NO IORG
Twitter

ئه‌ڤرۆنيوز:

په‌يڤدارێ وه‌زاره‌تا ده‌رڤه‌ يا ئه‌مريكى راگه‌هاند، واشنتۆن يا ئاگه‌هداربوو ل سه‌ر هێرشێن فرۆكێن عيراقێ ل سه‌ر داعشێ ل سووريێ، هه‌ڤده‌م يا به‌رده‌وامه‌ ل رێككه‌فتنێن خوه‌ ل گه‌ل هه‌ولێرێ وبه‌غدا بۆ ژناڤبرنا داعشێ وپاراستنا مووسلێ.

هيزه‌ر نوێرت، په‌يڤدارێ وه‌زاره‌تا ده‌رڤه‌يا ئه‌مريكى دكۆنگره‌كێ رۆژنامه‌ڤانى دا گۆت” ل ڤێ دووماهيێ جۆن سوليڤان، جێگرێ وه‌زيرێ ده‌رڤه‌ سه‌ره‌دانا عيراقێ كر ول گه‌ل هژماره‌كا به‌رپرسان كۆمبوو”.

ئاشكراكر ژى” دوێ سه‌ره‌دانێ دا، سوليڤان ل گه‌ل سه‌رۆك وه‌زيرێن هه‌رێما كوردستانێ كۆمبوو ول دۆر به‌رده‌واميدانێ ب شه‌رێ دژى داعشێ وپاراستنا مووسلێ رێككه‌فتن هاته‌ كرن”.

ئه‌ڤ داخۆيانيێن وه‌زاره‌تا ده‌رڤه‌ يا ئه‌مريكى پشتى رۆژه‌كێ دهێن كو عيراقێ راگه‌هاندبوو فرۆكێن وێ بوردومانا بنكه‌ وباره‌گايێن داعشێ ل سووريێ كريه‌.

ئه‌ڤرۆنيوز:

رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ پێشبينيێن سه‌قاى بۆ ده‌مێ 48 ده‌مژمێرێن داهاتى به‌لاڤ دكه‌ت.

ئه‌ڤرۆ ئێكشه‌مبى 22/4/2018، رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێمێ دياركر كو ئه‌ڤرۆ ل هه‌موو ده‌ڤه‌رێن هه‌رێما كوردستانێ ئه‌سمان دێ دناڤبه‌را ئه‌ور ونيمچه‌ ئه‌ور دابيت ول هه‌موو ده‌ڤه‌رێن كوردستانێ دێ باران بارين ده‌ستپێكه‌ت.

ل دووڤ پێشبينيێن رێڤه‌به‌ريا ناڤبرى، ل هنده‌ك ده‌ڤه‌رێن هه‌رێما كوردستانێ بارانه‌كا ب هێز ل گه‌ل تۆزێ دێ باريت ودێ بريسى ژى دگه‌لدا بن.

دياركر ژى كو سه‌قايێ باژێرێن هه‌رێمێ سوباهى 23/4/2018 دێ ئه‌ورێ تمام ونيمچه‌ ئه‌ور بيت.

peshbeni_baran_0 kash_1

ئه‌ڤرۆنيوز:

جێگرێ سه‌رۆكێ لژنا ئاسايش وناڤخوه‌ ل په‌رله‌مانێ كوردستانێ راگه‌هاند، برياره‌ وه‌كو هێزێن دى، ده‌ستكارى دپاشكه‌فتا مووچێ يه‌يه‌كا پاسه‌وانى ژى دا بهێته‌ كرن ول ڤێ هه‌يڤێ ل دووڤ سيسته‌مێ نوو، مووچه‌ پێ بهێته‌ دان.

پشتى ده‌ستكاريكرنێ دپاشكه‌فتا مووچێ فه‌رمانبه‌ران دا ژئاليێ حوكمه‌تا هه‌رێما كوردستانێ ڤه‌، 10 مليار دينار بۆ وه‌زاره‌تا ناڤخوه‌ هاتن دابينكرن بۆ وێ چه‌ندێ ده‌ستكارى دمووچێ وێ وه‌زاره‌تێ ژى دا بهێته‌ كرن، ده‌مه‌كه‌ ژى وه‌زاره‌ت مژوولى به‌رهه‌ڤكرنا خشتێ نوو يێ مووچه‌يه‌، به‌لێ هێشتا ل سه‌ر مووچێ يه‌كه‌يا پاسه‌وانى رێكنه‌كه‌فتينه‌ كو هژمارا وان 40 هزار كه‌سن كو ل ده‌مێ بۆرى دا رێژا 65% ژ مووچێ وان دهاته‌ پاشكه‌فتكرن.

نازم هه‌ركى، جێگرێ سه‌رۆكێ لژنا ئاسايش وناڤخوه‌ ل په‌رله‌مانێ كوردستانێ وئه‌ندامێ فراكسيۆنا پارتى بۆ مالپه‌رێ فه‌رميێ پارتى گۆت” وه‌كو فراكسيۆنا پارتى ل په‌رله‌مانێ كوردستانێ بزاڤێن مه‌ دبه‌رده‌وامن بۆ وێ چه‌ندێ كێشا مووچێ يه‌كه‌يا پاسه‌وانى بهێته‌ چاره‌سه‌ركرن، بريار هاتيه‌ دان ده‌ستكارى دپاشكه‌فتا مووچێن وان بهێته‌ كرن وئه‌م درژدين ل سه‌ر كو ده‌ستكارى بهێته‌ كرن، چونكى ده‌ستكارى دمووچێ هه‌موويان دا هاتيه‌ كرن”.

هه‌ركى گوت ژى” وه‌زاره‌تا دارايى مليار دينارێن دى ژى بۆ وه‌زاره‌تا ناڤخوه‌ زێده‌كرن، بۆ وێ چه‌ندێ تاكو بشێت ده‌ستكاريێ دمووچێ يه‌كه‌يا پاسه‌وانى ژى دا بهێته‌ كرن”.

نازم هه‌ركه‌ دووپاتى ل به‌رده‌وامبوونا بزاڤێن فراكسيۆنا پارتى ل گه‌ل وه‌زاره‌تا ناڤخوه‌يى ودارايى دكه‌ت ودبێژيت” دده‌مێ بۆرى دا ژى، مه‌ به‌ياننامه‌ك ل سه‌ر وێ پرسێ ده‌ركر وخوه‌ ب به‌رگريكارێن وان دزانين، بريار ژى هاتيه‌ دان كو دڤێ هه‌يڤێ دا مووچێ يه‌كه‌يا پاسه‌وانى ژى ب ده‌ستكارى و ل دووڤ سيسته‌مێ نوو يێ مووچه‌ى بهێته‌ به‌لاڤكرن”.

ئه‌ڤرۆنيوز:

نوشداره‌كێ تایبەتمەندێ نشتەرگەریێن گشتی دياركر کو ل دەستپێکێ هه‌كه‌ پشکنینێ بۆ کەسەکی بکەی کو تۆشی ترشەلۆکا گەدێ ببيت و ب پوزەتیف دەربکەڤیت، مروڤ ھزرنەکەت کو ئاریشا وی کەسی چارەکر و چو ئاریشێن دی نینن، چونکى ب سادەیێ پتر ل نیڤا خەلکێ جیھانێ ئەڤ جۆرێ بەکتریایێ د گەدێ دا یێ ھەی و مێژوونڤیسێن نوشدارى دبێژن ئەڤ بەکتریایە پتری ٥٠ ھزار سالایە دناڤ گەدا مروڤان دا دژیت و ھندەک دبێژن ھەر دگەل ھەبوونا مروڤان دا یا پەیدابووی.

شڤان سه‌عيد، نوشدارێ تایبەتمەندێ نشتەرگەریێن گشتی بۆ نوش نيوز زێده‌تر گۆت کو بەکتریایەکا چیلکەیی یە دناڤ ناڤبۆشا گەدێ دا دژیت یان وەک بەشەکا ناڤبۆشێ دھێتە دانان ل بەر شێوێ وێ یێ بادایی و هه‌بوونا قامچیێ کو ل ناڤ ناڤبۆشێ را دچن ب ڤی شێوەی ھندەك بەکتریا دشێن خانێن دیوارێ گەدێ ببرن و دناڤدا بژین.

ھەروەسا زارۆ ژی توشی ڤێ بەکتریایێ دبن ب رێژا ١٥% کێمتر پتر ل توشبویێن ڤێ بەکتریایێ ل دایکا خۆ وەردگرن ب رێکا دەڤی.

ل دور وێ پرسێ ھەرکەسێ ئەڤ جورێ بەکتریایێ دناڤ گەدێ دا ھەبیت نیشان و ئالوزی لێ دیاردبن؟ نوشدارێ ناڤبرى دبێژیت” نەخێر، چونکى ئەڤە یا گرێدایە ب چەندین فاکتەراڤە کو وەھا ل بەکتریایێ دکەن نیشانا پەیدابکەت”. ژ وان نیشانان:

١ــ ھندەک جورێت بەکتریایێ کو دکەھی نە و ل دەمێ پشکنینا ب لاوازی دەردکەڤن چ نیشانا پەیدا ناکەن.
٢ــ بارێ تەندروستی و بەرھەڤیا لەشێ نەخۆشی.
٣ــ فاکتەرێن دەوروبەر:

*وەکو کیچشانا جگارا: پەیدابوونا نیشانا زێدە دکەت.
*زۆر بکارئینانا خۆێ: ئەگەرێ پەیدابوونا برینا زێدەدبیت
*ئالوزیێن ئەڤ بەکتریایە چێدکەت

نەھەمی کەسێن ئەڤ بەکتریایە ھەبیت ئالۆزی لێ پەیدادبن وەکو :
١ــ برین
٢ــ شێرپەنجا گەدێ
٣ــ شێرپەنجا گەدێ یا لیمفاوی

بەلێ بتنێ ١٥% ل نەخۆشا ئەڤ ئاریشە پەیدا دبن و پتری ٨٠%ل نەخۆشیێن تۆشی برینا دوازدەگرێ دبن ل بەر ڤێ بەکتریایێ یە، ھەروەسا پتری ٦٠% ل نەخۆشێن برینا گەدێ ھەی ئەگەرێ وێ ئەڤ بەکتریایە یە.

ئه‌ڤرۆنيوز:

دووماهى ژڤانێ وه‌رگرتنا كارتا ئه‌لكترۆنى يا ده‌نگدانێ دهێته‌ ئاشكراكرن وبه‌رپرسه‌كێ ده‌سته‌يا هه‌لبژارتنێن كوردستانێ يا كۆمسيۆنێ راگه‌هاند، ئه‌و وه‌لاتيێن تۆمارێن خوه‌ نووكرين، نه‌شێن ده‌نگێ خوه‌ بێ كارتا ئه‌لكترۆنى بده‌ن.

زانا عوسمان، به‌رپرسێ راگه‌هاندنێ ل ده‌سته‌يا هه‌لبژارتنێن كوردستانێ يا كۆمسيۆنا بلند يا هه‌لبژارتنان ل عيراقێ گۆت” ئه‌و وه‌لاتيێن تۆمارێن ده‌نگدانێ نوو نه‌كرين، دشێن ب هه‌مان كارتا ده‌نگدانێ يا به‌رێ ده‌نگێ خوه‌ بده‌ن”.

گۆت ژى” ئه‌و وه‌لاتيێن تۆمارێن ده‌نگدانێ يێن خوه‌ نووكرين، نه‌شێن ده‌نگى بده‌ن، تاكو كارتا نوو يا ئه‌لكترۆنى يا ده‌نگدانێ نوو نه‌كه‌ن، چونكى پشتى نووكرنا تۆمارا ده‌نگدانێ، كارتا كه‌ڤن دێ هه‌لوه‌شيت وكارته‌كا نوو دێ بۆ هێته‌ دروستكرن”.

زاناى دداخۆيانيه‌كا رۆژنامه‌ڤانى دا دياركر”دووماهى ژڤان بۆ وه‌رگرتنا كارتا ئه‌لكترۆنى يا ده‌نگدانێ رۆژا 9/5/2018 يه‌، ئانكو سێ رۆژان به‌رى ده‌نگدانى بۆ هه‌لبژارتنێن جڤاتا نوونه‌رێن عيراقێ.

خوياكر ژى” پشتى وێ رۆژێ، ئه‌و كارتێن دمينن، دێ هه‌موو دناڤ سندوقه‌كێ دا هێنه‌ دانان ودێ ژهه‌موو پارێزگه‌هێن عيراقێ بۆ به‌غدا ل نڤيسينگه‌ها نيشتمانى يا كۆمسيۆنێ دێ هێنه‌ ڤه‌گه‌راندن ب چاڤدێريا رێكخراوێن جڤاكێ مه‌ده‌نێ وهه‌ر 9 ئه‌ندامێن جڤاتا كۆمسياران دێ ل ژۆره‌كێ هێنه‌ دانان وپشتى هه‌لبژارتنان دوباره‌ دێ ل سه‌ر پارێزگه‌هان هێنه‌ به‌لاڤكرن”.

967

ئەڤرو ، ئێقبال عومەر:

ئەڤرو بەفرێ باژێرێ گەڤەر و ب دەھان گوندێن دەردورێ ب رەنگێ سپی داپوشیە و سروسەرمایەکا مەزن ب سەر وێ دەڤەرێ دا ھاتیە.

ژ لایێ خوە ڤە وەلاتیەکێ ئاکنجیێ باژێرێ گەڤەر بناڤێ شەوکەت ئوڤا بو روژناما ئەڤرو دا دیارکرن ، کو ئەڤرو روژا ئێک شەمبی رێکەفتی ۲۲/٤/۲۰۱۸ باژێرێ گەڤەر و گوندێن دەردورێ بەفرەکا زور لێ باریە و سرو سەرمایەکا زور ب سەر ڤێ دەڤەرێ دا ھاتیە و گوت : ئەڤە د دەمەکی دایە کو وەلاتیێن ڤێ دەڤەرێ مژولی کارێ چاندنا فێقی و دەرامەتی بون و ھەروەسا دارو بارێن ڤێ دەڤەرێ ھەمی بەلگێن وان ڤەببون و کلیل دابین بەلێ محابن ھەمی ھاتینە داپوشین ب بەفرێ .

زێدەتر گوت : مەترسیەکا مەزن یا ژناڤ چونێ ل سەر بەرھەمێ فێقی و دارو باری و ھەمی دەرامەتێ ڤێ دەڤەرێ ھەیە ژبەر ئەگەرێ بارینا بەفرەکا زور و ھاتنا پێلەکا سروسەرمایەکا زور کو دەڤەر ھەمی بخوەڤە گرتیە، و پرانیا وەلاتیێن ڤێ دەڤەرێ کارێ وان جاندنا دەرامەتی و خودانکرنا تەرش و تەوالیە ژبو ب دەستڤە ئینانا داھاتێ مالا خوە بەلێ توشی زیانەکا مەزن بون .

30422149_1684672514960779_1430892357_n 30429808_1684672658294098_2111115825_n 30776374_1684672694960761_1910765677_n 30776806_1684672628294101_1453417988_n 30825089_1684672734960757_513837792_o 30825425_1684672504960780_1092511700_o 30825609_1684672604960770_730634590_o 30831749_1684672574960773_162367072_n o0i21q-b88607823z.120160105134924000gahe3q4p.10

ئه‌ڤرۆنيوز:

شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ ئێكشه‌مبى 22/4/2018 ل گه‌ل جوانه‌ لاونس باليۆزێ نوويێ ئوستراليا ل عيراقێ كۆمبوو وپه‌يوه‌نديێن هه‌رێما كوردستانێ وئوستراليا وپێشهاتێن سياسى وئه‌منى ل ده‌ڤه‌رێ وهه‌لبژارتنێن عيراقێ هاته‌ به‌حسكرن وتێدا مه‌سرور بارزانى دوپاتى ل وێ چه‌ندێ كر، ل سه‌ر بنه‌مايێ به‌رنامه‌ ومافێن دستوورى دێ ره‌فتارێ ل گه‌ل حوكمه‌تا داهاتى دا كه‌ين، نه‌كو كه‌سايه‌تيان.

مه‌سرور بارزانى دووپاتى ل ڤه‌گه‌راندنا پرۆسا سياسى ل عيراقێ بۆ سه‌ر رێيا دروست كر وگۆت” پێدڤيه‌ رێز ل داخوازى ومافێ هه‌موو پێكهاتێن عيراقێ بهێته‌ گرتن ودستوور بهێته‌ بجهئينان وهه‌ڤپشكيا راسته‌قينه‌ ل بريارێ وب رێڤه‌برنا وه‌لاتێ هه‌بيت، هه‌رێما كوردستانێ ژى ل سه‌ر بنه‌مايێ به‌رنامه‌ ول به‌ر چاڤ وه‌رگرتنا مافێن دستوورى، دێ ره‌فتارێ ل گه‌ل حوكمه‌تا داهاتى كه‌ت، نه‌كو كه‌سايه‌تيان”.

جوانه‌ لاوس، باليۆزا ئوستراليا ل عيراقێ دوێ ديدارێ دا گۆت” ئوستراليا ب گرنگى سه‌حدكه‌ته‌ رۆلێ هه‌رێما كوردستانێ وپشته‌ڤانيێ ل به‌رفره‌هكرنا په‌يوه‌نديان دبوارێن جودا جودا دكه‌ت”.

ئه‌ڤرۆنيوز:

به‌رپرسێ لقێ ئێكێ پارتى ديموكراتى كوردستان راگه‌هاند، 27 هزار خانيێن ب زێده‌گاڤى ل دهۆكێ هاتينه‌ ئاڤاكرن، دێ هێنه‌ تاپۆكرن وپارچێن ئه‌ردى ژى ل سه‌ر هنده‌ك ته‌خا دێ هێنه‌ به‌لاڤكرن.

سه‌ربه‌ست تروانشى، به‌رپرسێ لقێ ئێكێ پارتى بۆ مالپه‌رێ لقێ گۆت” ئه‌و كه‌سێن ژمێژه‌ رازيبوونا وه‌رگرتنا پارچێن ئه‌ردى هه‌ين، پشتى پێرابوونێن باژێرڤانيێ ب دووماهى دهێن، دێ پارچێن ئه‌ردى ل سه‌ر هێنه‌ به‌لاڤكرن”.

گۆت ژى” هه‌ر ل دووڤ وى به‌رنامه‌ى، دو هزار و800 پارچێن ئه‌ردى دێ ل سه‌ر وان زيندانيێن سياسى هێنه‌ به‌لاڤكرن، ئه‌وێن رازيبوونا وه‌رگرتنا پارچێن ئه‌ردى هه‌ين”.

ئەڤرۆ نیوز ، زنار تۆڤی :

راپۆرتەک بەحسێ هەلبژارتنێن عێراقێ پشتی شكاندنا داعشێ ل وی وەلاتی و روخاندنا سەدامی و دەستێوەردانێن ئیرانێ و وەلاتێن دیتر دەربارەی هەلبژارتنێن ڤێ جارێ یێن عێراقێ دکەن.
د راپۆرتەكێدا کو ل پێگەهێ gulfnews بەلاڤە بوویە و تێدا هاتیە،پشتی رووخاندنا سەدامی، ئیرانێ بزاڤا پڕكرنا بۆشایا سیاسی ل عێراقێ ددایە،ئەو ژی ب رێیا بەربژارێن هەلبژارتی یێ ڤێ جارێ یێن هەلبژارتنێن عێراقێ کو دێ ل 12 گۆلانێ هێنە ئەنجام دان.
د وێ راپۆرتێدا هاتیە،د دەمەکێ دا کو عێراق یا خۆ بۆ هەڵبژارتنێن خولا چارێ یا پەرلەمانی ئامادە دکەت، چاڤدێر یێ تێبینیا هندێ دكەن،کادێ هەتا چو ئاست ئەڤ خولا هەلبژارتنان دێ ژیێن دیتر جۆدا بیت، کو ب ئێکەم هەلبژارتن پشتی شكاندنا داعشێ ل سالا 2017 و هەروەسا چارەم خول دهێتە دانان،پشتی رووخاندنا سەدامی ل سالا 2003.
ئەو راپۆرتە بەحسێ هندێ دکەت كو ل چەند هەلبژارتنێن پێشتر نەبوونا چاڤدێرێن پێدڤی و ئەنجامدانا گەندەلیێ ب شێوەکێ بەرچاڤ هاتیە کرن،کو هەر ئێك ژ عەرەبێن سوننی و شیعە و كوردان جۆدا بووینە، بەلێ وەك هەموو هەلبژارتنێن پێشی، ئیرانێ دڤێت دەستێوەردانێ بكەت ب رێیا پێدانا پارەی و هاریکاریان بۆ بەربژاران.

ئەڤرۆ نیوز ، زنار تۆڤی :

ل ناڤەراستا ڤێ حەفتیێ دێ گەشتێن ئەسمانی دناڤبەرا كوردستانێ و ئیرانێ دەست پێ كەنەڤە و ل دەستپێکێ دێ ژ فرۆكخانا هەولێرێ دەست ب گەشتان کەن.
عەبدوللا ئاكرەیی رێڤەبەرێ گشتی یێ پەیوەندیێن دناڤبەرا هەرێما كوردستانێ و ئیرانێ گوتیە،کو رێككەفتن دناڤبەرا هەرێما كوردستانێ و ئیرانێ دا هاتیە کرن بۆ هندێ کو گەشتێن ئەسمانی یێن دناڤبەرا كوردستانێ و ئیرانێ دا دەست پێ بكەن و نوکە هەموو ئامادەكاری ژ لایێ كۆمپانیا ماهان ڤە هاتینە كرن و بڕیارە ل رۆژا 24 ڤێ هەیڤێ،ئێکەم گەشتا ئەسمانی دناڤبەرا هەردو لایان دا بهێتە ئەنجام دان.
هەروەسا گوتیە،بریارە دەستپێکا گەشتان ب رێیا فرۆكخانا هەولێرێ بیت و پاشی دێ ب رێیا فرۆكخانا سلێمانیێ گەشت هێته ئەنجام دان و دیسا ل هەموو رۆژێن سێشەمبیێ خەلک دێ شێن ب رێیا فڕۆكخانان گەشتێن ئەسمانی بۆ ئیرانێ یان ژ ئیرانێ بۆ هەرێما كوردستانێ ئەنجام دەن.

website security
WP Facebook Auto Publish Powered By : XYZScripts.com