ئه‌ڤرۆ نیوز، مه‌حمود نهێلى:
ده‌ست ب چێكرنا پرۆژه‌یێ جادا دو گوندێن سنورێ ناحیا دێره‌لۆك دهاته كرن كوژمێ پێدڤێ بۆ هاتیه ته‌رخانكرن.
سامى ئوشانه رێڤه‌به‌رێ ناحیا دێره‌لۆك بۆ ئه‌ڤرۆ نیوز دیاركر، ژ بۆ پتر گرنگى دان و هاریكاریا ئاكنجیێن گوندان و گه‌هاندنا خزمه‌تگوزاریان بۆ وانا نوكه ده‌ست ب چێكرنا جاده‌یا گوندێ گه‌له‌كا و مه‌هیدێ هاتیه كرن و گۆت: (ئه‌ڤ جاده‌یه ب درێژاهیا چار كیلومه‌تران و ب فره‌هیا حه‌فت میتر و نیڤان دێ هێته چێكرن كو دبیته جاده‌یا دو گوندان).
ناڤهاتى ئاشكرا كر، كو دڤێت ئه‌ڤ جاده‌یه د هه‌یاما كێمتر ژ هه‌شت هه‌یڤان بهێته چێكرن و دورێن 450 ملیون دیناران ژ بانكا نیڤده‌وله‌تى بۆ ڤێ پرۆژه‌ى و چه‌ند پرۆژه‌كێن دى یێن لاوه‌كى ل ده‌ڤه‌رێ هاتینه ته‌رخانكرن و نوكه ژلایێ كومپانیا ره‌شید ڤه دهێته بجهئینان.
و ته‌كه‌ز كر، كو زێده‌بارى ئه‌ڤ جاده دێ مفا گه‌هینته خه‌لكێ ڤان هه‌ر دو گوندان دێ ژلایێ گه‌شت و گوزارى و هه‌روه‌سا بۆ جوتیار و چاندنێ ژى مفا ژێ هێته وه‌گرتن چونكه چه‌مێ چه‌ند گوندان دكه‌ڤنه سه‌ر ڤێ جاده‌یێ هه‌روه‌سا نێزیك ژى دبیت بۆ گه‌لیێ شێرانه.
ئەڤرۆ نیوز، عەلی حاجی :
ل گورەی سەرچاوەیەکێ باوەر پێکری ل دەروازێ نێڤدەولەتیا ئیبراهیم خەلیل بۆ ئەڤرۆ نیوز دیار کر نوکە دا هەلگرێن پاسەپورتێن بیانی و هەر دیسان پاسەپورتێن عێراقی ب مەرجەکێ دگەل پاسەپورتا عێراقی پشتگیریا ئاکنجیبوونا وەلاتەکێ بیانی دگەل دا بیت کو دشێت دەربازی ناڤ ئاخا وەلاتێ تورکیا بیت ب رێیا دەرگەهێ سنوریێ ئیبراهیم خەلیل ب وی مەرجی فیزەیا وەلاتێ تورکیا هەبیت.
هەر وی سەرچاوەیێ ئاشکەرا ژی کر بۆ وان دو جورێن پاسەپورتا بتنێ رێک پێ هاتیە دان دەربازی ناڤ ئاخا وەلاتێ تورکیا بن و بەروڤاژی وێ چەندێ چو کەسێ ماف نینە قەستا وەلاتێ تورکیا بکەت ب مەرەما رێکارێن خوە پاراستنێ ژ ڤایروسێ کورونایێ.
ئەڤرۆ نیوز، زنار تۆڤی:
ئەڤرۆ پێنجشەمبی 18.6.2020 ب بەهانەیا هەبوونا گەریلایێن پەکەکێ، جارەکا دی هێزێن ئەسمانی یێن سوپایێ تورکیا گەلیێ بێشیلێ ل بنارا چیایێ مەتینا ل دەڤەرا بەرواری بالا یا سەر ب قەزا ئامێدیێ ڤە بوردۆمان کر، د ڤان رۆژان دا ئەڤە جارا دویێ یە دهێتە بوردۆمان کرن.
پشتی نیڤرۆیا ئەڤرۆ و ل دەمژمێر 1:20 خولەک، فرۆکێن سۆپایێ تورکی ب دژواری گەلیێ بێشیلێ بوردۆمان کر و ڤێ جارێ ئەو جهێ بۆمبە لێداین، گەلەک نێزیکی مالان بوویە دیسان دەنگەکێ ب هێز ژ وان بۆمبەیان هاتیە و ترس ل دەف خەلکێ وان گوندان پەیدا کریە.
ئه‌ڤرۆ نیوز:
رێڤه‌به‌رێ كونترولا كاره‌با هه‌رێما كوردستانێ راگه‌هاند
كاركرنا یه‌كه‌یێن كاره‌بێ ب گازوائیلی مه‌زاختیێن وان رۆژانه 500 ملیۆن دینارن.
ئومێد ئه‌حمه‌د رێڤه‌به‌رێ كونترولا كاره‌با هه‌رێما كوردستانێ راگه‌هاند هنده‌ك یه‌كه‌یین كاره‌بێ نوكه ب ئه‌گه‌ری نه‌بوونا سوته‌مه‌نیی ئانكو یێن غازا سرۆشتی كار ناكه‌ن، ئه‌ڤه ژی په‌یوه‌ندی ب دانا غاز و وه‌زاره‌تا سامانێن سروشتی ڤه هه‌یه، ئیستگه‌هێن كاره‌با دهۆكێ غازا سرۆشیت بوو نه‌چویه ب ئه‌گه‌ری قه‌یرانا دارای و نیڤا یه‌كه‌یان ب گازوائیلێ كار دكه‌ن، د شه‌ڤ و رۆژه‌كێ دا 500 هزار لترێن گازوائیلێ د مه‌زێخن، مه‌زاختیێن وێ گازوائیلێ ژی دبیته 500 ملیۆن دینار ئه‌ڤه ژی زۆره.
رێڤه‌به‌رێ كونترولا كاره‌با هه‌رێما كوردستانێ ئه‌و چه‌نده ژی راگه‌هاند به‌رهه‌ڤكاری هاتینه‌كرن ل ده‌مێ بلند بوونا پله‌یێن گه‌رماتیێ زۆرترین كاره‌با بهێته دان و ده‌مژمێرین كاره‌بێ بهێنه زێده‌كرن.
ئه‌ڤرۆ نیوز:
رێڤه‌به‌راتیا گشتی یا خویكێ و خانوبه‌ریا میری سه‌ر ب وه‌زاره‌تا دارای و ئابووری یا حكومه‌تا هه‌رێما كوردستانێ بریاره‌كا نو ده‌ر خست.
رێڤه‌به‌راتیا گشتی یا خویك و خانوبه‌ریا میری نڤیساره‌ك به‌لاڤكریه و تێدا هاتیه كۆ ل سه‌ر ره‌زامه‌ندیا وه‌زیرێ دارایی و ئابووری یێ حكومه‌تا هه‌رێما كوردستانێ بریار دایه ب درێژكرنا ده‌مێ یاسایێ خویكده‌ران بۆ ماوه‌یێ سی هه‌یڤان ژ 1/7/2020 هه‌تا 30/9/2020.
د ئه‌وی نڤیسارا وه‌زاره‌تا داریی و ئابووری یا حكومه‌تێ دا هاتیه كۆ بریار خویكا ژێبرینا راسته‌وخو یا كارمه‌ندێن كه‌رێ تایبه‌ت بۆ بجهكرنا كارێ پێدڤی بخوڤه ناگریت.
نيشاندان