ئەڤرۆ نیوز:
وەزارەتا ساخلەمیا عیراقێ راگەهاند: د دەمێ ٢٤ دەمژمێرێن بوری دا هزار و ٩٢١ حالەتێن نوویێن توشبوون ب کۆرۆنایێ و هزار و ٦٧٠ حالەتێن چێبوونێ و ٩٦ حالەتێن وەغەرکرنێ هاتینە تۆمار کرن.
ساخلەمیا عیراقێ: هزار و 921 کەسێن دی تووشی کۆرۆنایێ بوون
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
سترانبێژەکێ کوچک و دیوانان وەغەر کر
ئەڤرۆ نیوز، زنار تۆڤی:
ئەڤرۆ ئێکشەمبی سترانبێژێ ناڤدار یێ باکوورێ کوردستانێ، سەیدخان بویاغچی وەغەر کر، ناڤهاتی ل سالا 1933 ل گوندێ لاغری هاتيه سەر دونیایێ، د ژیێ 15سالیێ دا هاتيه باژێرێ ئامەدێ و ل شارەوانيا ئامەدێ كار كريه، خزمەتەكا مەزن بۆ سترانا كوردی كريه، هندی شیای سترانا بێژیت، خەلکێ ئامەدێ حەز ژێ دکر و شانازی پێ دبر، لێ پشتی نەخۆش بووی، کەسێ خوە لێ نەکرە خودان، پشتی خزمەتەکا مەزن و گۆتنا هژمارەکا مەزن یا سترانێن فولکلۆری، ئەڤرۆ وەغەر کر و ل ئامەدێ هاتە ڤەشارتن.
وەزارەتا ساخلەمیا هەرێمێ: 267 کەسێن دی تووشی کۆرۆنایێ بوون
ئەڤرۆ نیوز:
وەزارەتا ساخلەمیا هەرێما کوردستانێ دیار کر: کو 12 تووشبوویێن دی ب کۆرۆنایێ مرن و و 267 کەسێن دیتر ژی تووشی وی ڤایرۆسی بوون، هەروەسا د دەمێ شەڤ و رۆژەکێ دا، دو هزار و 426 پشکنینێن کۆرۆنای هاتینە ئەنجامدان، کو زۆرترین پشکنین ل سلێمانیێ بووینە و لدووڤدا ل دهۆکێ و هەولێرێ.
هەروەسا گۆتیە: ئەو 267 تووشبوویێن هاتینە تۆمار کرن، 31 ژ وان ل هەولێرێ، 129 ل سلێمانیێ، 78 ل گەرمیان، 20 ل راپەرین، حەفت ل هەلەبجە و دو ژی ل دهۆکێ.
12 تووشبوویێن دی ژی وەغەر کریە، کو دو کەس ژ وان ل هەولێرێ، هەشت ل سلێمانیێ و دو ژی ل گەرمیان.
هەروەسا 172 تووشبوویێن دی چێبووینە، کو 70 ژ وان ل هەولێرێ، 54 ل سلێمانیێ، 33 ل گەرمیان، 10 ل راپەرین و پێنج ژی ل هەلەبجە.
پولیسێن دهوکێ: دو کەس هاتینە کوشتن
ئەڤرۆ نیوز، عەلی حاجی :
هێمن سلێمان پەیڤدارێ پولیسێن پارێزگەها دهوکێ بۆ دەزگایێن راگەهاندنێ دیار کر د روودانێن جودا دا ل ناحیا باتێلێ و قەزا زاخۆ دو کەس هاتنە کوشتن و تاوانبارێن هەر دو روودانا هەتا نوکە نەهاتینە دەستەسەر کرن بەلێ تاوانبار هاتینە نیاسین.
زێدەتر هێمن سلێمان گۆت: (روودانا ئێکی ل دەمژمێر ٨ی سپێدێ یا تەرمێ زەلامەکێ ل گوندێ کانی عەرەب یا سەر ب قەزا سێمێلی ڤە هاتیە دیتن و ئێکسەر مەفرەزێن پولیسێن نەهێلانا گونەهباریان ل قەزا سێمێلی چوونە جهی روودانێ و پشتی دیفچوون هاتیە کرن کو دیار بوویە کەسەک بناڤێ قاسو محەمەد خوە جهێ گوندێ ناڤهاتی یە و هاتیە کوشتن و کەسێ تاوان ژی کری هاتیە نیاسین و پولیسان ژی دەست ب لێگەریانێ کری یە دا کو بکوژی دەستە سەر کرن).
ناڤبری دیار ژی کر کەیسێ دویێ ل ل زاخۆ بوو دەمژمێر ١:٠٠ی نیڤرۆ ل بەردەم دادگەها زاخۆ کەسەکێ ٣٥ سالی ب سێ گولەیان هاتیە کوشتن و ئەو کەسێ هاتیە کوشتن دیار بوو چەندین کەیسێن دیتر ل سەر بوون و د قوناغا دادگەهکرنێ دا بوو و بەلێ خوەشبەختانە پشتی ڤەکولینێ پولیسان شیان بکوژێ وێ روودانێ دیار و ئاشکرا بکەن و ناسناما وی دیار بکەن و ل دووف یاسای سزادانێ دێ سەرەدەری دگەل دا هێتە کرن .
ئیسرائیل: گەلەک تشتان ل دژی ئیرانێ دکەین
ئەڤرۆ نیوز:
چەند رۆژن دو بنگەهێن ئەتۆمی ل ئیرانێ تووشی هێرشان هاتینە و چاڤدێرێن سیاسی ژی دیار دکەن کو ئیسرائیلێ هێرشی وان بنگەهێن ئیرانێ کریە.
د ڤێ دەربارێ دا وەزیرێ دەرڤە یێ ئیسرائیلێ راگەهاند کو ئەو گەلەک تشتان ل دژی ئیرانێ دکەن لێ نها پێدڤیە ناکەت هەموو تشتەکێ ئاشکرا بکەن و گۆت: (ئیرانێ گەلەک دوژمن بۆ خوە دروست کرینە، ژ بەر هندێ ژی هەر تشتەک ل دژی ئیرانێ بهێتە کرن نابیت ئێکسەر بەحسێ ئیسرائیلێ بهێتە کرن).
دەنگبێژەکێ ناڤدارێ کورد وەغەر کر
باژێرێ سلێمانیێ دێ حەفتیەکێ بێ ئاڤ بیت
ئەڤرۆ نیوز:
ئامانج جەلال بەرپرسێ راگەهاندنا رێڤەبەریا ئاڤا سلێمانیێ راگەهاند کو بۆریا ئاڤا سەرچنار ل ناڤ باژێرێ سلێمانیێ شکەستیە و ژ بەر هندێ ژی بۆ ماوەیێ حەفتیەکێ ئەو نەشێن ئاڤێ بگەهیننە مالان و گۆت: (بێگومان دێ بزاڤێ کەین کو د زووترین دەم دا ئاریشا ئاڤێ چارەسەر بکەین، لێ مخابن شکەستنەکا بۆریەکا وەسا مەزن و دروستکرنا وی کارەکێ بچووک نینە).
ناڤهاتی دیار کر ژی هندەک تاخێن سلێمانیێ و قەزایێن دەوروبەرێن وێ ئاریشا وان یا ئاڤێ نابیت لێ پرانیا تاخێن سلێمانیێ ژ بەر شکەستنا وێ بۆریا ئاڤێ دێ بێ ئاڤ مینن.
شاندەکێ پەرلەمانێ کوردستانێ سەرەدانا قەزا ئامێدیێ و ناحیێن وێ دا
ئەڤرۆ نیوز، زنار تۆڤی:
ژ ئەگەرێ تۆپبارانکرنا دەڤەرێن سنۆری ژ ئالیێ سۆپایێ تورکیا ڤە، ئەڤرۆ ئێکشەمبی 5.7.2020 شاندەکێ پەرلەمانێ کوردستانێ سەرەدانا قەزا ئامێدیێ دا، ژ پێخەمەت ژ نێزیک هایداری رەوشا وێ دەڤەرێ ببن.
د ڤی واری دا موحسن دۆسکی ئەندامێ پەرلەمانێ کوردستانێ، ل سەر فراکسیۆنا پارتی دیمۆکراتی کوردستان، بۆ ئەڤرۆ نیوز دیار کر: ب مەرەما ھایداربوون ل سەر رەوشا دەڤەرێن سنۆری و نڤێسینا راپۆرتەکا تێر و تەسەلی ل سەر زیانێن مادی و گیانی ژبۆ پەرلەمانێ کوردستانێ و حوکمەتا ھەرێما کوردستانێ و حوکمەتا عیراقێ وان ئەو سەرەدان کریە.
هەروەسا گۆتیە: ژبەر رەوشا خرابا ڤان دەڤەرا و بەردەوام تۆپبارانکرنێ ژلایێ سۆپایێ تۆرکیا ڤە، کو هەتا نوکە ل قەزا ئامێدیێ ١٩٨ گۆند ھاتینە چۆلکرن و ٢٨ وەلاتی شەھیدبووینە و ٤ کەس ژی ب سەختی برینداربووینە، دیسان ب دەھان ژی ب سڤکی بریندار بووینە و بێ سەر و شۆین بووینە، لەوما مە ڤیایە سەرەدانا ڤێ دەڤەرێ بکەین و رەوشا ڤێ دەڤەرێ ژ نێزیک ڤە بزانین.
کەسەک هاتە کوشتن هه‌مبه‌ر دادگه‌ها زاخۆ
ئەڤرۆ نیوز،عەلی حاجی :
بەرپرسێ راگەهاندنا ساخلەمیا زاخۆ بۆ ئەڤرۆ نیوز دیار کر ل بەر دەرگەهێ دادگەها زاخۆ گەنجەکێ زاخۆ کەفتەر بەر دەست درێژیا گولەیان و ب پشتی سێ گولە ڤێکەتین گیانێ خوە ژ دەستدا.
زێدەتر ئەمیر عەلی گۆت : ئەو روودان ل نێزیکی دەمژمێر ١٢:٣٠ نیڤرۆ روودایە دەما کەسەک ل بەر دەرگەهێ دادگەها تێهەلچوونا زاخۆ دکەڤیتە دەست درێژیا گولەیێن کەسەکێ نەنیاس ڤە و سێ گوللە ڤێ دکەڤن و گیانێ خوە ژ دەست دەت و تەرمێ وی ژی بۆ نەخوشخانا پزیشکیا داد هاتیە رەوانە کرن و پولیسێن زاخۆ ژی پەرێن ڤەکولینێ بۆ کێشەیێ ڤەکرینە.
شانده‌كێ په‌رله‌مانێ كوردستانێ دووڤچوونا جهێن توپبارانێن توركیا دكه‌ت
ئه‌ڤرۆ نیوز،عه‌لی حاجی :
ب مه‌ره‌ما دووفچوونا زه‌ره‌ر و زیانێن ده‌ڤه‌رێن زاخۆ كو ئه‌وێن دهێنه توپباران كرن و شه‌رێ دناڤبه‌را هێزێن په‌كه‌كێ و سوپایێ توركیا،شانده‌كێ په‌رله‌مانێ كوردستانێ سه‌ره‌دانا ده‌ڤه‌رێن سنوری كرن ل ناحیێن باتیفا و ده‌ركارێ و سه‌ره‌دانا قائیمقامیا زاخۆ كرن . حكمه‌ت محه‌مه‌د گه‌ودا سه‌رۆكێ لژنا پێكهاتی ل دور بوردومانێن ده‌ڤه‌را زاخۆ د داخویانیه‌كێ دا بۆ ده‌زگایێن راگه‌هاندنێ گۆت: ئه‌ڤ لژنه‌یه ل دووڤ داخازیا په‌رله‌مانێ كوردستانێ هاتیه پێك ئینان پشتی كو توپباران و شه‌رێ دناڤبه‌را سوپاپێ توركیا و هێزێن په‌كه‌كێ ل سنورێ ده‌ڤه‌را زاخۆ و چه‌ند ده‌ڤه‌ره‌كێن دیترێن كوردستانێ دژوارتر لێهاتین و ژ نێزیك ڤه دێ سه‌ره‌ده‌نا هه‌ردوو ناحیێن باتیفا و ده‌ركارێ كه‌ین دا كو بزانین زه‌ره‌ر و زیانێن وان ده‌ڤه‌ران چنه و پاشی ب رێیا راپورته‌كێ ئه‌م راده‌ستی سه‌روكاتیا په‌رله‌مانێ كوردستانێ بكه‌ین و سه‌ره‌دانێن مه نه‌به‌س دێ بۆ ده‌ڤه‌رێن سنوریێن ده‌ڤه‌را زاخۆبن به‌لكو دێ بۆ وان هه‌می سنوران بن یێ كو دهێنه توپباران كرن.
ل دور شه‌رێ سوپایێ توركیا وپه‌كه‌كێ د ناڤ ئاخا هه‌رێما كوردستانێ دا ناڤبری گۆت : وه‌كو لژنا هاتیه پێك ئینان ژی ئه‌م داخازێ ژ هه‌ردوو هێزان دكه‌ین شه‌رێ خوه دناڤ سنورێ ئاخا كوردستانی ڤه‌گوهێزنه دناڤ ئاخا خوه دا ژبه‌ر كو ده‌ڤه‌رێن مه چو په‌یوه‌ندیه‌ك ب كێشه‌یا دناڤبه‌را هه‌ردوو هێزان دا نینه . ل دوماهیێ گۆت ژی : توپبارانا به‌رده‌واما سوپایێ توركیا و ئیرانێ بویه ئه‌گه‌ر زه‌ره‌ر و زیانه‌كا مه‌زن به‌ر ب وه‌لاتیان كه‌ڤتی یه له‌ورا دبیت زووترین ده‌م دا ئه‌ڤ توپبارانه بهێته راوه‌ستاندن ژبه‌ر كو وه‌لاتیێن سڤیل زه‌ره‌مه‌ندێن ئێكانه‌نه ژوێ توپبارانێ و ئه‌ڤ لژنه ژ سێ لژنه‌یان هاتیه پێك ئینان كو ژ لژنه‌یێن پێشمه‌رگه و نافخۆ و ئاسایش و هه‌ر دیسان لژنه‌یا په‌یوه‌ندیان ل په‌رله‌مانێ كوردستانێ هاتیه پێك ئینان .
نيشاندان
WP Facebook Auto Publish Powered By : XYZScripts.com