NO IORG
Twitter

110

ئه‌ڤرۆنیۆز، سالار دۆسكى:
سه‌رۆكێ فه‌رمانگه‌هێن نه‌حوكمى ل هه‌رێما كوردستانێ ئاشكراكر كو ئه‌و نه‌شێن پشته‌ڤانیا هه‌موو رێكخراوێن نه‌حوكمى بكه‌ن و دڤێت رێكخراوێن بڤى ره‌نگى دیتنا خوه‌ ب گوهۆرن.
ئه‌كره‌م جه‌مو، سه‌رۆكێ فه‌رمانگه‌ها رێكخراوێن نه‌حوكمى ل هه‌رێما كوردستانێ هێشتا بۆ مالپه‌رێ ئه‌ڤرۆ نیۆز گۆت: پێدڤى یه‌ رێكخراوێن نه‌حوكمى دوێ باوه‌رێ دابن كو قه‌یرانا دارایى و ئابوورى نه‌بیته‌ هۆكارێ وێ چه‌ندێ كو خوه‌ ب هه‌لوه‌شینت.
ناڤبرى گۆت: هه‌ر ده‌مه‌كێ پالپشتیا دارایى بكه‌ین، نه‌بوو هه‌موو رێكخراوانه‌ و دبیت مه‌ 100 پرۆژه‌ هه‌بن، ژ 2000 دێ پشته‌ڤانیا 100 رێكخراوا هێته‌كرن و دبینم ئه‌ڤ قه‌یرانه‌ نابیته‌ هۆكار رێكخراو خوه‌ ب هه‌لوه‌شینت، هه‌كه‌ دیتنا رێكخراوا وه‌رگرتنا پاران بیت ئه‌ڤه‌ دژى هه‌لویستێ رێكخراوانه‌، كارێ رێكخراوا خوه‌به‌خشه‌ و نابیت ل سه‌ر مللێن حوكمه‌تێ بن.
جهێ ئاماژه‌كرنێ یه‌ كول ل دووڤ ئامارێن فه‌رمانگه‌ها رێكخراوێن نه‌حوكمى ل هه‌رێما كوردستانێ هه‌تا 2200 رێكخراوان دتۆماركرینه‌ ل هه‌رێمێ

لۆگۆيێ حوكمه‌تا هه‌رێما كوردستانێ

ئه‌ڤرۆ نیوز:

حوكمه‌تا هه‌رێما كوردستانێ د سالڤه‌گه‌را 117 سالیا، سالڤه‌گه‌را ده‌رچوونا ئێكه‌م رۆژناما كوردى كو دبیته‌ هه‌لكه‌فتا رۆژا رۆژنامه‌ڤانیا كوردى، گه‌رمترین پیرۆزباهى ئاراسته‌ى سه‌رجه‌م میدیاكارێن كوردستانێ كرینه‌ و هیڤیا وێ چه‌ندێ خواستى یه‌ كو میدیاكار رۆله‌كێ به‌رچاڤ د گه‌شه‌پێدانا جڤاكى و سیاسى و فه‌رهه‌نگى یا جڤاكێ كوردى ببینن.
حوكمه‌تا هه‌رێما كوردستانێ د په‌یاما خوه‌دا دیسا دیاركریه‌ كو ئه‌و هه‌رده‌م خه‌مخورێن پاراستن و دابینكرنا وان مافێن ره‌وانه‌ كو دڤێت میدیا وه‌ك ده‌ستهه‌لاتا چوارێ خودانێ وێ بیت و به‌رده‌ستكرنا ئازادیا راده‌ربرینێ و ئازادیا میدیایى، وه‌ك ئه‌ركه‌كێ یێ سه‌ره‌كى یێ به‌رنامى َحوكمه‌تا هه‌رێما كوردستانێ دبینین.

ئه‌ڤرۆ نیوز: ڤه‌ده‌ر ره‌شاڤایی:
پشتی به‌لاڤبوونا نووچه‌یێ بگرانی برینداربوونا سه‌ركردێ داعش ئه‌بۆبه‌كر ئه‌لبه‌غدادی ل ئیراقێ، وه‌زاره‌تا به‌رگرییا ئه‌مریكا پێنتاگۆن ئاخڤتنا خوه‌ لسه‌ر ڤێ یه‌كێ كر.
كۆلۆنێل ستیڤ وارێن په‌یڤدارێ پێنتاگۆن راگه‌هاند كو هێزێن ئه‌مریكی نه‌ د وێ باوه‌رێ دانه‌ كو به‌غدادی ب چ شێوه‌یه‌كی بریندار ببیت.
وارێن گۆت ژی كو چ ئاماژه‌ بۆ برینداربوونا به‌غدادی نینه‌ د هێرشێن ئاسمانیێن هه‌ڤپه‌یمانان دا.
تێ زانین ئه‌ڤرۆ رۆژناما گاردیان یا بریتانی وه‌سا به‌لاڤكربوو كو سه‌ركردێ داعش ب گرانی برینداربوویه‌ و ئێدی وه‌ك سه‌ركرده‌ نه‌شێت كارێن وێ رێكخستیا تیرۆری برێڤه‌ ببه‌ت.

ئه‌ڤرۆ نیوز،زنار تۆڤى:
رێكخستنا جهێ خواندنێ:
خواندن دێ بساناهیتر بیت ئه‌گه‌ر هه‌رده‌م په‌رتووكێن مروڤى دكومكرى بن،هه‌روه‌سا بره‌نگه‌كێ رێكوپێك درێكخستى بن،ئه‌ڤه‌ژى دێ وه‌كه‌ت كو جهه‌كێ زێده‌تر هه‌بیت بۆ خواندنێ د ژوورا ته‌ڤه‌ یان لسه‌ر مێزا ته‌یا خواندنێ،ئه‌وژى ژ بیرا ته‌ نه‌چیت كو نه‌ بتنێ تو به‌لكى هه‌ڤالێن ته‌ و ماموستایێن ته‌ یان ژى ده‌یبابێن ته‌،دئاماده‌نه‌ هاریكاریا ته‌ بكه‌ن،ئه‌گه‌ر ته‌ پرسیار هه‌بن بۆ وێ چه‌ندێ كو ئه‌و تشتێن لده‌ف ته‌ دگرانن بۆته‌ بساناهى بكه‌ن.
پرسیاركرن:
هه‌رده‌مێ ته‌ پرسیار هه‌بیت ژ ماموستایێ خو بكه‌ د ده‌مێ وانه‌گوتنێ دا،هزر ل وێ چه‌ندێ نه‌كه‌ كو به‌رى هنگێ به‌رسڤا ئه‌وێ پرسیارێ هاتیه‌ دان،چونكى دبیت ب دووباره‌كرنا وێ باشتر تێبگه‌هى.
ئارامیا جهێ خواندنێ:
پێدڤیه‌ جهێ خواندنێ جهه‌كێ ئارام بیت و دوور بیت ژ قه‌ره‌بالغێ و ده‌نگه‌ ده‌نگێ
خواندنێ وه‌ك ئێشه‌كێ نه‌دانه‌:
وه‌سا مامه‌لێ دگه‌ل خواندنێ نه‌كه‌ وه‌كى ئێشه‌كێ زیانێ ل ته‌ بكه‌ت،به‌لكى وه‌ك ژێده‌ره‌كێ بۆ فێربوونا زانیاریان مامه‌لێ دگه‌ل بكه‌،چونكى ئه‌ڤه‌ بۆ به‌رژه‌وه‌ندیا ته‌بخۆ یه‌ نه‌كو كه‌سه‌كێ دیتر.
كه‌سه‌كێ ئه‌رێنى به‌:
ده‌مێ تو په‌رتووكێ ڤه‌دكه‌ى و ده‌ست ب خواندنێ دكه‌ى هزر ل وێ چه‌ندێ بكه‌ كو ئه‌ڤ فێربوونه‌ چاوا دێ هاریكاریا ته‌ كه‌ت؟،د پاشه‌روژا ته‌دا،ئه‌ڤ خواندنه‌ بۆ باشتركرنا ژیانا ته‌ بخۆیه‌ و قه‌د نابیت بێژى ئه‌ز ده‌رناچم یان سه‌رناكه‌ڤم،هه‌مى گاڤا بۆ پاشه‌روژه‌كا گه‌ش پێنگاڤان بهاڤێژه‌.
نه‌ترسه‌:
گه‌له‌ك كه‌س بتنێ ب به‌رێخودانا بابه‌تان یان په‌رتووكان دترسن،ئه‌و تشتێ وه‌لته‌ دكه‌ت ئه‌و ترسه‌ و دڤێت تو وێ ترسێ ده‌ربكه‌ى و دگه‌ل وێ چه‌ندێ بچى و هه‌ول بده‌ى بۆ سه‌ركه‌فتنێ ب سه‌ر وێ ترسێ دا،چونكى خواندن دبیته‌ ئه‌گه‌رێ بده‌ستڤه‌ ئینانا پاشه‌روژه‌كا گه‌ش.

93

ئه‌ڤرۆ نیوز، بیستر دهوكى:
ئێكه‌تیا ته‌پا پێێ یا عیراقێ یا پێكولا دكه‌ت ل چه‌ند رۆژێن بهێت یاریگه‌ها خوه‌ یا نوو ده‌ست نیشان بكه‌ت بۆ كرنا یاریێن خوه‌ یێن ڤاڤارتنێن موندیالا 2018 ئه‌وا بریاره‌ ل هاڤینا ئه‌ڤ ساله‌ بهێنه‌ كرن كو چار وه‌لات به‌ربژاركرى نه‌ ئه‌وژى ئیران، قه‌ته‌ر، ئیمارات و ئوردون.
ل دویڤ ده‌نگو باسێن جاده‌یا وه‌رزشى ل عیراقێ ئێكه‌تیا ته‌پاپێى یا بزاڤا كه‌ت یاریگه‌ها خوه‌ بۆ یاریێن هه‌لبژارتیێ عیراقێ ل وه‌لاتێ ئیرانى ب هه‌لبژێریت ژبه‌ركو ئه‌ڤ وه‌لاته‌ ژ هه‌ر وه‌لاته‌كێ دى نێزكتره‌ و ب سانه‌هیتره‌ پشته‌ڤانێن عیراقێ لێ ئاماده‌بن و دبیت یاریگه‌ها ئه‌هواز بهێته‌ هه‌لبژارتن.
هه‌ژى گوتنێ یه‌ هه‌لبژارتیێ عیراقێ دكه‌ڤتیه‌ د كوما شه‌شێ دا ئه‌وژى پێكهاتى نه‌ ژ هه‌لبژارتیێن ئه‌ندونسیا، فیتنام، تایله‌ند و چین تایبى .

101

ئه‌ڤرۆ نیوز، ملله‌ت جه‌مال:
د چارچووڤێ یاریكرنێن حه‌فتیا دویێ ژ خولا پله‌ دویا هه‌رێما كوردستانێ تیما ته‌پا پێى یا ئاكرێ شیا برینێت خوه‌ سارێژ كه‌ت ده‌مێ ئه‌ڤرۆ شیایى سه‌ركه‌فتنێ لسه‌ر جیرانا خوه‌ تیما ته‌پا پێى یا به‌رده‌ره‌ش توماربكه‌ت د یاریكرنا وان دا ئه‌وا ل یاریگه‌ها ئاكرێ هاتیه‌ كرن.
دڤێ یاریێ دا ئاكرێ نیازێن سه‌ركه‌فتنێ هه‌بوون ب تایبه‌ت پشتى ل حه‌فتیا بورى توشى خوساره‌تیه‌كا گران بووى له‌ورا ڤێ حه‌فتیێ بتنێ وان سه‌ركه‌فتن ئارمانج بوو .
ئه‌ڤه‌ دبیته‌ خوساره‌تیا دویێ یا تیما به‌رده‌ره‌ش له‌ورا دبیت ئه‌ڤ ئه‌نجامه‌ خراب لسه‌ر راوه‌ستن د یاریێن بهێت تایبه‌ت كو خولا پله‌ دوو ئێك قوناغه‌ و قه‌ره‌بووكرن تێدا نینه‌.

ئه‌ڤرۆ نیوز:

لیوا روكن عه‌بدولا نه‌جم جبورى، فه‌رماندێ نوو یێ پرۆسا سه‌ربازى یا نه‌ینه‌وا ئاشكراكر ئه‌و هێزا كو دێ پشكداریێ د كونترولكرنا مووسل دا كه‌ت، یا به‌رهه‌ڤه‌ و چاڤه‌رێى فه‌رمانا گشتى یا چه‌كداران دكه‌ت.
دداخویانیه‌كێ دا بۆ رۆژنامه‌ڤانان لیوا روكن عه‌بدولا نه‌جم جبورى هێشتا گۆت: ئه‌و هێزا سه‌ربازى یا كو دێ پشكداریێ د پلانا كونترۆلكرنا مووسل دا كه‌ت، هێزه‌كا تایبه‌ته‌ و راهێنان پێ هاتینه‌ كرن و ژ هێزه‌كا هه‌لبژارتى نه‌، تا نوكه‌ پشكدارى د چ ئوپه‌راسیونان دا نه‌كرینه‌ ژ وان ده‌ڤه‌رێن كو سوپایێ عیراقێ ئوپه‌راسیون لێ ئه‌نجام داین.
ئاماژه‌ ب وێ یه‌كێ ژى كر ئه‌و هێزا بۆ رزگاركرنا مووسل هاتیه‌ به‌رهه‌ڤكرن، نووتریك چه‌ك و كه‌ل و په‌لێن سه‌ربازى ڤێنه‌.
لیوا روكن عه‌بدولا نه‌جم جبورى رژدى ل سه‌ر وێ یه‌كێ ژى كر كو ئه‌و چاڤه‌رێى ده‌مژمێرا سفر دكه‌ن كو ژ ئالیێ فه‌رماندێ گشتى یێ هێزێن چه‌كداران ڤه‌ دهێته‌ دیاركرن.
.

ئه‌ڤرۆ نیوز:

زانا نه‌شیان جورێ ڤى گیانه‌وه‌رى ده‌ستنیشان بكه‌ت كو ل ناڤ ده‌ریایه‌كا چینى هاتیه‌ دیتن.
ئه‌ڤ گیانه‌وه‌ره‌ ل ئاڤێ و ل سه‌ر ئه‌ردى دژیت و ژ ئالیێ وه‌لاتیه‌كێ چینى ڤه‌ هاتیه‌ دیتن كو وێنێ وه‌حشیا دده‌ت

93

هه‌ژار مه‌عروف:
هه‌لبژارتیێ عیراقێ یێ ته‌ پا پێێ بۆ خوبه‌رهه‌ڤكرن بۆ ڤاڤارتنێن موندیالا 2018 ل روسیا چاڤه‌رێ دهێته‌كرن ل 11/6/2015 ل باژێرێ یوكوهاما یێ ژاپونى یاریه‌كا هه‌ڤالینى ل گه‌ل هه‌لبژارتیێ ژاپون بكه‌ت د چارچوڤێ خوبه‌رهه‌ڤكرن بۆ هه‌ردو هه‌لبژارتیا.
كامل زغیر ئه‌ندامێ ئێكه‌تیا ته‌پا پێێ یا عیراقێ دیاركرى یه‌ داخوازیه‌كا فه‌رمى گه‌هشتى یه‌ ئه‌وان ژلایێ كومپانیه‌كا دروستكرنا یاریان و هه‌ردو لایه‌ن رازیبوونا ل سه‌ر ئه‌نجامدانا یاریێ دیاركرینه‌ و بریاره‌ ئه‌و به‌رى یاریێ ب حه‌فتیه‌كێ به‌ره‌ڤ وه‌لاتێ یابان بچن بوو دانا كه‌مپه‌كا راهێنانى ل وى وه‌لاتى ژبه‌ركو ئه‌و هه‌لبژارتیێن كه‌تینه‌ دناڤا كوما وان دا هه‌موو ژ رۆژهه‌لاتا ئاسیا نه‌.

website security
WP Facebook Auto Publish Powered By : XYZScripts.com