ئەڤرۆ نیوز:
شاندێ هەرێما کوردستانێ ئەڤرۆ ل بەغدا ل گەل عادل عەبدولمەهدی و مستەفا کازمی سەرۆک وەزیرێن راسپاردی بۆ ئاڤاکرنا کابینا نوو یا حوکمەتا عیراقێ کۆمبوون.
د کۆمبوونێ دا بەحسێ ئاریشێن د ناڤبەرا هەرێما کوردستانێ و بەغدا دا هاتە کرن و هەر دو ئالیان بەحسێ چاوانیا چارەسەرکرنا وان ئاریشان ژی کرن.
شاندێ هەرێمێ هەروەسا ل گەل لیژنا دارایی ل پەرلەمانێ عیراقێ ژی کۆمبوو و بەحسێ بابەتێ مووچێ فەرمانبەرێن هەرێما کوردستانێ و پرسێن دی یێن دارایی د ناڤبەرا هەرێما کوردستانێ و بەغدا دا هاتە کرن.
ئه‌ڤرۆنیوز، سالار دۆسكی:
وه‌زیرا چاندنێ ل حوكمه‌تا هه‌رێما كوردستانێ ئاشكرا كر كو بۆ دیتنا ده‌لیڤێن كاری بۆ ده‌رچووێن كولیژ و په‌یمانگه‌هێن ڤیته‌رنه‌ری و چاند پرۆژه‌ك پێشكێشی ئه‌نجوومه‌نێ وه‌زیران كریه.
پیگه‌رد ته‌له‌بانی وه‌زیرا چاندنێ و ژێده‌رێن ئاڤێ ل حوكمه‌تا هه‌رێما كوردستانێ بو ئەڤرۆ نیوز گۆت: (پرۆژه‌ك پێشكێشی ئه‌نجوومه‌نێ وه‌زیران كریه ل سه‌ر دامه‌زراندنا ده‌رچویێن كولیژ و په‌یمانگه‌هێن چاندن و ڤیته‌رنه‌ری ب شێوازێ گرێبه‌ست ل كومپانیێن تایبه‌تمه‌ند).
هه‌مان وه‌زیرا حوكمه‌تێ ئه‌و ژی گۆت: (ژ پێنگاڤێن ده‌ست بكاربوونا مه دیتنا ده‌لیڤێن كاری بوویه بۆ ده‌رچوویێن كولیژ و په‌یمانگه‌ه و ئاماده‌یێن چاندنێ و كولیژا ڤیته‌رنه‌ری و ئه‌ڤه پرۆژه‌كێ مه‌زنه ل پارێزگه‌ها سلێمانیێ ده‌ست پێ هاتیه‌كرن (32) عومبارێن ته‌زیكرنێ بۆ كومپانیه‌كێ هاتنه‌دابینكرن و ل دووف مه‌رجێن وه‌زاره‌تێ دڤێت ده‌رچوووێن ئه‌ڤان كولیژ و په‌یمانگه‌هان بهێنه دامه‌زراندن وه‌ك گرێبه‌ست ل گه‌ل كومپانیێ، قوناغا ئێكێ كار بۆ (400) كه‌سان هاتیه دیتن، ئه‌ڤه دێ به‌رده‌وام بیت بۆ هه‌موو پارێزگه‌ه ل دووف وی پرۆژێ مه ئاماژه پێكری، كو نوكه ل ئه‌نجوومه‌نێ وه‌زیرانه و دێ بۆ په‌رله‌مانی هێته ره‌وانه‌كرن و ب هیڤی نه ل هه‌موو پارێزگه‌هان بهێته بجهئینان و ئه‌ڤان كه‌سان دێ مافێ خانه‌نششینی ژی هه‌بیت وه‌ك فه‌رمانبه‌ره‌كێ ئاسایی).
ئه‌ڤرۆنیۆز، سالار دۆسكی:
رێڤه‌به‌رێ كه‌نالێ په‌روه‌ردێ یێ ئه‌سمانی ئاشكراكر كو سوباهی 2ی گولانێ دێ ده‌ست ب به‌خشكرنا ڤی كه‌نالی هێته‌كرن و هه‌تا نوكه چ ئاریشه په‌یدا نه‌بووینه.
دلبه‌ند مسته‌فا ره‌حیم رێڤه‌به‌رێ كه‌نالێ په‌روه‌ردێ یێ ئه‌سمانی، ئه‌ڤرۆ پشتی نیڤرۆ 1ی گولانێ تایبه‌ت بۆ ئه‌ڤرۆ نیۆز گۆت: ( سوباهی رۆژا شه‌مبی 2 گولانێ ل ده‌مژمێر چاری ئێڤاری دێ كه‌نالێ په‌روه‌رده بیته ئه‌سمانی و دێ ده‌ست په‌خشێ خوه كه‌ت).
دلبه‌ند ئه‌و ژی گۆت: (په‌خشێ تەلەفزیونا په‌روه‌ردێ 24 ده‌مژمێره و دێ نه‌هی سپێدێ ده‌ست پێ كه‌ت هه‌تا 11 شه‌ڤێ به‌رده‌وام بیت و دێ تێدا وانێن هه‌موو قوناغێن خواندنێ ب هه‌ر دو زاراڤێن (كرمانجی و سورانی) و زمانێن ئینگلیزی و عه‌ره‌بی و سریانی ژی هێنه په‌خشكرن).
رێڤه‌به‌رێ كه‌نالی ئه‌و ژی خۆیاكر كو بنگه‌هێ سه‌ره‌كی یێ كه‌نالی ل پارێزگه‌ها سلێمانیێ یه و سالا 2002 ته‌له‌فزیون هاتیه دانان، ل گه‌ل ده‌ست بكاربوونا كابینا نوو، وه‌زیرێ نوو یێ په‌روه‌ردێ ب پشته‌ڤانیا ئه‌نجوومه‌نێ وه‌زیران 46 ملیۆن بۆ مه‌زاختن و تەلەفزیونا په‌روه‌ردێ بۆ HD دووڤ دا ب پشته‌ڤانیا رێكخراوا یونسێف تەلەفزیون بۆ ئه‌سمانی، نوكه نڤێسینگه‌ه ل هه‌ولێرێ هه‌یه و چاڤه‌رێ دهێته‌كرن نڤێسینگه‌هێن خوه ل گه‌رمیان و پارێزگه‌هێن دی ژی ڤه‌كه‌ت.
رێڤه‌به‌رێ كه‌نالێ په‌روه‌ردێ ئه‌و ژی دیاركر كو هه‌تا نوكه چ ئاریشه په‌یدا نه‌بووینه و نزانن ل قوناغێن داهاتی دا دێ ئاریشه هه‌بن.
ئه‌ڤرۆ نیوز:
سه‌رۆكێ ئیتیلافا وه‌ته‌نیه راگه‌هاند عیراق هه‌دارا زێده‌ترا ئاریشه و ئازاران ناگریت و دڤێت لژنه‌یێن هه‌ڤپشك بله‌ز چاره‌یا ته‌ڤایا ئه‌واریشان بكه‌ن.
ئه‌یاد عه‌لاوی د تویته‌رێ خۆدا به‌لاڤكریه و ئه‌و چه‌نده ژی راگه‌هاند مه به‌رده‌وام هوشداریا ئه‌وێ چه‌ندێ ددا ژ مه‌ترسیێن پاش خستنا چاره‌كرنا ناكوكیێن هه‌رێمێ و به‌غدا ئه‌و پارێزگه‌هێن د چارچوڤه‌یی هه‌رێمێ دا نه‌هاتینه رێكخستن، ل گه‌ل ئه‌ڤێ چه‌ندێ ژی ته‌ئكید ل سه‌ر پێدڤی و پشت به‌ستن ب لژنه‌یه‌كا عاقلمه‌ند كریه بۆ ئێكلایكرنا ئه‌ڤان دوسه‌یان د بن سیبه‌را دستوری دا.
سه‌رۆكێ ئیتیلافا وه‌تنیه ته‌ئكید كر كۆ عیراق هه‌دارا زێده‌ترا دابه‌شكاریێ ناگریت و پێدڤیه ل سه‌ر لژنه‌یێن هه‌ڤپشك له‌زێ بكه‌ن بۆ دیتنا چاره‌سه‌رێن بنكاری و دادپه‌روه‌رانه بۆ ته‌ڤایا ئه‌وان ئاریشه‌یێن ماینه هه‌لاویستی.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ ل درێژه‌یا پشكنینێن ڤایرۆسێ كورونایێ بۆ وه‌لاتیان، توشبوویه‌كا ئافره‌ت كۆ ژیێ وێ 25 سالی و ئاكنجیا گۆنده‌كی سه‌ر ب قه‌زا رواندز راگه‌هاند.
دراگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ دا هاتیه ل به‌رده‌وامیا لێگه‌ریان و دوڤچوونا گۆمانلێكریان و پشكنینكرنا وان، توشبوویه‌كا دی ب ڤایرۆسێ كورونا كوڤید 19 ل پارێزگه‌ها هه‌ولێرێ هاته ده‌ست نیشانكرن، كۆ ئافره‌ته‌كا ژی 25 سالی یه ئاكنجیا گۆندێ كاولوك سه‌ر ب قه‌زایا رواندز خێزانا توشبوویه‌كێ به‌ری نوكه بوو.
ته‌ڤایا گشتی یا توشبووێن ب ڤایرۆسێ كورونایێ كوڤید 19 ل هه‌ریما كوردستانێ 381 توشبوو، ژ وان 5 كه‌س مرینه و 325 كه‌س ساخ بووینه و نوكه 51 كه‌ش ل بن چاڤدێریا نوژداری دانه.
ئه‌ڤرۆ نیوز:
د ئوپراسیونه‌كێ دا سێ چه‌كدارێن داعشێ ل ده‌ڤه‌را حه‌مرین سه‌ر ب پارێزگه‌ها دیاله هاتنه كوشتن.
سادق حسێن رێڤه‌به‌رێ راگه‌هاندنا حه‌شدا شه‌عبی ل دیاله بۆ میدیایان راگه‌هاند ل ده‌ڤه‌را نه‌فتخانه و ده‌روبه‌رێن ده‌ریاچه‌یا حه‌مرین 80 كیلۆمه‌تران ل باكورێ رۆژهه‌لاتێ به‌عقوبه چه‌ندین زالگه‌ه و بنگه‌ه داناینه، ژ به‌ر زێده‌بوونا ڤه‌لڤینێن تیرۆستی ل ئه‌ڤان ده‌ڤه‌ران.
رێڤه‌به‌رێ راگه‌هاندنا حه‌شدا شه‌عبی ل دیاله ئه‌و چه‌نده ژی راگه‌هاند: ل ده‌ڤه‌را حه‌مرین سێ چه‌كدارێن داعشێ كۆ رێڤه‌به‌رێ هێرشێن تیرۆریستی یێن ده‌ڤه‌رێ بوو هاتنه كوشتن.
ئه‌ڤرۆ نیوز:
سه‌رۆكێ هه‌رێما كوردستانێ ب هه‌لكه‌فتا رۆژا جیهانێ یا كرێكاران په‌یامه‌ك به‌لاڤكر و تێدا هاتیه كرێكارێن كوردستانێ خودان هێزه‌كا بێ ماندی بوون و كار و رۆلێ وان دیاره ل ئاڤه‌دانكرنا وه‌لاتی هه‌رده‌م جهێ رێز و بهایی نه.
نێچیرڤان بارزانی سه‌رۆكێ هه‌رێما كوردستانێ ب هه‌لكه‌فتا ئێكێ ئایارێ پیرۆزباهیێ ل كرێكارێن كوردستانێ و سه‌ندیكا و رێكخراوێن وان كر و پشته‌ڤانیا خو بۆ ماف و داخازیێن یاسایی و سه‌ندیكایێن وان یێن ره‌وا ده‌ربری.
ئه‌ڤه ژی ده‌قێ وێ په‌یاما نێچیرڤان بارزانی سه‌رۆكێ هه‌رێما كوردستانێ یه:
ب هه‌لكه‌فتا ئێكێ ئایارێ، رۆژا جیهانی یا كرێكاران، گه‌رمترین پیرۆزباهیێ ل كرێكارێن كوردستانێ و سه‌ندیكا و رێكخراوێن وان دكه‌م، هه‌روه‌سا پیرۆزباهیا ته‌ڤایا كرێكارێن عیراقێ و جیهانێ ب گشتی دكه‌م.
كرێكارێن كوردستانێ زند و بازێن ماندنی نه ناسن و كار و رۆله‌كێ دیار د ئاڤه‌دانكرنا وه‌لاتی دا دگێرن كۆ هه‌رتم لبه‌رچاڤ جهێ رێز و پیزانینانه، دڤێ هه‌لكه‌فتێ دا، ته‌ڤایا پشته‌ڤانیا ماف و داخوازیێن یاسایی و سه‌ندیكا یێن ره‌وا یێن وان دكه‌م، ژیانه‌كا هه‌ژی و سه‌قایه‌كێ ل بارێ كاركرنا كرێكاران بده‌ستڤه ئینانا خوشگوزه‌رانیێ بۆ ئه‌وێ ته‌خا زه‌حمه‌تكێش و ته‌ڤایا خه‌لكێ كوردستانێ دوپات دكه‌م.
هیڤیدارم وه‌لاتێ مه و جیهان هه‌ر چ زوویه ژ قه‌یران و ئاریشه‌یێن ڤایرۆسێ كورونایێ ده‌رباز ببن و جهێ داخێ یه كارتێكرنه‌كا خراپ ل سه‌ر ره‌وشا ژیانا هه‌موویان و ب تایبه‌تی كرێكاران دروستكریه، ب ئومێدم سالا بهێت دێ ره‌وش باشتر بیت ئه‌ڤێ هه‌لكه‌فتێ بكه‌ین.
رۆژا جیهانێ یا كریكاران ل هه‌موو لایه‌كی پیرۆز بیت.
نێچیرڤان بارزانی سه‌رۆكێ هه‌ریما كوردستانێ
1/5/2020
ئه‌ڤرۆ نیوز:
پشتی ڤایرۆسێ كورونایێ ل جیهانێ به‌لاڤ بووی، نێزیكی نیڤا ئاكنجیێن جیهانێ هاتنه كه‌ره‌نتینه‌كرن، رێكخراوا نێڤ ده‌وله‌تی یا كار راپۆرته‌ك به‌لاڤكریه تێدا هاتیه ڤایرۆسێ كورونایێ كارتێكرن ل سه‌ر دو ملیار و 700 ملیۆن كه‌سێن كرێكار و فه‌رمانبه‌ر هه‌بوویه.
رێكخراوا نێڤ ده‌ولتی یا كاری پێشبیا ئه‌وێ چه‌ندێ دكه‌ت كۆ كرێكار و فه‌رمانبه‌رێن چار كه‌رتێن تایبه‌ت ب گرانی هه‌ست ب كارتێكرنا ڤایرۆسی دكه‌ن، ئه‌و ژی كه‌رتێ خوارنێ یه و گه‌شتوگۆزارێ كۆ 144 ملیۆن كرێكاران تێدا كار دكر، بازرگانی و كارگێرێ 157 ملیۆن كرێكاران تێدا كار دكر و به‌رهه‌م ئینانێ ژی 463 ملیۆن كه‌سان تێدا كار دكر.
لگۆری داتایێن رێكخراوا نێڤ ده‌وله‌تی یا كار هاتیه دیاركرن، ژماره‌یا گه‌نجێن جیهانێ ل سالێن 1999 تاكو 2019 ژ ئێك ملیار كه‌سان بۆ ئێك ملیار و 300 ملیۆن كه‌س، ل هه‌مان ده‌م دا ژماره‌یا گه‌نجان د هێزا كاری دا ژ 568 ملیۆن كه‌سان بۆ 497 ملیۆن كه‌سان داكه‌ت.
ئه‌ڤرۆ نیوز:
ئه‌و رێكه‌تنا دناڤبه‌را به‌رهه‌مهێنه‌رێن پترۆلێ ل رێكخراوا ئوپێك و ده‌رڤه‌یی وێ هاتیه ئیمزاكرن، ئه‌ڤرۆ كه‌ته دبیاڤێ بجهكرنێ دا بڤێ چه‌ندێ ژی بهایێ پترۆلێ بلند بوو.
وه‌لاتێن به‌رهه‌مهێنه‌رێن پترۆلێ ل سه‌ر ئه‌وێ چه‌ندێ رێكه‌تن كۆ پترۆلێ كێم به‌رهه‌م بینن ژبوی بهایێ پترۆلێ بلند بیت، ئه‌ڤرۆ ئه‌و رێكه‌تن دكه‌ڤتنه كه‌ته دواری بجهكرنێ هه‌ر وه‌لاته‌ك ب رێژا 22.8% دێ پترۆلێ كێم كه‌ت.
بهایێ پترۆلێ ب رێژه‌یه‌كا دیار بلند بوو دهی كۆ بهایێ به‌رمیلا پترۆلا برێنت ب 27.70 دۆلاران كرین و فروتن پێ هاتیه‌كرن.
لگۆری رێكه‌تنا ئوپێك پله‌س، به‌رهه‌مهێنه‌رێن پترۆلێ ل هه‌یڤێن ئایار و حوزه‌یرانێ دا رۆژانه دێ 9 ملیۆن و 700 هزار به‌رمیلان ل ئاستێ به‌رهه‌مئینانێ دا كێم كه‌ن، ل نیڤا دوێ ژ ئیسال كێمكرن داكه‌ڤیت بۆ 8 ملیۆن به‌رمیلان د رۆژێ دا، قوناغا سیی دا رێكه‌تن ل ده‌ستپێكا 2021 ده‌ست پێ بكه‌ت تاكو نیسانا 2022 به‌رده‌وام بیت دوێ قوناغێ دا وه‌لاتێن ئوپێك پله‌س دێ رۆژانه شه‌ش ملیۆن به‌رمیلان به‌رهه‌م ئینن د رۆژێ دا.
ئه‌ڤرۆ نیوز:
ژماره‌یا توشبووێن ڤایرۆسێ كورونایێ ل باژێرێ كه‌ركووكێ زێده‌بوونێ دایه.
سامان یابه په‌یڤدارێ فه‌رمانگه‌هیا ساخله‌میا كه‌ركووكێ راگه‌هاند دهی حه‌فت توشبوویێن دی ب ڤایرۆسێ كورونایی ل باژێرێ كه‌ركووكێ هاتنه توماركرن و توشبوو ئاكنجیێن تاخێ په‌نجا عه‌لی نه.
په‌یڤدارێ ساخله‌میا پارێزگه‌ها كه‌ركووكێ ئه‌و چه‌نده ژی راگه‌هاند: ته‌ڤایا توشبوویێن ب ڤایرۆسێ كورونایێ ل كه‌ركووكێ گه‌هشته 40 كه‌سان 12 ژ وان تانوكه ل نه‌خوشخانه‌یێ ڤه‌نه و دو كه‌س ژی ب وی ڤایرۆسی مرینه و ئه‌ڤێن دی ساخ بووینه و چوینه مالێن خو.
نيشاندان