ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند: ئەڤرۆ 23/6/2020، دازدە نەخۆشێن دی یێن ڤایرۆسێ کۆرۆنایێ covid-19 ل دهۆکێ کو د نەخۆشخانێ دا بوون، پشتی هەموو پشکنین هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانێ هاتنە دەرخستن و چوونە دناڤ کەسوکارێن خوە دا.
هەروەسا گۆتیە: ب ڤێ چەندێ هژمارێن چارەسەربوویان گەهشتنە 130 کەسان و 24 نەخۆش ژی ماینە د نەخۆشخانێ دا.
ئەڤرۆ نیوز:
بەری نیڤرۆ ل باژێرێ سەرێکانی یێ رۆژئاڤایێ کوردستانێ ترۆمبێلەکا بۆمبرێژکری پەقی و د ئەنجام دا ١٢ کەس بوونە قوربانی.
ژێدەرێن میدیایی ل رۆژئاڤایێ کوردستانێ دیار دکەن کو د ئەنجاما پەقینێ دا سێ کەسان جانێ خوە ژ دەست داینە و نەه کەس ژی بریندارن و برینا چەند کەسان ژی گەلەک گرانە، بریندار رەوانەی نەخوشخانێن تورکیا هاتینە کرن.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ پێشوازی ل شاندەکێ کاروبارێن بەرەڤانیێ یێ ئەمریکا ل عیراقێ کر و د هەڤدیتنێ دا بەحسێ دووماهی پێشهاتێن سیاسی و ئێمناهیێ ل دەڤەرێ هاتنە کرن.
ئێرنست تایکرت بەرپرسێ بالا یێ کاروبارێن بەرەڤانیێ یێ ئەمریکا ل عیراقێ راگەهاند کو هەرێما کوردستانێ هەڤپەیمانا ستراتیژی یا ئەمریکا یە.
سەرۆکێ حوکمەتا هەرێما کوردستانێ ژی دلگرانیا خوە ل هەمبەر ئالۆزیێن ڤێ دووماهیێ ل دەڤەرێ دیار کر و راگەهاند کو دڤێت هەماهەنگیەکا زێدەتر د ناڤبەرا لەشکرێ عیراقێ و هێزێن پێشمەرگێن کوردستانێ دا هەبیت.
ئەڤرۆ نیوز:
حەسەن رۆحانی سەرۆک کۆمارێ ئیرانێ راگەهاند کو ژ بەر ڤایرۆسێ کۆرۆنایێ و سزایێن ئابووری یێن ئەمریکا رەوشا ئابووری یا ئیرانێ رۆژ ب رۆژێ خرابتر لێ دهێت.
ئەو یەک د دەمەکێ دایە کو پارێ ئیرانێ رۆژ ب رۆژێ بهایێ خوە ل هەمبەر پارێ بیانێ ژ دەست ددەت و نها هەر دۆلارەک بەرامبەر ٢٠ هزار تومەنێ ئیرانێ یە.
ئەڤرۆ نیوز، عەلی حاجی :
رێڤەبەرێ ناحیا باتیفا د داخویانیەکێ دا بۆ ئەڤرۆ نیوز دیار کر ژ ئەگەرێ بەردەوام شەرێ پەکەکێ و سوپایێ تورمیا ل سنورێ ناحیا وان مەترسی ل سەر چولکرنا گوندان هەیە و ژ نەچاری هەتا نوکە گوندەک هاتیە چوول کرن .
زێدەتر دلشێر عەبدولستار گۆت: (ل سنورێ ناحیا وان د ڤێ ماوەیێ بوری دا گوندەک هاتیە چوو کرن کو ئەو ژی گوندێ کەشانێ یە بەلێ ل گوندێ بانکێ یا سەر ناحیا مەڤە مەترسی ل سەر چوول کرنا وی گوندی ژی پەیدا بوویە و هەتا نوکە شەش خێزان بتنێ د وی گوندی دا ماینە ژبەر کو روژانە ل دەوبەرێن وی گوندی روژانە دهێتە توپباران کرن ژلایێ سوپایێ تورکیا ڤە و ئەڤە ژی دبیتە ئەگەرێ پەیدا بونا ترسەکا مەزن ل دەف ئاکنجیێن گوندی پەیدا کری یە و هەکە رەووش ب ڤی رەنگی بەردەوام بیت دبیت وەلاتیێن وی گوندی ل ناحیا باتیفا ئاکنجی بن).
ناڤبری خویاکر ژی ” دەڤەرا وان ب بەردەوامی دهێتە توپباران کرن و ئەڤە ژی دبیتە ئەگەرێ وێ چەندێ ترسەکا مەزن پەیدابیت ل دەف زاروویان ب تایبەت ژی دەما توپبارانێ دا و وەلاتی ژی ب نەچاری گوندێن جوە دهێلن و قەستا جهێن ئارام دکەن “.
ئه‌ڤرۆ نیوز:
وه‌زاره‌تا چاندنا عیراقێ رێنمایێن نوو بۆ ئینانا به‌رهه‌مێن چاندنێ راگه‌هاند.
لگۆری بریارێن نوو یێن وه‌زاره‌تا چاندنا عیراقێ 27 به‌رهه‌مێن چاندنێ ژ كه‌سكاتی و فیقی و ده‌غل و دانی ژ هه‌رێما كوردستانێ بۆ باژێرێن دی یێن عیراقێ هاتینه قه‌ده‌غه‌كرن.
حه‌مید نائیف په‌یڤدارێ وه‌زاره‌تا چاندنا عیراقێ راگه‌هاند وه‌زاره‌تا چاندنێ رێنمایێن نوو ده‌رخستینه ده‌ربارێ قه‌ده‌غه‌یا ئینانا به‌رهه‌مێن چاندنێ و ئاژه‌لی بۆ ناڤ عیراقێ، لگۆری ئه‌وان رینمایێن نوو چ دی رێك ب ڤه‌گۆهاستنا به‌رهه‌مێن سه‌ره‌كی یێن وه‌ك گه‌نم و جه‌هـ و گه‌نمه‌شامی و ئالیك دناڤبه‌را پارێزگه‌هێن عیراقی ژی ناهێته دان.
په‌یڤدارێ وه‌زاره‌تا چاندنا عیراقێ ئه‌و چه‌نده ژی دیاركر بتنێ رێك ب ڤه‌گۆهاستنا ئالیكێ په‌روه‌ران كو ل ناڤخو به‌رهه‌م دهێت دناڤبه‌را پارێزگه‌هێن عیراقێ هێته دان، به‌لی رێك ب ڤه‌گۆهاستنا ئه‌وی به‌رهه‌می ژ هه‌رێما كوردستانێ بۆ پاریزگه‌هێن دی یێن عیراقێ ناهێته‌دان.
حه‌مید نائیف په‌یڤدارێ وه‌زاره‌تا چاندنا عیراقێ ئه‌و چه‌نده ژی دازانین كۆ ئه‌و به‌رهه‌مێن هاتینه قه‌ده‌غه‌كرن گه‌نم و جه‌هـ و گه‌نمه شامی و خه‌یار و باجان و قه‌رنابیت و گێزه‌ر و پتات و كه‌س و سیر و كولند و فلفلك و خورمه و دوشاڤ ل گه‌ل چه‌ندین به‌رهه‌مێن دی.
هه‌روه‌سا وه‌زاره‌تێ ئینانا گۆشتێ كه‌نه‌دی و ماسیێن جوانێ و هیك و مریشكێن زیند و سه‌رژیكری و ئاژه‌لێن زیندی بۆ سه‌رژیكرنێ ژ ئه‌وان وه‌لاتێن ئه‌نفلونزا په‌له‌وه‌ران تێدا هه‌ی قه‌ده‌غه‌كر.
ئەڤرۆ نیوز:
بژار موسا پەیڤدارێ رێڤەبەریا گشتی یا ساخلەمیا هەولێرێ راگەهاند کو ئەڤرۆ تووشبوویەکێ دی یێ کۆرۆنایێ ل هەولێرێ جانێ خوە ژ دەست دا و رەوشا هەشت تووشبوویێن دی ژی خرابە.
ناڤهاتی راگەهاند کو کەسێ جانێ خوە ژ دەست دای د ژیێ ٨١ سالیێ دا بوو و هەروەسا رەوشا هەشت کەسێن دی ژی خرابە و نها ل ژێر چاڤدێریا توند دانە.
ئه‌ڤرۆ نیوز:
ئه‌ڤرۆ شاندێ هه‌رێمێ ب سه‌رۆكاتیا قوباد تاله‌بانی جێگرێ سه‌رۆكێ حكومه‌تا هه‌رێما كوردستانێ سه‌ره‌دانا به‌غدا كر.
بریاره شاند ل گه‌ل مسته‌فا كازمی سه‌رۆك وه‌زیرێ عیراقێ و وه‌زیری دارایی و پترۆلێ ژی كۆم بن.
فارس عیسا سه‌رۆكی نوونه‌راتیا حكومه‌تا هه‌رێمێ ل به‌غدا راگه‌هاند دانوستاندنین هه‌ولێری و به‌غدا دێ ل وی جهی ده‌ست پێ كه‌ن كو تێدا راوه‌ستیا بوون.
نيشاندان