NO IORG
نووترين نووچه
Twitter

ئەڤرۆ نیوز:
سەرۆکێ کۆمەلا کرێداران ل ھەولێر و دھۆکێ ئاشکرا کر، حەفتیا داھاتی ب شێوەیەکێ فەرمی دێ کریا خانیان ل ھەموو پارێزگەھێن ھەرێما کوردستانێ ھێتە راگەھاندن و ل گۆر پێداچوونا حوکمەتێ خانیێ کریا وی 400 ھزار دینار دێ بیتە 200 ھزار دینارێن عیراقی.
مەحموود ئیسماعیل، سەرۆکێ کۆمەلا کرێداران ل ھەولێر و دھۆکێ بۆ رۆژناما ئەڤرۆ گۆت “حەفتیا بھێت دێ بڕیار ل سەر ئەرزانکرنا خانیان ھێتە دەرکرن و ل گۆر پێداچوونا حوکمەتێ دێ کریا خانیان ب ھندەک پیڤەران بیت، ژ وانا دیارکرنا رووبەرێ خانی، واتە ھەرخانیەکی کریا وی دێ ل دووڤ رووبەری ھێتە دیارکرن، ھەروەسا تاخێن مللی ژ تاخێن دی یێن زێدەتر خواست ل سەر ھەی ھاتینە جوداکرن، بڕیارە حوکمەتێ دێ ب شێوەیەکی بیت، نیڤا کریا بەرێ نامینیت، بۆ نموونە ئەگەر خانیەکێ 100 مەتری بەری نوکە ب 400 ھزار دیناران کرێ ھاتیەگرتن، نوکە پێڤە کرێدار دێ تنێ 200 ھزار دیناران کرێ دەت، ئەگەر خانیەک کریا بەرێ 800 ھزار بوویە کریا نو دێ 450 ھزار دیناربن، ئەڤەژی بۆ چی یێ 800 ھزار دیناری نیڤی نابیت، چونکو پتر رەوشا کریا ئەرزان و وەلاتیێن کێم دەرامەت بەرچاڤ ھاتیە وەرگرتن”.
مەحموودی گۆت ژی “نوکە کریا خانی و ئاڤاھیان ھەر ب خوە ئەرزان بوویە و ھژمارەکا زۆرا خانیان ڤالا ماینە و چ کرێدار نینن بچنە ناڤ، ژبەرکو وەلاتیان پارە نەمایە و کرێدار نینە بۆ ئەڤێ ھژمارا خانیان، ھەر ئەڤرۆ وەلاتیەکێ کرێدار پەیوەندی ب من کر، ئاریشە دگەل خوەدیێ خانی ھەبوو پشتی نەھاتیە چارەسەرکرن، ئەڤی گەنجێ کرێدار بڕیار دا خانی چۆل بکەت و بچیتە ناڤ مالا بابێ خوە”.

ئەڤرۆ نیوز:

رێڤەبەرێ نەخۆشخانا شێخان یا گشتی بۆ رۆژناما ئەڤرۆ دیار کر کو ژ 1/6/2014 حەتا ئەڤرۆ ب تمامی بودجا وان ھاتیە بڕین و ژ دەستپێکا بڕینا بودجا وان رێڤەبەریا گشتی یا ساخلەمیا پارێزگەھا دھۆکێ بەردەوام ھاریکاری بۆ سەخبێرکرن و ھەر پێدڤیەکا نەخۆشخانە پێدڤی بۆ دابین کرینە، حوکمەتا بەغدا نھا پتر ژ ئێک ملیار دینار قەردارێ نەخۆشخانا شێخانە.

د. ماجد محەمەد ئەمین رێڤەبەرێ نەخۆشخانا شێخان یا گشتی دیار کر کو 7/2/2016 رێڤەبەریا ساخلەمی یا مووسل ب نڤیسارەکا فەرمی رەوانەی نەخۆشخانا شێخان کریە کو ب ئێکجاری ھەمی پێدڤیێن نەخۆشخانا شێخان دێ ھێنە راوەستاندن بگرە ژ وان پێدڤیێن دەرمان و نەسریا نەخۆشخانێ و خوارنا نەخۆشان دگەل راوەستاندنا کۆمپانیا گرمیشان یا رامالینا پاشمایێن نەخۆشخانێ و گۆت “نھا نەخۆشخانە کەفتیە د رەوشەکا خراب دا، ژبەر گلێشی و ئەو نەخۆشێن ل نەخۆشخانێ ھاتینە نڤستن خوارنا خوە دگەل خوە دئینن و رۆژانە 1400 نەخۆش سەرەدانا نەخۆشخانێ دکەن ژبلی قەزا شێخان چار کەمپێن ئاواران ژی ل سەرە”.

رێڤەبەرێ نەخۆشخانا شێخان یا گشتی گۆت ژی “مە داخواز ژ حوکمەتا ھەرێما کوردستانێ کریە کو چارەیەکێ بۆ مە بکەت، چونکو ل ڤان نێزیکان دەرگەھێ نەخۆشخانا شێخان دێ ھێتە گرتن، چونکو نھا قەیرانا نەمانا دەرمانان ژی دروست بوویە و بچووکترین تشت کانیولا دەستی یە ئەو ژی ل ڤێ نەخۆشخانێ نەمایە”.

عەبدولا یاسین خودانێ کۆمپانیا گرمیشان یا رامالینا پاشمایێن نەخۆشخانا شێخان یا گشتی بۆ رۆژناما ئەڤرۆ دیار کر کو ئەڤە سالەک و شەش ھەیڤە حوکمەتا بەغدا دینارەک بۆ وان نەمەزاختیە و بەردەوام کارێ پاقژکرنا نەخۆشخانێ کریە و گۆت “نھا داخوازا راگرتنا کۆمپانیێ ژ مە ھاتیە کرن کو پتر ژ 100 کرێکارێن کۆمپانیێ ئەڤە چەندە پارێ وان ژی حوکمەتا بەغدا نەدایە ژبلی پارێ کۆمپانیێ”.

جاسم سلێمان خودانێ کۆمپانیا دابینکرنا خوارنا نەخۆشان ل نەخۆشخانا شێخان یاگشتی بۆ رۆژناما ئەڤرۆ دیار کر کو ئەڤە سالەک و شەش ھەیڤە حوکمەتا بەغدا دینارەک بۆ نەمەزاختیە و گۆت “مە ژ حوکمەتا ھەرێمێ قەر کرینە داکو بشێین خوارنێ بۆ نەخۆشان دابین بکەین و نەخۆشخانا شێخان یا گشتی نھا 150 ملیۆن دیناران قەردارا مەیە و ئەم ژی قەردارێ خودان مارکێت و نانپێژی و گوشت فرۆشاینە پتر ژ 100 ملیۆن دیناران”.

ئەڤرۆ نیوز:

ل گۆر راپۆرتەکا سپوتینگ نیوز دوھی جێگرێ وەزیرێ دەرڤە یێ روسیا میخائیل بوگدانۆڤ ل گەل سالح موسلم ھەڤدیتنەک ل موسکو ساز کرینە و د ھەڤدیتنێ دا جێگرێ وەزیرێ دەرڤە یێ روسیا دیار کریە کو بێی پشکداریا کوردان کۆمبوونا جنێڤ سێ کو بریارە ل ٢٥ ڤێ مەھێ ژڤانێ دەستپێکرنا وێ بھێتە دیار کرن، ناگەھیتە چو ئەنجامەکێ. چونکو کورد پێکھاتەکێ سەرەکی یێ سووریێ نە و نھا ژی د بەرەیێ پێشیێ دا شەرێ تیرۆرێ دکەن و بێی پشکداریا وان کۆمبوونێن سەبارەت ب پاشەرۆکا سووریێ ناگەھنە چو ئەنجامەکێ.

جێگرێ وەزیرێ دەرڤە یێ روسیا ئەو یەک ژی دیار کریە کو ئەو ھەموو رەنگەکێ پشتەڤانیێ ل کوردێن سووریێ دکەن و دێ ژ بۆ شەرێ ل دژی تیرۆرێ پتر ھاریکاریا وان کەن و ژ بەر ھندێ ژی دڤێت د کۆمبوونا ڤێجارێ یا جنێڤێ دا کورد پشکدار بن و داخوازایێن خوە بۆ چارەکرنا قەیرانا سووریێ و پاشەرۆژا وی وەلاتی دیار بکەن.

چاڤدێرێن سیاسی ژی دیار دکەن کو مەبەستا روسیا ژ پشکداریا کوردان پتر ئەوە پارتیا ئێکەتیا دیموکراتیک پشکداریێ بکەت کو بەری نھا ژی تورکیا و سعوودیێ و بەرھنگاریا سووریێ ژی نەرازیبوونا خوە ل دژی پشکداریا وێ پارتیێ دیار کربوون و راگەھاندبوون کو ئەو PYD وەک پشکەک ژ بەرھنگاریا سووریێ نابینن و ئەو ل گەل رژێما سووریێ جە دگرن.

ئه‌ڤرۆ نيوز:

دشێين ب رێيا IMEI بزانين مۆبايلێن مه‌ بۆ كيرێ هاتينه‌ دروستكرن، هه‌ر وه‌كو ئاشكه‌رايه‌ IMEI گه‌له‌ك كار يێن هه‌ين و ئێك ژ وان زانينا پێزانينايه‌ ل سه‌ر مۆبايلێ.

بۆ زانینا IMEIێ مۆبايلا خوه‌ په‌يوه‌نديێ ڤى كۆدى بكه‌: (#06#*) دێ ژماره‌كێ نيشا ته‌ ده‌ت وه‌كو د ڤى وێنه‌ى دا ديار.

هه‌ر هێمايه‌كێ د ناڤبه‌را ژماران دابوو مه‌ په‌يوه‌ندى پێڤه‌ نينه‌، ئه‌وا مه‌ په‌يوه‌ندى پێڤه‌ ب تنێ IMEI يه‌ كو ژ 15 ژماران پێك دهێت و ژ ده‌ستێ چه‌پێ بۆ راستێ ژمارێن حه‌فت و هه‌شێ وه‌رگره‌.
بۆ نمۆنه‌: د وێنێ سه‌رى دا، ژمارا حه‌فتێ “0”ه‌ و ژمارا هه‌شتێ “4”ه‌، ئانكو “04” يان “40” ئه‌ڤه‌ ژى كۆدێ وه‌لاتێ چينێ يه‌، ئانكو ئه‌ڤ موبايله‌ بۆ وه‌لاتێ چينێ يان ژى ب مواسفاتێن چينێ هاتيه‌ دروستكرن.
ئه‌ڤه‌ ژى كۆدێن چه‌ند وه‌لاتێن جيهانێ نه‌:

ئەڤرۆ نیوز: مللەت جەمال:
خشتێ نوبەداریا رادارێن رێڤەبەریا ھاتن و چوونا پارێزگەھا دھۆکێ بو رۆژا چار شەمبی رێککەفتی10/2/2016 دێ بڤی رەنگێ خوارێ بن ل سەرانسەری پارێزگەھا دھۆکێ ل ناڤ سەنتەرێ باژێرێ دھۆک دێ بڤی شێوەی بن:

سپێدێ : 1- جاددا قازی محەمەد نێزیک یاریگەھا برا
2- جاددا بارزان گەڤەرکێ
ب شەڤ : 3- جاددا زرکا نێزیک گولخانا مالتا
4- جاددا قازی محەمەد kro
5- جاددا بارزان شندوخا
تێبینی: ژبەر زوربونا روودانان 24 دەمژمێران رادار دێ ل جاددا بارزان شندوخا یا دانای بیت

رادارێن قەزا شێخان دێ لڤان جھان ھێنە دانان
1- جاددا سەرەکی یا شێخان نێزیک گومەلگەھا مەھەتێ
2- جاددا سەرەکی یا شێخان نێزیک گوندێ دووشیڤان

رادارێن قەزا بەردەرەش دێ لڤان جھان ھێنە دانان:
1- جاددا بەردەرەش بو ناحیا رۆڤیا نێزیک گوندێ ئامیان
2- جاددا بەردەرەش بو ناحیا کەلەک نێزیک گوندێ گەورەسور

رادارێن قەزا ئاکرێ دێ لڤان جھان ھێنە دانان
1- لسەر جاددا سەرەکی یا میرزەند دناڤبەرا ترافیکا قەلعێ بو ترافیکا ئازادی
2- جاددا سەرەکی یا رالپەرین دناڤبەرا ترافیکا قەلعێ بو ترافیکا بەلدێ

رادارێن قەزا سێمێل دێ لڤان جھان ھێنە دانان
1- جاددا سەرەکی دناڤبەرا سێمێل بو کومەلگەھا دوومیز
2- جاددا سەرەکی یا دوبانێ
3- جاددا سەرەکی یا تەناھی بو سێمێل

راداراێن قەزا زاخو دێ لڤان جھان ھێنە دانان
1- جاددا سەرەکی یا بێرسڤێ نێزیک گوندێ مەلا عەرەب
2- جتددت سەرەکی یا تلکەبەرێ

رادارێن قەزا ئامێدیێ دێ لڤانا جھان ھێنە دانان
1- جادداسەرەکی یا سەرسنکێ بو قەدش
2- جاددا سەرەکی یا قەدش بو ئامێدیێ

رادارێن ناحیا زاویتە دێ لڤان جھان ھێنە دانان
1- جاددا زاویتە بو دھۆک
2- جاددا ئێتیت بو دھۆک

ئەڤرۆ نیوز، زنار تۆڤی:
بۆ ماوێ سێ رۆژانە کۆنگرێ حزبا دیمۆکراتا کودستانا ئیرانێ(حدک) ل باژێرێ کۆیە دھێتە برێڤەبرن و ئەڤرۆ خالد عەزیزی وەک سکرتێرێ گشتی یێ وێ حزبێ ھاتە ھەلبژارتن.

ئەڤە کۆنگرێ 16 یە یێ حزبا ناڤھاتی دھێتە بەستن و دڤی کۆنگرێ دا گەلەک خالێن پەیرەو پراگرامێ خۆ گۆھارتینە،ھەروەسا گەلەک ژ ئەندامێن سەڕکردایەتیا وان ژی ھاتینە گۆھارتن،حزبا دیمۆکراتا کوردستانێ ل سالا 1945 ھاتیە دامەزراندن.

ئەڤرۆ نيوز:
وەزارەتا ڤەگوھاستن و گەھاندنێ یا حوکمەتا ھەرێما کوردستانێ د ڕاگەھاندنەکێ دا، ھەموو کۆمپانیێن ئنترنێتێ ئاگەھدار دکەت کو دڤێت پێگیریێ ب بڕیارا کێمکرنا بھایێ ئنترنێتێ بکەن و تێدا ھاتیە: “ھەر کۆمپانیەکا پێگیریێ ب وێ بڕیارێ نەکەت گرێبەستا وێ دێ ھێتە ھەلوەشاندن”.
د وێ ڕاگەھاندنا وەزارەتا ڤەگوھاستن و گەھاندنێ یا حوکمەتا ھەرێما کوردستانێ دا، کو دوھی 9/2/2016 دەرکەفتیە و دانەک دەست رۆژناما ئەڤرۆ کەفتیە تێدا ھاتیە: “بڕیار ھاتبوو دان کو ل دەستپێکا ھەیڤا شواتێ کۆمپانیێن بیاڤێ ئنترنێتێ ب رێژا 10% ھەتا 30% بھایێ ئنترنێتێ کێم بکەن، لێ ھندەک کۆمپانیان پێگیری پێ نەکر، لەو پشتی ھینگێ د کۆمبوونا جڤاتا وەزیرێن ھەرێما کوردستانێ دا، کو ل رۆژا چارشەمبی 3/2/2016 ھاتبوو کرن، تێدا بڕیارا وەزارەتێ یا کێمکرنا بھایێ ئنترنێتێ کرە بڕیارا جڤاتا وەزیران، وەکو پشکەک ژ کێمکرنا بھایان ل ھەرێمێ، لەو دام و دەزگەھێن بەرپرس پێگیرن ب جھئینانا ئەڤێ بڕیارێ “.
د وێ ڕاگەھاندنێ دا وەزارەتا ڤەگوھاستن و گەھاندنێ کۆمپانیێن ئنترنێتێ ئاگەھدارکرینە کو ھەر کۆمپانیەکا پێگیریێ ب وێ بڕیارێ نەکەت و بھایێ ئنترنێتێ کێم نەکەت، کاروبارێن وێ دێ ژ لایێ وەزارەتێ ڤە ھێنە ڕاگرتن و بڕیار ل سەر ھەلوەشاندنا گرێبەستا وێ دێ ھێتە دان.
ژ ئەگەرێ قەیرانا دارایی یا ھەرێما کوردستانێ، بەری نوکە وەزارەتا ڤەگوھاستن و گەھاندنێ یا حوکمەتا ھەرێمێ بڕیار دا بوو، کو دڤێت کۆمپانیێن ئنترنێتێ بھایێن خوە کێم بکەن، لێ ھەتا نوکە ھندەک کۆمپانیان پێگیری ب وێ بڕیارێ نەکریە و بھا کێم نەکرینە.

ئه‌ڤرۆ نيوز:

هه‌ڤسه‌رۆكێ پاتيا ئێكه‌تيا ديموكرات “په‌يه‌ده‌” راگه‌هاند كو بارزانى “برايێ مه‌زنه‌” و چاڤه‌رێ كارێن باش بۆ كوردستانێ ژێ دكه‌ن.

سالح موسلم، هه‌ڤسه‌رۆكێ په‌يه‌دێ د چاڤپێكه‌فتنه‌كا كه‌نالێ K24 دا راگه‌هاند كو چه‌ندين جاران هاتيه‌ باشوورێ كوردستانێ و هه‌ر ده‌مه‌كێ پێدڤى ژى بكه‌ت يان مه‌سعود بارزانى سه‌رۆكێ هه‌رێما كوردستانێ داخواز بكه‌ت “دێ چم”.

سالح موسلم د چاڤپێكه‌فتنا خوه‌ ئاماژه‌ ب ريفراندۆما باشوورێ كوردستانێ دكه‌ت بۆ دياركرنا پاشه‌رۆژا هه‌ولێر و به‌غدا و دبێژيت: “گه‌ل دێ بڕيارێ ده‌ت و چ بڤێت، دێ ئه‌و بيت”.

هه‌ڤسه‌رۆكێ په‌يه‌دێ به‌حسێ بارزانى دكه‌ت و دبێژيت: “برايێ مه‌زنێ مه‌يه‌” و چاڤه‌رێ كارێن باش ژێ دكه‌ن بۆ هه‌ر چار پارچێن كوردستانێ و هيڤى ژى دخوازيت كو په‌يوه‌نديێن باشوور و رۆژئاڤا موكمتر لێ بهێن و “خه‌له‌تيان راست بكه‌ن”.

ئەڤرۆ نیوز:
ژێدەرەکێ باوەرپێکری یێ ویلایەتێن ئێکگرتیا ئەمریکی راگەھاند، ھژمارەکا ئەندامێن کونگریسێ ئەمریکی ب ھەڤکاری د گەل وەزارەتا پێشمەرگەی، کاری ژبۆ دابینکرنا مووچێ پتر ژ 35 ھەزار ئەندمێن ھێزێن پێشمەرگەی دکەن.
ل گۆڕ پێزانینێن ھاتینە بەلاڤکرن د ژمارا دووماھیا رۆژناما (باس) یا حەفتیانە دا، ویلایەتێن ئێکگرتیا ئەمریکی بەرھەڤیا خوە بۆ دابینکرنا مووچێ پێشمەرگەی و بۆدجا 35 ھەزار ئەندامێن ھێزێن پێشمەرگەی دیارکریە، ب مەرجەکێ ئەو ھەموو کەسێن مفادار ب ھاریکاریا ئەمریکی ل سەر ب وەزارەتا پێشمەرگەێ ھەرێما کوردستانێ ڤە بن.
ژێدەرێ ھایدار ھەروەسا دیارکر، حوکمەتا ھەرێما کوردستانێ داخوازا پشتەڤانیەکا مەزنتر ژ ئەمریکا کریە و کومبوونێن ل سەر ڤی بابەتی ھێشتا دناڤبەرا ھەردو ئالیان دا دبەردەوامن.
جەبار یاوەر ل دۆر ڤی باەتی گۆت: ھەتا نوکە ئالیێ ئەمریکی یێن پشکدار د کومبوونان دا ھەموو داخوازیێن ھەرێما کوردستانێ کومکرینە و دێ بۆ کونگرێسێ ئەمریکی ھێنە ڤەگوھاستن و ھەردەمێ بڕیار ل سەر ھاتە وەرگرتن ئێکسەر ئەو داخوازی دێ ھێنە بجھئینان.
ژئالیەکێ دیڤە ئەندامێ لژنا پێشمەرگەی ل پەرلەمانێ ھەرێما کوردستانێ دلێر موستەفای گۆت: ھەموو بزاڤ ژ ئالیێ ئەمریکی و ھەرێما کوردستانێ بۆ دابینکرنا مووچێ پێشمەرگەی دھێنە کرن، بەلێ ھێشتا ئەو کێشە ب شێوەکێ فەرمی نە ھاتیە بنەجھکرن و کا چەوا ئەو پشتەڤانی دێ بۆ ھێزێن پێشمەرگەی د حەفتیا بھێت دا ھێنە کرن.

394

ئەڤرۆ نیوز، ھەرھین محەمەد:

ھونەرمەند ھاوتا ئەسعەد د پەیجێ خوە یێ تایبەتێ فیسبوکی دا بەلاڤکریە کو کچاوی کەژێ ھاوتا مژوولی کلیپەکێ یە ب ناڤێ (کوچ) کو ژ پەیڤێن یوسف ھاوتا و ئاوازھاوتا ئەسعەد موزیک محەمەد ھاوتا ژڤانە ل نێزیک ل سەر ھەموو کەنالان بھێتە پەخش کرن.
دیارکریە ژی کو ناڤەرۆکا کلیپێ گرێدایە ب کوچبەران ڤە وھەروەسا پێلێن دەریا ئیجە.

website security
WP Facebook Auto Publish Powered By : XYZScripts.com