فوتو ستووری ، نەوزاد ھلوری:
ھاڤینگەھا ئاڤا مارک ل دەڤەرا رێکان یا سەر ب ناحیا شێلادزێ ل دەڤەرا ئامێدیێ ئێکە ژ ھاڤینگەھێن ھەری خوش و دلڤەکەر ل پارێزگەھا دھۆکێ کو روژانە زێدەتری ھەشت ھزار کەس سەرەدانێ بو دکەن و نێزیکێ 30% ژ گەشتیار و مێڤانێن وێ ل باشوورێ عیراقێ دھێن و ئەڤێن دن ژی ل پارێزگەھێن دن یێن ھەرێما کوردستانێ و دەڤەرێ دھێن.
ئەڤرۆ نیوز ، ھلۆری:
دەمەک بەریا نھا کۆمبوونا کومیتەیا گشتیی یا ریفراندومێ ب سەروکاتیا مەسعود بارزانی سەرۆکێ ھەرێما کوردستانێ داوی ھات و نونەرەکێ ئەوێ کومێتەیێ ژی ددەتن دیارکرن کو بریار ھاتەدان چەند شاندەک بو وەلاتێن جیران و جیھانێ بھێنە رەوانەکرن.
ئەڤرۆ رۆژا شەمبی ل پیرمام کومبوونا کومیتەیا گشتی یا ریفراندۆمێ ب سەروکاتیا بارزانی داوی ھات و ل بارا ئەنجامێن کومبوونێ رۆژ نوری شاویس نونەرێ پارتی دیموکراتی کوردستان دیارکر کو چەند شاندەک بو وەلاتێن دەرڤەیێن ھەرێما کوردستانێ بھێنە رەوانەکرن و گۆت: ( دوو کومیتە ھاتینە پێکئینان کو ئەو ژی دێ ل گەل بەغدا و ئیران و تورکیا کومبیت و ئێک ژی دێ سەرەدانا گۆران و کومەلێ کەت ، و چەند شاندەک ژی دێ بو وەلاتێن ئەمریکا و ئەوروپا ھێنە رەوانەکرن)
زێدەتر گۆت: ( حکومەتا ھەرێما کوردستانێ ھاتە راسپاردن ل بارا ئەنجامدان و دانانا سندوقێن دەنگدانێ ل دەڤەریێن ڤەقەتیایێن ھەرێما کوردستانێ)
وەسا بریارە کو لرۆژا ٢٥ ئیلونا داھاتی ریفراندوم بو سەربخویا کوردستانێ ل ھەرێما کوردستانێ و دەڤەرێن ڤەقەتیایی بھێتە ئەنجامدان.
ئەڤرۆ نیوز ، نەوزاد ھلۆری:
ل ھەموو جھان تنێ باجانێن رەش ھاتینە چاندن و دیتن ، بەلێ وەلاتیەکێ قەزا ئاکرێ باجانێن سپی ژی چاندن ، و ددەتن دیارکرن کو ئەوی توفکێ ئەڤان جورێن باجان سپیان ژ دەرڤەیێ کوردستانێ پەیداکرینە.
دڤی واریدا ” ھوشەمند ئاکرەی ” ئەو وەلاتیە کو باجانێن سپی چاندین بۆ ئەڤرۆ نیوز گۆت: ( ئەڤ جورێن باجانان ھەر وەکو باجانێن رەش تامەکا خوش ھەیە و وەکو وانن دتامێ دا، بەلێ رەنگ و شێوەیێ باجانێن سپی جوانترن ژ یێن رەش ئەڤە زێدەباری کو دیمەنەکێ جوان ل بەلگ و قورمێ دارا وێ ژی ھەیە)
زێدەتر گۆت: ( من تنێ چەند دانەیەک ل مال بو جوانیێ چاندینە و من ھزر ژی نینە کو بکەم پرۆژەیەکێ چاندنێ بەلێ ئەگەر مرۆڤ بکەتن پرۆژە رەنگە سەرکەفتنەکا باش ژی دەستخوڤە بینیت ، و من توفکێ ئەڤی جورێ باجانان ل دەرڤەیی َوەلاتی ئینایە و باوەرنامەم ل چ جھێن دن یێن کوردستانێ ئەڤ جورێ باجانان ھەبیت )
ل گورەی ئاخفتنێن ھوشمەندی ئەڤ جورێ باجانان گەلەک مەزن نابیت و زێدەتر بو ناڤ باخچەیێن مالێ وەکو جوانی دھێنە بکارئینان)
ئەڤرۆ نیۆز،زنار تۆڤی:
هێزێن پۆلیسێن فیدرالی ب رەنگەکێ بەردەوام کارێ لێگەریان و پاقژکرنێ ل دەڤەرێن باژێرێ کەڤن یێ مۆسلێ دکەن،ژ پێخەمەت کۆنترۆلێ ل سەر وان تیرۆرستێن داعش بکەن،یێن کو خوە دناڤا تۆنێلا دا ڤەشارتین،ئەڤ سەرکەفتنە ڤە دگەریت بۆ هێزێن پۆلیسێن فیدرالی ل فرقەیا 3.5.6 و هەروەسا فرقەیا ئالیاتێن سەربازی و فرۆکێن بێ فرۆکەڤان و تۆپخانەیان.
فەرماندێ پۆلیسێن فیدرالی هەروەسا گۆتیە،نوکە رووبەرەکێ کێم مایە د دەستین داعشێ دا و ل دەمەکێ نێزیک دێ مزگینیا رزگارکرنا مۆسلێ بۆ خەلکێ راگەهینین ل سەر دەستێ هێزێن پۆلیسێن فیدرالی یێن عێراقی،دیارکریە ژی:زیانێن داعشێ د ماوێ 24 دەمژمێرێن بوری دا ب ڤی رەنگینە کو 74 تیرۆرستێن داعش هاتینە کوشتن و هەروەسا هێزێن پۆلیسان چەندین جۆرێن چەکی ژی گرتینە.
ئەڤرۆ نیۆز،زنار تۆڤی:
مارکۆ ڤیراتی یاریزانێ یانەیا پاریس سانجێرمان یا فرنسی مانەیا خوە ل یانا پاریسی راگەهاندیە و داخوازا لێبورینێ ژ یانا بەرشەلۆنا کریە.
رۆژناما مارکا یا ئیسپانی بەلاڤکریە،کو یاریزانێ ئیتالی د دیدارەکێدا بۆ چەندین رۆژنامەڤانێن فرەنسی گۆتیە،کو من دڤێت بۆ هەوە بێژم،هەموو ئەو نووچەیێن سەبارەت ب چوونا من بۆ بەرشەلۆنا هاتینە گۆتن دوورن ژ راستیێ،هەروەسا ئەو گۆتنێن رەڤەبەرێ کارێن من ژی گۆتین چ راستی ژبۆ نینە.
مارکۆ گۆتیە ژی،ئەز زۆر یێ دلخۆشم ل پاریس سانجێرمان زۆر یێ کەیف خۆشم بۆ دەستپێکرنا یارییان،هەروەسا من دڤێت داخوازا لێبورینێ ژ ناسر خلێفی سەرۆکێ یانەیا خوە و هەموو یاریزان و هاندەرێن پاریس سانجێرمانێ بکەم سەبارەت ب گۆتنێن رێڤەبەرێ کارێن من.
ل دووڤ ئاخفتنێن ڤیراتی،کو وی ب خوە بەلاڤکرینە،کو ئەو چ جاراج ناچیتە یانا بەرشەلۆنا یا ئیسپانی.
ئەڤرۆ نیۆز،زنار تۆڤی:
بەرپرسەکێ پارتی دیموکراتی کوردستان رادگەهینیت،کو سەرۆکێ هەرێما کوردستانێ پشتگیریا خوە بۆ سەرۆکێ ئەنجومەنێ پارێزگەها کەرکووکێ ب وەکالەت راگەهاندیە.
د. محەمەد خورشید بەرپرسێ لقا 3 یا پارتی ل کەرکووکێ،بۆ مالپەرێ فەرمی یێ پارتا خوە راگەهاندیە،کو ل دەستپێکا بلندکرنا ئالایێ کوردستانێ ب فەرمی ل کەرکووکێ،پارتی پشتەڤانیا خوە بۆ بلندکرنا ئالایێ کوردستانێ ل کەرکووکێ نیشاندایە.
محەمەد خورشید هەروەسا دبێژیت:پشتی هەولدان بۆ دادگەهکرنا رێبوار تالەبانی، سەرۆکێ ئەنجومەنێ پارێزگەها کەرکووکێ ب وەکالەت هاتیەدان، مەسعود بارزانی سەرۆکێ هەرێما کوردستانێ ب رێیا هێمن هەورامی، بەرپرسێ کاروبارێن سیاسی و پەیوەندیێن گشتی یێن مەکتەبا بارزانی، پەیوەندیی ب رێبوار تالەبانی کریە و ”پشتگیریا خوە بۆ کەیسا وی دوپات کریە.
بەرپرسێ لقا 3 یا پارتی ئاماژە ب هندێ ژی کریە،کو لقا 5 یا پارتی ل بەغدا، ل سەر بریارا سەرۆک بارزانی، پارێزەر بۆ کەیسا رێبوار تالەبانی دابین کرینە“، چونکی پارتی و سەرۆکێ هەرێما کوردستانێ دۆسیا تالەبانی ب ”دۆسیا خوە“ دزانن.
هەروەسا بریاربوو ل رۆژا دوشەمبی 3.7.2017، رێبوار تالەبانی، سەرۆکێ ئەنجومەنێ پارێزگەها کەرکووکێ ب وەکالەت ب ئەگەرێ بریارا بلندکرنا ئالایێ کوردستانێ ل کەرکووکێ،ل بەغدا بهێتە دادگەهکرن،بەلێ ئەڤ دادگەهە هاتە پاشخستن بۆ رۆژا 24.7.2017 .
ئەڤرۆ نیۆز،زنار تۆڤی:
ئاڤاهیێ كۆنسولخانا ئه‌مریكا ل باژێرێ هه‌ولێرێ دێ هێتە مەزنکرن و وه‌زاره‌تا ده‌رڤە یا وی وەلاتی روونكرنه‌‌ك ل سه‌ر بەرفرەهکرنا كۆنسولخانا خوە ل هه‌ولێرێ د‌دەت”.
وه‌زاره‌تا ده‌رڤە یا ئه‌مریكا د راگەهاندنەکێدا دبێژیت:”وەزارەتا دەرڤە بەلێندەراتیا دروستکرنا ئاڤاهیێ نوو یا کۆنسولخانەیا گشتی یا ئەمریکا ل هەولێرێ دایە کۆمپانیا “بی ئێل هاربەرت ئینتەرناشنال” ،هەروەسا ئەندازیاریا بیناسازیا ڤی پرۆژەی ژی دێ “ئی وای پی” یا نیویۆرک بیت،هه‌روه‌سا ئاماژێ ب هندێ ژی دکەت،کو ئەڤ کۆنسولخانە دێ ژ چەندین پشکان پێکهێت،ژ وان ژی بالەخانەیا ئەرکێن دبلۆماسی،جهێ مانا هێزێن مارینز،جهێ مانا دبلۆماتکاران و پێدڤیێن وان.
ئەمریکا ل سالا 2011 دا کۆنسولخانەیا خوە یا گشتی ل هەولێرا پایتەختێ هەرێما کوردستانێ ڤەکریە.
ئەڤرۆ نیۆز،زنار تۆڤی:
شارەزایەکێ وارێ ئابووری ل پشکا Bank of America Merrill Lynch، د گۆتارەکێدا، ئاماژه ب هندێ دایە کو دوماهیا سه‌رده‌مێ هه‌ژموونا دۆلارێ نێزیکبوویە.
ئه‌و شاره‌زایه دبێژیت:هەگە ژ روویێ مێژوویی ڤە سه‌یری ڤی بابەتی بكه‌ین، دێ بینین لینێ ئیسته‌رلینی، پێشتر دراڤێ سه‌ره‌كی یێ جیهانێ بوو،بەلێ نوکە ڤەگەریایە بۆ پاش و ئه‌و رۆلە ژ ده‌ستدایه،ب دلنیایی ڤە هه‌مان تشت دێ به سه‌ر دۆلارێ ئه‌مریکی ژی دا هێت.
ل دووڤ پێشبینیێن ڤی شاره‌زایی،ئه‌ڤ چەندە دێ هنگێ رووده‌ت، دەمێ پشکێن ئه‌مه‌ریكا،ل بازارێن جیهانی دا کێم دبیت.
هه‌روه‌سا گۆتیە:ئەرێ ئه‌ڤە دێ بیتەكاره‌سات؟،لێ مه‌رج نینه و پێدڤی ژی نینه، به‌لێ دەمەک دێ هێت ئه‌ڤ چەندە دێ روودەت.
وی شارەزایێ ئابووری ئاماژه ب هندێ ژی کریە،کو قه‌رزێن ده‌ولەتان ل ئه‌مه‌ریكا ئێکجار د زۆرن و كو دگەهنە نێزیکی 16-18 تریلیۆن دۆلاران،بەلێ هەکە ب ڤی پیڤەری بیت، قه‌رێن وەلاتێن دیكتر،گەلەک ژ ڤێ رێژێ بلندترن.
هه‌روه‌سا دبێژیت: قه‌رێن ده‌وله‌تا ل ژاپۆنێ،ب بهایێ رێژه‌یی، دو جارا هندی یێن ئه‌مریكانه،بەلێ ئه‌و هه‌ژموونا دۆلاری هه‌یی، دراڤێ “یه‌ن” ی نینە.
ئەڤرۆ نیوز ، ھلوری:
دەمەک بەریا نھا لسەر پرا نوێ یا ھەولێر بو موسل ل سنوورێ قەزا خەبات رویدانەکا ترافیکێ دناڤبەرا دوو ترومبێلێن بارھەگر روویدا و و گیان ب سلامەتن.
ل گورەی زانیاریێن ئەڤرۆ نیوز دەمەک بەریا نھا لسەر پرا ( ھەولێر – موسل ) ل سنوورێ قەزا خەبات یا سەر ب پارێزگەھا ھەولێر روویدانەکا ترافیکێ دناڤبەرا دوو ترومبێلێن بارھەلگر روویدا و ھەردوو ترومبێل ژی ب تەمامی ھاتنە سوتن.
ھەر ل گورەی زانیاریێن ئەڤرۆ نیوز شوفێرێن وان خەلکێ تورکیانە و ھەردوو ز مرنێ رزگاربوون و ئاگرێ ئەوان ترومبێلان ژی ژلایێ بنگەھێن بەرەڤانیا باژێری ل کەورگوسک و کەلەک و خەبات ھاتنە کونترولکرن.
ئەڤرۆ نیوز ، ھلوری:
ھێزێن ئەمن و ئاسایشا قەزا ئاکرێ شیان ب زوترین دەم ئاریشەیا دناڤبەرا ھەردوو خێزانێن ھەرکی و زێباری ل سنوورێ قەزا ئاکرێ ب راوەستینیت ، ل گورەی زانیاریێن ئەڤرۆ نیوز سوبەھی سپێدێ پشتی کومبونەکێ دناڤبەرا ھەردوو عەشیرەتێن ھەرکی و زێباری دێ تەرمێن کوشتیێن روودانێ ھێنە ڤەشارتن و ئەڤرۆ نیوز ژی ڤیدیویا خولەکا ئێکێ یا شەرێ دناڤبەرا ھەردوو خێزانان بەلاڤ دکەت.
پێشتر بێدار لەزگین عەبدولقەھار زێباری ئێک ژ ئاغا و کەساتیێن عەشیرەتا زێباری لسەر روودانێ بو ئەڤرۆ نیوز دیارکر بوو کو ئەڤرۆ ئێڤاری ل گوندێ بناڤ “باژێرەیی” ل سنووری ناحیا گردەسێن یا سەر ب قەزا ئاکرێ شەرەک دناڤبەرا دوو خێزانێن ھەرکی و زێباری روویدا و د ئەنجام دا کوشتی و بریندار ل ھەردوو لایان دروستبوون ، کو ئەو ژی کەسەک ل خێزانا زێباری و دوو کەس ژی ل خێزانا ھەرکی ھاتینە کوشتن ، و بریندار ژی ل ھەردوو لایان ھەنە کو بو نەخوشخانەیێن ئاکرێ ھاینە رەوانەکرن)
زێدەتر گۆت:( ئەڤ شەرە شەرەکێ خێزانی بوویە لسەر جوکەکا ئاڤێ و چوو پەیوەندی ب عەشیرەتگەریێ ڤە نینە و ئەم وەکو کەساتی و ئاغایێن زێباری لسەر خەتین ل گەل ھێزێن ئەمنی بو ئاسایکرنا پەیوەندیێن دناڤبەرا ھەردوو خێزانان داکو چوو حالەتێن مەزنتر روونەدەن ، و ئەم یێ پەیوەندیێ ب ھەردوو عەشیرەتان ژی دکەین کو بابەتی نەکەن عەشیرەتگەری و ھەردوولا بزاڤێ بکەن بو ئاسایکرنا پەیوەندیان )
ل بارا ئەگەرا سەرەکی یا روودانێ بو ئەڤرۆ نیوز گۆت: ( ئەڤ روودانە بو سالێن ١٩٨٠ دزڤریت کو دوو خێزانێن زێباری و ھەرکی پێکڤە ل گوندەکێ دژین و ئاریشە چەندین جاران روویدایە بەلێ ئەڤ جارە کوشتن و برینداربوون درۆست بوویە و موختارێن ھەردوو لایان ژی ھاتینە کوشتن)
نيشاندان