NO IORG
نووترين نووچه
Twitter

ئەڤرۆ نیوز، نەوزاد ھلۆری:

زانایێن بوارێ تەکنولوژیایێ دنووترین داھێنان و ڤەکولین دا گەھشتنە ئەنجامەکێ کو کارەبێ ژ بەفرێ بەرھەمبینن، ھەروەکو وێ بەرھەمئینانا کارەبێ یە ئەوا ژ ھێزا ھەوای و ئاڤ و تیشکا رۆژێ دھێتە بەرھەمئینان.

شارەزایێن زانکویا کایفورنیا ل “ویلایەتا لوس ئەنجولوس ل ئەمریکا” بو ئێکەمین جار د جیھانێ رابون ب تاقیکرنا ھێزا کارەبێ ل بەفرێ، ئەو ژی ب رێیا دروستکرنا ئامیرەکێ مالیدێ کو دبێژنێ “مالیدا ھێزا نانوی) یا تاقیکری لسەر بەفرێ” کو ب زمانێ ئینگلیزی دبیژنێ Snow TENG، ئەڤ ئامیرە پشت ب کارلێککرنا کێمیایی گرێدەت، بڤی رەنگی ھێزا کارەبێ لسەر بەفرێ گەرم دکەت و ھێزا کارەبێ لێ دھێتە بەرھەمئینان).

ریچارد کانیر، بسپوور و ئەندامێ پەیمانگەھا نانو ل زانکویا ناڤبری دڤی واریدا گۆت: (بەرھەمئینانا کارەبێ ل بەفرێ ژ ئەگەرێ کارلێککرنا بەفرێ ل وی دەمی یە دەما کو بەفر دباریت کو ئەو ژی بارگەیا موجەب دروست دکەت، ئەگەر بکەڤیتە ھەر جھەکێ سەرگرتی دێ ب سلیکوونێ بارگا سالب ژێ ھێتە دروستکرن، بڤی رەنگی کارێککرن دناڤبەرا وان دا دروست دبیت و کارەبا دھێتە بەرھەمئینان).

ب گورەی پێزانینێن ڤەکولەرێن دڤی بواری دا، دشیاندایە کو ئەو ئامیرێن بو تیشکا رۆژێ دھێنە پیڤان و بکارئینان، وەکو چەوا رۆژ ل دەرڤە بیت کارەبێ ل ھێزا رۆژێ وەربگریت، ب ھەمان رەنگ ل بەفرێ ژی بھێتە وەرگرتن دەما کو دباریت، بڤی رەنگی کارەبا بھێتە بەرھەمئینان.

ئه‌ڤرۆ نيوز، نيوار محه‌مه‌د سه‌ليم:

پشتى هاتنا هه‌يڤا ره‌مه‌زانێ ده‌مژمێرێن رۆژيگرتنێ ل جيهانێ هاتنه‌ دياركرن كو ب ره‌نگه‌كى وه‌لاتێن ئه‌سكه‌نده‌ناڤى دێ پترترين ده‌مژمێرێن رۆژيگرتنێ هه‌بن و ل وه‌لاتێن ئه‌مريكا لاتينى ژى كێمترين ده‌مژمێرێن رۆژيگرتنێ و ل وه‌لاتێن ئيسلامى ژى د ناڤبه‌را 15 هه‌تا 16 ده‌مژمێران دابن.

رۆژى ره‌مه‌زان

ئەڤرۆ نيوز:‏

رێڤەبەرێ ئەوقافا دھۆکێ ل دۆر بەرھەڤیێن رێڤەبەریا ئەوقافێ بۆ ھەیڤا رەمەزانا پیرۆز بۆ رۆژناما ‏ئەڤرۆ دیار کر، لژنەک ل سەر ئاستێ رێڤەبەریا ئەوقافێ ل پارێزگەھا دھۆکێ ھاتیە پێکئینان بۆ ‏دروستکرنا دەمژمێرێن ھەموو مزگەفتان کو ل دەمێ بانگێ مەغرەب و سپێدێ ھەموو پێکڤە د ئێک ‏دەم دا بانگ بدەن و دبێژیت: ئێدی ئەو شاشی دوبارە نابن کو پێشتر ل تاخەکی بانگ د دا و ل ‏تاخەکێ دی ھێشتا بانگ نەدابیت.‏

مەلا رێبەر نێروەیی، رێڤەبەرێ ئەوقافا دھۆکێ ئاشکرا ژی کر، نابیت بانگ ھەلدێر ل دووڤ دەمژمێرا ‏خوە دەمێ بانگی دیار بکەت، بەلکو دێ دەمژمێرێن ھەموو مزگەفتا وەکو ئێک ھێنە دروستکرن و ‏گۆت: “دڤێت ھەموو بانگ ھەلدێر پێگریێ ب رێنمایێن رێڤەبەریا ئەوقافێ ل پارێزگەھا دھۆکێ ‏بکەن”.‏

ناڤبری ئەو ژی گۆت: “ل قەزا دھۆکێ 170 مزگەفت ھەنە سەر ب ئەوقافێ ڤەنە، 89 مزگەفت ل ‏سەنتەری نە و ئەڤێن دی ل دەردۆرێن قەزا دھۆکێ نە، ژ سەرجەمێ 89 مزگەفتێن سەنتەری ل 12 ‏مزگەفتان گۆتارا ئەینیێ تێدا ناھێتە خواندن”.‏

رێڤەبەرێ ئەوقافا دھۆکێ دیار کر کو د ھەیڤا رەمەزانا پیرۆز دا دەمژمێرەکێ بەری بانگێ نیڤرۆ دێ ‏دەرگەھێن مزگەفتان ھێنە ڤەکرن، چنکو خەلکێ ھەی دێ زوو قەستا مزگەفتێ کەت بۆ خواندنا ‏قورئانێ و کرنا تاعەتی.‏

مەلا رێبەر نێروەیی خویا کر، ل ھەیڤا رەمەزانا پیرۆز ل دانێ فتارێ نابیت کەسەک بێی رازیبوون و ‏ئاگەھداربوونا ئەوقافێ خوارنێن بەرفرەە بدانیت و دڤێت ئەوقاف و مزگەفت ل سەر بابەتی بھێنە ‏ئاگەھدارکرن، ئەو دروستە خێزانەک قازانەکا خوارنێ یان نیسکێ ببەتە مزگەفتێ لێ کەسەک بۆ ‏گەلەکا بدانیت دڤێت رازیبوون بھێتە وەرگرتن، چنکو ل دووڤ رێنما دڤێت ئەو خوارنا پاقژ بیت و ‏دڤێت پاقژیا مزگەفتێ بھێتە راگرتن.‏

ئه‌ڤرۆ نيوز:

ل رۆژێن بۆری ھژکارەک گوندێن کوردان ل سنوری قەزا ‏مەخموور ژبەر مەترسیێن داعشێ ھاتنە چوولکرن و ‏وەلاتیەکێ کورد ژی ژلایێ چەکدارێن داعش پشتی ب ‏دیل کەفتیە دەست چەکدارێن داعش ھاتە شەھیدکرن، ‏قایمقامێ قەزا مەخموورژی ئاماژە بوێ چەندێ دکەت، ‏ھێزێن لەشکری بۆ پاراستنا وەلاتیان ل ھژمارەک گوندان ‏ھاتینە جێھگیرکرن.‏

رزگار محەمەد، قایمقامێ مەخموور بۆ رۆژناما ئەڤرۆ ‏دیارکر، پشتی زێدەبوونا لڤینێن چەکدارێن داعش ل ‏سنوری مەخموور وەلاتیێن ھژمارەک گوندێن دەڤەرێ ‏بتایبەتی یێن سەرب ناحیا قەراج گوندێن بجە ھێلاینە ‏و یان ئاوارەی ناڤا سەنتەرێ قەزایێ بووینە یان ژی بەر ‏ب دەڤەرێن ئارام چووینە، چونکە بەری نوکە چەکدارێن ‏سەر ب گروپا تیرۆرستیا داعش ل سنورێ ئەڤان گوندان ‏لڤینێن زۆر ھەبووینە و چەندین جاران بەرھنگاری ‏ھێزێن ئەمنی و سەربازیێن عیراقێ بووینە، ھەروەسا ‏ھەر ل نێزیکا وان گوندان گورزەکا مەزن ل چەکدارێن ‏حەشدا شەعبی دا بوو، ھەتا خەلکێ وان دەڤەران ژ ترسا ‏داعش نەشیا بۆ گیایێ بھارێ بچنە ئاقارێن خوە، مخابن ‏دو ژوان گوندێن کوردان بتەمامی ھاتینە چۆلکرن و ‏گوندێن مایژی گوندیان مالێن خوە بارکرینە، بەلێ ‏ھێشتا پشکەکا وەلاتیان د گونداندا ماینە، واتە ھندەک ‏گوند بتەمامی ھاتینە چۆلکرن و ھندەکژی نیڤی ‏بووینە، ئەڤەژی بۆ سەلامەتیا ژیانا خۆیە وەلاتی دوور ‏دکەڤن ل جھێ مەترسیا داعشێ لسەر ھەبیت.‏

رزگار محەمەد ئاماژەکر، مە وەکی ئیدارەیا مەخموور و ‏لیژنا ئەمنی ل قەزا مەخموور ھێزەکا سوپایێ عێراقێ ‏کو پێکھاتیە ل فیرقەیا چواردە ل ئەڤان گوندێن مەترسی ‏لسەر جێھگیرکریە، ھەتا خەلکێ ئەڤان گوندا ھەست ب ‏پشتڕاستبوونێ بکەن ژلایێ ئەمنی ڤە، سەقایێ ئەڤسالە ‏کاریگەری لسەر چالاکیێن چەکدارێن داعش ل سنورێ ‏مەخموور ھەبوویە، ژبەرکو پشتی رزگارکرنا دەڤەرێن ‏عێراقێ ل گروپا تیرۆرستیا داعش ھێشتاژی ھەر ‏چەکدارێن داعش ل مەخموور مابوون، لێ ژبەر ھاتنا ‏بارانەکا زۆر و بلندبوونێ ئاستێ ئاڤا زێی مەزن ‏ئاستەنگ لھەمبەر ھاتن وچوونا چەکدارێن داعش ل ‏سنورێ مەخموور چێبووینە، ھەگەر رەوشا سەقای ‏نەمبایە بێگومان لڤینێن وان زێدەتر دبوون.‏

ژ لایێ خۆڤەژی ژێدەرەکێ ئەمنی ل قەزا مەخموور بۆ ‏رۆژناما ئەڤرۆ ئاشکراکر” چەکدارێن داعش بووینە ‏مەترسی لسەر ژیانا وەلاتیان، بتایبەتی ھژمارەک گوندێن ‏دەڤەرێ ھەنە کێمتر ھێزێن سەبازی قەستا وان دکەن و ‏مەفرەزەیێن داعش بەردەوام خوە نێزیکی ئەڤان گوندان، ‏ل حەفتیا بۆری چوار وەلاتیێن کورد بمەرەما دەرئینانا ‏دۆمبەلان چووینە نێزیکی چیایێ قەرەچۆغ پشتی ‏ھاتینە دەستەسەرکرن ئێک ژوان وەلاتیێن کورد ناسناما ‏ئاسایشێ ڤێەبوویە و ب ئێخسیری دگەل خۆ بریە، بەلێ ‏مخابن پێنج شەمبیا بۆری داعشێ ڤیدیۆیەک بەلافکر و ‏تێدا ئاشکراکر، ئەو کارمەندێ ئاسایشێ ھاتیە ‏شەھیدکرن. ‏

801

ئەڤرۆ نیوز ،بارزان مزووری:
حازم محەمەد،راگەهاندنكار ژ پشكا هاتنوچوونا قەزا بەردەرەش بۆ ئەڤرۆ نیوز گوت:ئەڤ شەڤە 6ی ئایارێ‌ 2019ی ل ترافیك لایتا دناڤ سەنتەرێ‌ باژێرێ‌ بەردەرەش ترومبێلەكا تویۆتا ژ جورێ‌ پرادو خوه‌ ل گەنجەكی دا وبۆ ئه‌گه‌رێ گیان  ژ دەستدانا وى وپاشى بۆ نوژداریا داد ل قەزا ئاكرێ‌ هاته‌ ڤەگوهاستن،
خویاژی كر كۆ:شوفێرێ‌ ترومبێلێ‌ ژلایێ‌ پولیسان ڤە هاتیه‌ دەستەسەركرن وڤه‌كۆلین ل گه‌ل ده‌ستپێكر.

59664375_2291387101181656_3474397078086483968_n

ئەڤرۆ نیوز:
هەرچەندە بریارا دەستپێكی هاتیە دەركرن كو ل ناڤەراستا هەیڤا چریا دوویێ 2019 پرۆسا هەلبژارتنێن جڤاتێن پارێزگەهان ل عیراقێ بهێنە ئەنجامدان، بەلێ پەرلەمانتارەكا پارتی ل بەغدا ئاماژێ دكەت كو پتریا لایەنێن سیاسی ل عیراقێ ب سەرۆك وەزیرێن عیراقێ ڤە ل گەل پاشخستنا پرۆسا هەلبژارتنانە بۆ سالا 2020.
ڤیان سەبری، سەرۆكا فراكسیۆنا پارتی دیموكراتی كوردستان ل پەرلەمانێ عیراقێ دبێژیت” هەتا نوكە ژڤانەكێ فەرمی بۆ ئەنجامدانا هەلبژارتنێن جڤاتێن پارێزگەهێن عیراقێ نەهاتیە دیاركرن، تنێ كۆمسیۆنێ پێشتر د كۆمبوونا ل گەل سەرۆكاتیا جڤاتا وەزیران ب خوە گوتیە كو دبەرهەڤن ل دووماهیا ئەڤ سالە (2019) پرۆسا هەلبژارتنان ئەنجام بدەن، ئەڤە ددەمەكی دایە هێشتا قانوونا هەلبژارتنان ژ لایێ پەرلەمانێ عیراقێ ڤە نەهاتیە راستڤەكرن”.
سەرۆكا فراكسیۆنا پارتی، د داخۆيانيه‌كا رۆژنامه‌ڤانى دا رۆهنكر ژی” دەلیڤا زۆر نەمایە ل بەردەم ئەنجامدانا هەلبژارتنێن جڤاتێن پاریزگەهان ل عیراقێ بۆ وێ چەندێ پرۆژی قانوون بهێنە راستڤەكرن وهێشتا نەهاتیە دیاركرن كا چەند پارێزگەهێن عیراقێ دێ پشكداریێ د وان هەلبژارتنان دا كەن وچەند پارێزگەه ژی پشكداریێ ناكەن”.
زێدەتر گۆت” ل سەر پرسا هژمارتنا دەنگان، بۆچوونێن جودا یێن هەین، راستە یا هاتە كو هژمارتنا دەنگان ب ئەلكترۆنی بیت، بەلێ بۆچوونا هندەك لایەنان ئەوە پرۆسا هژمارتنا دەنگان ب هەردو شێوازێن دەستی وئەلكترۆنی بیت، بەلێ ئەوژی نەهاتیە ئێكلاكرن”.
ئاشكراكر ژی” پتریا لیستێن سیاسی وسەرۆك وەزیرێن عیراقێ ژی عادل عەبدولمەهدی ل گەل وێ چەندێ نە پرۆسا هەلبژارتنێن جڤاتێن پارێزگەهێن عیراقێ بهێتە پاشخستن بۆ سالا داهاتی ژبەركو هندەك ژ دەڤەران وەكو مووسل پتریا خەلكێ وان نەڤەگەریاینە جهێن خوە وئەنجامدانا هەلبژارتنان ژی ل هندەك پارێزگەهان یا ب زەحمەتە”.

349

ئەڤرۆ نیوز:
چاڤەرێ دھێـتەکرن شەڤەکا دی ل دەژمێر ١٠:٠٠ یانا لیڤەرپول ل یاریگەھا ئەنڤلێد بمێڤانداریا یانا بەرشەلۆنا بکەت ژ چارچوڤێ یاریێن پێش دووماھیا قارەمانیا چامپیونیز لیگ ژ یاریێن چونێ کو د یاریا ئێکێ دا بەرشەلۆنا ب سەرکەفت بوو ب سێ گولان بێ بەرامبەر .
راھێنەرێ یانا لیڤەرپول یورگن کلوپ بەری ڤێ یاریێ دیارکر راستە یاری د بوو ئەوان یا ب زەحمەت بیت ژبەرکو ئەنجامێ یاریا ئێکێ د بەرژوەندیا ئەوان دا نەبوو لێ ئەو خوە ناکەنە پاریەکێ ب سانەھی و دێ ھەموو بزاڤا کەن بوو سەرکەفتنێ و دەستڤە ئینانا پلێتا دەربازبوونێ ھەردیسان ناڤبری دیارکر ژی ئەو دێ ھەموو بزاڤا کەن ھەر زیکا فشارێ بئێخینە سەر گولا بەرشەلۆنا و ھەکە ئەو شیان زیکا گولێ ل سەر بەرشەلۆنا توماربکەن دبینت دێ رەوشا ئەوان گەلەک باشتر بیت و ل نیڤا دوێ د شیان دا ھەیە ئەو بشێن ئەنجامی وەکھەڤ بکەن و پلێتا دەربازبوونێ ب دەستخوڤە بینن لێ یا گرنگ ل سەر ئەوان پێدڤی یە نەھێلن بەرشەلۆنا چ گولان توماربکەن ھەر چەندە رێگرتن بەرامبەر یانەکا وەکو بەرشەلۆنا بو تومارکرنا گولێ یا ب زەحمەتە ژبەرکو ئەوێ باشترین یاریزان ل ھێلا پێشیێ ھەنە بوو تومارکرنا گولان تایبەت ھەبوونا یاریزانەکێ وەکو میسی لێ ئەوی باوەری ب یاریزانێن خوە ژی ھەیە دێ شێن ئەوێ چەندێ کەن ئەوا ئەو دخوازیت و شەرێ دەستڤە ئینانا پلێتا دەربازبوونێ کەن ھەتا دووماھیی چرکە .
سەبارەت پشکداریا محەمەد سەلاح ناڤبری دیارکر رەوشا ئەوی ھەتا رادەیەکی یا باشە لێ ناخوازن پشکداری ب ئەوی بکەن بوو ڤێ یاریێ و مەترسی بێخینە سەر پاشەرۆژا وی بوو کرنا یاریەکێ لێ بوو یاریا حەفتیا بھێت دخۆلا ئنگلتەرا دا دێ یێ بەرھەڤبیت .

122

ئەڤرۆ نیوز:

پشتی ھێرشبەرێ بەلجیکی و یانا ناپولی یا ئیتالی داریس میرتینز ل شەڤا بوری شیای گولەکێ بوو یانا خوە توماربکەت ل سەر یانا کالیاری دوێ یاریێ دا ئەوا ب سەرکەفتی ل سەر یانا کالیاری ب دو گولان بەرامبەر گولەکێ ژ چارچوڤێ یاریێن گەرا ٣٥ ژ ھۆلا ئیتالیا ئەوی یاریزانی شیا نمرا چیڤانوکا ئەرژەنتینی دیگو مارادونا بشکێنت ل وێ یانێ .

مالپەرێ فەرمی یێ فیفا ئاشکراکریە میتینز ب تومارکرنا گولا خوە یا ل سەر یانا کالیاری شیا ھژمارا گولێن خوە ل گەل یانا ناپولی د خولا ئیتالیا دا ب گەھینتە ٨٢ گولان و نمرا ستێرا بەرێ یا وێ یانێ و ھەلبژارتیێ ئەرژەنتین دیگو مارادونا بشکێنت ئەوێ بەری نوکە ٨١ گول ل گەل ناپولی تومارکرین دخۆلا ئیتالیا دا .
میرتینز ب تومارکرنا گولا خوە یا شەڤا بوری ل سەر کالیاری پێشڤە چو رێزا سیێ بۆ تومارکرنا گولا ب درێسێ یانا ناپولی د خۆلا ئیتالیا دا کو گولگەرێ بەرنیاس یێ وێ یانێ یێ بەرێ ئەنتونیو فوگاک ل رێزا ئێکێ دھێت ب تومارکرنا ١٠٢ گولان و یاریزانێ سلوڤینی مارک ھامسیک ل رێزا دوێ دھێت ب تومارکرنا ١٠٠ گولان.
ژلایەکێ دیڤە مالپەرێ ئوپتا یێ تایبەت ب ئامارێن یاریزانان ڤە دیارکریە میرتینز شیا ھژمارا گولێن خوە ب گەھینتە ١٠٧ گولان د ئەوان ھەموو قارەمانیێن تێدا پشکداری و بۆ یاریزانێ سیێ د مێژویا یانێ دا بۆ پتر یاریزان گول تومارکرین.

ئه‌ڤرۆ نيوز:

به‌رپرسێ ئۆفيسا هه‌وڵيرێ يا كۆمسيۆنا بلند يا هه‌لبژارتن وراپرسيێ ل هه‌رێما كوردستانێ نازم برادۆستى راگه‌هاند، ل ڤێ هه‌فتيێ دێ ده‌ست ب به‌لاڤكرنا پارێ كارمه‌ندێن سندووقێن ده‌نگدانێ يێن هه‌لبژارتنێن په‌رله‌مانێ كوردستانێ هێته‌ كرن.

گۆت ژى” رۆژا چارشه‌مبى يا بهێت 8/5/2019 دێ ده‌ست ب به‌لاڤكرنا وى پاره‌ى هێته‌ كرن كو كارمه‌ندێن سندووقێن ده‌نگدانێ ل هه‌رسێ پارێزگه‌هێن هه‌ولێر وسلێمانيێ ودهۆكێ ڤه‌دگريت”.

ئه‌ڤرۆ نيوز:

سه‌رۆكێ فراكسيۆنا پارتى ديموكراتى كوردستان ل په‌رله‌مانێ كوردستانێ ئومێد خۆشناو راگه‌هاند، پێشبينيێ دكه‌ين كێمتر ژ 30 رۆژان سه‌رۆكێ هه‌رێما كوردستانێ وحوكمه‌تا نوو باوه‌ريێ ل په‌رله‌مانى بده‌ستڤه‌بينن. دياركر ژى كو ل دووڤ قانوونا سه‌رۆكاتيا هه‌رێمێ تنێ سه‌رۆكێ هه‌ريمێ ل په‌رله‌مانى باوه‌رى پێ دهێته‌ دان.

ئومێد خۆشناو گۆت ژى” خواندنا سيێ وده‌نگدان ل سه‌ر قانوونا سه‌رۆكاتيا هه‌رێمێ يا ماى ژلايێ سه‌رۆكاتيا په‌رله‌مانى دێ هيته‌ ئيمزاكرن پاشى دێ ده‌رگه‌هێ خوه‌ به‌ربژاركرنێ هيته‌ ڤه‌كرن وپشتى دانا ده‌ليڤا چه‌ند رۆژان بۆ تانه‌ لێدانێ، پاشى باوه‌رى ب سه‌رۆكێ هه‌رێمێ دێ هيته‌ دان وپاشى فراكسيۆنا پارتى دێ ناڤێ سه‌رۆك وه‌زيران پێشكێش كه‌ت وسه‌رۆكێ هه‌رێمێ دێ وى راسپێريت وپێشبينى دهيته‌ كرن كێمتر ژ 30 رۆژان سه‌رۆكێ هه‌رێما كوردستانێ وحوكمه‌تا نوو باوه‌ريێ ژ په‌رله‌مانى وه‌رگرن وبهێنه‌ په‌سه‌ندكرن”.

دياركر ژى” ئه‌م وه‌كو فراكسۆنا پارتى دخوازين به‌رى جه‌ژنێ سه‌رۆكێ هه‌رێمێ بهێته‌ هه‌لبژارتن وكابينا نوو يا حوكمه‌تێ باوه‌ريێ ژ په‌رله‌مانى بده‌ستڤه‌بينيت”.

website security
WP Facebook Auto Publish Powered By : XYZScripts.com