ئەڤرۆ نیوز:
فلۆرێنس پارلی وەزیرا بەرەڤانیێ یا فرەنسا دیار کر کو هەتا نها ٦٠٠ سەربازێن فرەنسا تووشی ڤایرۆسێ کۆرۆنایێ بووینە و ژ بەر هندێ ژی وان دەست ب پێرابوونێن پێدڤی کرینە دا بشێن رێگریێ ل بەلاڤبوونا کۆرۆنایێ د ناڤ کەرتێ سەربازی دا بکەن.
وەزیرا بەرەڤانیێ یا فرەنسا ئەو یەک ژی دیار کر کو ئەو دێ یا پێدڤی کەن دا جانێ سەربازێن وان ژ کۆرۆنایێ بهێتە پاراستن.
ئەڤرۆ نیوز:
د. هێرش سەعید رێڤەبەرێ ساخلەمیا خەبات دیار کر کو پشتی حالەتەکێ کۆرۆنایێ ل کومەلگەها سێبیران هاتبوو دیتن بریار هاتبوو دان کو ئەو کومەلگەهە ب تەمامی بهێتە کەرەنتین کرن، ئەڤرۆ ١٤ رۆژ بۆرین و دەمێ کەرەنتینا کومەلگەها سێبیران ب دووماهی هات.
ناڤهاتی راگەهاند ژی د ماوەیێ ١٤ رۆژێن بۆری دا پشکنین بۆ ٤٢٠ کەسان ل کومەلگەها سێبیران هاتبوو کرن و ئەنجامێ هەمیان ژی نێگەتیڤ بوون و ئەڤرۆ ب فەرمی کەرەنتینا کومەلگەها سێبیران هاتە راکرن.
ئه‌ڤرۆ نیوز، بارزان مزووری:
ره‌فعه‌ت سمۆ، جێگرێ پارێزگارێ مووسل بۆ ئه‌ڤرۆ نیوز گۆت: (ل رێكه‌فتی 22/3/2020 كه‌سه‌ك کو هه‌لگرێ ڤایرۆسێ كۆرونا ل پارێزگه‌ها مووسل هات بۆ توماركرن كۆ ئه‌و كه‌س وێنه‌گرێ ئێك ژ كه‌نالێن عێراقی بۆ ل سعودیێ ڤه‌گه‌ریا بوو ژ بو مه‌ره‌ما عومرێ سه‌ره‌دانا وی وه‌لاتی كر بۆ پشتی ڤه‌گه‌ریایه دناڤ خێزانا خۆدا ده‌یك و باب و برایه‌ك و خویشكه‌كا وی ژی توشی ڤی ڤایرۆسی دبن دهێنه ره‌وانه‌كرن بۆ نه‌خوشخانا بۆ كۆرونایێ هاتیه دابین كرن دناڤ سه‌نته‌رێ باژێری).
ناڤهاتی خۆیاكر سه‌رجه‌مێ وان كه‌سا دبنه پێنج كه‌س نها دو ژ وان كه‌سا كو خووشك و برایه‌كێ وی كه‌سی پشتی چاره‌سه‌ری بۆ هاتیه كرن دوباره پشكنین بۆ هاتینه ئه‌نجام دان ئه‌نجامێن پشكنینێ دیار بوو كۆ وان هه‌ردو كه‌س چاره‌سه‌ر بووینه بۆ مالا وان هاتنە ره‌وانه‌كرن.
ناڤهاتی گۆت: (نها ژ وێ خێزانێ ب تنێ سێ كه‌س ماینه به‌لێ ره‌وشا وان یا باشه به‌رده‌وام چاره‌سه‌ری یا بۆ دهێتە كرن).
ئەڤرۆ نیوز:
هێزێن هەڤپەیمانیا نێڤدەولەتی یا ل دژی داعشێ دیار کرن کو بەرپرسێ لقێ داعشێ یێ ب ناڤێ رێکخراوا خوراسان ل ئەفغانستانێ ل گەل ١٩ تیرۆرستێن دی دوهی هاتنە دەستەسەر کرن.
هاتە راگەهاندن کو عەبدوللا ئوراکزای بەرپرسێ رێکخراوا خوراسان لقێ داعشێ ل ئەفغانستانێ هاتیە دەستەسەر کرن و ل گەل وی دا ١٩ تیرۆرستێن دی ژی خوە رادەستی هێزێن ئێمناهیێ یێ ئەفغانستانێ کرینە.
ئەڤرۆ نیوز:
وەزارەتا ساخلەمیێ یا ئیسپانیا راگەهاند کو د ماوەیێ ٢٤ دەمژمێرێن بۆری دا ٦٧٤ کەسێن دی ژ بەر کۆرۆنایێ جانێ خوە ژ دەست داینە و ب گشتی هەتا نها ١٢ هزار و ٤٢٨ کەسان ل ئیسپانیا ژ بەر کۆرۆنایێ جانێ خوە ژ دەست داینە.
ل ئالیێ دی ل ئیسپانیا هژمارا تووشبوویێن کۆرۆنایێ ژی گەهشتە ١٣٠ هزار و ٧٥٩ کەسان.
ئه‌ڤرۆ نیوز:
ئه‌ڤرۆ وه‌زیرێ ساخله‌میا حكومه‌تا هه‌رێما كوردستانێ راگه‌هاند: مه زوو بریارا قه‌ده‌غه‌یا دانانا تازیان دابوو، به‌لێ هنده‌ك كه‌س پێگیر نه‌بوون و بڤێ چه‌ندێ ژی ژماره‌یه‌كا زۆرا خه‌لكی ل هه‌ولێرێ توشی كورونایێ بوون.
د. سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ راگه‌هاند: د رۆژا ئێكێ یا ریب ری بوون و به‌رهنگاربوونا ڤایرۆسێ كورونایێ كۆ رێنمایی هاتنه ده‌رخستن، ل 23 هه‌یڤا ئێك و مه داخاز ژ وه‌لاتیان كر نه‌چنه جهێن قه‌ره‌بالغ پاشی ب بریاره‌كێ تازی ژی هاتنه قه‌ده‌غه‌كرن، جهێ داخێ یه پێگیر نه‌بوون بڤان رێنمایان و بوویه ئه‌گه‌ر32 حاله‌تێن توشبوونێ ب ڤایرۆسێ كورونایێ د وێ تازیێ دا ده‌ركه‌ڤن، تازیا دوێ ژی هه‌بوویه.
د. سامان به‌رزنجی ئه‌و چه‌نده ژی راگه‌هاند: ب ئه‌گه‌رێ بلند بوونا ژماره‌یا كورونایێ ل هه‌ولێرێ، پلانه‌كا نوو دێ بجه كه‌ین و نه‌خوشخانیه‌كا مه‌زنتر كۆ نه‌خوشخانه‌یا رزگاریه هاته ته‌رخانكرن، چونكۆ ژماره‌یا توشبوویان زۆر بوویه و نه‌خوشخانه‌یێن دی تژی بوون، ئاماژه‌یێن مه‌ترسیدار هه‌نه ژ بلند بوونا ژماره‌یا توشبوویان و داخازێ ژ خه‌لكی و وه‌لاتیان دكه‌ین پێگیر بن ب رێنمایان.
د.سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ دا زانین ژ ته‌ڤایا 233 حاله‌تێن توشبوونێ ب كورونایی 85 حاله‌ت ساخبووینه كو 62 ل سلێمانێ و 17 هه‌ولێرێ و 6 ل دهۆكێ، پێگیرنه‌بوونا وه‌لاتیان دێ پتر ڤایرۆسێ كورونایێ به‌لاڤ بیت و رۆلێ رێنمای و پشكنینان چ مفایێن خو نابن.
ئه‌ڤرۆ نیوز،له‌زگین:
رێڤه‌به‌رێ كارۆبارێن ئێزدیان ل پارێزگه‌ها دهۆكێ دیاركركو ده‌ست ب راگه‌هاندنا هه‌وه‌كا كۆمكرنا هارێكاریێن بۆ خه‌لكێ هه‌ژار و كێم ده‌رامه‌ت هاته كرن و دخوازێن ژ هه‌موو كه‌سێن خودان شیان هه‌ڤكاریی و پشته‌ڤانیا مه بكه‌ن.
جه‌عفه‌ر سمۆ، رێڤه‌به‌رێ كارۆبارێن ئێزدیان ل پارێزگه‌ها دهۆكێ دیاركركو دناڤ كه‌مپان دا ژده‌رڤه‌ی كه‌مپان ژی خه‌لكه‌كێ هه‌ژار و كێم ده‌رامه‌ت هه‌یه مه ڤیا وه‌كو جهه‌كێ فه‌رمێ یێ ئێزدیان ده‌ستپێشخه‌ربین بۆ ئه‌نجامدانا هه‌وه‌كا كۆمكرنا هارێكاریان پشتی ئه‌ڤ هاریكاریا دهێنه كۆمكرن دێ میكانزمه‌ك هێته دانان ب ئاشكرایێ هه‌موو هاریكارێ بگه‌هنه ده‌ستێ خه‌لكێ هه‌ژار و كێم ده‌رامه‌ت هه‌تا ئه‌ڤ ره‌وشا لسه‌ر خه‌لكێ مه دا ده‌رباز دبیت دێ هه‌موو شیانیێن خوه هه‌ولده‌ن هارێكاریان كۆم بكه‌ین وبداینه خه‌لكێ پێدڤیی.
خۆیا ژی كركو دگه‌ل راگه‌هاندنا ڤێ هه‌وا كۆمكرنا هارێكاریان ئه‌م بانگه‌وازیا خوه دگه‌هینه هه‌موو كه‌سێن ده‌وله‌مه‌ند و خێرخوازی و كه‌سێن خودان شیان دناڤ گه‌لێ مه دا بهێن ده‌ستێ هاریكاریێ دگه‌ل مه‌دا بۆ خه‌لكێ هه‌ژار و كێم ده‌رامه‌ت درێژ بكه‌ین وئه‌م هه‌موو پێڤه ببینه هه‌ڤكار و پشته‌ڤانیێن حكومه‌تا هه‌رێما كوردستانێ بۆ ده‌ربازكرنا ڤێ ره‌وشێ.
ئه‌ڤرۆ نیوز:
سه‌رۆك كۆمارێ ئیرانێ راگه‌هاند: وه‌لاتی وی دێ 11 ئه‌ڤێ هه‌یڤێ چالاكیێن بازرگانیی ده‌ست پێكه‌ت كۆ مه‌ترسیا به‌لاڤبوونا ڤایرۆسێ كورونایێ ل سه‌ر كێمه، ئه‌ڤه ژی د ده‌مه‌كی دایه ئیران ئێكه‌مین وه‌لاتێ رۆژهه‌لاتا ناڤینه كۆ زۆرترین زیان ب ئه‌گه‌رێ كورونایێ به‌ركه‌تی.
حه‌سه‌ن روحانی سه‌رۆك كۆمارێ ئیرانێ ئه‌و چه‌نده ژی راگه‌هاند: ل ده‌ستپێكا هه‌فته‌یا بهێت وه‌لاتێ وی دێ چالاكیێن بازرگانی ده‌ست پێ كه‌ت، كۆ مه‌رتسیا به‌لاڤبوونا كورونایێ ل سه‌ر كێمه.
سه‌رۆك كۆمارێ ئیرانێ دا زانین ئه‌ڤ بریارا حكومه‌تێ دژایه‌تیا رێنمایێن وه‌زاره‌تا ساخله‌میێ ب ڤه‌مانا وه‌لاتیان ل مالێن خودا ب مینن ناكه‌ت، به‌لكۆ ب هه‌ماهه‌نگی ل گه‌ل وه‌زاره‌تا ساخله‌میێ ئه‌ڤ كاره دهێته‌كرن.
ئه‌ڤرۆ نیۆز، عه‌زیز هه‌ورامی:
به‌ڕێوه‌به‌رایه‌تی ته‌ندروستی سلێمانی ڕایگه‌یاند، 11 توشبوی هه‌ڵگری ڤایرۆسی كۆرۆنا به‌ته‌واوه‌تی چاك بونه‌ته‌وه گه‌ڕاونه‌ته‌وه ماڵه‌كانیان.
دكتۆر سه‌باح هه‌ورامی به‌ڕێوه‌به‌ری گشتی ته‌ندروستی پارێزگای سلێمانی ڕای گه‌یاند، 11 توشبوی هه‌ڵگری ڤایرۆسی كۆرۆنا، به‌ته‌واوه‌تی چاك بوونه‌ته‌وه گه‌ڕاونه‌ته‌وه بۆ ماڵه‌كانی خۆیان و نه‌خۆشخانه‌یان به‌جێ هێشتووه.
له هه‌رێمی كوردستان تاوه‌كو ئێستا 232 كه‌س توشی كۆرۆنا بوون 85 توشبووی كۆرۆنا به‌ته‌واوه‌تی چاك بوونه‌ته‌وه كۆرۆنایان په‌ڕاندووه نه‌خۆشخانه‌یان به‌جێ هێشتووه، 3 توشبوی كۆرۆنا گیانیان له ده‌ستداوه.
ئەڤرۆ نیوز،عەلی حاجی :
دەرهێنەرێ کورد کامیران بێتاسی وەکو پشتەڤانی ل رێکارێن حکومەتا هەرێما کوردستانێ و زێدەتر خوە پاراستنا وەلاتیان ب ڤایروسێ کورونایێ و ماندی بوونا هێزێن نافخو و پێشمەرگە و پولیسێن هاتن و چوونێ و کارمەندێن ساخلەمیێ کلیپەک دروست کر.
زێدەتر کامیران بێتاسی ل دور کلیپا خوە دیار کر دڤێ کلیپێ دا داکوکی ل سەر زەحمەت و ماندیبونا هێزێن نافخو و پولیسێن هاتن وچوونێ و هێزێن پێشمەرگەیێ کوردستانێ و کارمەندێن ساخلەمیێ کری یە ژبەر کو ل دووڤ وان رێکارێن حکومەتا هەرێما کوردستانێ هاڤێتین هەتا نوکە رێکارێن باشن و شیایە وەلاتیان ژ ڤایروسێ کورونایێ پارێزن ژبەر کو دوژمنەکێ ڤەشارتی یە و بەروڤاژی ئەم یێ وەلاتێن زل هێز دبینن کا د چو رەوش دا دەرباز دبن .
گوت ژی : ل وەلاتێن بیانی ژبە رپاراستنا گیانێ وەلاتیان ژ ڤایروسی رۆژانە خەلکێ وان وەلاتن د مالێن خوە دا دەستان بۆ هێزێن ئەمنی و کارمەندێن ساخلەمێی لێدەن و رێزێ ل وان دگرن پێدڤی یە وەلاتیێن مە ژی هەمان کار ئەنجام بدەن ل مالێن خوە دا بمین داکو ئەو ژی رێزێ ل ماندیبونا وان بگرن.
نيشاندان