ئەڤرۆ نیوز:
ئەڤرۆ ب سەرۆکاتیا مەسرور بارزانی سەرۆکێ حوکمەتا هەرێما کوردستانێ لیژنا بلند یا بجهکرنا قانوونا چاکسازیێ ب رێیا ڤیدیو کۆنفرانسەکێ کۆمبوو و د کۆمبوونێ دا بەحسێ پێنگاڤێن کریاری یێن چاوانیا بجهکرنا قانوونا چاکسازیێ هاتە کرن.
د کۆمبوونێ دا چەندین خالێن گرنگ هاتنە دەستنیشانکرن و بریار هاتە دان کو د کۆمبوونا داهاتی یا جڤاتا وەزیران دا بهێنە پەسەندکرن دا کار پێ بهێتە کرن.
ئه‌ڤرۆ نیوز:
ئه‌ڤرۆ 6/7/2020، فه‌ریق عه‌بدلئه‌میر یاره‌لا سوپاسالارێ عیراقێ گه‌هشته باژێرێ كه‌ركووكێ.
فه‌ریق عه‌بدلئه‌میر یاره‌لا سوپاسالارێ عیراقێ گه‌هشته باژێرێ كه‌ركووكێ و ژلایێ به‌رپرسێن ئیداری و سه‌ربازی ڤه پێشوازی لێ هاته‌كرن، ئارمانج ژ سه‌ره‌دانا وی ل گه‌ل به‌رپرسێن ئه‌منی یێن ده‌ڤه‌رێ دێ دانوستاندنێ ل سه‌ر ره‌وشا ئه‌منی یا باژێرێ كه‌ركووكێ و ڤه‌لڤینێن تیرۆریستێن داعشێ ل ده‌وروبه‌رێ باژیری كه‌ن.
پشتی ده‌ست بكاربوونا مسته‌فا كازمی وه‌ك سه‌رۆك وه‌زیرێ نوو یێ عیراقێ سوپاسالارێ عیراقێ وه‌ك ئێكه‌م به‌رپرسێ بلندێ سه‌ربازی سه‌ره‌دانا كه‌ركووكێ كر.
ل چه‌ند رۆژێن بووری ل به‌غدا كۆمبوون دناڤبه‌را به‌رپرسێن وه‌زاره‌تا پێشمه‌رگه‌ی و سوپایێ عیراقێ هاتینه ئه‌نجامدان و ژبوی پێكڤه ب شێن ل ده‌ڤه‌رێن كوردستانی یێن ده‌رڤه‌ی ئیدارا هه‌رێمێ ئوپراسیونێن سه‌ربازی ل دژی داعشی ئه‌نجام بده‌ن.
ئه‌ڤرۆ نیوز:
رێڤه‌به‌رێ راگه‌هاندنێ و هشیاریێ ل وه‌زاره‌تا پێشمه‌رگه‌یی یا حكومه‌تا هه‌رێما كوردستانێ راگه‌هاند: ل گه‌ل وه‌زاره‌تا به‌ره‌ڤانیا عیراقێ گه‌هشتینه رێكه‌تنێ.
لیوا به‌كر فه‌قێ ئه‌حمه‌د رێڤه‌به‌رێ راگه‌هاندن و هشیاریێ ل وه‌زاره‌تا پێشمه‌رگه‌یی راگه‌هاند: هه‌فتیا بوری شاندێ پێشمه‌رگه‌ی و وه‌زاره‌تا به‌ره‌ڤانیا عیراقێ ل به‌غدا كۆم بوون و ل سه‌ر چه‌ند ئاریشه‌یه‌كان رێكه‌تن، بریاره ژی هه‌فتیا بهێت شانده‌كێ عیراقێ بۆ ئیمزاكرنا دانوستاندنێن دوماهیێ ل سه‌ر ئه‌وێ رێكه‌تنێ سه‌ره‌دانا هه‌ولێرێ بكه‌ن.
ناڤبری ئه‌و چه‌نده ژی راگه‌هاند رێكه‌تنا وه‌زاره‌تا پێشمه‌رگه‌ی و سوپایێ عیراقێ هه‌شت خالن، كۆ ئه‌و ژی هه‌ماهه‌نگیا هه‌والگری،بودجا پێشمه‌رگه‌ی و هه‌ڤبه‌شیكرن ل ئیداره‌كرنا ده‌ڤه‌رێن كوردستانی ده‌رڤه‌ی ئیدارا هه‌رێمێ، ریب ری بوونا داعشێ دانانا پلانا ئه‌منی یا درێژخایه‌ن و هه‌ماهه‌نگیا سه‌ربازی.
وه‌زاره‌تا به‌ره‌ڤانیا عیراقی ژی راگه‌هاند ل سه‌ر مه‌ترسیێن سه‌رهلدانا تیرۆرێ و دوسه‌یا ئه‌منی یا ده‌ڤه‌رێن كوردستانی یێن ده‌رڤه‌ی ئیدارا هه‌رێمێ و هێزێن پاسه‌وانێن هه‌رێمێ ل گه‌ل هه‌ولێرێ رێكه‌تن ب دامه‌زراندنا چار سه‌نته‌رێن هه‌ماهه‌نگیێ و كارێ هه‌ڤپشك ژ رویێ سه‌ربازی ڤه و ئه‌و چار سه‌نته‌ره ژی دێ ل كه‌ركووكێ و نه‌ینه‌وا و دیاله و مه‌خمورێ بن.
ئه‌ڤرۆ نیوز:
رێڤه‌به‌راتیا گشتی یا ئه‌زموونا ل وه‌زاره‌تا په‌روه‌رده‌یا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه، كۆ ئاگه‌هداریا قوتابیێن قوناغا 12 یا ئاماده‌یی ب هه‌می پشكانڤه دكه‌ت، كۆ ب رێكا ئه‌ڤان لینكێن خوارێ جهێن خوه یێن تاقیكرنان بزانن.
د راگه‌هاندنا ناڤبری دا هاتیه كۆقوتابێن قوناغا 12 یا ئاماده‌یی د شیێن برێكا ئه‌ڤان لینكێن خوارێ لگۆری پارێزگه‌هان دشێن جه و هولا تاقیكرنێ بزانن.
رێڤه‌به‌راتیا گشتی یا ئه‌زموونا ل وه‌زاره‌تا په‌روه‌رده‌یا حكومه‌تا هه‌رێما كوردستانێ داخاز ژ قوتابیان كریه به‌ری ئه‌نجام دانا ئه‌زموونان رۆژه‌كێ بۆ پشت راست بوونێ سه‌ره‌دانا هولێن ده‌ست نیشانكری بكه‌ن بۆ ته‌ئكیدبوونا ناڤ و جهێ خوه ل ئه‌وی بنگه‌هێ ناڤی ته لی هاتیه دیاركرن.
پولا 12 یێ ئاماده‌ی پشكێن زانستی و وێژه‌ی و پیشه‌ی و خاندنێن ئیسلامی په‌روه‌ر
پولا 12 یا ئاماده‌یی پشكێن زانستی و وێژه‌یی و پیشه‌ی و خاندنا ئیسلامی یا په‌روه‌ردا گشتی یا دهۆكێ:
https://drive.google.com/drive/folders/1kVa8Eikv0UTYIw8rsVPOrQcRVDIeu15n?usp=sharing
ئه‌ڤرۆ نیوز:
سوپایێ توركیا پشتی بوردومانكرنێ خوه ژ بنگه‌هه‌كێ سه‌ربازی یێ ئاسمانی ل لیبیا خوه ڤه‌كێشا.
رۆژا ئیكشه‌مبی 5/7/2020 سوپایێ نیشتمانی یێ لیبیا راگه‌هاند سیسته‌مێ به‌ره‌ڤانیا ئاسمانیێ هوك و سیسته‌مێ توشویشا كورالیان ل بنگه‌هه‌كه‌ێ سه‌ربازیێ ئاسمانیێ ئه‌لوه‌تیه ل باشوورێ رۆژئاڤایێ ته‌رابلوسێ ب نه‌ه هێرشێن ئاسمانی ژناڤبر.
ئه‌ڤرۆ ژ ئه‌گه‌رێ زیانه‌كا مه‌زنا مرۆڤی و سه‌ربازی به‌ر هیزێن توركیا كه‌تی، ده‌ست ب ڤه‌كیشاندنا هیزین خوه ژ بنگه‌هێ سه‌ربازی یێ ئاسمانیێ ئه‌لوه‌تیه كر.
ئه‌ڤرۆ نیوز:
لژنا ئاسایش و به‌ره‌ڤانیێ ل جڤاتا نوونه‌رێن عیراقێ راگه‌هاند داخاز ژ حكومه‌تا عیراقێ كریه لژنه‌یه‌كا حكومی بۆ دانوستاندنێ و لێك تێگه‌هشتنێ ل گه‌ل توركیا پێك بینیت، چونكه تاكه رێ بۆ چاره‌كرنا ئوپراسیون و هێرشێن توركیا بۆ سه‌ر ئاخا عیراقێ یه دانوستاندن.
سه‌عران ئه‌عاجینی ئه‌ندامێ لژنا ئاسایش و به‌ره‌ڤانیێ ل جڤاتا نوونه‌رێن عیراقێ د راگه‌هاندنه‌كێ دا به‌لاڤكریه، ده‌رخستنا به‌یاننامه‌یێن ئیدانه‌كرنێ بێ كردار چ تشته‌كی ناگوهورن، به‌لكۆ پێدڤیه ب رێكا دانوستاندنێن سیاسی چاره‌سه‌ریا ئاریشه‌یێن به‌رده‌وامێن هێرشێن توركیا بۆ سه‌ر ئاخا هه‌رێمێ بهێنه‌كرن، د وێ پێخه‌مه‌تی دا داخازكریه لژنه‌یه‌كا بلندا هه‌رێمێ و عیراقێ سه‌ره‌دانا توركیا بۆ چاره‌كرنا ئه‌ڤان پرسان بكه‌ت.
ئه‌ڤرۆ نیوز:
بریاره ئه‌ڤرۆ دو شه‌مبێ لژنا بلندا جهكرنا چاكسازیێ كۆم بیت بۆ دانوستاندنێ ل سه‌ر رێكخستن و ده‌ستنیشانكریا ژماره‌یا زێره‌ڤانێن باره‌گه‌هـ و سازیێن حزبان.
د كۆمبوونا لژنا بلندا بجهكرنا یاسایا چاكسازیێ و ره‌شنڤیسێ په‌یره‌وێ رێكخستن و ده‌ستنیشانكرنا ژماره‌یا زێره‌ڤانێن باره‌گه‌هـ و سازیێن حزبان بێخنه به‌ر دانوستاندنێ و مه‌رجێن دامه‌زراندنێ ب پله‌یێن رێڤه‌به‌رێ گشتی و به‌ره‌ڤ سه‌ری ژبلی مه‌رجێن فه‌رمانبه‌رێن وه‌زیفه‌یێ گشتی.
دانوستاندن ل سه‌ر ئه‌وان ماده و برگه‌هیین یاسایا چاكسازیێ ژی هێنه‌كرن كۆ پێدڤی ب وێ چه‌ندێ هه‌یه لژنا بلندا بجهكرنا یاسایا چاكسازیێ راسپارده‌یان بۆ ده‌ر بێخیت.
ئەڤرۆ نیوز:
رێكخراوا ساخلەمیا جیهانی دیار کر: وان 200 ئامێرێن هه‌ناسه‌دانا دەستکرد گه‌هاندنە عیراقێ و دێ ل سەر پارێزگەهان دا هێنە دابه‌ش کرن.
ئه‌دهه‌م ئیسماعیل، نوونه‌ری رێكخراوا ساخلەمیا جیهانی راگەهاند: وێ رێكخراوێ 300 ئامیرێن هه‌ناسه‌دانێ ل گه‌نجیینێن دوبه‌ی بۆ عیراقێ دابینکرینە و پارێ وان ژی دایە، ژ وی هژمارێ ژی 200 ئامیر گەهشتینە عیراقێ.
گۆتیە ژی: ئەو ئامیرە دێ ل سەر پارێزگەهان دا هێنە دابه‌ش کرن و ل رۆژانێن بهێن ئەو 100 ئامیرێن دیتر یێن مایی دێ گەهنە عیراقێ، وان ئامیران پێدڤی ب بوتلێن ئۆكسجین نینه، به‌لکو ژ هه‌وایی ئۆكسجینی دروست د‌كەن.
ئەڤرۆ نیوز:
کچەک ب ناڤێ چاوان دبێژیت: کو هێشتا ئەو قوتابیا په‌یمانگەها سلێمانیێ یە و وان كه‌س نیه پشتگیریێ لێ بكەت، لەوما وێ و دایكا وێ هزر ل هندێ کریە، کو کارەکێ بکەن، داکو خوە پێ خودان بکەن، نوکە ل جادا ئاشتی ل سلێمانیێ کارێ فرۆتنا قەهوێ و چایێ دکەن و چایخانەکا گەرۆک هەیە، هەروەسا رۆژانە من ددیت کو گەنج یێ ل سەر جادێ کار دکەن، من ژی گۆت، مادەم ئەو کار دکەن، ئەز ژی دێ کار کەم، چونکی چ جۆداهی دناڤبەرا كور و كچان دا نینه، چونکی خانم دشێن ل مال چایێ و قەهوێ دروست بكه‌ن، ل ده‌رڤە ژی دشێن وی کاری بکەن، لەوما من و دایکا خوە ئەڤ کارە هەلبژارتیە و ب شانازی ڤە دکەین.
ئەڤرۆ نیوز:
شیرەتکارەكێ سەرۆك كۆمارێ عیراقی دەست ژ كار كێشانا خوە ژ پۆستێ خوە راگەهاند و گۆتیە، من ب حەزا خوە دەست ژ كاركێشان پێشكێش كریە.
ئەڤرۆ سالار مەحمودی شێرەتکارێ سەرۆك كۆمارێ عیراقێ بەیاننامەك بۆ رایا گشتی بەلاڤكریە و تێدا هاتیە، پشتی دەستبكاربوونا من وەك شیرەتکارێ سەرۆك كۆماری ل 1/1/ 2019، ل رۆژا 30/6/ 2020 من ب حەزا خوە دەست ژ كاركێشانا خوە پێشكێشی بەرهەم سالحی سەرۆك كۆمارێ عیراقێ كریە، وی ژی دەست ژ كاركێشانا من قەبوولكریە.
نيشاندان