NO IORG
Twitter

ئەڤرۆ نیۆز،زنار تۆڤی:

کەسێن شارەزا و تایبەتمەند ددەنە دیارکرن کو ل وەرزێ هاڤینێ و دەمێ گەرماتیێ دا بەری تۆ ترۆمبێلا خوە بدەیە شولی قەپاغێ بەنزینێ ڤەکە دا ئەو بەشێ بەنزینا بوویە غاز تێدا دەرکەڤیت،بەلێ هشیاربە قەپاغی ب لەز ڤەنەکە،بەلکو هێدی هێدی قەپاغی ڤەکە.

هەروەسا چ جاران ل هاڤینێ تانکێ بەنزینێ فوول نەکە بلا هەموو دەما مەجالەک بمینیت ژبەر پەستانا غازا دناڤ پانزینێدا ئەوا ژئەگەرێ گەرمێ پەیدا دبیت،نەکو تانک ب پەقیت و ئاگر بەربیته ترۆمبێلێ.
چ جاران وێ بەنزینا کوالێتیا وێ یا نەباش بیت،نەکە ترۆمبێلا خوە.

هەروەسا ئەڤان کەلوپەلان نەهێلە دناڤ ترۆمبێلا خوە دا،چونکی ئەڤە ب مەترسینە و دبنە هوکار کو ئاگر بەر ببیتە ترۆمبێلێ،چ جاران بۆتلێ غازێ نەکە د ترۆمبێلێ دا ، هەکە یێ ڤالەژی بیت،هەروەسا ماکینێ”چەقماقێ “ژی.

هەروەسا موعەتەر و سپرێت پاقژکرنا دەشبول و ویلێن ترۆمبێلێ ژی نەهێلا تێدا،دیسا دەبوویێن بەنزینێ و نەفتێ ژی،چونکی زۆر جاران ژ ئەگەرێ گەرمێ روودانێن ئاگر بەربوونێ ژێ پەیدابووینە،هەروەسا ریحە و گۆلاڤ و سپڕەیان ژی نە هێلا تێدا.
ژبەرکو نوکە وەرزێ هاڤینێ یە و دونیا ژی زۆر یا گەرمە و ژ بۆ سلامەتیا گیانێ خوە و یێ وەلاتیان ژی دڤێت مرۆڤ زۆر یێ هشیار بیت.

427

ئه‌ڤرۆ نیۆز،زنار تۆڤى:

ئه‌كته‌را گه‌نج یا باكۆرێ كوردستانێ و خۆجها باژێرێ ئامه‌دێ ئایمیلا كوركان د هه‌ڤپه‌یڤینه‌كێ دا بۆ ئه‌ڤرۆ نیۆز دیاركر:كو به‌رى دو سالان وێ ده‌ست ب كارێ شانۆیێ كریه‌ و ل دووڤ دا وێ دناڤ دراما كوردى دا ل باكۆر كاركریه‌ و نوكه‌ ژى ئه‌و به‌رده‌وام كارێن درامایێ ئه‌نجام دده‌ت،ل ده‌ستپێكێ وێ دناڤ دراما كوردى یا ب ناڤێ”جیران جیران”دا كاركریه‌،كو ل دووڤ گۆتنا وێ ل سه‌رانسه‌رى باكۆرێ كوردستانێ ڤێ دراما كوردى ناڤوده‌نگێ خوه‌ هه‌بوو یه‌ و خه‌لكێ گه‌له‌ك حه‌ز ژ ڤێ درامایێ كریه‌ و گۆت ژى:من پشكدارى د دراما سه‌برا مالان ژى دا كریه‌،ئه‌م شیاینه‌ دڤێ درامایێ دا ب شێوه‌یه‌كێ كۆمێدى چه‌ندین ئاریشێن جڤاكى و خێزانى یێن كوردان بۆ خه‌لكێ خوه‌ ب ده‌ینه‌ به‌رچاڤ كرن،هه‌روه‌سا نوكه‌ دراما بوویه‌ ئێك ژ نێزیكترین هه‌ڤالێن ژیانا من و ئێدى ئه‌ز و هونه‌رێ درامایێ ناهێنه‌ ژێك جوداكرن.

ئایمیلا زێده‌تر دبێژیت:هه‌تاكو نوكه‌ من هزر نه‌كریه‌ كو ئه‌ز پشكداریێ د فلمێن سینه‌مایى دا بكه‌م و نوكه‌ بتنێ هزرا من ل سه‌ر دراما كوردیه‌ و هه‌روه‌سا من پشكدارى د دراما توركى ژى دا نه‌كریه‌ و هێشتا من هزر ل ڤى بابه‌تى ژى نه‌كریه‌ كو پشكداریێ تێدا بكه‌م یان نه‌،هه‌روه‌سا ئه‌ز ب رێیا درامایێ هاتیمه‌ نیاسین و هندى ب شێم دێ خزمه‌تا هونه‌رێ كوردى كه‌م.

205

ئەڤرۆ نیۆز،زنار تۆڤی:

ل سالا 2009 یاریکەرێ پورتۆگالی کریستیانۆ رۆنالدۆی پەیوەندی ب یانا ریال مەدرید یا ئیسپانی کریە،کو بەری هنگێ یاری بۆ یانا مانچستەر یۆنایتد یا ئنگلیزی کریە.
هەر ژ دەمێ هاتنا رۆنالدۆی هەتاکو نوکە ئەڤ دەستکەفتە ل گە یانا ریال مەدرید ب دەستڤە ئیناینە.

رۆنالدۆی 394 یاری ل گەل یانا شاهانە ئەنجامداینە و هەروەسا 406 گۆل ژی بۆ تۆمارکرینە،دیسا 111 ئەسیست ئەنجامدانە،رۆنالدۆی ل گەل ریال مەدرید 42 هاتریک تۆمارکرینە،هەروەسا 3 باڵۆن دۆر ژی برینە و 3 جاران ژی چامپیۆنزلیگ ب دەستڤە ئینایە.

103

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقی رائید شاکر جەودەت دایە دیارکرن:کو ل رۆژا ئەینی 7.7.2017 هێزێن پۆلیسێن فیدرالی ب بەردەوامی پشکنینین و پاقژکرنا وان دەڤەرێن مایی ل باژێرێ کەڤن دکەن،داکو کونترۆلێ ل سەر وان تیرۆرستێن داعش بکەن یێن کو خوە دناڤا تۆنێل و جهێن تەنگ را ڤەشارتین،ئەڤ چەندە هاتیە پێش ژلایێ هێزێن فرقەیا 3 و فرقەیا 5 و 6 و هەروەسا فرقەیا ئالیاتان و فرقەیا بەرپەرچدانەیا ب لەز و فرۆکێن بێ فرۆکەڤان و تۆپخانەیان و هەروەسا مە گەلەک زیان گەهاندینە داعشان.

فەرماندێ پۆلیسێن فیدرالی ئەو ژی گۆتیە:د ڤ کارێ لێگەریان و پشکنینێ دا مە 83 تیرۆرستێن داعش کوشتینە و هەروەسا مە 2 داعش ژی گرتینە،هێزێن پۆلیسان تۆنێلەکا داعشێ گرتیە،دەست ب سەر کارگەهەکا چێکرنا تی ئێن تی یان ژی گرتیە،هەروەسا مە چەندین چەکێن داعشێ ژی پیچکرینە،دیسا هێزێن پۆلیسان 30 خێزان ل مۆسلێ رزگارکرینە.

ئه‌ڤرۆ نيوز:

پشتى بلندبوونا پلێن گه‌رمێ، ئێك ژ ئاوارێن مووسل د كه‌مپه‌كێ دا ب ڤى ره‌نگى  بزاڤێ دكه‌ت زارۆيێن خوه‌، ژ پلێن گه‌رمێ رزگار بكه‌ت هه‌تا كو ژ مرنێ قورتال ببيت، پشتى ئه‌ڤ ديمه‌نه‌ هاتينه‌ ديتن ژ ئاليێ بێژه‌را عيراقى كو ل كه‌نالێ عه‌ره‌بيه‌ و ئێم بى سى و چه‌ندين كه‌نالێن دى كاركريه‌، سوهه‌ير ئه‌لقه‌يسيى، داخواز كريه‌ چ كه‌سێ پێزانين ل سه‌ر ڤێ خێزانا ئاواره‌ هه‌بن، پێزانينان بده‌تێ دا كو ب زووترين ده‌م ئه‌و خوه‌ بگه‌هينتێ و هاريكاريا وان بكه‌ت.

464

ئه‌ڤرۆ نيوز:

ئه‌ڤرۆ ل  زانکویا یوزنجو یڵ ل باژێڕێ وانێ ، گەنگەشا ماستەرناما ( بێكه‌س نورى عه‌بدال ) لسەر مژارا (ئەرکێ دەنگ و موزیک و ئفەکتان دناڤ فلمێن سینەمایی دا) هاته‌ كرن و شيا ب پلا زورباش  ماستەرێ د موزيكێ دا ب ده‌ستڤه‌ بينيت.

( بێكه‌س نورى عه‌بدال ) پەیمانگەها هونەرێن جوان، بەشێ موزیکێ ب دووماهيى ئينايه‌، هه‌روه‌سا دەرچوویێ کولیژا هونەرێن جوانه‌ بەشێ موزیک ل زانکویا سەڵاحەددین، ل 2013 ماموستایێ وانەبێژ بووبه‌ ل پەیمانگەها هونەرێن جوان بەشێ موزیکێ دهوک .

oo

1740

ئەڤرۆ نیۆز،زنار تۆڤی:

ئه‌ڤرۆ پێنجشەمبێ 6.7.2017 رێزبه‌ندیا 15 باژێرێن گه‌رمێن جیهانێ هاتینە بەلاڤەکرن،کو دناڤ وان دا‌ باژێرەکێ هەرێما كوردستانێ ژی هه‌یه‌.

ل دووڤ رێزبه‌ندیا باژێرێن گه‌رمێن جیهانێ باژێرێ خانه‌قین ل رێزبه‌ندیا چارێ هاتییه و‌ ب ئەگەرێ‌ بلندبوونا پلێن گه‌رمێ كو گەهشتییە (50.5 ) پلێن سیلیزی.

هه‌روه‌سا باژێرێ عه‌بەدانێ ئێرانی ب ئێکەمین باژێرێ جیهانێ بۆ گەرماتیێ هاتیە کو‌ پله‌یا گه‌رمێ تێدا گەهشتییە (51.6) پلێن سیلیزی.

کەرکوک، ئومێد وەڵاتی :

ئه‌ڤرۆ رۆژا پێنجشه‌مبى رێكه‌فتى 6ى تيرمه‌ها 2017ێ ل سنورێ پارێزگه‌ها كه‌ركووك پلانه‌كا دژوار يا چه‌كدارێن داعش هاته‌ ژناڤبرن پشتى چه‌ندين TNT داناين.

ژێده‌ره‌كى ژ فه‌رمانده‌يا هێزێن پشته‌ڤانيا 1 بۆ ئه‌ڤرۆ نيوز گۆت: “ب گۆره‌ى ئه‌و پێزانينێن ل به‌ر ده‌ستێ وان ئه‌و شيان پلانه‌كا داعش ژ ناڤ ببه‌ن، كو شيابوون ب ره‌نگه‌كى چه‌ند TNT يان ل سنورێ پارێزگه‌ها كه‌ركووك بدانن”.

8 9 10

440

ئەڤرۆ نیۆز،زنار تۆڤی:

ل چیایێ کورەژارى بۆمبەکا چاندی ب کەسەکێ تەمەن ٦٠ سالی ڤە دپەقیت و د ئەنجامدا ئەو کەسه ب سەختى بریندار دبیت و هەروەسا دەستەکێ خوە ژی ژ دەستدایە.

ئه‌ڤرۆ پێنجشەمبیێ 6/7/2017 ل ده‌مژمێر ١ پشتی نیڤرۆ ل چیایێ کوره‌ژاری ل سنۆرێ ناحیا شێلادزێ بومبه‌كا چاندی ب كه‌سه‌كی ڤه‌ دپەقیت و ب گرانى برینداربوویه‌.

کەسەکێ نێزیک وی كه‌سێ برینداربووی بۆ ئەڤرۆ نیۆز گوتیە،کو ئه‌و کەسێ برینداربووی ناڤێ وی ( عەبدولا جاسم ) ە و ب مه‌ره‌ما ئینانا كه‌نگرا چوویه چیایێ كوره‌ژاری و دئه‌نجام دا بومبە‌كا چاندی پێڤه‌ په‌قیه‌ و ب گرانى برینداربوویه‌ ده‌سته‌كێ خوە ژی ژده‌ستدایه.

ناڤهاتی ئاكنجیە ل كه‌مپا ئاوارەیێن كوردێن ئیرانێ ل ناحیا شێلادزێ و ژیێ وی نێزیكی 60 سالا نە.

website security
WP Facebook Auto Publish Powered By : XYZScripts.com