ئەڤرۆ نیوز:

مەسرور بارزانی سەرۆکێ حوکمەتا هەرێما کوردستانێ د پەیامەکێ دا هێرشا شەڤا بۆری یا تیرۆرستێن داعشێ ل سەر هەر دو گوندێن دارا و مێخاس یێن سەر ب باژێرێ خانەقینێ ب توندی شەرمزار کر و راگەهاند کو د ئەنجاما هێرشا تیرۆرستێن داعشێ دا چەندین وەلاتیێن کاکەیی شەهید و بریندار بووینە و دیار کر کو هەتا پێشمەرگە نە ڤەگەرنە ڤە وان دەڤەران دێ رەوشا نها یا ئالۆز هەر یا بەردەوام بیت.

سەرۆکێ حوکمەتا هەرێما کوردستانێ سەرەخوشی ل کەسوکارێن شەهیدان کر و هێڤی خواست کو بریندار ژی د زووترین دەم دا باش ببن و دوپات کر کو پێدڤیە د زووترین دەم دا هێزێن پێشمەرگێن کوردستانێ ڤەگەرنە ڤە وان دەڤەران دا ژیانا وەلاتیان بپارێزن.

ئەڤرۆ نیوز،عەلی حاجی :

بەرپرسێ پشکا ئاوارەیان ل قایممقامیا زاخۆ بۆ ئەڤرۆ نیوز دیار کر چوونا ئاوارەیێن ئێزدی دناڤ کەمپێن زاخۆ دا بەردەوامە و پشکەکا وان ب مەرەما نە ڤەگەریانێ قەستا جهێن خوە کرینە و پشکەکا دیتر ژی ڤەدگەرنەڤە.

زێدەتر خەلات ئوسمان : هەر ژ دەست پێکا دەواما فەرمی یا حکومەتێ پشتی جەژنا رەمەزانا پیرۆز رۆژانه‌ هەژمارەکا ئاوارەیێن دناڤ کەمپێن باژێرێ زاخۆ دا داخازا پێشکێشی قایممقامیا زاخۆ دکەن دا کو ڤەگەرنە جهێن خوە ڤە ل شنگال و دەوروبەرێن وێ،ئەو کەسێن داخاز دکەن ڤەگەرنە جهێ خوە ڤە پرانیا وان دەواما فەرمی ل دەڤەرێن خوە هەنە یان ژی ژ خێزانێن خوە دوورکەڤتینە لەورا نوکە دا داخازا چوونێ دکەن و پشکەکا دیتر ژی بۆ کارێ چاندنێ ڤەدگەرنە جهێن خوە و بەلێ پشکەک ژ وان ژی دووبارە دهێنە دناڤ کەمپان دا ڤە،ئەو کەسێن ڤەدگەرن ژی د بن رێکارێن ساخلەمیێ دا ڤەدگەرن و کەرەنتی دبن .

ناڤهاتی گۆت ژی : هەر ژ دەست پێکا دەوامێ هەتا نوکە ٧٥ خێزانان کەمپێن سەر ب باژێرێ زاخۆ ڤە جهـ هێلاینە و قەستا مالێن خوەکرینە و پرانیا وان ژی چووینە شنگال و دەورووبەرێن وێ .