ئەڤرۆ نیوز:
غولام حسێن ئیسماعیلی پەیڤدارێ دەستهەلاتا دادوەریێ ل ئیرانێ راگەهاند کو بەری نها وان فەرمانا ئازادکرنا بەروەخت بۆ سەد هزار گرتیان دەرخستیە کو د ناڤ وان کەسان دا هزار گرتیێن بیانی ژی هەنە.
ناڤهاتی راگەهاند کو ژ بەر مەترسیا کۆرۆنایێ ئیرانێ بریارەکا وەسا دایە و داخواز ژ نەتەوێن ئێکگرتی ژی کر کو دووڤچوونا گرتیێن ئیرانی ژی بکەت کو ل زیندانێن ئەمریکا و بریتانیا دا هەنە و هەتا نها ژی ژ بەر مەترسیا کۆرۆنایێ نەهاتینە ئازادکرن.
ئەڤرۆ نیوز، له‌زگین جوقی:
ئه‌ڤسالە رێوره‌سمێن توافا كه‌ره‌جال هه‌لكه‌فتا ئایینی یا گرێدایی هۆزا قائیدیا ل رۆژا چارشه‌مبیا بهێت 22/4/2020 ناهێته گێران.
قادر خه‌لیل قائیدی بناڤێ هۆزا قائیدیا دیاركر كو وه‌كو ئه‌ركه‌كێ نیشتیمانی ل دووڤ داخوازی و بریار و رێنمایێن حكومه‌تا هه‌رێما كوردستانێ و جڤاتا رۆحانیا ئێزدیان ژبۆ پاراستنا گیانێ هاوولاتیان قه‌ره‌بالغه‌كا مه‌زن و پابه‌ندبوون ب رێنما و رێكارێن وه‌زاره‌تا نافخوە و ته‌ندرۆستی ژ بۆ خۆپاراستن ژ به‌لاڤه‌بوونا(ڤایرۆسا كۆرۆنایێ)ئەڤساله مه وه‌ك هۆزا قائیدیا بریار دا كو رێوره‌سمێن ڤێ هه‌لكه‌فتێ مینا سالێن چوویی نه‌گێرین.
ئاشكه‌را كر كو سوپاسیه‌كا گه‌رم ئاراسته‌ی هه‌موو خه‌لكێ خۆراگر و هێزێن پۆلیس و كارمه‌ند و ستافێ ته‌ندرۆستی دكه‌ین رێزێ ل ماندیبوونا وان دگرین ژ خودێ دخوازین گه‌له‌ك نه‌مایه دێ ب سه‌ر كۆرۆنایێ ژی سه‌ركه‌ڤین و زالبین وه‌ك سه‌ركه‌فتنامه ل سه رداعش و چه‌ند كاودانێت دیتر.
هۆزا قائێدیا سالانه هه‌لكه‌فته‌كا ئایینێ ل چیایێ گۆندی سینا كۆمه‌لگه‌ها شاریا سه‌ر قه‌زا سێمیلێ ڤه سنۆری پارێزگه‌ها دهۆكێ ئه‌نجام دده‌ن ئه‌ڤسالە وێ هه‌لكه‌فتی ژ به‌ر ڤایرۆسێ كۆرۆنا ناكه‌ن.
ئه‌ڤرۆ نیوز، له‌زگین جوقی:
رێڤه‌به‌رێ گشتیێ ساخله‌میا پارێزگه‌ها دهۆكێ دیاركر كو مه‌ترسیا كورۆنا هێشتا هه‌یه و بنبڕ نه‌بوویه كو هه‌ر 15 نه‌خۆش یێن دهۆكێ هاتبوونه ده‌ستنیشانكرن هه‌موو چاره‌سه‌ر بووینه.
د. نزار عسمه‌ت، رێڤه‌به‌رێ گشتی ساخله‌میا پارێزگه‌ها دهۆكێ دیاركر كو هه‌تا ئه‌ڤرۆ پێنچ هزار و 690 پشكنینن هاتینه كرن بۆ كه‌سێن گومانلێكری ژ به‌ر ڤایرۆسی كۆرۆنا هه‌تا ئه‌ڤرۆكه ل دهۆكێ دو هزار و 697 كه‌س یێن هاتینه كه‌ره‌نیتكرن ژ وانا ژی هزار و 838 كه‌س ژ كه‌ره‌نتیكرنێ چووینه مالێن خوه و هێشتا 859 كه‌س ماینه ناڤ كه‌ره‌نتیكرنێ دا، هه‌تا ئه‌ڤ كه‌سێن ناڤ كه‌ره‌نیكرنێ دا بن و خه‌لك به‌رده‌وام ژ ده‌رڤه‌ی وه‌لاتی بهێته دهۆكێ و خه‌لكه‌ك هه‌بیت قه‌ستا دهۆكێ بكه‌ت ئه‌ڤه وێ دگه‌هینت مه‌ترسیا كۆرۆنا هیشتا هه‌یه، چونكو ئه‌ڤه جهێ مه‌ترسیی نه مه پلانه‌كا زۆر گونجایی دانایه ئه‌م ل نه‌خوشی بگه‌رین ژ نوكه و پێڤه‌و نه‌خۆشی ده‌ستنیشان بكهین و چاره‌سه‌ر بكهین دا كو بیژین دهۆكێ پاقژ بوویه ژ كۆرۆنایێ پێدڤیه خه‌لكێ مه یێ پێگیر بیت ب رێنمایان”.
ئاشكه‌را كركو:” خه‌لكێ دهۆكێ حه‌ز دكه‌ن ژیان یا ئاسایی بیت و ژوورا ئوپه‌راسیۆنا ل دهۆكێ ژی حه‌ز دكه‌ت ئاسانكاریان بۆ وه‌لاتیان بكه‌ت و تێگه‌هشتنا مه وه‌كو ساخله‌میا دهۆكێ زۆر گه‌له‌ك لسه‌ر مه فه‌رە ئه‌م دیار بكهین نه‌خوشی هێشتا بنبڕ نه‌بوویه و مه‌ترسیا وێ هه‌یه هه‌ر كه‌سی ژمال ده‌ركه‌ڤیت ده‌مامك و كه‌ره‌ستێن خوه پاراستنێ بكار بینیت”.
ئه‌ڤرۆ نیوز:
هه‌موو ئه‌ندامێن نه‌ته‌وه‌یێن ئێكگرتی بریارا كارێ هه‌ڤبه‌ش ل به‌رهنگاربوونا ڤایرۆسێ كورونایێ دده‌ن.
كومه‌له‌یا گشتی یا نه‌ته‌وه‌یێن ئێكگرتی كۆ 193 ئه‌ندام هه‌نه، هه‌موویان ره‌زامه‌ندی ل سه‌ر پێشنیاره‌كا هنارتیێ مه‌كسیكێ ل نه‌ته‌وه‌یێن ئێكگرتی دا.
پێشنیارا مه‌كسیكێ بۆ ئه‌وێ چه‌ندێ یه كۆ هه‌ماهه‌نگی یا وه‌لاتان ژ روویێ زانستی ڤه بۆ دیتنا چاره‌یه‌كێ بۆ ڤایرۆسێ كورونایێ و پارڤه‌كرنا وێ چاره‌سه‌ریێ ب ئاوایه‌كێ دادپه‌روه‌رانه ب سه‌ر هه‌موو جیهانێ.
تا نوكه دو ملیۆن و 495 هزار و 296 كه‌س ل ته‌ڤایا جیهانێ تووشی ڤایرۆسێ كوروناێ بوون و ژ وێ ژماره‌یێ 171 هزار و 64 كه‌س ژی ب ئه‌گه‌رێ كورونای مرینه.
ئه‌ڤرۆ نیوز:
ئه‌ندامه‌كێ سه‌ركردایه‌تیا ئێكه‌تیێ راگه‌هاند: سوبه‌هی هه‌ردو مه‌كته‌بێن سیاسی یێن ئێكه‌تی و پارتی ل هه‌ولێرێ كۆم دبن.
زبێر عوسمان ئه‌ندامێ سه‌ركردایه‌تیا ئێكه‌تیێ راگه‌هاند: بریاره سوبه‌هی رۆژا چارشه‌مبی ل باره‌گه‌هێ مه‌كته‌با سیاسیا ئێكه‌تیێ ل هه‌ولێرێ، كۆمبوونه‌ك دناڤبه‌را هه‌ردو مه‌كته‌بێن سیاسی یێن ئێكه‌تیێ و پارتیێ بهێته كرن، كۆ تایبه‌ته ب ئاریشه و ئالوزی و ره‌وشا نوكه‌یا هه‌رێما كوردستانێ و عیراق ب گشتی تێدا ده‌رباز دبیت.
ئه‌ندامێ سه‌ركردایه‌تیا ئێكه‌تیێ ئه‌و چه‌نده ژی دیاركر كۆمبوون ل سه‌ر ئاستێ مه‌كته‌بێن سیاسی یێن هه‌ردولایان دبیت كۆ ژلایێ ئێكه‌تیێ ده‌رباز كوسره‌ت ره‌سول و رزگار عه‌لی ژ ده‌سته‌یا كارگێری و سێ ئه‌ندامێن دی یێن مه‌كته‌با سیاسی پشكدار دبن.
ئه‌ڤرۆ نیوز:
رێڤه‌به‌رێ سه‌رۆكاتیا هه‌ردو مزگه‌فتا مه‌كه‌هێ و مزگه‌فتا پێغه‌مبه‌ری سلاڤێن خودێ ل سه‌ر بن ل باژێرێ مه‌دینه دو ماهی بریار ل سه‌ر نڤێژ و ته‌راویحان دده‌ت.
شێخ عه‌بدلره‌خمان سوده‌یسی رێڤه‌به‌رێ سه‌رۆكاتیا هه‌ردو مزگه‌فتا مه‌كه‌هێ و مزگه‌فتا پێغه‌مبه‌ری ل مه‌دینێ سلاڤێن خودێ ل سه‌ر بن راگه‌هاند: بریار هاتیه دان دێ به‌رده‌وام بین ب پێگیر بوون و لبه‌رچاڤكرنا رێنمایێن ساخله‌میێ ب گرتنا ئه‌وان هه‌ردو مزگه‌فتان، ل هه‌یڤا ره‌مه‌زانێ و موسلمان نه‌شێن ل ئه‌وان هه‌ردو مزگه‌فتان نڤێژ و ته‌راویحان بكه‌ن، بتنێ فه‌رمانبه‌ر و كرێكارێن تایبه‌ت ب مزگه‌فتا پێغه‌مه‌بری (س) وكه‌عبێ،دێ نڤێژ و ته‌راویحێ دناڤ ئه‌وان هه‌ردو مزگه‌فتان كه‌ن.
رێڤه‌به‌رێ سه‌رۆكاتیا هه‌ردو مزگه‌فتا مه‌كه‌هێ و مزگه‌فتا پێغه‌مبه‌ری ل مه‌دینێ سلاڤێن خودێ ل سه‌ر بن ئه‌و چه‌نده ژی راگه‌هاند: بۆ خۆ پاراستنا خه‌لكی و رێگرتن ژ به‌لاڤبوونا ڤایرۆسێ كورونایێ ب چ ئاوایی كه‌س نه‌شیت ل ئه‌وان هه‌ردو مزگه‌فتان ب مینیت و نڤێژ و ته‌راویحان بكه‌ت.
ئه‌ڤرۆ نیوز:
وه‌زاره‌تا كاره‌با هه‌رێما كوردستانێ راگه‌هاند: پروسه‌یا چاكسازیێ ل زه‌ڤیێن كورمور یێن غازێ هاته بجهكرن و ره‌وشا كاره‌بێ ئاسایی بوویه.
راگه‌هاندنا وه‌زاره‌تا كاره‌با هه‌رێما كوردستانێ دیاركر پشكدارێن كاره‌بێ ئاگه‌هدار دكه‌ین كۆ پشتی راگه‌هاندنا وه‌زاره‌تێ ل رۆژا 19 ئه‌ڤێ هه‌یڤێ، كۆمپانیا دانا غاز بۆ ماوه‌یێ 24 ده‌مژمێران رابوو ب ئه‌نجامدانا كارێن چاكسازیێ ل زه‌ڤیێن كورمور ب ئه‌وێ چه‌ندێ به‌رهه‌مئینانا كاره‌بێ كۆ 1100 میگاواتان كێمكر.
د راگه‌هاندنا وه‌زاره‌تێ دا هاتیه كو وه‌زاره‌تێ راسته‌خو تیمێن كۆنترولێ كاره‌بێ و ئیسگه‌هێن به‌رهه‌مئینانا كاره‌یێ ئاگه‌هداركرن دڤێ ره‌وشی دا كاره‌بێ كۆنترول بكه‌ن، رێك نه‌هێته‌دان كێم بوونا غازێ بۆ به‌رهه‌مئینانا كاره‌بێ كارتێكرنێ ل سه‌ر ده‌مێن پێدانا كاره‌بێ بۆ وه‌لاتیان بكه‌ت، خوشبه‌ختانه به‌ری ده‌مێ دیاریكری شیاین ته‌ڤایا كارۆبارێن چاكسازیێ ئه‌نجام بده‌ین و ره‌وشا كاره‌بێ ئاسایی بوویه.
ئه‌ڤرۆ نیۆز، عه‌زیز هه‌ورامیی:
نه‌خۆشخانه‌ی به‌ركه‌وتوانی چه‌كی كیمیاوی له ماوه‌ی ڕابردوو كرایه نه‌خۆشخانه‌ی چاره‌سه‌ری هه‌ڵگرانی ڤایرۆسی كۆرۆنا، ئه‌وه‌ش وای كرد، به‌ركه‌وتوانی چه‌كی كیمیاوی نه‌توانن ڕو له‌نه‌خۆشخانه‌كه بكه‌ن بۆ وه‌رگرتنی چاره‌سه‌ری.
لو‌قمان عه‌بدولقادر سه‌رۆكی كۆمه‌ڵه‌ی قوربانیانی كیمیابارانی هه‌ڵه‌بجه، تایبه‌ت به ئه‌ڤرۆ نیۆز گوتی، پاش ئه‌وه‌ی نه‌خۆشخانه‌ی به‌ركه‌وتوانی چه‌كی كیمیاوی كراییه نه‌خۆشخانه‌ی كۆرۆنا، به‌ركه‌وتوانی چه‌كی كیمیاوی بێ چاره‌سه‌ری ماونه‌ته‌وه، پێویستیان به چاره‌سه‌ری خێراییه.
عه‌بدولقادر ئاماژه بۆ ئه‌وه‌ده‌كات، به‌رگری لاشه‌ی به‌ركه‌وتوانی چه‌كی كیمیاوی زۆر لاوازه ناتوانن بڕۆنه نه‌خۆشخانه‌ی به‌ركه‌وتوان بۆ وه‌رگرتنی چاره‌سه‌ر، ئه‌گه‌ربێت و هه‌ر به‌ركه‌وتوێكی چه‌كی كیمیاوی توشی ڤایرۆسی كۆرۆنا ببێت ئه‌وه مه‌ترسی جدی ده‌كه‌وێته سه‌ری ئه‌گه‌ری گیان له ده‌ستدانی هه‌یه.
سه‌رۆكی كۆمه‌ڵه‌ی قوربانیانی كیمیابارانی هه‌ڵه‌بجه ئاماژه به‌وه‌شده‌كات، ته‌ندروستی هه‌ڵه‌بجه وتویانه ڕۆشتوونه‌ته ماڵه‌وه بۆلای 150 به‌ركه‌وتو چاره‌سه‌ریان بۆ كردوون و ده‌رمانیان پێداون، به‌ڵام زۆرینه‌ی به‌ركه‌وتوان هێشتا هیچ چاره‌سه‌رێكیان له‌م ماوه‌ی دوو مانگه‌دا بۆ نه‌ڕۆشتووه، 15 به‌ركه‌وتوی چه‌كی كیمیاوی ئێستا دۆخی ته‌ندروستیان زۆر خه‌راپه و به‌رده‌وام له ماڵه‌وه ده‌بێت ئۆكسجین به‌كار بهێنن.
ناوبراو گوتی، به‌ركه‌وتوانی چه‌كی كیمیاوی چه‌نده پێویستییان به چاره‌سه‌ری پزیشكی هه‌یه ئه‌وه‌نده‌ش پێویستیان به چاره‌سه‌ری ده‌رونی هه‌یه.
ئه‌ڤرۆ نیوز:
عامر فایز ئه‌ندامێ جڤاتا نوونه‌رێن عیراقێ راگه‌هاند: مسته‌فا كازمی پشتی كۆمبوون و دانوستاندنان، دوماهی ئینایه ب پێك ئینانا كابینا نوو یا حكومه‌تێ و دوماهی كارێن وی داخازكرنا كۆمبوونا جڤاتا نوونه‌رێن عیراقێ ژبوی ده‌نگدان ل سه‌ر حكومه‌تا وی بهێته‌كرن، دبیت دئه‌ڤێ هه‌فتیێ یان هه‌فتیا بهێت دا ئه‌ڤ چه‌نده بهێته ئه‌نجامدان.
عامر فایز ئه‌ندامێ جڤاتا نوونه‌رێن عیراقێ ئه‌و چه‌نده ژی راگه‌هاند: كازمی رێكه‌كا باش بۆ پێك ئینانا حكومه‌تێ بكارئینا، ب ئاوایه‌كی بۆ هه‌ر وه‌زاره‌ته‌كێ سێ كه‌س به‌ربژار كرینه و ل سه‌ر فراكسیونێن سیاسی ئێكی هه‌لبژێرن و هێزێن سیاسی ژی مافێ ره‌تكرن و گوهورینا به‌ربژاران هه‌نه.
ناڤبری ئه‌و چه‌نده ژی دازانین كۆ ب ئه‌گه‌رێ ئه‌وان ئاریشه‌یێن ل كۆمبوونێن دانوستاندنان دا دروست بووین، ده‌نگدان ب كابینا كازمی بله‌ز و بێ ره‌تكرن دێ برێڤه چیت، باوه‌ری ل سه‌ر ته‌مامكرنا به‌رنامه‌یێ حكومه‌تێ راوه‌ستایه، ئه‌ڤه ژی تا ده‌مێ رینشتنا جڤاتا نوونه‌ران باوه‌ری پێدان ژلایێ ئه‌ندامێن جڤاتا نوونه‌ران ته‌مام دبیت.
ئه‌ڤرۆ نیوز:
سه‌رۆكێ رێكخراوا ساخله‌میا جیهانی ده‌ربارێ مه‌ترسیێن ڤایرۆسێ كورونایێ ل جیهانێ راگه‌هاند ره‌وشه‌كا خراپتر ب رێڤه‌یه.
تیودور ئادهانوم رێڤه‌به‌رێ گشتی یێ رێكخراوا ساخله‌میا جیهانی راگه‌هاند: هه‌لگرتنا رێكارێن ل دژی ڤایرۆسێ كورونایێ ل چ وه‌لاتان ب رامانا دوماهی هاتنا ڤایرۆسی نینه، هێشتا مه‌ترسیێن كورونایێ به‌رده‌وامن و هه‌ڤده‌م مه‌ترسیێن خراپتر ژی برێڤه‌نه.
رێڤه‌به‌رێ گشتی یێ رێكخراوا ساخله‌میا جیهانی ئه‌و چه‌نده ژی راگه‌هاند: دوماهی هاتنا گه‌فێن كورونایێ پێدڤی ب هه‌وه‌كا هه‌ڤبه‌ش هه‌یه دناڤبه‌را ده‌وله‌تان كۆ ئه‌و ده‌وله‌ت پشت راست بن كۆ دێ شێن ڤایرۆسی ب بینن و پشكنین كه‌ن، چاڤدێریا هه‌ر توشبویه‌كی به‌ر به‌ركه‌فته‌یه‌كی بكه‌ن.
نيشاندان