ئەڤرۆ نیوز:
سەمیر هەورامی پەیڤدارێ جێگرێ سەرۆک وەزیرێن هەرێما کوردستانێ راگەهاند کو ئەڤرۆ پشتی نیڤرۆ شاندێ هەرێما کوردستانێ ب سەرۆکاتیا قوباد تالەبانی جێگرێ سەرۆک وەزیرێن هەرێما کوردستانێ دێ ل گەل وەزیرێن دارایی و پەترۆلی یێ عیراقێ کۆمبیت و هەروەسا کۆمپانیا سۆمۆ ژی دێ د کۆمبوونێ دا پشکدار بیت.
ناڤهاتی راگەهاند کو بابەتێ سەرەکی یێ کۆمبوونێ پرسێن دارایی و هەروەسا بابەتێ موچێ فەرمانبەرێن هەرێما کوردستانێ یە.
ئەڤرۆ نیوز، عەلی حاجی:
ل دویف وان پێزانینێن باوەرپێکری ب دەست ئەڤرۆ نیوز کەفتین گوهورین دێ د پوستێ سەروکاتیا باژێرڤانیا زاخۆ دا هێتە کرن و ئەندازیارەک ژ خەلکێ زاخۆ دێ وی پوستی وەرگریت.
هەر ل دویف پێزانینان ل دویف بەرنامەیێ گهورینان کو هاتیە دارێشتن، ئەندازیار وەلات سەعدی دێ ل جهێ سەروکێ باژێرڤانیا زاخۆ بژار مونیبی دەست ب کار بیت وەکو سەروکێ باژێرڤانیێ و بریارە د دەمەکێ نێزیک دا ئەو گوهورین بکەڤنە بوارێ جێبەجێ کرنێ دا و سەرۆکێ نوو ژی دەست ب کاری بیت.
ئەڤرۆ نیوز:
وەزارەتا دارایی و ئابووری یا حوکمەتا هەرێما کوردستانێ خشتەکێ نوو یێ موچەی راگەهاند کو ١٧ وەزارەت و دەستە دێ سپێدێ مووچێ مەها ١٠ یا ئەفسالە ب لێبڕینا ٢١% وەرگرن.
1 وەزارەتی کار و کاروباری کۆمەڵایەتی
2 وەزارەتی داد
3 وەزارەتی سامانە سرووشتییەکان
4 وەزارەتی ئەوقاف و کاروباری ئایینی
5 وەزارەتی پلاندانان
6 وەزارەتی پیشەسازی و بازرگانی
7 وەزارەتی گواستنەوە و گەیاندن
8 خاوەنپێداویستیی تایبەت
9 ئەنجوومەنی دادوەری
10 چاودێریی دارایی
11 مافی مرۆڤ
12 ناوچەکانی دەرەوەی هەرێمی کوردستان
13 دەستەی ژینگە
14 دەستەی وەبەرهێنان
15 دەستەی دەستپاکی
16 کۆمیسیۆنی هەڵبژاردن
17 دەزگای مین
ئەڤرۆ نیوز:
شاندێ هەرێما کوردستانێ ب سەرۆکاتیا قوباد تالەبانی جێگرێ سەرۆک وەزیرێن هەرێما کوردستانێ چوونە بەغدا و بریارە هەر ئەڤرۆ ل گەل وەزیرێن پەترۆل و دارایی یێن عیراقێ و بەرپرس و ئالیێن دی یێن عیراقێ کۆمببن.
ئارمانجا سەرەکی یا شاندێ هەرێما کوردستانێ بۆ ئێکلاکرنا ئاریشێن موچە و بۆدجێ هەرێما کوردستانێ ل گەل عیراقێ یە.
ئەڤرۆ نیوز:
ئه‌ڤرۆ سێشه‌مبى، پیرەژنەکا 90 سالی ل بریتانیا بۆ ئێکەم کەس ل جیهانێ، ڤاکسینێ دژی کۆرۆنایێ یا کۆمپانیێن ڤایزەر و بایۆئێنتیک وەربگریت.
ئه‌ڤرۆ سپێدێ ل سەرانسەری بریتانیا هەوا دانانا ڤاکسینێ دژی ڤایرۆسێ کۆرۆنایێ یا کۆمپانیێن ڤایزەر و بایۆئێنتیک دەستپێکر، پیرەژنەکا ب ناڤێ مارگارێت کینان یا 90 سالی ل باکورێ ئێرلەندا وەکو ئێکەم کەس ل جیهانێ ڤاکسینێ هەردو کۆمپانیێن ئەمریکی و ئەلمانی وەرگرت.
مارگارێت کینان پشتی ڤاکسین وەرگرتی بۆ میدیایێن بریتانیا گۆت: ئەو هەست ب تایبەتمەندی و گرنگیەکا مەزن دکەت کو بوویە ئێکەم کەس ل بریتانیا ڤاکسینێ وەرگرتییه.
ئەڤرۆ نیوز:
ئه‌ڤرۆ سیشه‌مبى، بریتانیا وەک ئێکەم وەلاتێ ئورۆپی ڤاکسینا دژی ڤایرۆسێ کۆرۆنایێ بۆ وەلاتیێن خوه دانا.
وى وه‌لاتى دیار كریه، كو ڤاکسینێ هەردو کۆمپانیێن ڤایزەر و بایۆئێنتیک یێن ئەمریکی و ئەلمانی گەهشتینە بریتانیا و لدووڤ بریارا حکومەتێ، ئەڤرۆ دانانا ڤاکسینێ بۆ خەلکێ بریتانیا ده‌ستپێكریه و دێ بیتە ئێکەم وەلاتێ ئورۆپی ڤاکسینێ دژی ڤایرۆسێ کۆرۆنایێ بۆ وەلاتیێن خوه بدانیت.
هه‌تا نوکە ب تنێ 800 هزار قورچێن ڤاکسینێ دژی کۆرۆنایێ یێن کۆمپانیێن ڤایزەر و بایۆئێنتیک گەهشتینە بریتانیا و چاڤەرێ دهێتە کرن د حەفتیێن بهێت دا ب ملیۆنان قورچێن دیتر بگەهنە وی وەلاتی.
لدووڤ بریارا حکومەتا بریتانیا، ل دەستپێکێ دێ کەسێن د سەر ژیێ 80 سالیێ دا و کارمەندێن ساخلەمیێ یێن هێلا پێشیێ وى ڤاکسینێ وەرگرن و ب كار ئینن.
ئەڤرۆ نیوز:
بایدنى، سەرکردەکێ هێزێن ئەمریکی ل عیراق و ئەفغانستانێ وەکو وەزیرێ بەرگریا ئه‌مریكا دەستنیشان کر.
میدیا ئەمریکی و چەندین بەرپرسان دیار كریه، كو جۆ بایدنێ، سەرۆکی هەلبژارتی یێ ئەمریکا جەنەرالێ خانەنشین، لوید ئۆستن یێ 67 سالی وەکو وەزیرێ بەرگریا ئەمریکا دەستنیشان کریە و دێ بیتە ئێکەم وەزیرێ بەرگریا ئەمریکا كو ب رەگەز ئەفریقی بیت.
لوید ئۆستن ل سالا 2003 سەرکرداتیا وێ هێزا ئەمریکی کریه، ئەوا هاتییە عیراقێ و هه‌تا سالا 2011 ئۆپەراسیۆنێن ئەمریکا ل عیراقێ ل ژیر سەرپەرشتیا وی دا دهاتنە کرن و رۆل د پلاندانانا شەرێ دژی داعشێ دا هەبوو.
لوید ئۆستن ل سەردەمێ باراک ئۆبامایی سەرکرداتیا هێزێن ناڤەندی یێن ئەمریکی وەرگرتبوو، دێ بیتە ئێکەم ئەمریکیێ ب رەگەز ئەفریقی پۆستێ وەزیرێ بەرگریا ئەمریکا وەربگریت.
ئەڤرۆ نیوز:
كۆڕبەندێ ئابووری یێ جيهانی (WEF)، كو ب گۆپیتكا داڤۆسێ ژى دهێته نیاسین، هەموو سالان ل هه‌یڤا كانوونا دویێ ل سويسرا دهاته گێران، بەلێ ئه‌ڤ ساله ب ئه‌گه‌رێ ڤايرۆسێ كۆرۆنایێ ل سهنگاپوورێ دێ هێته ئه‌نجامدان.
وى كۆڕبەندى ئاشكرا كریه: “كۆمبوونا سالا 2021 یا كۆڕبەندێ ئابووری ىێ جيهانی دێ دناڤبه‌را 13 هه‌تا 16 ئادارێ ل سه‌نگاپووره هێته گێران.
گۆتیه ژى، كۆمبوونا ساڵانە یا 2021 ل باژێرێ داڤۆس یێ سويسرا دهێته گێران و كۆمبوونا سه‌نگاپوور “ئێكه‌م چالاكییا سەركردێن جيهانييه”.
كلاوس شواب، دامەزرێنەرێ كۆڕبەندێ ئابووری یێ جيهانى و سەرۆكێ جڤاتا برێڤه‌برنێ، ده‌ربارەى گۆپیتكا سهنگاپوورێ، راگه‌هاند: ” گۆپیتكا سەركردێن جيهانى، گرنگييەكىا چاره‌نڤیسساز هەيە، ده‌ربارەى چاوانیا خوه كۆمكرنێ، پشتى پەژیكا كۆرۆنایێ.
هه‌روه‌سا گۆتییه، كۆڕبەندێ ئابووری یێ جيهانى ل سهنگاپوورێ، ل ده‌مێ ده‌ستپێكرنا ڤێ په‌ژیكا جيهانى هه‌تا نوكه ده‌لیڤه‌كه بۆ كۆمبوون و رووبروویا دناڤبه‌را جيهانا كارى، حكومەتێ و سەركردێن جڤاكێ مەدەنى.
گۆپیتكا داڤۆس، ساڵانە سێ هزار زه‌لامێن كارى، سياسەتڤان، ئەكاديمیست و نوونەرێن رێكخستنێن جڤاكێ مەدەنى ل 120 وه‌لاتان كۆمڤه دكه‌ت.
نيشاندان