ئەڤرۆ نیوز:
وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا، دو ھزار و ١٨٤ حالەتێن نوو یێن کۆرۆنایێ و هەروەسا دو ھزار و ١٣٠ حالەتێن باشبوونێ و ٦٥ حالەتێن وەغەرکرنێ ھاتینە تۆمار کرن.
لدووڤ دووماهی ئاماران ھەتا نوکە ١٥٠ ھزار و ١١٥ کەس ل عیراقێ تووشی ڤایرۆسێ کۆرۆنایێ بووینە، ھەتا ڤی دەمی پێنج ھزار و ٣٩٢ کەسان ب ڤێ پەتایێ وەغەرکریە، هەروەسا ١٠٧ ھزار و ٧٧٥ کەس ژ وێ نەخوشیێ چێبووینە.
ئەڤرۆ نیوز:
وەزارەتا ساخلەمیا عیراقێ راگەهاند کو هەتا نها ل عیراقێ ١٥٠ هزار و ١١٥ کەس تووشی ڤایرۆسێ کۆرۆنایێ بووینە و ژ وان ژی ٥ هزار و ٣٩٢ کەس ل هەموو عیراقێ ژ بەر کۆرۆنایێ جانێ خوە ژ دەست داینە.
وەزارەتا ساخلەمیا عیراقێ ئەو یەک ژی دیار کریە کو ب گشتی ل عیراقێ هەتا نها ١٠٧ هزار و ٧٧٥ کەس ژ ڤایرۆسێ کۆرۆنایێ باش بووینە.
ئەڤرۆ نیوز:
حەسەن رۆحانی سەرۆک کۆمارێ ئیرانێ راگەهاند کو دڤێت وەلاتی خوە فێر بکەن کو ل گەل کۆرۆنایێ بژین، چونکو هەتا ڤاکسین پەیدا نەبیت دڤێت وەلاتی ل ئیرانێ خوە ل گەل رەوشا نها بگونجینن و گۆت: (یێن کو پێگیریێ ب رێنمایین ساخلەمیێ نەکەن و مەترسیێ دروست بکەن دێ ب توندترین شێوە بهێنە سزا دان).
ئەڤ گەفێن رۆحانی د دەمەکێ دانە کو بەری چەند مەهان ژی بەرپرسێن ئیرانێ دگۆتن چو حالەتێن تووشبوونا وەلاتیان ب کۆرۆنایێ ل ئیرانێ نینە.
ئەڤرۆ نیوز:
ئەڤرۆ بەری نیڤرۆ بیڤەلەرزەکا ب هێز هەر دو پارێزگەهێن کرمانشان و ئیلام ل رۆژهەلاتێ کوردستانێ هەژاند و ل گۆر ناڤەندا بیڤەرلەنیاسی یا زانکۆیا تەهرانێ بیڤەلەرزە هێزا وێ ١/٥ ریختەر بوویە و ناڤەندا بیڤەلەرزێ ژی پارێزگەها کرمانشان بوویە.
ل گۆر هندەک ژێدەرێن میدیایی ل هەرێما کوردستانێ ژی هەست ب بیڤەلەرزێ هاتیە کرن.
ئه‌ڤرۆ نیۆز، عه‌زیز هه‌ورامی:
له دووای هاتنه سه‌ر حكوومی مسته‌فا كازمی هه‌موو چاوه‌كان له‌سه‌ر ئه‌وه‌ن ده‌ستی ئێران له عێراق كورت بكرێته‌وه، ڕاوێژكاری حزبی كۆمارییه‌كانی ئه‌مریكا، ئێران ته‌نگژه‌ی ئابووری زۆری بۆهێناوه هێرشی ئه‌لكترۆنی ده‌زگا ئه‌منییه‌كانی ئیسرائیل و ئه‌مریكاش به‌رده‌وام له‌سه‌رییه‌تی.
زه‌رده‌شت تۆفیق به‌گ، ڕاوێژكاری حزبی كۆمارییه‌كانی ئه‌مریكا به ئه‌ڤرۆ نیۆزی ڕاگه‌یاند، ئه‌مریكا بڕیاریداوه كاره‌بایی عێراق ببه‌ستێته‌وه به كاره‌بایی وڵاتانی كه‌نداو،هه‌رئه‌وكات وه‌زیری وزه‌ی ئه‌مریكا هاته عێراق كاتی خسته‌به‌رده‌م عێراقییه‌كان بۆ هێنانی كاره‌با له ئێرانه‌وه بۆ ماوه‌یه‌كی زه‌مه‌نی و بۆ غاز و كاره‌با پشت به وڵاتانی كه‌نداو ببه‌ستن، ئه‌وه‌شبوو وڵاتانی سعوودیه و ئیماڕات ئاماده‌بوون خواستی عێراق بۆ كاره‌با و غاز پڕبكه‌نه‌وه.
هه‌روه‌ها ئاماژه‌ی به‌وه‌كرد، ده‌وڵه‌تی ئیران له‌مڕۆدا له‌حاڵه‌تێكی زۆر لاوازدایه،ته‌نگژه‌یه‌كی قورسی ئابووری هه‌یه و هێرشێكی گه‌وره‌ی ئه‌لكترۆنی ده‌زگائه‌منییه‌كانی ئیسرائیل و ئه‌مریكا ده‌كرێته‌سه‌ری،له‌ماوه‌ی ڕابردوو ئێران سێ ته‌قینه‌وه‌ی گه‌وره‌ی به‌خۆیه‌وه بینی.
ڕاوێژكاره‌كه‌ی حزبی كۆمارییه‌كانی ئه‌مریكا ده‌ڵێ، بڕیاری سیاسی عێراق لای عێراقییه‌كان نییه، بڕیاری عێراق لای ئه‌و وڵاته‌یه له‌وێ هێزی هه‌یه ئه‌ویش ئه‌مریكایه نه‌ك ئێران،ته‌نها ئه‌مریكا ده‌توانێ كاروباری سیاسی و حكوومڕانی عێراق بگۆڕێت نه ئێران و نه ده‌وڵه‌تانی تری ناوچه‌كه ئه‌و كاریگه‌رییه‌یان نییه.
خه‌ڵكی عێراق چه‌ندین مانگ له‌سه‌ر جاده‌بوون دژی سیاسه‌ت و ده‌ست تێوه‌ردانه‌كانی ئێران له وڵاته‌كه‌یان خۆپێشاندانیانكرد،ئێران ئێسته باش ده‌زانێت پێگه‌ی جه‌ماوه‌ری له عێراق له‌ده‌ست داوه هه‌ژموونی نییه،له وڵاتی لوبنانیش ئێران توشی شكست بووه‌ته‌وه خه‌ڵكی ئه‌و وڵاته‌ش دژی هه‌ژموونی ئێران خۆپێشاندانیان كرد كه حزبوڵڵای لوبنانییه، زه‌رده‌شت تۆفیق به‌گ وای گوت.
ئه‌ڤرۆ نیوز:
به‌شیر حه‌داد جێگرێ دوێ یێ سه‌رۆكێ جڤاتا نوونه‌رێن عیراقێ راگه‌هاند: حوكمه‌تا عیراقێ هه‌یڤا شه‌شا سالا بهێت ده‌ست نیشانكریه بۆ هه‌لبژارتنان، له‌ورا پرۆسه‌یا ته‌عریبێ ده‌ستپێكریه بۆ ئه‌وێ چه‌ندێ رێژه‌یا عه‌ره‌بان ل ده‌ڤه‌رێن ئاریشه سه‌ر زێده‌تر بكه‌ن و دیموگرافیا ده‌ڤه‌رێ بگوهورن و كارتێكرنێ بێخنه سه‌ر ده‌نگێ كوردان.
جێگرێ سه‌رۆكێ جڤاتا نوونه‌رێن عیراقێ ئه‌و چه‌نده ژی راگه‌هاند حوكمه‌تا هه‌رێما كوردستانێ ل هه‌موو دانوستاندنان ته‌ئكید ل سه‌ر چاره‌كرنا ئاریشه‌یێن كوردستانێ كریه، بزاڤا دروستكرنا هێزا هه‌ڤبه‌شا پێشمه‌رگه‌ی و سوپایێ عیراقی دده‌ت، ژبوی هێزا پیشمه‌رگه‌ی بزڤریته ئه‌ڤان ده‌ڤه‌ران.
ناڤبری ئاماژه ب وێ چه‌ندێ ژی دا، هه‌كه سه‌ركردایه‌تیا كورد ئه‌وان ئاریشانه چاره نه‌كه‌ت، ئه‌ڤه هه‌وه‌كا دی یا ته‌عریبكرنێ ده‌ست پێ دكه‌ت، دێ كارتێكرن ل سه‌رده‌نگێ كوردان هه‌بیت، له‌ورا پێدڤیه به‌ری هه‌لبژارتنان ئه‌و ئاریشه‌یه بهێته چاره‌كرن و دوماهی پێ بینن بۆئه‌وێ چه‌ندێ ده‌نگێ كوردان ل ئه‌وان ده‌ڤه‌ران كێن نه‌كه‌ت.
ئه‌ڤرۆ نیوز:
رێڤه‌به‌راتیا گشتی یا به‌ره‌ڤانیا باژێری ل عیراقێ راگه‌هاند ژ سالا 2011 وه‌ره عیراقێ ئینانا ماده‌یێ نیتراتێ ئه‌مونیومی قه‌ده‌غه‌كریه، چونكو گرۆپێن توندره‌و بكار دئینان بۆ ته‌قینان.
عه‌مید حه‌سه‌ن ئیبراهیم هاریكارێ رێڤه‌به‌رێ گشتی یێ به‌ره‌ڤانیا باژیری ل عیراقێ راگه‌هاند ل سالا 2011 وه‌ره عیراقێ ئینانا ماده‌یێ ئه‌منیومی قه‌ده‌غه‌كریه. چونكو داعشێ بۆ كردارێن تیرۆریستی بكار دئینا، نوكه چ ماده‌یین ئه‌مونیومی ل عیراقی نینن، هه‌موو كوگه‌هـ گرتینه ژبه‌ركۆ مه‌رجێ سلامه‌تیی دانین.
لگۆری ڤه‌كۆلینێن ده‌ستپێكی یێن حوكمه‌تا لبنانێ ئه‌گه‌رێ ته‌قین و ئاگربه‌ربوونێ ل به‌یرۆتا لبنانێ ژ 2750 ته‌نێن ماده‌یێ ئه‌مونیومی بوو كۆ 6 ساله ل به‌نده‌رێ به‌یرۆتێ هاتبو عومباركرن.
ئه‌ڤرۆ نیوز:
وه‌زیرێ به‌ره‌ڤانیا ئه‌مریكا راگه‌هاند: د پلانا ئه‌مریكادایه هێزێن خوه ل ئه‌فغانستانێ تا دوماهیا ئیسال كێم بكه‌ت بۆ پینج هزار سه‌ربازان.
مارك ئیسپه‌ر وه‌زیرێ به‌ره‌ڤانیا ئه‌مریكا راگه‌هاند نوكه هه‌شت هزار و 600 سه‌ربازێن ئه‌مریكا ل ئه‌فغانستانێ هه‌نه د پلانێ دایه ئه‌وێ ژماره‌یێ كێم بكه‌ین بۆ پینج هزار سه‌ربازان.
مارك ئیسپه‌ر وه‌زیرێ به‌ره‌ڤانیا ئه‌مریكا ئه‌و چه‌نده ژی راگه‌هاند ده‌مێ بجهكرنا ئه‌وێ پلانێ ل دوماهیا هه‌یڤا تشرینا دوێ یا ئیسال دبیت، د چارچوڤه‌یێ ئه‌وێ رێكه‌تنێ دبیت ئه‌وا كۆ ل گه‌ل ریكخراوا چه‌كدارێن تالیبان ئیمزاكری.
به‌ریا نها سه‌رۆكێ ئه‌مریكا دونالد تره‌مپ راگه‌هاند بوو د پلانا واشنتونێ دایه ژماره‌یا سه‌ربازێن خو ل ئه‌فغانستانێ بۆ نێزیكی چار هزار سه‌ربازان كێم بكه‌ت، به‌لێ ده‌مێ بجهكرنا ئه‌وێ پلانێ دیارنه‌كر بوو.
15 هه‌یڤا بوری زالمایێ خه‌لیل زاد هنارتیێ تایبه‌تێ ئه‌مریكا ل ئه‌فغانستانێ راگه‌هاند ل هه‌یڤا ئایارا ئیسال پینج هزار سه‌رباز ژ بنگه‌هێن سه‌ربازی یێن ئه‌مریكا ل ئه‌فغانستانی هێنه ڤه‌كێشان، د چارچوڤه‌یێ بزاڤێن وان بۆ دوماهی هاتن ب شه‌رێ 18 ساله‌یێ ئه‌وی وه‌لاتی.
نيشاندان