ئەڤرۆ نیوز:
وەزارەتا ساخلەمیا عیراقێ راگەهاند: ل سەرانسەری وەلاتی هزار و شەش کەس تووشی ڤایرۆسێ کۆرۆنا یێ بوون،ئەڤە ئێکەمجارە ئەڤ ژمارە د رۆژەکێدا دهێتە تۆمار کرن، هەروەسا 14 تووشبوویان ژی گیانێ خوە ژ دەستداینە.
هەروەسا گۆتیە: نەهـ هزار و 642 پشکنین بۆ دەستنیشانکرنا وی ڤایرۆسی هاتینە کرن، هەتا نوکە 281 هزار و 901 پشکنین هاتینە کرن، رێژا هەرە مەزن یا تووشبوویان ل بەغدایە و ئەڤرۆ 528 کەس تووشبووینە.
ئەڤرۆ نیوز:
شەمسەدین حوسێنێ وەزیرێ بەرێ یێ ئابووریێ یێ ئیرانێ راگەهاند کو رەوشا ئابووری یا ئیرانێ گەلەک خرابە و پەرلەمانێ ئیرانێ ژی خوەدان چو رۆلەک سەرەکی نینە و نەشیایە ببیتە جهەک بۆ چارەسەرکرنا ئاریشێن وەلاتیان.
ناڤهاتی هۆشداری ژی دا حوکمەتێ کو هەکە بلەز چارەسەریەکا گونجای بۆ باشترکرنا ژیانا وەلاتیان نەهێتە دیتن دێ جارەکا دی رەوشا ناڤخوەیی یا ئیرانێ ئالۆز بیت و گۆت: (داهاتێ تاکی ل ئیرانێ گەلەک هاتیە خوارێ، د ماوەیێ ٧ سالێن بۆری دا داهاتێ تاکی ل ئیرانێ ٤٠% کێم بوویە و ب هزاران گەنج بێکار ماینە و ئەو یەک ژی دشێت مەترسیەکا مەزن دروست بکەت).
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ب گشتی ل هەرێما کوردستانێ هزار و ٧٣٨ پشکنینێن کۆرۆنایێ هاتینە کرن.
وەزارەتا ساخلەمیێ هەروەسا دیار دکەت کو د ماوەیێ ٢٤ دەمژمێرێن بۆری دا ١٠٥ کەس ل هەرێما کوردستانێ تووشی ڤایرۆسێ کۆرۆنایێ بوووینە و هەروەسا ٢ کەسان ژی ب کۆرۆنایێ جانێ خوە ژ دەست داینە.
ئەڤرۆ نیوز:
بەرپرسەکێ وەزارەتا ساخلەمیێ یا فرەنسا راگەهاند کو وەلاتێ وان شیایە ڤایرۆسێ کۆرۆنایێ کۆنترۆل بکەن و نها رێژا تووشبوونێ ل هەموو فرەنسا رۆژ ب رۆژێ کێمتر دبیت.
هەمان بەرپرسی دیار کریە کو نها رۆژانە کێمتر ژ هزار کەسان تووشی کۆرۆنایێ دبن و دوهی تنێ ٤٤ کەسان جانێ خوە ژ دەست داینە و ژ بەر هندێ ژی حوکمەت رۆژ ب رۆژێ پتر ئاسانکاریان بۆ وەلاتیان دکەت.
فرەنسا ئێکە ژ وەلاتێن ئورۆپا کو هەتا نها ٢٩ هزار کەسان ب ڤایرۆسێ کۆرۆنایێ جانێ خوە ژ دەست داینە و ١٥١ هزار کەس ژی تووشی کۆرۆنایێ بووینە.
ئەڤرۆ نیوز:
د. کیانوش جیهانپور پەیڤدارێ وەزارەتا ساخلەمیێ یا ئیرانێ راگەهاند کو د ماوەیێ ٢٤ دەمژمێرێن بۆری دا ل ئیرانێ ٦٣ کەسێن دی جانێ خوە ژ دەست داینە و ب گشتی هەتا نها ٨ هزار و ١٣٤ کەسان ب کۆرۆنایێ جانێ خوە ژ دەست داینە.
ناڤهاتی ئەو یەک ژی دیار کر کو ب گشتی هەتا نها ل ئیرانێ ١٦٧ هزار و ١٥٦ کەس تووشی کۆرۆنایێ بووینە.
ئه‌ڤرۆ نیوز:
ئه‌ڤرۆ 5/6/2020 وه‌زاره‌تا ساخله‌میا حكومه‌تا هه‌رێما كوردستانێ به‌لاڤكریه دو وه‌لاتیێن هه‌لگرێن ڤایرۆسێ كورنایێ ل باژێرێ سلێمانێ گیانێ خۆ ژ ده‌ست دان.
د راگه‌هاندنه‌كێ دا وه‌زاره‌تا ساخله‌میا حكومه‌تا هه‌رێما كوردستانێ به‌لاڤكریه و تێدا هاتیه ئه‌و دو توشبوویێن زه‌لام ژیێن وان 64 و 56 سال بوون و ئاكنجیێن باژێرێ سلیمانیێ نه و پشتی ڤه‌مانا وان ل نه‌خوشخانه‌یی ل سه‌ر ئامێرێ هه‌ناسه‌دانا ده‌ستكرد پشكا چاڤدێریا چر گیانێن خۆ ژ ده‌ست داینه.
د راگه‌هاندنا وه‌زاره‌تا ساخله‌مێ دا هاتیه دیاركرن دو توشبوویێن ڤایرۆسێ كورونایێ كوڤید 19 زه‌لامن كر ژیێ وان 64 و 56 سال بوون و ئاكنجیێن باژێرێ سلێمانیێ،
پشتی ڤه‌مانا وان ل نه‌خوشخانه‌یی ل سه‌ر ئامێرێ هه‌ناسه‌دانا ده‌ستكرد پشكا چاڤدێریا چر گیانێن خۆ ژ ده‌ست داینه.
وه‌زاره‌تا ساخله‌میێ دا دیاركرن كۆ زێده‌باری سه‌رخوشیێ ل كه‌س و كارێن وان دكه‌ین و هیڤی دارین وه‌لاتی پێگیر و رێنمایێن ساخله‌میێ بن.
ئەڤرۆ نیوز،عەلی حاجی :
ئەندامەکێ لژنا دووفچوونا بازاری ل زاخۆ بۆ ئەڤرۆ نیوز دیار کر ب مەرەما چاڤدێریکرنا بازاری ل زاخۆ وان لژنەیا خوە کری یە ١٠ بازنە و هژمارەکا دیتر یا رێڤەبەریێن دیتر دناڤ لژنا خوە دا زێدە کرینە.
زێدەتر وەلات هەجەر گۆت : ب مەرەما جێبەجێکرنا رەوشا بازاری ل زاخۆ و دەوربەرا نوکە دا لژنەیا وان بەرفرەهتر بوویە و ئێکەم جار لژنەیا وان هەژمارەکا رێڤەبەریێن دیتر بوینە ئەندام وەکو ( قایمقامی و ئاسایش و پولیس و باژێرڤانی و ئەوقاف وچاڤدێریا بازرگانی و کونترولا جوری و گەشت و گوزار کار و راهێنان پیشەیی و رەوشەنبیری و سەندیکا کرێکاران و ڤەگوهاستنێ ) و دگەل زێدەبونا ئەندامێن لژنامە د نوکە دا مە لژنەیا خوە کری یە ١٠ بازنە و ب سەر باژێرێ زاخۆ و ناحیێن سەر ب وێ ڤە بەلاڤ کرینە دا کو بشێن کونترولەکا باش ل سەر بازاری بکەین ب مەرەما جێبەجێ کرنا رێکارێن حکومەتێ هەرێما کوردستانێ ل دور خوە پاراستن ژ ڤایروسێ کورونایێ .
ناڤهاتی خویا کر ژی ” د سەرەدانا مە یا دوهی دا ل رۆژا پێنچ شەمبێ ٤/٦/٢٠٢٠ بۆ ناڤ سەنتەرێ باژێرێ زاخۆ و ناحیێن وێ ڤە مە سەرەدانا ٤٩٨ جهان کر بوو ژ وان ژی ٢١ جهـ کو پرانیا مارکێت و نانپێژی بون بۆ ماوەیێ نێزیکی حەفتیەکێ هەتا نێزیکی هەیڤەکێ هاتنە دائێخستن و هوشداری ژی ب ١٠١ جهان هاتە دان و ئەڤرۆ ل روژا ئەینیێ ژی دێ لژنەیا مە بەردەوام بیت ل سەر دیفچوونا بازاری دا کو رێنمایێن حکومەتێ ب هێنە جێبەجێ کرن.
ئه‌ڤرۆ
رێڤەبەرێ نەخۆشخانا شەهید تاهیر عەلی والی بەگ راگەهاند، تووشبوویەكێ دی یێ کۆرۆنا كۆ زه‌لامه و ژیێ وی 64 ساڵە پشتی ڤه‌مانا وی ل نه‌خوشخانه‌یێ بۆ ده‌مێ سێ رۆژان گیانێ خۆ ژ ده‌ست دا.
ئازاد هەورامی، ڕێڤه‌بەرێ نەخۆشخانەیا شەهید تاهیر عەلی والی بەگ راگەهاند تووشبوویی ب پرانی نیشانێن ڤایرۆسێ كورونایی هه‌بوو، چه‌ند نه‌خوشیێن دی ژی هه‌بوون ب تایبه‌تی نه‌خوشیا هه‌ناسه‌یێ و ئاریشا سیهان هه‌بوو.
ئه‌ڤرۆ نیوز:
وه‌زاره‌تا كاره‌با حكومه‌تا هه‌رێما كوردستانێ بریار دا هه‌ر پشكداره‌كێ ژ 15/6/2020 قه‌رێن حكومه‌تێ بده‌ت ئه‌ڤه 15% لێ خوشبون بۆ هێته‌كرن.
د راگه‌هاندنه‌كێ دا وه‌زاره‌تا كاره‌با هه‌رێما كوردستانێ به‌لاڤكریه و تێدا هاتیه كۆ ل جڤینا 3/6/2020 یا جڤاتا وه‌زیران یا حكومه‌تا هه‌رێما كوردستانێ، هه‌موو پشكدارێن كاره‌بێ یا مالان و پیشه‌سازی و بازرگانی و چاندنێ ئاگه‌هدار دكه‌ین كۆ ژ رۆژا 15/6/2020 قه‌رێن كاره‌بێ بده‌ن دێ 15% لێخوشبوون بو ئێته‌كرن.
وه‌زاره‌تا كاره‌بێ ئه‌و چه‌نده ژی دیاركر د راگه‌هاندنێ دا، هه‌موو پشكداریێن كاره‌بێ دشێن مفایی ژ ئه‌ڤێ ده‌لیڤه‌یێ وه‌ربگرن ژ 6/6/2020 سه‌ره‌دانا ریڤه‌به‌راتی و فه‌رمانگه‌هێن كاره‌بێ بكه‌ن و قه‌رێن خۆ بده‌ن.
ئەڤرۆ نیوز:
وەزارەتا ساخلەمیێ 77 تووشبوویێن دی یێن کۆرۆنا یێ ل پارێزگەها سلێمانیێ راگەهاندن، سەرجەمێ گشتی یێ تووشبوویێن کۆرۆنا یێ ل هەرێما کوردستانێ گەهشتە هزار و 15 تووشبوویان.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، 77 تووشبوویێن دی یێن ڤایرۆسێ کۆرۆنا یێ ل پارێزگەها سلێمانیێ هاتنە دەست نیشانکرن، کو 40 زەلام و 25 ژن و 3 کچێن گەنج و 3 کورێن گەنج و 6 زارۆکن.
وەزارەتا ساخلەمیێ دیار کریە ژی: کو 21 تووشبوویی بەرکەفتیێن تووشبوویێن بەرێنە و 56 تووشبوویێن دیتر نیشانێن وێ نەحۆشیێ هەنە.
نيشاندان