NO IORG
نووترين نووچه
Twitter

12

ئه‌ڤرۆ نیوز:

گه‌ره‌كا دی یا دانوستاندنێن ل سه‌ر دستورێ سوریا ل جنێڤ بێ ئه‌نجام دوماهی هات، نه‌ته‌وه‌یێن ئێكگرتی راگه‌هاند پشكدابوویێن دانوستاندنێ خالێن هه‌ڤ پشك هه‌بوون و جاره‌كا دی دێ كۆم بن.

گیرپێده‌رسن هنارتیێ نه‌ته‌وه‌یێن ئێكگرتی بۆ كارۆبارێن سوریا راگه‌هان پشتی 10 سالێن قه‌یرانا سوریا، روونه‌ هێشتا هنده‌ك ناكوكی هه‌نه‌، به‌لێ گه‌شبینین كۆ دانوستاندن و رینشتن دناڤبه‌را شاندێ حوكمه‌تێ و نوونه‌رێن ئوپوزسیونێ روون و ئاشكرا بوون و خالێن هه‌ڤبه‌ش ژی هه‌نه‌.

نوونه‌رێ هنارتیێ تایبه‌ت یێ نه‌ته‌وه‌یێن ئێكگرتی بۆ كارۆبارێن سوریا راگه‌هاند كۆمبوون دناڤبه‌را لایه‌نێن ناكوكێن سوریا د چارچوڤه‌یێ رێزگرتنێن زۆر برێڤه‌چوو و ب دلخوشن ب به‌رده‌وامبوونێ، به‌لێ چ ئه‌جنده‌ نه‌بوون و ده‌مێ ده‌ستپیكرنا رینشتنا بهێت نه‌ هاته‌ ده‌ست نیشانكرن.

 

39

ئه‌ڤرۆ نیوز:

ئەڤرۆ جڤاتا پارێزگەھا دھۆکێ، دەنگدان ل سەر جێگرێ پارێزگارێ دھۆکێ بۆ کاروبارێن کارگێریێ ئه‌نجام دا.

فەھیم عەبدولا سەرۆکێ جڤاتا پارێزگەھا دھۆکێ راگه‌هاند جڤاتا پارێزگه‌ها دهۆكێ ب به‌رهه‌ڤبوونا پرانیا ئه‌ندامێن جڤاتێ ئه‌ڤرۆ كۆمبوونا خۆ یا ژماره‌ 95  ده‌نگ دان ل سه‌ر پۆستێ جێگرێ پارێزگارێ دهۆكێ بۆ كاروبارێن كارگێرى هاته‌كرن.

سەرۆکێ جڤاتا پارێزگەھا دھۆکێ ئه‌و چه‌نده‌ ژی راگه‌هاند: كۆمبوون تایبه‌ت بوو بۆ ده‌نگدانێ ل سه‌ر وان هه‌رسێ به‌ربژارێن جڤاتێ ژ سریانى و كلدانى و ئاشوورى، بۆ پۆستێ جێگرێ پارێزگارێ دهۆكێ بۆ كاروبارێن ئیدارى و كارگێرى و شه‌معون شلیمۆن 25 ده‌نگ، ئاشوور سه‌ركون 19 ده‌نگ، ولیام تیودور 17 ده‌نگ.

ناڤبری ئه‌و چه‌نده‌ ژی دازانین ئه‌و ھەرسێ بەربژار بۆ جڤاتا وەزیران ھاتنه‌ رەوانەکرن تا کو ئەو بریارێ ل سەر بدەن و جێگرێ پارێزگارێ دھۆکێ دیار بکەن”.

28

 

ئه‌ڤرۆ نیوز:

برێكارێ وه‌زیرێ كارۆبارێن شه‌هیدان و ئه‌نفالكریێن حوكمه‌تا هه‌رێما كوردستانێ پشت راستی دا مه‌زاختنا كرێیا خاندنا كه‌س و كارێن شه‌هیدان و ئه‌نفالكریان.

لگۆری یاسایێن هه‌رێما كوردستانێ حوكمه‌تا هه‌رێما كوردستانێ د چارچوڤه‌یێ هنده‌ك رێنماییان دا، كرێ یا سالانه‌یا خاندنێ یا كه‌س و كارێن شه‌هیدان و ئه‌نفالكریان دێ مه‌زێخیت، به‌لێ ب ئه‌گه‌رێ قه‌یرانا دارایی، تا نوكه‌ كرێ یا سالێن خاندنێ یا 2018-2019 و 2019-2020 نه‌ مه‌زاختینه‌، هه‌ر چه‌نده‌ پشكه‌ك ژ زانكۆ و په‌یمانگه‌هێن ئه‌هلی هه‌مبه‌ر ب شیوه‌یێن جودا جودا فشارێ ل سه‌ر قوتابیان دروست دكه‌ن.

به‌ره‌ڤان حه‌مدی بریكارێ وه‌زاره‌تا كارۆبارێن شه‌هید و ئه‌نفالكریان راگه‌هاند حوكمه‌ت دێ به‌رده‌وام بیت ژ مه‌زاختكرنا ئه‌وێ هه‌ڤكاریێ، هه‌رده‌مێ حوكمه‌تی بۆدجا پێدڤی ل به‌رده‌ست بوو، كرێ یا زانكۆ و په‌یمانگه‌ه و خاندنگه‌هێن ئه‌هلی مه‌زێخیت، رێك ناهێته‌دان ب ئه‌گه‌ری پاشكه‌تنا كرێیا خاندنێ، ئاریشه‌ بۆ قوتابیێن كه‌س و كارێن شه‌هیدان دروست بیت، به‌لكو قوتابی یێن كه‌س و كارێن شه‌هیدان ژ خواندنا خوه‌ ب ئاوایه‌كێ ئاسایی به‌رده‌وام بن، حوكمه‌ت دێ ئه‌ڤان بابه‌تان چاره‌ كه‌ت.

ناڤبری ئه‌و چه‌نده‌ ژی دازانین ل چه‌ند رۆژین بهێت رێنمایێن نوو ده‌ربارێ كرێیا خاندنێ یا كه‌س و كارێن شه‌هیدان ئینه‌ ده‌رخستن، تێدا ئه‌و مه‌رج هێنه‌ روونكرن كۆ ب وێ رێكێ حوكمه‌ت كرێیا خاندنا كه‌س و كارێن شه‌هیدان بستویێ خوڤه‌ بگریت.

32

 

ئه‌ڤرو نیوز:

وه‌زاره‌تا ساخله‌میا حوكمه‌تا هه‌رێما كوردستانێ ژماره‌ و رێژه‌یا توشبوویێن كورونایێ ل ده‌مێ هه‌فتیه‌كێ ل هه‌رێما كوردستانێ راگه‌هاندن.

وه‌زاره‌تا ساخله‌میا حوكمه‌تا هه‌رێما كوردسانێ ئامارێن كورونایێ ل ده‌مێ 21/8/2020 هه‌تا 27/8/2020 به‌لاڤكرن و تێدا هاتیه ل ده‌مێ هه‌فتیه‌كێ دا ل هه‌رێما كوردستانێ سێ هزار و 520 كه‌س توشی كورونایێ بوون.

 

وه‌زاره‌تا ساخله‌میێ ئه‌و چه‌نده‌ ژی دازانین د ده‌مێ هه‌فتیه‌كێ دا ل هه‌رێما كوردستانێ 132 كه‌س ب ئه‌گه‌رێ كورونایێ مرینه‌ و سێ هزار و 154 كه‌س ژی ساخ بووینه‌.

143

ئه‌ڤرۆ نیوز:

جێگرێ پارێزگارێ هه‌ولێرێ راگه‌هاند تیمێن كاركرنێ بزاڤێن خو زێده‌تر كرینه‌ بۆ ئه‌وێ چه‌ندێ دومهیا ئیسال ئوتوبانا هه‌ولێر بۆ دهۆكێ ب دوماهی ئێت.

 

مه‌سعود كاره‌ش جێگرێ پارێزگارێ هه‌ولێرێ راگه‌هاند ئوتوبانا هه‌ولێر بۆ دهۆك دوماهیا ئیسال دێ ب دومائێت، پشكا ئێكێ جاده‌یا 120 مه‌تری تا دگه‌هته‌ ئوڤه‌رپاسا گه‌زنه‌، یا دی ژلایێ وه‌زاره‌تا باژێرڤانیێ ڤه‌ دهێته‌ كرن، پشكا دوێ ژ ئوڤه‌ر پاسا گه‌زنه‌ بۆ گوندێ چه‌مه‌ كۆ ژلایێ وه‌زاره‌تا ئاڤه‌دانكرنێ ڤه‌ دهێته‌ سه‌رپه‌رشتیكرن.

ناڤبری دیاركر بریاره‌ دوماهیا ئیسال هه‌ردو جوتسایدێ رێكێ بهێنه‌ ته‌مامكرن و بكه‌ڤنه‌ خزمه‌تا وه‌لاتیان دا، ل سه‌نته‌ری باژێرێ هه‌ولێرێ تا پرا گوپاله‌ 38 میلۆمه‌تر ب ئاوایه‌كێ پێشكه‌ڤتی هاتینه‌ دروستكرن.

34

ئه‌ڤرۆ نیوز:

لگۆری دوماهی ئامارێن ل سه‌ر توشبوویێن ڤایرۆسێ كورونایێ ل جیهانێ گه‌هشته‌ 25 ملیۆن و 170 هزار و 439 كه‌سان.

لگۆری ئامارێن جیهانی ل سه‌ر كورونایێ، ئه‌ڤرۆ ژماره‌یا توشبوویێن كورونایێ ل سه‌ر ئاستێ جیهانێ گه‌هشته‌ 25 ملیۆن و 170 هزار و 439 كه‌سان، ژ ئه‌ڤێ ژماره‌یێ ژی هه‌شت سه‌د و 46 هزار و 792 كه‌سان ژی گیانێ خوه‌ ژ ده‌ست دایه‌.

ل سه‌ر ئاستێ جیهانێ، ئه‌مریكا زۆرترین رێژه‌یا توشبوویان ژ ڤایرۆسێ كورونایێ تێدا هاتیه‌ توماركرن، گه‌هشتیه‌ شه‌ش ملیۆن و 139 هزار و 78 كه‌سان و 186 هزار و 855 كه‌سان ژی گیانێ خوه‌ ژ ده‌ست دایه‌.

ڤایرۆسێ كورونایێ نه‌خوشیه‌كا كوژه‌كه‌ و ل هه‌یڤا 12 سالا بوری ل باژێرێ ئوهان یێ وه‌لاتێ چینێ سه‌رهلدایه‌ و نوكه‌ زێده‌تری 210 وه‌لاتان به‌ر به‌لاڤ بوویه‌.

34

ئه‌ڤرۆ نیوز:

بهایێ پترۆلێ ل بازارێن جیهانێ ل چاڤ رۆژێن بوری جیگیر بوویه‌.

ئاژانسێن جیهانێ به‌لاڤكرن، بهایێ پترۆلا برێنت ب 45.87 دۆلاران كرین و فرۆتن پێ هاتیه‌ كرن هه‌ڤده‌م بهایێ به‌رمیلا پترۆلا ئه‌مریكی ب 42.96 دۆلاران كرین فرۆتن پێڤه‌ هاتیه‌كرن.

بلند بوون و داكه‌تنا بهایێ پترۆلێ ل ده‌مه‌كی دایه‌ هژماره‌كا وه‌لاتان بۆ به‌رهنگاربوونا ڤایرۆسێ كورونایێ ته‌ڤایا كه‌رتێن پیشه‌سازی و بازرگانیی راوه‌ستاندبوون، به‌لێ نوكه‌ ب ئه‌گه‌رێ كێمبوونا مه‌رتسیێن كورونایێ، پشكه‌كا چالاكیێن ئابووری ده‌ستپێكر، ئه‌ڤه‌ژی بوویه‌ ئه‌گه‌ری بلند بوونا بهاێ پترۆلێ.

24

ئه‌ڤرۆ نیوز:

ریاز حه‌لفی رێڤه‌به‌رێ گشتی یێ ساخله‌میا گشتی ل وه‌زاره‌تا ساخله‌میا عیراقێ راگه‌هاند باشترین چاره‌ بۆ رێگرتن و نه‌هێلانانا ڤایرۆسێ كورونایێ پێگیری بوونه‌ ب گرێدانا كه‌مام و ده‌ست گوركان خوه‌ ب پارێزن، چونكو زێده‌بوونا ژماره‌یا توشبوویان ل ده‌مێ بوری گرۆڤێن بهێزن ڤایرۆس یێ به‌ر به‌لاڤ دبیت.

رێڤه‌به‌رێ گشتی یێ ساخله‌میا گشتی ل وه‌زاره‌تا ساخله‌میا عیراقێ ئه‌و چه‌نده‌ ژی راگه‌هاند سیسته‌مێ ساخله‌میێ ل عیراقێ یێ باشه‌ و هه‌ر چه‌نده‌ ژماره‌یا توشبوویان زێده‌ دبیت، ژماره‌یا ساخبوونێ ژی زێده‌ دبیت، د ده‌مه‌كی دا رێژه‌یا مرنی ب ڤایرۆسێ كورونایێ ل عیراقێ 3% داكه‌تیه‌، بۆ نه‌هێلانانا ته‌مامیا ئه‌ڤی ڤایرۆسێ به‌س ب ڤاكسینێ دبیت یان ب دروستبوونا به‌ره‌ڤانیا ب كۆم، ئانكو توشبوونا هه‌موویان ب كورونایێ ب زه‌حمه‌ته‌.

 

ناڤبری ئه‌و چه‌نده‌ ژی دازانین  عیراق ل گه‌ل وه‌زرێ به‌لاڤ بوونا ئه‌نفله‌وه‌نزایێ و ل گه‌ل هاتنا وه‌رزێ پائیزێ و زڤستانێ ریب ری هێرشه‌كا نویا ڤایرۆسێ كورونایێ دبیت، ئه‌ڤه‌ ژی دبیته‌ ئه‌گه‌رێ زێده‌بوونا ژماره‌یا توشبوونێ ب ئه‌نفله‌وه‌نزایێ ل گه‌ل پێلا نوویا كورونایێ.

58

 

ئەڤرۆ نیوز:

بریکارێ وەزارەتا خواندنا بلند و ڤەکۆلینێن زانستی ل هەرێما کوردستانێ دیار کر: جڤاتا وەزارەتێ پێشنیاز کریت بۆ سالا خواندنا 2020-2021 سیستەمێ خواندنا ئاوێتە بهێتە پەیرەو کرن و هاتیە پێشنیاز کرن ل سەرەتایا هەیڤا 10 خواندنا زانکۆ و پەیمانگەهان دەستپێبکەت.

د. عەبدولفەتاح عەبدولرەزاق، بریکارێ وەزارەتا خواندنا بلند و ڤەکۆلینێن زانستی ل هەرێما کوردستانێ گۆتیە: هاتیە پێشنیاز کرن ل دەستپێکا هەیڤا 10 دەواما زانکۆ و پەیمانگەهان بۆ ئەڤ سالا خواندنێ دەستپێبکەت.

هەروەسا گۆتیە: سیستمەمێ خواندنا تێکەل، ب وی رەنگی یە، کو ئەو کۆلیژ و پشکێن وانێن پراکتیکی هەین، دێ ڤەگەرنە کامپسی زانکۆ و پەیمانگەهان ئەوێن وانێن وان تیۆری بن، دێ ب شێوێ ئەلکترۆنی و ئۆنلاین بیت.

41

 

 

ئەڤرۆ نیوز:

 

ئەندامەکێ لژنا پەیوەندیێن دەرڤە یێ پەرلەمانێ عیراقێ ژ فراکسیۆنا بەننا راگەھاند: ل دەستپێکا هەیڤا بهێت، سەرۆکێ فرەنسا دێ سەرەدانا عیراقێ کەت و دێ ل گەل بەرپرسێن وی وەلاتی، چەند دۆسیان گۆتوبێژ کەت.

ئەڤرۆ شەمبیێ، موختار موسەوی ئەندامێ لژنا پەیوەندیێن دەرڤە یێ پەرلەمانێ عیراقێ ژ فراکسیۆنا بەننا بۆ ئاژانسا سپوتنیک گۆتیە: پشتی دەمێ سەرەدانا خوە گوهۆری، کو بریاربوو پشتی وەزیرێ بەرگریا وەلاتێ خوە ئەنجام بدەت، ئیمانوێل ماکرۆن سەرۆکێ فرەنسا، ل هەیڤا بهێت دێ سەرەدانا عێراقێ کەت.

هەروەسا راگەھاندیە: ژ وان دۆسیێن سەرۆکێ فرەنسا دێ ل گەل بەرپرسێن عیراقێ گۆتوبێژان کەت، دۆسیا وزێ یە، ژبەرکو رێککەفتنەکا ئەلمانی – فرەنسی یا تایبەت ب وزا کارەبێ ھەیە.

نيشاندان1...1,0001011021031,1002,1003,100...4,558زێده‌تر لاپه‌ر 102 ژ 4,558
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
72 queries in 1.088 seconds.
WP Facebook Auto Publish Powered By : XYZScripts.com