ئەڤرۆ نیوز:
هێرۆ ئیسماعیل پێشکێشکارا کەنالێ کوردستانێ تی ڤی راگەهاند کو ئەو ل گەل هەڤژین و هەر دو زارۆیێن خوە تووشی ڤایرۆسێ کۆرۆنایێ بووینە و نها ل مالێ خوە کەرەنتین کرینە.
ناڤهاتیێ راگەهاند کو پشتی چەندین پشکنین بۆ وان هاتیە کرن دیار بوویە کو تووشی ڤایرۆسێ کۆرۆنایێ بووینە و گۆت: (نها رەوشا ساخلەمیا وێ و زارۆیێن وێ و هەڤژینێ وێ ب گشتی باشە و چارەسەریا پێدڤی بۆ وان دهێتە کرن).
ئه‌ڤرۆ نیوز:
ئه‌ڤرۆ رۆژا پێنج شه‌مبی، بیڤه‌له‌رزه‌كا بهێز باكور و رۆژهه‌لاتێ كوردستانێ هه‌ژاند.
ناڤه‌نداچاڤدێریا سه‌قا ناسیێ و بیڤه‌له‌رزان ل توركیا راگه‌هاند بیڤه‌له‌رز ب هێزا 5.4 لگۆری پیڤه‌رێ رێخته‌ری ل پارێزگه‌ها وانێ دایه.
هه‌ڤده‌م ل ئیرانێ ژی راگه‌هاند بیڤه‌له‌رز ل پارێزگه‌ها روومیێ روودایه و بهێزا 5.3 پله بوو لگۆری پیڤه‌رێ رێخته‌ری.
زێده‌باری بهێزیا بیڤه‌له‌رزان، لی تانوكه زانیاری ل سه‌ر زیانین گیانی نه‌هاتینه راگه‌هاندن.
ئه‌ڤرۆ نیوز:
گشتپرسی بۆ راستڤه‌كرنا دستورێ روسیا ده‌ستپێكر و تاكو ئێكێ ته‌موزی دێ به‌رده‌وام بیت، هه‌كه راستڤه‌كرن ده‌نگێ خه‌لكی بده‌ستڤه ئینا، ئه‌ڤه هنده‌ك گوهورین دێ روو ده‌ن، ژ وان ژی رێك ب ڤلادیمیر پوتنی دهێته دان بۆ دو خولێن دی یێن سه‌رۆكاتیێ خوه هه‌لبژێریت.
كریملین ته‌ئكید دكه‌ت كۆ ئارمانجا راستڤه‌كرنێ بلندكرنا پێگه‌هێ په‌رله‌مانی و باشتركرنا سیاسه‌تا جڤاكی و رێڤه‌به‌راتیا وه‌لاتی یه.
گشتپرسیا روسیا د ده‌مه‌كی دا دهێته‌كرن، كۆ روسیا تاكو نوكه زێده‌تری 606 هزار و 800 توشبوویێن كورونایێ تێدا هاتینه توماركرن زێده‌تری 8 هزار و 500 كه‌سان ژی گیانێ خوه ژ ده‌ست داینه.
ئه‌ڤرۆ نیوز:
د چارچوڤه‌یێ پێنگاڤێن رێكخستنا هه‌لبژارتنان، مسته‌فا كازمی سه‌رۆك وه‌زیرێ عیراقێ بریار دا ب ده‌ستنیشانكرنا حسێن هنداوی وه‌ك راوێژكارێ خوه بۆ كارۆبارێن هه‌لبژارتنان.
ژێده‌ره‌كی ژ سه‌رۆكاتیا جڤاتا وه‌زیران راگه‌هاندیه مسته‌فا كازمی بریار دایه ب ده‌ستنیشانكرنا حسێن هنداوی ب راوێژكارێ خوه بۆ كارۆبارێن هه‌لبژارتنان وه‌ك به‌رهه‌ڤكاری بۆ ئه‌نجامدانا هه‌لبژارتنێن پێشوه‌خت.
راسپاردنا هنداوی ب وی ئه‌ركی گرنگیدانا سه‌رۆك وه‌زیری یه بۆ برێڤه‌چوونا هه‌لبژارتنێن پێشوه‌خت و ئازاد ل سه‌ر بنه‌مایێ پیڤه‌رێن نێڤ ده‌وله‌تی.
ئه‌ڤرۆ نیوز:
په‌یڤدارێ وه‌زاره‌تا ساخله‌میا هه‌رێما كوردستانێ راگه‌هاند: هه‌ر كه‌سه‌ك پلازما خوینێ ب توشبوویێن كورونایێ ب فروشیت وه‌ك تاوانبار سه‌ره‌ده‌ری ل گه‌ل هێته‌كرن ب تاوانا بازرگانیكرن ب جه‌سته‌یی و ب توندترین شێوه هێته سزا دان.
د.محه‌مه‌د خوشناو په‌یڤدارێ فه‌رمی یێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند هه‌ر كه‌سه‌ك پلازما خوینێ ب توشبوویێن كورونایێ بفروشیت وه‌ك تاوانبار سه‌ره‌ده‌ری ل گه‌ل دا دهێته‌كرن ب تاوانا بازرگانیكرن ب جه‌سته‌ی و ب توندترین شێوه هێته سزا دان، هه‌تا ئه‌ڤی ده‌می ئه‌ڤ چه‌نده ل هه‌رێما كوردستانێ روونه‌دایه، به‌س ئه‌ڤ چه‌نده ل باشوورێ عیراقێ هه‌یه.
په‌یڤدارێ فه‌رمی یێ وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده ژی راگه‌هاند ب ڤان نێزیكان ده‌رمانی روسی بۆ چاره‌سه‌ركرنا كورونایێ گه‌هته هه‌رێما كوردستانێ،به‌س بكار ئینانا ماسكێ كارتێكرنا خو هه‌یه به‌لێ مانا د مالڤه ژ هه‌مویان باشتره.
ئه‌ڤرۆ نیوز:
ئه‌ڤرۆ چار توشبوویێن دی یێن كورونایێ ل پارێزگه‌ها سلیمانیێ گیانێ خوه ژ ده‌ست دان، دو ل قه‌زا سه‌یدسادق و توشبوویه‌ك ژی ل قه‌زا خورماتو بوون، توشبوویه‌ك ژی ل قه‌زا پینجوین.
قائیمقامیا قه‌زا سه‌یدسادق د راگه‌هاندنه‌كی دا به‌لاڤكر دو توشبوویین دی یێن كورونایێ ل قه‌زا سه‌یدسادق گیانی خوه ژ ده‌ست داینه، كۆ ژنه‌كا ژیێ وێ 52 سالی ئاكنجیا سه‌یدسادق بوو، زه‌لامه‌ك ژیێ وی 55 سالی بوو ئامنجیێ ناجیا سرۆچك سه‌ر ب قه‌زا سه‌یدسادق ئاكنجیبوو، پشتی نڤاندنا وان ل نه‌خوشخانه‌یێ بۆ ده‌مێ چه‌ند رۆژه‌كان هه‌ردوكان گیانی خوه ژ ده‌ست دان.
د.ئه‌حمه‌د عه‌لی رێڤه‌به‌رێ ساخله‌میا باژێرێ خورماتو راگه‌هاند توشبوویه‌كێ ڤایرۆسێ كورونایێ كو ژیێ وی 60 سالی بوو ل نه‌خوشخانه‌یا باژێری خورماتو گیانێ خوه ژ ده‌ست دا.
ئه‌ڤرۆ ل قه‌زا پێنجوین پێشنڤێژ و گوتاربێژێ مزگه‌فتا قازی محه‌مه‌د پشتی هه‌فتیه‌كی ل نه‌خوشخانه‌یێ گیانێ خوه ژ ده‌ست دا، مامۆستا عه‌بدله‌تیف ب ئه‌گه‌ری خراپیا ره‌وشا وی یا ساخله‌میێ و ئامیرێ هه‌ناسه‌دانێ بۆ هات بوو دانان پاشی ب كایگه‌ریا نه‌خوشیێ گیانێ خوه ژ ده‌ست دا.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگه‌هاند: سێ نەخۆشێن دی یێن کۆرۆنایێ covid-19 ل دهۆکێ ب تەمامی چارەسەربوون، ب سلامەتی ژ نەخۆشخانێ هاتنە دەرخستن.
ئەڤرۆ 24/6/2020، سێ نەخۆشێن دی یێن ڤایرۆسێ کۆرۆنایێ covid-19 ل دهۆکێ کو د نەخۆشخانێ دا بوون، پشتی هەموو پشکنین هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانێ هاتنە دەرخستن و چوونە دناڤ کەسوکارێن خوە دا.
هژمارا گشتی یا نەخۆشێن ڤایرۆسێ covid-19 ل دهۆکێ 156 نەخۆش بوون، کو 133 کەس ژ وان ب تەمامی چارەسەربووینە و 23 نەخۆش ژی ماینە د نەخۆشخانێ دا.
ئەڤرۆ نیوز:
ژوورا ئۆپەراسیۆنا پارێزگەها هەولێرێ راگەهاند: ب مەرەما رێگریکرنێ ل بەلاڤبوونا زێدەتر یا ڤایرۆسێ کۆرۆنایێ ل سنۆرێ پارێزگەها هەولێرێ، بڕیار هاتە دان ل رۆژا ئێکشەمبی 28-06-2020 دەواما فەرمانگەهێن حکومی ل سنۆرێ پارێزگەها هەولێرێ بۆ دەمێ حەفتیەکێ بهێتە راگرتن، دیسان جهێن گشتی ژی ژ دەمژمێر 10 شەڤ هەتا 5 سپێدێ دێ هێنە گرتن.
نيشاندان