهت دايه عيراقێ تاكو ل سهر ئينانا كارهب وگازا ئيرانێ يا بهردهوام بيت، بهلێ بهرپرسێن عيراقى دووپات دكهن ئهو دهمه يێ كێمه تاكو عيراق شوينگرێ ئيرانێ ببينيت تا كارهبێ ژێ بكريت.
ل 5/11/2018 ئهمريكا چهندين سزايێن دى ل سهر ئيرانێ سهپاندن وههشدارى ژى دايه وهلاتان ئێدى گاز ووزێ ژ ئيرانێ نهكرن، ل گهل وێ چهندێ ئهمريكا ههشت وهلات ژ سهپاندنا سزايان جوداكرينه و45 رۆژ مۆلهت دايه عيراقێ.
خالێن گۆمركى دناڤبهرا ههرێما كوردستانێ وعيراقێ نامينن
ئهڤرۆنيوز:
پهيڤدارێ حوكمهتا ههرێما كوردستانێ، سهفين دزهيى، ئهڤرۆ چارشهمبى 14/11/2018 راگههاند، برياره خالێن گۆمركى دناڤبهرا باژێرێن ههرێما كوردستاني وعيراقێ بهێنه لادان، چونكى زيانێ دگههينيته وهلاتيان وبازرگانان.
سهفين دزهيى گۆت ژى”ههبوونا وان خالێن گۆمركى يا قانوونى نينه وههرێما كوردستانێ پشكهكه ژ عيراقێ، لهوما پێدڤيه ئهو خال ل دهرگههێن سنورى بهێنه دانان”.
دياركر”ئهو خالێن گۆمركى زێدهتر بۆ بهرژهوهنديا چهند گرۆپهكێن ميليشيان كو مفا ژێ وهردگرت، زيانێ دگههينن خهلكێ دهڤهرێ وههرێما كوردستانێ وبازرگانان”.
بهفر دێ باريت
ئهڤرۆنيوز:
دهزگههێ كهشناسيێ ل عيراقێ ئهڤرۆ چارشهمبى 14/11/2018 رهوشا سهقاى ل سێ رۆژێن بهێت ل پارێزگههێن عيراقێ بهلاڤكر.
كهشناسيا عيراقێ دياركر كو ل دهڤهرێن چيايى ل ههرێما كوردستانێ دێ ئهور وباران بيت ول هندهك دهڤهران ژى دێ بهفر باريت.
ژلايهكێ دى ڤه رێڤهبهريا گشتى يا كهشناسيێ وبيڤهلهرزان ل ههرێما كوردستانێ رهوشا سهقايێ سوباهى ورۆژێن ددووڤدا بهلاڤكر كو دێ باران ل دهڤهرێن جودا ودا ل باژێرێن ههرێما كوردستانێ باريت.
پتریا جاران پەنجەشێرا قولونێ و رووڤیکا ب دیتنا خوینێ دھێنە دەستنیشانکرن
ئهڤرۆ، وارهێل نێروهى:
تایبەتمەندەکێ نشتەرگەریا گشتی ئاماژە ب وێ چەندێ دایە کو ئێک ژ وان نەخوشیێن نوکە بەربەلاڤ ھاتنا خوینێیە دگەل پیساتیێ ل جھێ دەستئاڤا ستور، گەلەک جاران کەسێ تووشی ڤێ نەخوشیێ دبیت ژبەر شەرمێ نەڤێت سەرەدانا نوشداری بکەت لەورا گەلەکا پێدڤیە ب ھەبوونا ڤی حالەتی زووترین دەم سەرەدانا نوشدارێ تایبەتمەند بکەت دا کو چارەسەری بۆ بھێتە کرن.
د. سەردار حەسەن عارف، تایبەتمەندێ نیشتەرگەریا گشتی دیار کر: گەلەک ئەگەر ھەنە بۆ تووشبوون بڤێ نەخوشیێ ، پرانیا جاران ژ بەر باوەسیرێ یان ژی برینەکێ (فتریات)ل جھێ دەستئاڤا ستور ڤێ حالەتی دروست دکەت کو خوین بھێت.
گوت ژی: گەلەکا گرنگ ل دەمێ پەیدابوونا خوینێ ئەو کەس سەرەدانا نوشداری بکەت دا کو ژێدەرێ وێ خوینێ بزانیت کا ل کیڤە دھێت، گەلەک جاران چێ دبیت ھاتنا وێ خوینێ پەیوەندی ب پەنجەشێرا قولونێ یان رووڤیکا ھەبیت. دیار کرژی: ھندەک نیشان ھەنە کو بۆ نەخوشی و نوشداران دیار دکەت کو ھاتنا وێ خوینێ نە ژبەر نەخوشیا باوەسیرێیە، بەری کو نوشدار پشکنینا بۆ نەخوشی بکەت بگەھیتە ئەنجامەکێ ژ ھەبوونا ڤێ خوینێ ئەو ژی: ئەگەر دگەل دەستئاڤا ستور خوین ھەبیت و ئێشانەک ل زکی و بتایبەتی بنێ زکی ھەبیت، دڤێت نەخوش ئێکسەر بزانیت ئەو خوین ژ ئەگەرێ باوەسیرێ نینە، ژبەرکو باوەسیرێ زکئیشان دگەل نینە.
ناڤھاتی گوت ژی: گەلەک جاران نەخوش ھەست دکەت کو دەستئاڤا وی تمام نەبوویە، پیساتیێ نەخوشی ھەمی نادەرکەڤیت دمینیتە د رووڤیکادا و خوینێ دبینیت دگەل پیستایێ ھاتی ئەڤە ژی ئێک نیشان کو نەخوشیەکا دی بیت.و زێدەتر دووڤچوونا ڤی حالەتی بکەت ژلایێ نوشدارێ تایبەتمەندڤە و گەلەک جاران نەخوش دەستئاڤا ستور پیساتیێ وی زراڤ دبیت وەک پیساتیێ زارۆیەکێ ساڤایە، ئەڤە ژی چێ دبیت وەرەمەک ھەبیت ئەڤە ھەمی ئەو نیشانن بەری پشکنینا بۆ نەخوش و نوشداری دیار دبیت کو ئەڤە نەخوشیا باوەسیرێ نینە و گەلەکا پێدڤیە نوشدارێ تایبەتمەند پشکنینا نەخوشی بکەت، ئەگەر نەخوش نەھێلیت پشکنینێ بۆ بکەت، ژبەرکو نەخوش ژبەر شەرمێ کو بێژیت ئەڤە نەخوشیا باوەسیرێیە و نوشدار گرنگی بڤی حالەتی بدەت.
نابیت نوشدار چاڤەرێ وێ چەندێ بیت کو ئەگەر نەخوش زەعیف بوو کێشا وی ھاتە خوار پاشی بێژیت ئەڤە نەخوشیا پەنجەشێرێیە، ژبەر کو ئەگەر گەھشتە ڤی ئاستی ئەو نەخوشیا وی یا بەلاڤ بوویە لەشێ وی نەخوشیدا، چ مفا دچارەسەریا ڤی حالەتی دا نینە، تشتەکێ بەربەلاڤ ھەیە دناڤ خەلکێ مە دەمێ دبێژن ئەو کەس زەعیف نەبوویە و کێشا وی کێم نەبوویە ، “دەمێ دبێژن چاوا دبیت ئەڤە نەخوشیا پەنجەشێرێ بیت؟ ئەڤە گوتنەکا گەلەک خەلەتە دناڤ خەلکی دا ھەیە”، لەورا د ھەبوونا وان نیشانا گەلەکا فەرە نەخوش سەرەدانا نوشداری بکەت دا کو چارەسەری وەرگریت بەری بەربەلاڤ بیت.
گوت ژی: پێنگاڤێن پشتی ڤان نیشانا پێدڤیە نوشدار پشکنینا بۆ نەخوشی بکەت ئەو ژی دەستی پشکنینێ بکەت و دێ بینیت کا ھاتنا ڤێ خوینێ ژ ئەگەرێ باوەسیرێیە یان فتریاتن ئەگەر نوشداری چ تشت نەدیتن و ئەو خوین ھەر دھێت، ئەڤە وێ چەندێ گەھینیت کو ئەڤ خوینە ژ سەراڤا دەستئاڤا ستور(کماخێ) دھێت.
نوشدار دشێت برێکا تبلێ یان دوربین (نازوور)ێ بۆ دھێتە کرن دا کو بزانین ئەڤ خوینێ ژ کیڤە دھێت.
گوت ژی: گەلەک جاران خەلکێ مە ھزر دکەن کو (باوەسیر یان فتریات) دبیتە ئەگەرێ پەنجەشێرێ ئەڤێ چو راستی بۆ نینە، “ئەڤ ئاخفتنە ژ وێ چەندێ ھاتی کو گەلەک نەخوشا پەنجەشێرا ریڤیکێ یان پەنجەشێرا بنێ ریڤکا ستور دگەل ھندێ ژی باوەسیر یا ھەی ئەڤە ژی دبیتە ئەگەرێ خوینێ خەلکێ مە ھزر دکەت پەنجەشیرێ باوەسیرێ یا ھەی”لەورا باوەسیر نابیتە نەخوشیا پەنجەشێرێ، ھندەک جارا دوماھیا ریڤیکا ستور کو دبێژنێ (پەنجەشێرا مستقیمی) ھەبیت گڤاشتنێ لسەر دەمارێن خوینێ دکەت دبیتە ئەگەر نەخوشیا باوەسیر پەیدا بیت.
گوت ژی: ھندەک جاران نوشدار گرێیەکێ زکێ نەخوشی دا سەرڤە دبینیت ئەڤە دڤێت ھزر بکە تکو دبیتە ئەگەرێ ھاتنا خوینێ، پاشان گرتنا سونەرێ یان تیشکا میفراسێ و پشکنینا ، پشتی کو ھاتیە دەستنیشانکرن و پارچەکا گوشتی ژێ ھاتیە چاندن(زرع) کرن و دا دیار بیت کا ئەڤ نەخوشیە چەند بەربەلاڤ بوویە د مێلاکێ ، سینگی، خوینێ دا ئەڤە ھەمی پشکنین بۆ دھێنە کرن ودا بزانین ئەو پەنجەشێر چ قوناغ دایە، دەمێ بەلاڤ بیت لەشی دا تنێ چارەسەری نینە، بەلکو پێدڤیە چارەسەریا کیمیاوی و کەووی (داخکرن) وەرگریت پاشان نشتەرگەری بۆ بھێتە کرن، لەورا پێدڤیە قوناغا پەنجەشێرێ بزانی گەلەک باشترە کو ئێکسەر نشتەرگەری بۆ بھێتە کرن کو دێ بیتە ئەگەر نەخوشیا وی زێدەتر بەربەلاڤ بیت.
گوت ژی: پشتی پشکنینا کو دیار بیت نەخوشیا بەربەلاڤ نەبوویە باشتر ئەوە زوو نوشدار نشتەرگەریێ بۆ بکەت ئەو ژی چارەسەریا وێ ئەوە پارچەکا قولونێ لای راست یان چەپێ یان ھندەک جاران پێدڤی کەت قولونێ ھەمی دھێتە راکرن ل دووف حالەتێ وێ نەخوشیێ دمینیت کا چ بۆ بھێتە کرن.
عهلى حهمه سالح: ههتا جڤاتا گۆڕان كۆم نهبيت چو بڕياران نادهين
ئهڤرۆ نيوز، نيوار محهمهد سهليم:
سهرۆكێ فراكسيۆنا گۆڕان ل پهرلهمانێ كوردستانێ راگههاند كو هێشتا گۆڕان چو بڕيارێن ئێكلاكهر د دهربارهيى پشكدارى كرن يان نهكرن د حوكمهتێ دا نهداينه و ئهڤ بڕياره دێ بۆ جڤاتا نشتيمانى بيت.
عهلى حهمه سالح، سهرۆكێ فراكسيۆنا گۆڕان ل پهرلهمانێ كوردستانێ، د داخۆيانيهكێ دا بۆ ئهڤرۆ نيوز ئاشكهرا كر كو هێشتا گۆڕان چو بڕيار ل دۆر پشكداريكرن يان نهكرن د كابينا نوو يا ههرێما كوردستانێ دا نهداينه و گۆت: “ئهو بڕيار دێ بۆ جڤاتا نشتيمانى بيت و ئهو دێ بڕيارێ ل دۆر پشكداريكرن يان نهكرنێ دهت”.
دهريارهى وێ چهندێ كا ههكه پشكدارى كر دێ داخوازا چو پۆست كهن، عهلى حهمه سالح گۆت: “ئهو ههموو پرسێن گرێدايى پشكداريكرن و نهكرن و وهرگرتنا پۆستا و ههبوونا دو جێگران بۆ سهرۆكێ حوكمهتێ د كۆمبوونا جڤاتا نشتيمانى دا هێنه گهنگهشهكرن”.
سهفين دزهيى: دهسپێكا كارێ حوكمهتا نوو دێ راكرنا پاشكهفتێ مووچهى بيت
ئهڤرۆ نيوز:
سهفين دزهى، ئاخفتنكهرێ ب ناڤێ حوكمهتا ههرێما كوردستانێ تهكست ل سهر وێ چهندێ كر كو دێ دهسپێكا كارێ حوكمهتا داهاتى يا ههرێما كوردستانێ نههێلانا پاشكهفتێ مووچێ فهرمانبهران بيت.
ئاشكهر ژى كر كو سهرۆك وهزيرێن ههرێما كوردستانێ تهكست ل سهر وێ چهندێ كريه كو دێ ههموو بزاڤان كهن د كابينا داهاتى دا پاشكهفتێ مووچهى ب ئێكجارى نهمينيت، بێگۆمان بزاڤ و كارێن ههرێما كوردستانێ دێ ل سهر وى لايى بن كو پاشكهفتێ مووچهى نهمينيت. “نها ههر 30 رۆژان جارهكێ مووچێ فهرمانبهران دهێته بهلاڤكرن”.
دهربارهى هنارتنا پهترۆلێ كهركووكێ د رێيا بۆريێن ههرێما كوردستانێ را، سهفين دزهى گۆت: “بهغدا ب گهرمى پێشوازى ل هزرێ كريه، بهلێ پێنگاڤێن كريارى بۆ نههاڤێتينه”.
ئهڤه د دهمهكى دايه، بهرى نوكه بهرپرسێن حوكمهتا ههرێمێ ئاشكهرا كربوو كو دانوستاندن د ناڤبهرا ههولێر و بهغدا دا يێن ههين، بۆ وێ چهندێ جارهكا دى پهترۆلا كهركووك ب رێيا بۆريێن ههرێما كوردستانێ بۆ بهندهرێ جيهان يێ توركى ڤهگوهێزن.
شاندهكێ توركيا و ههرێمێ ل دۆر ب هێزكرنا بزاڤا بازرگانى و ئابوورى كۆمبوون
ئهڤرۆ نيوز:
ب مهرهما بهێزكرنا بزاڤا بازرگانى و ئابوورى شاندهكێ وهلاتێ توركيا سهرهدانا كۆمهلگهها دهرگههێ نڤێدهولهتى يێ ئيبراهيم خهليل كر و ژ لايێ حهميد عهلى رێڤهبهرێ كۆمهلگههێ ڤه هاتنه پێشوازيكرن.
د راگههاندنهكێ، كۆمهلگهها دهرگههێ نێڤدهولهتى يێ ئيبراهيم خهليل راگههاند كو سپێدههيا ئهڤرۆ 13ى چريا دويێ 2018 شاندهكێ گۆمركا خابۆر سهرهدانا كۆمهلگهها دهرگههێ نێڤدهولهتى يێ دهرگههێ ئيبراهيم خهليل كر و ژ لايێ حهميد عهلى سهرپهرشتێ كۆمهلگههێ ڤه هاته پێشوازيكرن.
د ڤێ سهرهدانهكێ دا كۆمبوونهك هاته كرن ب مهرهما رهوشا دهرگههى و بۆ بهێزكرنا بزاڤا بازرگانى و ئابوورى ژ لايێ ههردو لايان ڤه و ب ساناهيكرنا هاتنوچوونا رێڤينگان و ترۆمبێلێن بارههلگر.
نيشاندان
WP Facebook Auto Publish Powered By : XYZScripts.com