ئەڤرۆ نیوز:
سەرۆک وەزیرێن ئیسرائیلێ بنیامین نەتانیاهۆ راگەهاند کو هەر هێرشەک ژ ئاخا سووریێ و لوبنانێ بهێتە سەر ئیسرائیلێ ئەو هەر دو وەلات بەرپرسن و ئیسرائیل ژی دێ ب هەموو شیانێن خوە بەرسڤا هەر هێرشەکێ دەت.
سەرۆک وەزیرێن ئیسرائیلێ ئەو یەک ژی دیار کر کو وەلاتی وی هەتا نها گەلەک مەترسیێن ل سەر ئیسرائیلێ ژ ئاخا سووریێ ژناڤبرینە و گۆت: (هێزێن مە د ئامادەباشیێ دانە و ناهێلین چو هێزەک ئاخا سووریێ و لوبنانێ ل دژی ئیسرائیلێ بکار بینیت).
ئەڤرۆ نیوز:
دەزگەهێن راگەهاندنا یونانێ دیار دکەن کو پشتی ئالۆزیێن د ناڤبەرا یونانێ و تورکیا ل دۆر دەریا سپی هەر دو وەلاتێن ئەمریکا و بریتانیا پشتەڤانیا خوە بۆ یونانێ دیار کرینە و نها ١٢ گەمیێن شەری یێن ئەمریکا ل گەل سەدان فرۆکێن شەری گەهشتینە دەریا سپی و ل گەل هێزین دەریایی و ئەسمانی یێن یونانێ پێکڤە دەست ب مانورەکا مەزن یا سەبازی دکەن.
ئەو یەک د دەمەکێ دایە کو ئیمانوێل ماکرۆن سەرۆکێ فرەنسا چەندین جاران داخواز ژ وەلاتێن ئێکەتیا ئورۆپا کریە کو دەست ب سزادانا تورکیا بکەن.
ئەڤرۆ نیوز:
ئەیوب رەمەزان رێڤەبەرێ گشتی یێ رەوشەنبیری و هونەری ل دهۆکێ راگەهاند کو ل هۆلا محەمەد عارف جزیری وان پێشوازی ل د. عەلی تەتەر پارێزگارێ دهۆکێ کرینە و ب پشتەڤانیا سەرۆکێ حوکمەتا هەرێما کوردستانێ دێ هۆلا جزیری هێتە نووژەنکرن و گۆت: (سوپاسیا سەرۆکێ حکومەتێ و پارێزگارێ دهۆکێ دکەین بۆ ڤی کاری و بێگومان دێ بیتە جهێ دلخوشیا هەمی هونەرمەند و هونەردوستێت پارێزگەها دهۆکێ).
ئه‌ڤرۆ نیوز:
سه‌رپرشتیارێ چاره‌كرنا نه‌خوشیێن كورونایێ ل پارێزگه‌ها دهۆك دیاركر نوكه 84 توشبوویێن كورونایێ ل ناڤ نه‌خوشخانه‌یی دا هه‌نه و ژوانا ژی ره‌وشا سێ توشبوویان تێك چوویه.
د.موئه‌یه‌د ئه‌غالی سه‌رپرشتیارێ چاره‌كرنا نه‌خوشیێن كورونایێ ل پارێزگه‌ها دهۆكێ راگه‌هاند ره‌وشا سێ توشبوویێن ڤایرۆسێ كورونایێ تێك چوویه، ئه‌و هه‌ر سێ ژی زه‌لامن نوكه دبن چاڤدێریا چردانه، ئێك ژ ئه‌وان هه‌رسێكان نه‌خوشیا په‌نجه‌شێرێ هه‌یه دژیێ 80 سالیێ دایه، توشبوویه‌كێ دی ژی دژیێ60 سالێ دایه و ره‌وشا وی ژی باش نینه وتوشبوویێ دی ژی نه‌خوشیا شه‌كرێ هه‌یه.
نوژدارێ ناڤبری ئه‌و چه‌نده ژی دیاركر هنده‌ك توشبوو هه‌نه ژێده‌رێ ڤه‌گرتنا وان دیار نینه، ئه‌ڤه جهێ مه‌ترسیێ یه، له‌ورا پێدڤیه وه‌لاتی به‌رده‌وام رێنمایێن خوه پاراستنێ بجهـ بینن.
ل پارێزگه‌ها دهۆكێ هه‌تا نوكه 396 توشبوویێن كورونایی هاتینه توماركرن، ژ ئه‌ڤێ ژماره‌یی ژی 312 توشبوویێن هاتینه چاره‌كرن و ساخ بووینه، نوكه 84 توشبوو دناڤ نه‌خوشخانه‌یێ دا ماینه.
ئه‌ڤرۆ نیوز،عه‌لی حاجی :
رێڤه‌به‌رێ ناحیا رزگاری ل زاخۆ د داخویانیه‌كێ دا بۆ ئه‌ڤرۆ نیوز دیار كر پشتی چه‌ندین سالان داخازی ل سه‌ر دروست كرنا ئاڤەرێژێن دناڤ كومه‌لگه‌ها خێله‌خێ هاتیه كرن رۆژا شه‌مبیێ ده‌ست ب دروست كرن و سندوق كرنا وان ئاڤەرێژیان هاته كرن .
زێده‌تر سه‌روه‌ر سه‌عید گۆت : زێده‌تری سێ سالان بوو ژ ئه‌گه‌رێ هه‌بوونا ئاڤەرێژیه‌كێ دناڤ كومه‌لگه‌ها خێله‌خێ دا و هه‌ر ده‌ما لەهیەک دروست ببا مالێن ده‌وروبه‌رێن وێ كومه‌لگه‌هێ كو نێزیكی 25 مالانه زیانه‌كا مه‌زن به‌ر ب وان دكه‌ڤت،له‌ورا پشتی مه داخازیا دروست كرنا وان ئاڤەرێژان دایه قامقامیا زاخۆ وان ژی ژلایێ خوه ره‌زامه‌ندی ل سور دروست كرنا وێ ئاڤەرێژیێ دناڤ وێ كومه‌لگه‌هێ دا ده‌ر كر و كوژمێ 12 ملیون دینارێن عێراقی هاتینه ته‌رخان كرن بۆ دروستكرنا وێ ب درێژیا كێلومه‌تره‌كێ و ده‌ست ب دروست كرنا پرۆژه‌یی هاتیه كرن و دێ ده‌مه‌كێ نێزیك دا ب دوماهی هێت .
ناڤبری گۆت ژی : درێژاهیا وی ئاڤەرێژیێ دێ هێته سندوق كرن و ئێدی ئه‌و مالێن ده‌وروبه‌رێن وێ ژ ێه‌گه‌رێ بارینا بارانێ تووشی چ زیانه‌كێ نابن و ئه‌و سندوقه هه‌تا لایێ سه‌ره‌كیێ جادا نێڤ ده‌وله‌تیا یٔیبراهیم خه‌لیل دێ هێته دانان و ئێدی چ مه‌ترسیەک ژێ په‌یدا نابیت .
ئەڤرۆ نیوز،عەلی حاجی :
بەرپرسێ پشکا ئاوارە و پەنابەران ل قایمقامیا زاخۆ بۆ ئەڤرۆ نیوز دیار کر رێکخراوا IOM دێ هاریکاریا پرۆژەیێن بچیک کەت ب کوژمەکێ پارەی ل دووڤ هندەک مەرجان و ئەو هاریکاری ژی دێ ب رێیا ئونلاین بیت .
زێدەتر خەلات ئوسمان گۆت: د پرۆژەیەکێ نوو دا رێکخراوا IOM دێ هاریکاریێن ماددی ل وان کەسان یێن خودان پروژەیێن بچیک كه‌ن كو د بیاڤێن ساخلەمی و چاندن و پیسەسازی و گشتی و گوشتو گوزار هندەک بیاڤێن دیتر دا کو ب رەنگەکی ئەو جهـ وەکو کارگەهەکا بچیک بیت و جهێ وی ژ سێ کرێکاران کێمتر نەبیت و دەما کارکرنا و ی د وی پرۆژەی دا ژ چار سالان کێمتر نەبیت و هەر کەسەکێ ئەو مەرجە لدەف هەبن دشێت ب رێیا edf.iom.int ئونلاین ناڤێ خوە تومار بکەت و ئەڤە ژی بۆ وێ چەندێ یە دا کو زێدەتر پشتەڤانی ل گەنجێن خودان پروژەیێن بچیک بهێتە کرن و ئەو هاریکاری ژی کوژمەیەکێ پارەی یە کو ژلایێ رێکخراوێ ڤە دێ هێتە دابین کرن.
ناڤبری گۆت ژی : ناڤ تومار کرن ژی دێ ب رێیا لینکەکی بیت کو هەر ژ ٢٢/٧/٢٠٢٠ هەتا ٦/٨/٢٠٢٠ بەردەوام بیت و ئەڤ هاریکاری یە بۆ جهێن دەڤەرا زاخۆیە و دەلیڤەیەکا باشە بۆ گەنجێن زاخۆ کو مفادار بن ژ وان هاریکاریان و ئەڤ پروژەیە ب هاریکاریا لژنێن زاخۆ یا سەندیکا کرێکارێن کوردستانێ و رێڤەبەریا بەکارخستنی کا .
ئه‌ڤرۆ نیوز:
ژماره‌یا گشتی یا توشبوویێن ڤایرۆسێ كورونایێ ل جیهانێ ژ 16 ملیۆن كه‌سان ده‌رباز بوو.
لگۆری ئامارێن ڤایرۆسێ كورونایێ، ژماره‌یا توشبوویێن كوروناێی ل سه‌ر ئاستێ جیهانی گه‌هشته 16 ملیۆن و 205 هزار كه‌سان، هه‌روه‌سا 648 هزار كه‌سان ژی گیانێ خوه ژ ده‌ست داینه.
ئامارێن كورونایێ ل سه‌ر ئاستێ جیهانێ زێده‌تر بوویه ژ ئێكێ ئه‌ڤێ هه‌یڤێ هه‌تا نوكه زێده‌تری پینج ملیۆن توشبوو ل جیهانێ هاتینه تووماركرن، ئه‌مریكا زۆرترین زیان به‌ركه‌تین، كۆ چار ملیۆن و 315 هزار توشبووی تێدا هاتینه توماركرن، ژ ئه‌ڤێ ژماره‌یێ زێده‌تری 149 هزار كه‌سان ژی گیانێ خوه ژ ده‌ست دایه.
ئه‌ڤرۆ نیۆز، عه‌زیز ڕه‌سووڵ
كارگه‌ی دۆشاوی ئاوی ته‌ماته‌ی شاره‌زوور ته‌ماته‌ی جۆتیارانی پارێزگای دهۆك و هه‌ولێر ده‌كرێته‌وه، بۆ ئه‌و مه‌به‌سته‌ش جۆتیاران به تڕێله به‌رهه‌مه‌كانی ته‌ماته‌یان ده‌گه‌یه‌ننه پارێزگای هه‌ڵه‌بجه و ڕاده‌ستی كارگه‌كه‌ی ده‌كه‌ن.
جاسم محه‌ممه‌د به‌ڕێوه‌به‌ری ڕێپێدراوی كارگه‌ی دۆشاوی ئاوی ته‌ماته‌ی شاره‌زوور ، به ئه‌ڤرۆ نیۆزی ڕاگه‌یاند، له پارێزگای دهۆك و هه‌ولێر گرێ به‌ستمان له‌گه‌ڵ ئه‌و جۆتیارانه كردووه ته‌ماته به‌رهه‌م ده‌هێنن لێیان ده‌كڕینه‌وه، له قاجانزی هه‌ردوو لاماندایه.
هه‌روه‌ها ئاماژه‌ی بۆ ئه‌وه‌كرد،له‌گه‌ڵ به‌گه‌ڕخستنه‌وه‌ی كارگه‌كه‌مان ڕۆژانه چه‌ند تڕێله‌یه‌ك ته‌ماته له‌لایه‌ن جۆتیارانی پارێزگای هه‌ولێر و دهۆك ده‌گاته ده‌ستمان، جۆتیاره‌كان سودمه‌ندن له گه‌ڕ خستنه‌وه‌ی كارگه‌كه‌مان له ته‌واوی كوردستان چونكه ئێمه ته‌ماته له هه‌موو جۆتیارانی كوردستان وه‌رده‌گرین.
ئاماژه‌ی بۆ ئه‌وه‌شكرد، ڕۆژانه 37 ته‌ن ئاوی ته‌ماته‌مان ده‌بێت له كاتژمێرێكدا شه‌ش هه‌زار قتوو ئاوی ته‌ماته به‌رهه‌م ده‌هێنین هه‌رقتووی 800 غرامه،هاوڵاتییان ڕویان كردووه‌ته كڕینی به‌رهه‌می ناوخۆ و له بازاڕه‌كانی كوردستان كێشه‌ی ساخ بوونه‌وه‌مان نییه.
كارگه‌ی ئاوی ته‌ماته‌ی شاره‌زوور به دوو براند به‌رهه‌مه‌كه‌یان ده‌خه‌نه بازاڕه‌كانی كوردستان و عێراق ،بۆ بازاڕه‌كانی ناوخۆ به‌ناوی ئاوی ته‌ماته‌ی شاره‌زوور، بۆ پارێزگاكانی عێراق به‌ناوی مه‌عجوون ته‌ماته بغداد ده‌خاته بازاڕی پارێزگاكانی عێراق.
ئه‌ڤرۆ نیوز:
سوپایێ عیراقێ ده‌ست ب ئوپراسیونه‌كێ ل دژی چه‌كدارێن رێكخراوا تیرۆریستی یا داعشێ ل باكورێ رۆژهه‌لاتا به‌غدا كر.
فه‌رمانده‌یێ ئوپراسیونێن هه‌ڤبه‌شێن سوپایێ عیراقێ راگه‌هاند ئوپراسیون سپێده‌هیا ئێك شه‌مبی رۆژا 26/7/2020 ل سێ ئالیان ڤه ل توخیبێ پارێزگه‌ها دیالا ده‌ست پێكریه.
ئوپراسیون ل بن ناڤێ قوناغا سیێ یا قاره‌مانێن عیراقێ یه، بۆ لێگه‌ریان دووڤ چه‌كدارێن داعشێ كۆ به‌رده‌وام ل ئه‌ڤان ده‌ڤه‌ران كردارێن تیرۆریستی ئه‌نجام دده‌ن.
نيشاندان